اليوم الصباح صدفة جاء ماري من امامي وقال لي السلام عليكم رديت السلام وثواني كدة عشان الكمامة قلت ياهو ولا ما ياهو؟؟!! ناديتوا عادل .. عادل وقف مشيت عليهو والله كنت عايز اجري جري .. وانا بين مصدق ومكذب انه الواقف دا عادل الصديق الفنان ..وصلت عنده طوالي قلت ليهو بداية انا اشكر الله انه قابلتك بعد الغيبة دي ..طبعا هو ماعرفني
10-11-2020, 01:36 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
والله فرحت فرح في الدنيا دي قلت ليهو اول شىء انت المفروض تقود أي تطور للموسيقى في السودان وتلعب دور كبير في الغناء والموسيقى السودانية كمؤلف موسيقى .. عادل طبعا كان ولا زال انسان خجول ورقيق جدا جدا كان بهمهم بكلمات .. قلت ليهو انا متذكر اول يوم قابلتك فيهو انا كنت صغير وبجي معهد الموسيقى والمسرح في العمارات وبحضر النشاط كان بالليل وانت كنت في اليوم داك فوق المسرح وبتغني (بتتعلم من الايام) يوم 12 /7 وفي رمضان والحقيقة انا استمتعت جدا بطريقتك في عزف العود وبإدائك
10-11-2020, 01:49 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
كل الناس المروا بمعهد الموسيقى بيعرفوا عادل دا ، صراحة صوت جميل بصورة غريبة بغني بصورة عجيبة وعنده تكنيك في عزف العود ما سمعت زي هذا التكنيك الا عند (احمد ربشة) وبصورة شبيهة عند (مجاهد عمر) انا من شدة الفرح .. اتخيلوا زول بهذا الجمال والابداع المتناهي ومن اكثر الناس علما وخُلقا وتواضعاً واقف قدامك وهو بالنسبة لينا استاذ كبير جدا .. دا تقدر تقول ليهو شنو بس ؟
10-11-2020, 01:56 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10330
عادل الصديق فنان و موسيقي من طراز خاص و صاحب حنجرة متميزة لم اندم على شئ غير عدم مقابلته كنت انتج سهرات للتلفزيون من الرياض مع فريق عمل كلهم من المقيمين في الرياض و عادل وقتها كان في مدينة جدة , و معه الفنان الرائع الطيب عبد الله كان صعب اننا نمشي جدة لإنتاج سهرة تلفزيونية و صعب الأمر حينها على عادل و الطيب في الحضور الى الرياض لكن كانت ستكون سهرة من أروع السهرات
10-11-2020, 02:24 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2725
Quote: عادل الصديق فنان و موسيقي من طراز خاص و صاحب حنجرة متميزة لم اندم على شئ غير عدم مقابلته كنت انتج سهرات للتلفزيون من الرياض مع فريق عمل كلهم من المقيمين في الرياض و عادل وقتها كان في مدينة جدة , و معه الفنان الرائع الطيب عبد الله
يا سلام يا خضر يا الخبير .. طبعا الطيب عبدالله والراحل عبدالعزيز المبارك كانوا حضورا زاهيا في جدة انا برضو سالت عادل عن السهرة العملها معاهو زميل البورد الاخ سيف الدين عيسى مختار وقلت ليهو سيف دا لم فيك كيف ؟ والسهرة عرضت في قناة هارموني
10-11-2020, 02:44 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: تصدق انا زاتو فرحت ليك ... فعلآ إحساس جميل كونك تقابل زول بعد فترة... فما بالك اذا كان فنان. التحية عبرك للأخ والصديق والدفعة "د. النور حسن " وهو يواصل في رحلة ابداعه مع "كورال" كلية الموسيقى.
اللقاء رغم انه ما كان طويل .. وكان عابرا لكنه كان رمزا عبقريا والله استحضرت فيهو كل ابداعات وعبقرية هذا الفنان ..تخيل انك تكون بتفتش على زول وانت عارف موهبته وخلقه وطيبته وانسانيته وعنده طريقة (كبرى) في السلالم على العود وفجأة تلقاهو مر من جنبك وسلم عليك وانا كلمته قلت ليه والله انا ايام الحج في (منى) احد المسرحيين قال انك بتعمل مع البنك الاسلامي وانا فتشت عليك منىكلها
10-11-2020, 03:52 PM
ترهاقا ترهاقا
تاريخ التسجيل: 07-04-2003
مجموع المشاركات: 8423
عادل الصديق حبسته الميديا السودانية في اطار محمد الامين لتقارب الصوت و ايضا طريقة العزف على العود كم تعلم .. و اعتقد عادل نفسه استسلم لذلك حينا من الزمان ..
معظم اللقاءات تحصره في اداء اغاني محمد الامين و عادل صاحب امكانيات مهوله ..
تزامن مع حبس الميديا وجود الكيزان على سدة الحكم و كلنا يعرف دورهم في هدم الابداع و المبدعين ..
عادل حتى حينما يغني للاخرين يضيف بصمته البديعه على العمل ..
تحياتي لك و من خلالك للجميل عادل الصديق ..
10-11-2020, 06:50 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: هل هو موجود لسع في جدة؟ عادل الصديق دفعتي في المعهد ورفيق درب يعني ما كنا بنتفارق ، والتحايا عبرك إلى صديق الزمن الجميل
نعم موجود في جدة.. يا سلام ياخ انت وعادل دفعة دي بقت composer vs musician والله يا استاذي انا وهو واقفين وبنتكلم شعرت انه انا واقف امام احد الاساطير لان اسلوب عادل في التعامل وفي الكلام حتى في حركة يديه وفي صوته وفي طريقة نظرته ليك وفي الهدوء والفهم كل الاشياء دي بتعطيه بعدا ثالثا اعتبر سلامك وصل
10-11-2020, 07:18 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
انت بالذات اذا تقابلنا حابدا ليم بى محمد المكي ابراهيم عشان ارجعم لى صباك ايها الشاب يسخو الفؤاد ويغتنى فيضاً من البهج المريح بساعةٍ تحتاطنى فيها سواعدكم وأمدد نحوكم كفِّى عريانين إلا من معزَّتكم وحب عيونكم يدشِّن الشُّرف الجديدة فى فؤاد فتاكمو ** اما عادل الصديق فهو كان ملاكاً حين شق صدرى غاسلاً بلؤلؤ الندى فؤادى بلؤلؤ الندى و التموجات فى الصدى فؤادى حين اصطفانى شاهدا وولداً ووالدا و خاطراً فوق محال الوعد و المعاد
10-11-2020, 07:27 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
يحي باشمهندس التفانين وقائد فيالق الابداع المكتسحة امدرمان من الناحية الغربية للنيل
Quote: عادل الصديق حبسته الميديا السودانية في اطار محمد الامين لتقارب الصوت و ايضا طريقة العزف على العود كم تعلم .. و اعتقد عادل نفسه استسلم لذلك حينا من الزمان .. معظم اللقاءات تحصره في اداء اغاني محمد الامين و عادل صاحب امكانيات مهوله ..
صحيح انت جبت الكلام الانا كنت حاقوله.. وانا ذكرت تقريبا نفس الفكرة دي لى عادل وقلت ليهو انت بالذات كان متوقعين ليك دور كبير جدا في خارطة الغناء السوداني .. وفي التوزيع وفي الميلودي والهارموني ، لكن الغربة اخدتك يا استاذي وبقيت زينا (ناس معايش)
10-11-2020, 07:47 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: من اجمل اللحظات لقاء الأصدقاء والزملاء بعد طول الغياب. هنيئا لك بهذه اللحظات الجميلة.
فعلا يا عارف وفي الدنيا دي في اصدقاء مهما طالت سنوات الغياب لكن ما بغيبوا عن الذاكرة مرة ياعارف في مبنى (الشرق الاوسط) ، حاليا (الإليزيه) الكنت اعمل فيه انا واخي الكبير في واحد اول ما يشوفني في الامصعد يربع يدينو ويعاين لي ويقول (و الله لكن ،،حاجة غريبة ياخ) ومابزيد حرف واذا اتقابلنا في المواقف يقول (ايييه دنيا حاجة غريبة ياخ) ويضرب كف بى كف .. اخوي قال دا مالو معاك؟ قلت ليه والله الزول دا انا مشبهو وشاكي انه اتقابلنا ، المهم كل ما يشوفني يقعد يربع يدينو ويحوقل ويهز راسه ويقول بى صوت واضح وهو بعاين لي ( حاجة غريبة ياخ ... دنيا) في يوم بعد ما عمل عملته دي قال لي اسمع يا (احمد ياسين) انا (عادل صالح) من الشعبية وقريت معاك الثانوي من اولى بقعد جنبك ووووو وانت زول ماعندك خوة ولا عشرة وذاكرتك انتهت مافيها غير العود والكمنجة ياخي حرام عليك اتريض ياخي ونوم بدري ولازم تاكل جزر وتشرب حليب لتقوية الذاكرة،طبعا اخوي مات بالضحك وقال ليهو كلامك صاح ، و ما خلا زول في جدة ولا السودان ما حكي ليهو الموقف الحصل لي المهم انا قلت ليهو كيف ياخ وحضنا بعض مرت السنوات لقيتو في القنصلية بعمل توكيل ولا تجيديد ما عارف ، طوالي مشيت عليهو ورافع يديني فوق عشان اسلم عليهو بالاحضان (اووووووه اخونا عادل صالح) ، قام ارتبك كدة ووشو اتغير ولقيتو نساني كلو كلو ، وسلم علي سلام خجل كدة قلت ليه مالك ؟ ماعرفتني؟!! قال لي والله شكلك ما غريب علي لكن بس الاسم رايح لي قلت ليه نعم ؟؟ اسمي رايح ليك ؟؟ دقيقة امشي اجيب ليك جزر وحليب المراعي واجيك عشان تتذكر
10-12-2020, 04:43 AM
bakri abdalla bakri abdalla
تاريخ التسجيل: 10-09-2003
مجموع المشاركات: 1958
Quote: مهما نحاول إيجاد مبرر لتقصير مبدعينا لا سبب سوى لعنة الخليج تم تجفيف معظم العقول
كابلي ما قدر يقعد في الخليج ولخص الغربة في الخليج بانها حضور وزوال اخونا المبدع مجاهد عمر برضو قال لقيت نفسي بضيع قلت الحقها تخيل يا بكري والكلام دا حاقوله رغم صعوبته المتناهية لكن عشان الناس تعرف الفنان الكبير المبدع الطيب عبدالله .. هذا الانسان الجمييل والاستاذ والمربي والفنان حصلت ليه ظروف قاسية جدا مع الكفيل ونظام الاقامة .. اوصلنا الامر الى القنصلية في جدة هل تصدق بعد معاناة قدموا تقريبا (3000) ريال .. اخونا المشرف على اكرام هذا المبدع قال لنائب القنصل (دا ياهو ثمن مبدعينا؟) خلي قروشكم معاكم احسن وخرج غضبان وقام بالامر بنفسه وسافر الفنان معززا مكرما دون اي مساعدة من القنصلية ..
10-12-2020, 11:26 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: زول بالإمكانات دي ليه ما عرفناه من زمان وناس زعيط ومعيط وحسن محجوب على ملء السمع والبصر
عادل بيغني الاغنيات الكبيرة بكل اتقان ، برضو متخصص في اغاني عثمان حسين عارف يا عبدالصمد ناس زعيط ومعاهم حسن محجوب البهدلوا الحقيبة بالرق ديل مغنيين (الجيرتق)
10-12-2020, 12:28 PM
عمر نملة عمر نملة
تاريخ التسجيل: 11-08-2009
مجموع المشاركات: 2550
Quote: قابلت مجاهد في غربتي...حنجرة ذهبية..يعزف بإتقان ذهبت من صوت وابداع الصديق عادل...غريبة ما سمعت بيه حقيقة يصنف في القمة...شكرا للفت الانتباه له
طبعا مجاهد اتخصص صوت وعود ومن فترة كان بيعزف يوميا في احد الفنادق الكبيرة في الخرطوم تمشي تسمع وتستمتع .. .. عادل دفعة استاذنا وحبيبنا الفنان احمد محمد عثمان ساطور (ترهاقا) ديل ناس التأليف الموسيقى وكان استاذ التاليف الموسيقى مستر(اوشانفو) من اشد المعجبين باجوز دا طبعا مستر (اوشانفو) كانت له تجربة متفردة ورائعة في التوزيع لانه صاحبها (الكورال)
10-12-2020, 03:31 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: واكاد أُجزم وأُأ كّد ان كل افراد الاسرة تعزف على العود وبجودة مباااالغة - ما شاء الله تبارك الله رجل مُبدع بحقق وحقيقة ولكن الذى يحيرنى لماذا ابتعد عن الساحة ؟؟؟!!! اتمنّى ان يظهر ويبان ... فهو رجل عملاق
شكرا على المعلومات الحلوة دي واكيد شخص زي عادل دا نتاج اسرة موهوبة بالفطرة والطيبة واساتذته كانوا بتنبأوا ليهو بمستقبل واعد في خارطة الغناء السوداني وفي التوزيع والتاليف وتخيل يا انور الاساتذة الكوريين مستر (كيم ) ومستر (اوشانفو) كانوا معجبين بصورة عجيبة بى صوت (سمية حسن) السوبرانو .. وتوقعاتهم انها حتكون الفنانة رقم واحد في السودان وكانت مغنية الكورال الرئيسية عادل اخذته الغربة ماخذا غريبا.. وبعيدا عن مكانه الطبيعي وموهبته التي تدهش
10-12-2020, 03:38 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
وانا بتكلم جبت سيرة استاذنا الجميل درس صوت وبيانو زميل البورد (عبدالعزيز خطاب) واستاذنا الكبير (د. يوسف الموصلي) سمعته بقول (يا سلام يا سلام) بطريقة كأنه بسمع اغنية بلحن جميل وليست اسماء. وفعلا زي ما كلمته انك ياعادل اثرت فينا جدا وعبرك انت وبحبنا الكبير جدا ليك اتغيرت مفاهيمنا في الموسيقى وفي السلوك وفي الحياة حتى تعاملنا في البيت او مع الناس فيه نوع من الحب والود والتقدير .. والله يا جماعة في الحتة دي لقيتو شبك اصابعينه الاتنين وختاهم على صدره دلالة على الشكر. وعرفت انه ما قادر يتكلم وتقريبا شفت دمعات بدأت تتجمع في عينيه.
10-12-2020, 05:30 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: كابلي ما قدر يقعد في الخليج ولخص الغربة في الخليج بانها حضور وزوال
سلام احمد ..
للتوثيق .. كابلي نفسه ذكر لي قبل شهور بسيطة ( قبل سفرته الاخيره للسودان) انه كتب قصيدة زمان الناس قبل اغترابه بزمن ..
و قال انه كان بقصد غربته داخل السودان و داخل بيته .. و قال الناس بتفتكر انه كتبها وهو في السعودية لكن الحقيقه انه كتبها قبل ما يفكر في الاغتراب ..
و الحقيقة الجاب سيرتها انا كنت كلمته بعد ما عمل عمليه في متشجان و كان قاعد فتره هناك بعيد من واشنطن .. فكمشاغله مني و انه حتى في غربته تاني مشى محل غير بيته و راحته .. فبديت كلامي معاهو بعد السلام و قلت ليهو زمان الناس هداوة بال و انت زمانك الترحال
فبدا يحكي لي تفاصيل قصة كتابتها و زمنها ..
معليش يا احمد .. طلعت من موضوع البوست .. لكن لانه قناعتي انه البنكتبه هسي بقعد لاجيال تانية و ما داير القصص تتنسي و تتلخبط ..
10-12-2020, 05:44 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: معليش يا احمد .. طلعت من موضوع البوست .. لكن لانه قناعتي انه البنكتبه هسي بقعد لاجيال تانية و ما داير القصص تتنسي و تتلخبط ..
منو القال انك طلعت من موضوع البوست بالعكس دا من صميم الموضوع وهو تاثير الغربة خاصة في الخليج على الابداع .. وعلى الفكر الفني خاصة كلامك صحيح كابلي في احد لقاءاته ذكر كلامك دا بالتفصيل .. وبنفس التفاصيل
10-13-2020, 04:25 AM
ترهاقا ترهاقا
تاريخ التسجيل: 07-04-2003
مجموع المشاركات: 8423
Quote: و قال انه كان بقصد غربته داخل السودان و داخل بيته .. و قال الناس بتفتكر انه كتبها وهو في السعودية لكن الحقيقه انه كتبها قبل ما يفكر في الاغتراب ..
وهي الحقيقة بعينها ، الكابلي مغترب من !!!!!!! الله يدية الصحة والعافية
10-13-2020, 04:48 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
شكرا يا احمد يس و جميل انك تلم في زول مبدع زي دا في الزمن الاغبر دا طبعا هو من أسرة فنية تجيد العزف علي العود و له شقيق موسيقار و ملحن ماهر و بالمناسبة هو ابن عم اخونا الموسيقار المبدع و عازف العود محمد العصامي ما عارف لسه معاكم في السعودية ولا رجع
10-13-2020, 09:05 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: و جميل انك تلم في زول مبدع زي دا في الزمن الاغبر دا طبعا هو من أسرة فنية تجيد العزف علي العود و له شقيق موسيقار و ملحن ماهر و بالمناسبة هو ابن عم اخونا الموسيقار المبدع و عازف العود محمد العصامي ما عارف لسه معاكم في السعودية ولا رجع
اكيد هو من اسرة موهوبة بدرجة كبيرة .. ظاهر من طريقة تنقلاته بين السلالم اغبر ساي يا معاوية انا بتخيل يا يامعاوية ان المبدعين في السودان من زمن محمد ودالفكي من نواحي كبوشية في العشرينات ومرورا بفناني الثلاتينات والاربعينات وحتى وقت قريب من شعراء وملحنين واطباء ومدرسين وادباء واعلاميين ، ما اظن تركوا شىء للباقين يعني اي حاج عملوها وقالوها وغنوها وكتبوها .. حتى في الاصوات ما اظن ان ابوداؤد خلى ليهم وزن من اوزان الحنجرة العشرة الا وعملوا بكل (باصو) ..وخليل اسماعيل برضو ما خلى ليهم حتى الصوت(الاطو) النسائي موجود عنده
10-13-2020, 07:25 PM
abdalla elshaikh abdalla elshaikh
تاريخ التسجيل: 03-29-2006
مجموع المشاركات: 4001
أحمد ياسين يا شقي نكت الشقي دا من وين ؟ الزول دا دفعتنا فنحن من ناحية قسم الدراما وكانت بيننا بنتان فقط في قسم الدراما وهما تماضر شيخ الدين وندوه حسن رزق الله وكانت بينهم في قسم الموسيقي خالده الجنيد وسميه حسن و أمينه سليم و عادل دا كان بيقرش حروف الصولفيج قرش زي التقول بياكل في تسالي !
10-13-2020, 09:23 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
حبيبنا عبدالله الشيخ الزول الفنان والله سعيد بمشاركتك ايما سعادة .. ياخ ناس الدراما ديل الحياة بكل جمالياتها يا جميل انت درسوك الاساتذة الكبار عمر الدوش وعادل حربي استاذ مادة (حرفية الاداء) انتوا كنتوا في شارع (57) وقدام المعهد كان في كوم كبير حق رملة انت يا عبدالله كان شعورك شنو وانت بتمثل وبترقص قدام تماضر ؟
Quote: يا شقي نكت الشقي دا من وين ؟ الزول دا دفعتنا فنحن من ناحية قسم الدراما وكانت بيننا بنتان فقط في قسم الدراما وهما تماضر شيخ الدين وندوه حسن رزق الله وكانت بينهم في قسم الموسيقي خالده الجنيد وسميه حسن و أمينه سليم و عادل دا كان بيقرش حروف الصولفيج قرش زي التقول بياكل في تسالي !
تخيل لميت فيهو صدفة وانا في الشارع
11-05-2020, 11:04 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
ألفنان أحمد يس ! مالك يا خي قلّبت علينا مواجع ألذكريات ! كانت تحتوينا داخليه واحده بالحله الجديده بالقرب من داخليات معهد الكليات التكنولجيه ~ يحي فضل الله و قاسم أبوزيد ويعقوب دالوجي والبشير سهل وعبدالله عطا الفكي وعادل صديق والفاتح يس وأحمد ساطور والجيتارست محمد سليمان أللي كان ملازم وردي في كل حفلاته زي أحمد ساطور ! ولك أن تتخيل عبث ألعبث وشواطين الفن ألتي تبرطع بهذه الداخليه والتي كان بنات وأبناء الجيران يحيطون بها للإستمتاع بما يجري بداخلها ! وللتاريخ كل هذه الدفعات كانت من نتاج الدوره المدرسيه ناس الفاتح حسين وعثمان النو وسعد الدين الطيب والبزعي ! طبعن ما عديت ليك ألبنات لأننا كُنّا كاسرين رُقبه جهة فريع البان~ جامعة الفرع~ وهل تصدق أنا ويحي فضل الله إتقابلنا قبل دخولنا للمعهد في ملعب دار الرياضه بمدينة كادقلي حيث كنت ألعب ضمن فريق معهد التربيه الدلنج وكان يحي يلعب ضمن فريق كادقلي الثانويه وكان راس حربه خطير قُمت بكتم أنفاسه ! فتأمل ! كما يقولها وليس ألحبرتجي حسين ملاسي ! وعبرك يا أحمد بلّغ عادل تحياتي وأحكي له ماضي هذه ألذكريات والتي ذهب مغنيها للضفة الأخري من النهر ! فعثمان مصطفي هو الذي درّس ناس عادل صديق فنّ الصولفيج ! وقبل أن أختم هذا التداعي النشط ~ وفي إحدي حوارتي الصحفيه مع عثمان مصطفي قلت له ~ ألذكريات هي قمة ما وصل إليه عثمان مصطفي ~ فأجابني أعترف إنها القمة التي بدأت منها وسعيت حثيثاً لتجاوزها وما زلت أسعي !
العزيز أحمد ياسين تحيات وتقدير وشكرا علي الكتابة عن عادل الصديق قبل سنين طويلة أهداني صديقي نجم الدين قطبي تسجيلات لأغاني بصوت عادل الصديق منها اغاني لعثمان حسين وود الامين واغاني حقيبة فاحتفظت بهذه الباقة الى الان ...هو صوت متفرد وعازف ماهر على العود وفنان بمعنى الكلمة زهز كما وصفته انت ووصفه اصدقائه انسان جميل جدا ...وكغيري تمنيت لقائه... وكثيرون من الذين استمعوا له في أغاني الاخرين يظنونه مجمد الامين هو واحد من المبدعين الذين ظلمتهم أجهزة الاعلام في زمن الانقاذ ولا تزال... لا توجد حتي مقارنة بيت عادل الصديق وكثير من الفنانين الذين يحتلون الساحة الان بالسودان ... عادل الصديق فنان تحتاجه ساحة الابداع حاليا ..امتدادا لجيل عمالقة الغناء السوداني لك وله التحايا والامنيات
11-07-2020, 09:45 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
Quote: حي فضل الله و قاسم أبوزيد ويعقوب دالوجي والبشير سهل وعبدالله عطا الفكي وعادل صديق والفاتح يس وأحمد ساطور والجيتارست محمد سليمان
يا الله يا عبدالله انا اذكر هذه الداخلية .. كانت خلية نشاط ثقافي فني موسيقى وعبارة عن قصر الشباب والاطفال اللامتحنتوا فيهو بعد ان نقل المعهد الى قصر الشباب والاطفال اسماء كبيرة جدا ، ياخ الداخلية دي كانت داخلية مواهب فنية واول مرة سمعنا عن (جماعة السديم المسرحية) ونحن واقفين قدام الباب
