|
|
|
 Re: عموماً ده رقم تلفوني و ولدي بيحب ملاح التق (Re: ABUHUSSEIN)
|
والله يا ود قباني لمن قريت العنوان افتكرت ان ولدك انت البحب ملاح التقلية وقلنا
ندخل البوست ونقدم اوراق الاعتماد،،،لاني سمعت ان الناس البيحبوا ملاح التقلية
ناس طيبين وقلوبهم صافية وبيحبوا بعشق واذا كرهوا لا يكرهون بلؤم،،،،
...لكن الدكتورة دي فلسفتها عالية وصعبة الفهم....الله يكون في عونها وعون شريك حياتها
المرتقب ههههههههههه
| |
 
|
|
|
|
|
|
|
|
Re: عموماً ده رقم تلفوني و ولدي بيحب ملاح التق (Re: يحي قباني)
|
Quote: والله يا ود قباني لمن قريت العنوان افتكرت ان ولدك انت البحب ملاح التقلية وقلنا
ندخل البوست ونقدم اوراق الاعتماد،،،لاني سمعت ان الناس البيحبوا ملاح التقلية
ناس طيبين وقلوبهم صافية وبيحبوا بعشق واذا كرهوا لا يكرهون بلؤم،،،،
...لكن الدكتورة دي فلسفتها عالية وصعبة الفهم....الله يكون في عونها وعون شريك حياتها
المرتقب ههههههههههه |
حاضرين يا بتنا ..ههه
ولدي شغال في بلدكم اصلا ..
و طبعا لازم يكون طيب و قلبه صافي لانه ولدي .. :)
| |
|
|
|
|
|
|
|
 Re: عموماً ده رقم تلفوني و ولدي بيحب ملاح التق (Re: جلالدونا)
|
هلا يا باشمهندس قباني
القصة دي ذكرتني واحد من ناس الاذاعة بيحكي قصة مذيع جديد مع الفنان القامة بادي محمد الطيب؛
قال:
عندنا واحد صاحبنا اسمه يحيى، قصيروني كدا، ونضام. كلامه كله في الثقافة، من التناص والبنيوية ولي فوق.
جاء اشتغل في الاذاعة في الثمانيات، متطوع ومتدرب، مع ناس يحيى فضل الله.
اول لقاء ليه كان تسجيل مع الفنان بادي محمد الطيب. جهز اسئلته، ودخل الاستديو مع بادي، وناس يحيى والمخرج، متابعين من خلف زجاج الاستديو .
بدأ بسال في بادي اسئلة معقدة كدا😳
- يا استاذ بادي، دايرنك تعمل لينا مقاربة نقدية بين اغنية الحقيبة واغنية الحداثة، على ضوء مدارس النقد البنيوية الحديثة، خاصة منهج فوكو في التحليل النقدي ؟
- بادي كان بستمع مخلوع، رد قال ليه: يا ود انت ود عِلق وللا شنو؟ 😅😅
| |
|
|
|
|
|
|
|
|
|
Re: عموماً ده رقم تلفوني و ولدي بيحب ملاح التق (Re: ذواليد سليمان مصطفى)
|
Quote: والله ياصديقي كنت في القاهرة لأسبوع ومن سؤ حظي الوفد السوداني جاء سكن في نفس الهوتيل ،،،،،،،
الكورة ما ح تنزل واطة قريب الناس ديل ناس دافوري ساااااااااكت |
حمدا لله على السلامة يا حبيب ..
و الله يا صديقي ما زلت على امل ..
العوارض كبيره و كثيره .. ربك يهونها بس ..
حاتصل بيك قريب للتحية .. :)
| |
|
|
|
|
|
|
|
|
|
Re: عموماً ده رقم تلفوني و ولدي بيحب ملاح التق (Re: يحي قباني)
|
يا قباني..
دي أسمها الفلقصة ولا الفلفسة على قول أبوحسين..
الست دي جابوا ليها عريس في محلها وهي جالسة..
أها تاني خليها تلقى ليها عريس.
أيام الزمن الجميل مرة كنا راكبين بص ماشين رحلة شباب أولاد وبنات..
واحدة من أخواتنا الظريفات وقفت قالت لواحد أخونا ظريف:
يا تتي أنا ياخ منتظراك للعرس..
قال ليها: منتظراني أنا؟
قالت ليهو: هو في غيرك؟!
قال ليها: والله لو منتظراني الترابة في خشمك..
| |
|
|
|
|
|
|
|
|
|
Re: عموماً ده رقم تلفوني و ولدي بيحب ملاح التق (Re: يحي قباني)
|
واحد اخونا كان عنده امتحانات تخرج قسم (مسرح)
وقال اجي احضر .. وانا طبعا الاشياء دي بستمتع بيها جدا جدا
قمتا سوقت معاي ود عمنا جاي من البلد .. وكان رافض لكن انا اصريت عليهو
وقلت ليهو حتنبسط شديد .. المهم مشينا .. وحضرنا عمل اوعملين قبل اداء اخونا
اها جاء داخل وبعد البداية والتقديم دخل في الموضوع مباشرة من نوع
(إنها التراجيديا بل انها الكوميديا العبثية (الفارس) والإلهية وووو
وابن عمي قاعد يتململ وسامعه بى تحت تحت بقول .. الله لاكسبكم .. دا شنو دا؟
وانا الكز فيهو باشارة اسكت واقفل خشمك .. وهو يجي جنب اضاني ويقول .. والله ماعندك موضوع
هسييي كان ......وانا ازج اضاني منو
صاحبنا قال حاقدم جزء من (ماكبث) ود عمي قال لي (ماكبس) دا كمان شنو ؟
وصاحبنا قال (شد الانفجار ، أو كروب الجنة
عند سعاة الهواء غير المنظورين ،
يجب أن تهب الفعل الفظيع في كل عين
هذه الدموع تغرق الريح ليس لدي حافز
لخداع جوانب نيتى ، ولكن فقط
طموح القفز ، الذي يعبّر عن نفسه ،
ويقع على الطرف الآخر .......)
ود عمي وقف على حيلو وبى صوت عال قال لي (علي الايمان انا بعد دا دقيقة مابقعد ليك
اديني حق المواصلات.. وانا بجرو من يده عشان يقعد لانه الوضع بقى محرج
فك يده وقال ي ( الهي يكبس فيك ابو الكباس) اديني حق العربية (المواصلات)
| |
|
|
|
|
|
|
| |
يحي قباني
ABUHUSSEIN
جلالدونا
Elsanosi Badr
ذواليد سليمان مصطفى
عزيز عيسى
BAKTASH
Ahmed Yassin
فيس بوك
تويتر
انستقرام
يوتيوب
بنتيريست