كتب الكاتب الفاتح جبرا المتوفرة بمعرض الدوحة
|
Re: عمر التاج فرحان باغتصاب الكنداكات في فض ا� (Re: طلحة عبدالله)
|
وكمان ماخد الموضوع ضحك واستظراف أنا قلت ملابس داخلية وما قلت لباسات لا وكمان بقول الجنجويد الفضوا الاعتصام أمام عيونا كلنا وروعوا الآمنين والآن بجيبوا في دليل إدانتهم ملابس النسوان الداخلية في مسجد الجامعة يقول عليهم غيورين على الدين والشرف غيور بصور ملابس النسوان الداخلية وفوطهم الصحية؟ خليهم الجنجويد عمر ذاتو ما بشغل مخه عشان يحاول يفهم البدخل الفوط الصحية المسجد شنو؟ ومن متين النسوان بغيروا فوطهم في الأماكن العامة؟ أصلو الزول دة ما فكر كلو كلو !!!!! بس جاري طوالي يعظم في العساكر الجنجويد ويغلط في المسكينات القلعوهن هدومهن في بيت الله!!
| |
|
|
|
|
|
|
Re: عمر التاج فرحان باغتصاب الكنداكات في فض ا� (Re: بشير أحمد)
|
Quote: عمر التاج فرحان باغتصاب الكنداكات في فض الاعتصام |
كل سنة وانت طيب يا أبو حميد وأضحى مبارك
صدقني لو عرف بعد يرتب أفكاره شويه ويعرف حاجة زي دي لازم تكون اتصورت متين والله ما حيفرح أكثر حاجة كانت مؤلمة هي مسألة الاغتصابات التمت في فض اعتصام القيادة شفت بعيني كمية البنات المتواجدات في القيادة ليلا والكانن بيبيتن هناك صراحة وما أكضب عليك كنت مندهش كيف سمحوا ليهن أهلهن يجن يبيتن ؟ .. وحاشا لله ما تجريم للمجني عليهن لا سمح الله .. أو انتقاص من أسرة أو نضج شخص قرر يبيت هناك لكن نحن كأسرة كان عندنا ولدين قبل يوم من الطامة دي واحد فيهم حقي عمره ما كمل 16 سنة ساقو ولد خالته أكبر منه متعود على التتريس .. لامن عرفت غلبني أنوم وأصريت أمش أجيبو أها ده ولد نجيض ومحصحص وعارف كل شيء وأنا زول شارع وموريهو الكعب الفي الدنيا كله .. بعد ده انا خفت عليهو وماخليتو يبيت هناك كيف لو كانت بنت !!! ... وحاة الله كان كتلت فيها لو حصلت .. غايتو الناس بتختلف لكن الزول بيتحسب للأسوأ .. وأهو الأسوا حدث وحسبي الله ونعم الوكيل فعمر التاج كان عارف وفاهم الفولة والله ما حيفرح نهاااائي ... لكن أهو كرت بيستخدمه وبيعارض بيهو كان سياسيا أو دينيا وبلا معرفة .....
| |
|
|
|
|
|
|
Re: عمر التاج فرحان باغتصاب الكنداكات في فض ا� (Re: جمال ود القوز)
|
والله يا جمال منتظرو بس يقول يا جماعة أنا آسف وأخطأت التقدير وأطلب من بكري حذف البوست وانا بحذف البوست دة لكن عمر التاج احترفها خلاص كل يوم يجي شايل ليه خبر ضارب لحدي ما اتصالح مع الكذب والمكابرة وبقى ما بأثر فيه أنا مستغرب ياخ زول شايف ملابس داخلية بتاعة نسوان بتفرجوا فيها عساكر دعم سريع أصلو ما يفكر الناس ديل الوصلهم للملابس الداخلية شنو؟ أصلو ما شغل مخه ربع ثانية عشان يحاول يفهم كيف النسوان ديل قلعن ملابسهن الداخلية؟!!!
غايتو وصل مرحلة من انعدام الإنسانية أصلو ما بوصلها الإنسان العادي أتمنى الصباح يرجع لرشده ويخلي عندو شوية احساس بآلام المغتصبات ديل
| |
|
|
|
|
|
|
Re: عمر التاج فرحان باغتصاب الكنداكات في فض ا� (Re: أحمد محمد عمر)
|
انا افتعلت مشكلة مع دينق بسبب انه وصف عمر بالكوز ودافعت عنه دفاع مستميت وصراحة مع مرور الايام ثبت ان دينق له نظرة ثاقبة وبعيدة ويعرف يحلل الانسان من كتاباته وبوستاته وثبت ايضا خطأنا الكبير وحكمنا الغلط ونحن ناس مساكين ساي ممكن اتخيل اي انحطاط في الدنيا دي لاي انسان ولكن يصل الامر للدرجة الوصل ليها عمر التاج شىء لا يصدق،
| |
|
|
|
|
|
|
Re: عمر التاج فرحان باغتصاب الكنداكات في فض ا� (Re: Ahmed Yassin)
|
تعرف يا ود ياسين كان عندى بوست محضور اسمو يوميات بكوز عمر التاج ده شارك فيهو بى فعاليم تواصل معاى كم زميل و قالوا لى الزول ده كوز اعمل حسابك قلت ليهم السما ده قريب اها مش طلع كوز و بس !!! ده طلع شايل كل الخبث الجواهم ياخى تبقى كوز ده خيارك عارض و انقد ده حقّك لكن تمارس التشويه بالصورة دى مافى زول بيرحمك
| |
|
|
|
|
|
|
|