11-07-2020, 10:16 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: قبل سنين طويلة أهداني صديقي نجم الدين قطبي تسجيلات لأغاني بصوت عادل الصديق منها اغاني لعثمان حسين وود الامين واغاني حقيبة
ما ذكرت الا الحقيقة في ابداع وموهبة عادل الفنان والخلوق ، اكيد التسجيلات دي فيها (ربيع الدنيا) لعثمان حسين وزي ما قلت ليهو انت المفروض يا استاذ عادل يكون ليك دور مهم وكبير في النهوض بالاغنية السودانية وفي التوزيع لموسيقانا وعملية الهارموني ، لانه فعلا موسيقانا لمن تطلع للخارج بتكون (غريبة ووحيدة اليد واللسان)
11-07-2020, 10:51 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
اخ احمد يس شكرا لميديا العصر رغم تأخرنا فقد عرفتنا اخ احمد بفنان يملك كل ادوات الفنان الكامل اما حديثكم عن تفوقه ومحمد الامين وآخرين فهذا حق ولكن ما اظن هناك سوداني عزف العود مثل حمزة علاء الدين وليتك ومن يرتاد طرحك تسمعوا معي (الله اكبر حمزة علاء الدين) الذي قادنا لمعرفته كما فعلت انت الان قادنا لمعرفته ابرايهم الصلحي في برنامجه التلفزيوني بيت الجاك ولعلها سانحة ان نستعرض فيها مواهب من ذكرتم ليتسع طرحك لما هو اوسع مع مودتي
11-07-2020, 11:46 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الاخ علي الكنزي انت اصلا انا عارفك ما بتجي فاضي لازم تزور بهدايا تظل للابد دا سيد الاساتذة الموسيقيين في عموم النوبة والسودان والعالم تعرف يا اخ علي .. مشروع البحث ح كان عن ايقاعات واغاني النوبة والرقصات المصاحبة كل الدراسة كانت مرجعيتها لهذا الانسان الفنان .. المعتد بنفسه واصله وتاريخه وتراثه كان (الطار) هو محور كل الفنون لدى الراحل دا يا شيخ علي عايز مساحة كبيرة جدا لان دراسة حمزة (علاي) كما ينادونه حتنقلنا الى اجواء روحانية فنية عميقة جدا
11-08-2020, 12:59 PM
ياسر السر ياسر السر
تاريخ التسجيل: 08-06-2010
مجموع المشاركات: 3204
يا سلاااااام استاذي احمد ياسين بوست جميل يفوح منه التطريب والفن الجميل لمبدع يستحق ان تفرد له مساحة لنشر ابداعه فقط اتمنى ان نرى عادل صديق في ثوبه الخاص فهو بلا شك مبدع لا يشق له غبار ... بالله يا استاذ احمد انت موجود في جده القريبة مننا دي ياخ الرياض ما بعيدة منك اختف رجلك وتعال علينا ولو عز المزار نجيكم نحن بالاعزار ونجيكم بي الدرب التحت زاتو ...
تحياتي : ياسر العيلفون ....
11-08-2020, 08:27 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ahmed Yassin
خضر الطيب
الشيخ سيد أحمد
ترهاقا
osama elkhawad
يحي قباني
Arif Nashed
bakri abdalla
عمر نملة
ANWAR SAYED IBRAHIM
نعمات عماد
Moawia Mohammed
abdalla elshaikh
Ali Alkanzi
ياسر السر
فيس بوك
تويتر
انستقرام
يوتيوب
بنتيريست