سالني صديق عن تقيمي لكتابات عمر التاج في المنبر وهل هي تندرج في سلوك بني كوز واعداء الثورة قلت للصديق دا هذا الرجل عمر التاج زي فكي النسوان كان اخد البيض ما برمي كلامو وهو زول عفوي الطرح ولكنه له حنين لسنوات السودان في قبضة مجرمي الحركة الاسلامية اظنها كانت اسعد ايامو ولماذا لا نترك الرجل يقول ما في جعبته ونرد عليها قال لي بلغة حاسمة وغاضبة انتم عاملين ليهو قيمة اندهشت عمرالتاج مالا ياربي بعمل في شنو كاتب ليهو مصيبة انا عارفه الزول يا ناس منكم وفيكم ما في داعي للحازازات الاعمال الكيدية والشيطانية وكمان انت يا عمر انا قلت ليك القحاته ديل بالجد دا ثورتم ودا زمن حكمهم ابعد يا زول او قول قولة الحق لانو شايف الامور بدات تجيب زعل وغضب ربك يستر الثوار كمان كتب احدهم في مدونة ثوار للليفه سقال عمر التاج والبرهان في سرج واحد دا قاتل ودا محرض بالله خليك معقول قبل ذكري توقيع سلام جوبا ولا جوبا شنو قبل ما خالد سلك يرجع من الجنوب وبعدين ملوك الاشتباك وناس لجنة التمكين يحققوا في ثروتك وملوك الاشبتاك يغتالوك المهم الله يستر عليك الخرطوم دي صعبه شديد كل بالنهار ولا الليل اخطر لي عودة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست