09:33 AM September, 14 2021 سودانيز اون لاين علي عبدالوهاب عثمان-جدة مكتبتى رابط مختصر
من أجمل الاغاني بصوت الفنان ميرغني النجار صوت جميل ورائع وكمان مصحوب بإبتسامة لقد زارنا في مدينة جدة قبل سنوات جهزنا له جلسة فنية بإسم رابطة دنقلا الكبرى الجلسة كانت في جمعيتكم وفي البغدادية جمية ابناء (بنا) لأن فيها جلسة واسعة .. الرجل رائع وصوته جميل جداً وخاصة بدون ميكروفون قمة الابداع ..يوم امس في قناة الشمالية ( دنقلا ) مجموعة من الشباب والشابات ( كورال ) يرددوا نفس الاغنية ( ديل أهلي ) ولكن احياناً هناك تشويه زي ( كده لحن مصري ) .. لماذا هذا التغيير في اللحن ؟ هل من الضرورة أن يكون المستمع له خلفية عن علوم الموسيقى ليطرب لهذا اللحن بعد التبرير العلمي (لأن الطرب معايشة ولحظي ) يعني اللحظة لو فاتت لا يمكن أن أرجع وأطرب بعد تبرير الموسيقين حتى اغنية خليل فرح عزة في هواك ( تغيير في اللحن ).. يتعرض لنفس
عكس اغنية انا افريقي أنا سوداني .. هم مجموعة مع شرحبيل .. واحدة مغربية صوتها جميل ( صوت سوداني)
سلام عمنا علي عبدالوهاب الأغنية من اروع الاغاني، لحنها وغناها ميرغني النجار منفرد وغناها وسط فرقة تماسيح الحامداب. وتعجيبني أكتر عند الفرقة. الاغنية إتغنت برضو بألحان مختلفة من اليمني وعبدالرحمن بلاص، لكن تلحين ميرغني النجار تفوق عليهم كلهم. ميرغني النجار مولود في مساوي محل ما اتولد السيد علي وشايل البركة من مكان إتولد.
شكراً ليك على البوست وشكراً للفنان ميرغني النجار وفرقة تماسيح الحمداب وقبل ذلك الشكر للشاعر اسماعين ود حد الزين. قبل ما يجيك الفنان أحمد ياسين نخت بياضنا
09-14-2021, 11:13 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا حافظ يا جميل شكرا كثير كثير حبيبنا حافظ ربما نحن مزاجنا من الزمن الماضي لا نستطيع مجاراة بناتنا الحلوات ديل .. وأولادنا الجميلين لكن بصراحة ميرغني النجار مبدع وهو معرفة وصديق تعارفنا به في مدينة جدة اثناء زياراته صوته أجمل عندما تسمع إليه مباشرة ديل أهلنا الشايقية عشنا معاهم فترة جميلة في نوري الغويبة ( كنت معلم هناك) آه يا زمن أجمل الالحان والاصوات عندهم
الغربية ميرغني النجار الابتسامة لا تفارقه أبداً وحتى هو يغني هي تلقائية وليست مصطنعة
المشكلة جيلنا ده عايز كل شيء على مزاجه انا متعاطف جداً مع المجموعة ديل زي بناتي وأولادي
بس المهم اللحن كمان
ديل أهلي وعزه في هواك
تحياتي الحبيب حافظ
09-14-2021, 11:18 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
حتى في الاغاني النوبية التراثية اسمر اللونا آمنه بروشوت بدأ الفنانين الشباب يدخلوا نفس طريقة اللحن الحان من اكثر 200 سنة وهي ثابتة في وجدان الناس بالطمبور ..
احتمال الالات الجديدة .. بعدين في صراخ شديد .. توقف عند منتصف الاغنية والسماح للاورغن بإكمال باقي الشطر ..
رحم الله وردي عندنا يردد اسمراللونا .. شيء فوق قدرة البشر .. غير عادي وبنفس اللحن وبدون أي تعديل ..
09-14-2021, 11:15 AM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
علي عبدالوهاب وشركاه.. مولانا حافظ واخونا محمد قادينتود.... بياض مولانا... مع الكورس والطبلة ايقاع شايقي صرف واداء سريع ..ببياض محمد قاضي طمبور فقط.... وفيهو قدرات وامكانات صوت النجار واضحة مشكورين على النماذج. الاغنية هي لمن دائري .. يعني ترديد كوبليهات مختلفة بنفس وتيرة اللحنLooping يعني دا كان بخلق نوع من الرتابة والكاشف واحمد المصطفى كسروا هذه الرتابة. زي ما عمل احمد المصطفى كسرة الجاغريو في ( اخبو واحب نوناتو ... نوناتو الفي وجناتو ) في ( يا بنت النيل ).... والغناء الكورالي يتسم باعادة توزيع موسيقى لاغاني ولاعمال معروفة لكن مع الحفاظ على اللحن الاساسي.
09-14-2021, 12:43 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا محمد قاضي .. سيرناقمي يا سلام على الروعة .. صوتو جميل ورائع استضفناه في جدة مرتين ( رابطة ابناء دنقلا الكبرى) آخر مرة في كان جمعية ( ابناء بنا )
تحياتي يا جميل
09-14-2021, 12:48 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
استاذنا علي .. يديك العافية .... انت فتحت لينا نافذة نطل عبرها على بعض التشوهات الاصابت اعمال خالدة وراسخة في وجدان الناس.... دون دراسة او وعي لكن كورال كلية الموسيقى والدراما ..... عمل توزيع مدروس وقاموت بيهوا اساتذة في التاليف والصوت وحافظوا على الهيكل اللحني للعمل الفني عشان كدة اي اضافات خارج اطار االحن الاساسي ...وودون دراية كافية بيعتبر تشويه وانتقاص و
09-15-2021, 07:40 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
فنانا الجميل احمد تحياتي .. زمان كان في فنانين للنخب فقط كما ذكرت من قبل أذكر وردي ومع علي ابراهيم وأبوعركي كانوا في زيارة لمنطقتنا من ارقو الى كرمة .. وردي طبعاً ما في كلام على ابراهيم جذب الناس آخر اندماج .. المشكلة كانت مع الجميل أبوعركي اذكر كان في قمة الوسامة وعندما غنى اغنية بكرة أهديك دبلة الحب والخطوبة لم يعجب عامة الناس بالنوبية بدأوا بالتعليق ( ووو همد أرقي ) يقصدوا ( حمد عرقي ) كان رجل صوته ما حلو في الفاصل جاء وردي وخاطب الناس بالنوبية ( ده حيكون احسن فنان في السودان ) الكلام تقريباً عام 1967م .. كان أبوعركي يستمع إليه النخب ولكن خاصة عندنا كان يبدو غناءه غريب على اسماعنا في ذلك الوقت
غير اغاني وردي .. كان ابراهيم عوض لديه عشق خاص .. وكذلك صلاح بن البادية ( الليله سار يا عشايا) كانت خاصة بالفتيات .. واغنية من قساك لابراهيم عوض عادي جداً تلقى الترابلة كان يرددوها
تحياتي الحبيب احمد وشكرا على حضورك الجميل
09-15-2021, 07:57 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
كان بالنسبة لهم اللحن أولاً ثم الطرب وبعد ذلك الكلمات مع أنها لم تكن مفهومة لدى الكثيرين من العامة ربما هذه تنطبق على كل ضواحي الدنيا في السودان غير المدن كان مثال ابراهيم عوض .. التربال على ظهر الحمار يردد اغنية مين قساك وبطرب واندماج عالي جداً رحم الله هؤلاء جميعاً
أنا أقصد : هل هناك اغنيات تحتاج الى شرح ثم الطرب ؟
شكرا فنانا الجميل احمد ..
09-15-2021, 12:27 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
استاذ الجميع علي عبدالوهاب كلام رفيع .رفعة مقامك محمد احمد عوض في اغنية .. بقول " اخواني الجميع اصتنتو قولي و بحكي " طيب انتشار الاغنية رغم كان الرادي هو الوسيلة الوحيدة.. والسبب الاهم هو ( اللحن ) والايقاع.. لحن خفيف سريع راقص خفيف على القلب واللسان...وبساطة المفردة ... حتى لغير الناطقين بالعربية زينا نحن كدة.... وابراهيم عوض كان رمز الحفلات والوسامة والرقص.... واستلاب القلوب....ييعني اذا جبت فنان يغني في الحفلة ( تباريح الهوى) او اغنية فصيحة.... ممكن الفنان .. يتفلق بى عكاز ابراهيم عوض كان يملأ المسرح عنفوانا وطربا وﻻقصا وحيوية وحبا وجمالا مع ايقاع البنقز... والباص جيتار....وكان ( بصرخ) مرات بطريقة تثير جنون القاعدين في مسرح سينما امدرمان الوطنية. تعرف يا عم علي وردي طالما جاب معاهو ابوعركي معناتا عرف قيمة عركي طبعا وردي كانت مشكلته مع ( سيد خليفة ).. ما ابالغ لو قلت ان وردي هو اعظم فنان واعظم ملحن في التاريخ.
09-15-2021, 12:31 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة