|
|
|
 Re: عقار وجبريل والهادي للسيادي و مناوي حاكما (Re: Mutasim Idris)
|
يا اخوانا الكلام دا حسب اتفاقية السلام و البروتوكلات الموقعة وقسمة السلطة!
شي طبيعي اي اتفاقية سلام يتقاسم طرفاها السلطة لضمان تنفيذ بنودها
وما حد يتكلم عن شرعية والا في الاول يسال عن شرعية كباشي و البرهان و صحبهم وكذلك تاور و عائشة و التعايشي و البقية! ياهو كلو محاصصات و شرعية ثورية و تقسيم ما بقت حرام لامن جابت اطراف عملية السلام!
و شرعية السلام اقوى و أحق
| |
  
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: محمد البشرى الخضر)
|
| Quote: يا اخوانا الكلام دا حسب اتفاقية السلام و البروتوكلات الموقعة وقسمة السلطة! |
كلامك صاح، بناء على الإتفاقية تمت عدة تعديلات على الوثيقة الدستورية من بن هذه التعديلات هو رفع عدد أعضاء مجلس السيادة إلى أربعة عشر عضو.
لكن بيني وبينك كدا يا ود البشرى ما شايف إنو أربعتاشر عضو في مجلس السيادة دي كتيرة لمن مشاترة؟
غايتو ننتظر نشوف تشكيل الوزارةعشان نشوف هل ال25% من وزراء أطراف العملية السلمية حيتسلوا وزرات من الموجودة حالياً أم سيتم إبتداع وزارات جديدة لهم.
علماً بأن الوثيقة في تعديلاتها لم تحدد عدد الوزارات كما هو الحال في مقاعد السيادي.
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: Hafiz Bashir)
|
يا مولانا الحداشر كتيرة على ظروفنا وعلى التوصيف المفترض للمجلس السيادي (مجلس تشريفي) لكن ظروف الانتقال و التفاوض ومساوماته و التوازنات هي الفرضت و في النهاية نتحدث عن وضع انتقالي مؤقت قبلنا كثير من التجاوزات في سبيل اكماله و الوصول للانتقال الكامل! اها وقت قبلنا خمسة عساكر لا منطق ولا سبب لتوليهم هذه المناصب و كذلك ست مدنيين فقط لكي يزيد العدد واختيارهم لم يكن بتفويض انتخابي ما المشكلة في ثلاثة من قادة الحركات التي وضعت السلاح في سبيل السلام! في رأيي هم اكثر استحقاقا من الحداشر! على الاقل المقابل هنا السلام البنحلم بيه كلنا و احد شعارات الثورة المجيدة
ولا تنسى انو كل واحد فيهم بمثل كم كبير من السودانيين, دي ما حتلقاها في اي من الحداشر الباقين
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: امتثال عبدالله)
|
| Quote: ولا تنسى انو كل واحد فيهم بمثل كم كبير من السودانيين |
| Quote: ويا ود البشرى زعماء هذه الحركات المسلحة لا يمثلون الا انفسهم ، فهم انفسهم الذين هجموا على القرى الامنة في دارفور |
يا امتثال كلام ود البشرى دا ياهو كلام الحكوميين الفاوضو
لوردات الحرب ... الحكوميين ديل فجأة لقو نفسم مسؤولين
من تقسيم الكيكه التي وقعت في يدهم برضو فجأة وما فارقه
معاهم يدوها لي زعيط ولا معيط ... ولو اصلو الحكاية بي
تمثيل كم كبير من السودانيين فأسيادي المهدي والمرغني وحتى
الرفيق الخطيب ممكن يدعو بتمثيل السودانيين ومعاهم حق ...
الواقع بيقول إنو اللوردات ديل تم مكأفأتهم بهذه المناصب فقط
لرفعهم السلاح في وجه الدولة ... وأهو بدل يتحكامو بالسجن
المؤبد او الإعدام فقد فرشت لهم الرد كاربت ليحكمو كرؤساء
للدولة وهذا ما لن يحصل في أي دولة أخرى في العالم ..
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: زهير عثمان حمد)
|
دا ما يحصل الا في السودان
موش قلنا نحنا فريدين في كل شي
ارفع سلاحك على الحكومة بالليل... تصبح عليك الواطة تراضيك الحكومة بحاكم اقليم
او وزير و أقلاها تصبح عضو في المجلس السيادي
الخيل تجقلب و الشكر ل حماد
ربنا يرحم الشهداء و يعوض شبابهم الجنة
سلام يا أبو الزوز
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: عماد الدين الطيب عمر)
|
Quote: دا ما يحصل الا في السودان
موش قلنا نحنا فريدين في كل شي
ارفع سلاحك على الحكومة بالليل... تصبح عليك الواطة تراضيك الحكومة بحاكم اقليم
او وزير و أقلاها تصبح عضو في المجلس السيادي |
حبيبنا عماد .. صحيح 100%
المشكلة من فاتهم التوظيف المحاصصات سوف يرجعون مرة اخرى لحمل
السلاح ثم مفاوضات ثم وظائف دستورية .. وهكذا
تحياتي الاحباب
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: علي عبدالوهاب عثمان)
|
| Quote: ويا ود البشرى زعماء هذه الحركات المسلحة لا يمثلون الا انفسهم ، فهم انفسهم الذين هجموا على القرى الامنة في دارفور ونهبوا وسرقوا واغتصبوا مثلهم مثل قوات الجنجويد ،فلا فرق بينهم....فالسودان سوف يحكمه فقط عصابات مسلحة ومليشيات وليس الثوار الذين اطاحوا بنظام اللصوص والحرامية... |
يا امتثال حين احال مجلس الامن قضايا الانتهاكات في دارفور للمحكمة الجنائية وجه المدعي العام للمحكمة التهم لست اشخاص فقط اربعة منهم من الحكومة و اثنان من الحركات أحدهم تمت تبرئته, يعني مافي اي تهمة وجهت لعبد الواحد او مني او جبريل ومن قبله شقيه المرحوم خليل
فا انت بتجيبي الكلام دا من وين؟ ومعروف ان القرى التي احرقت و النساء الاتعرضن للاغتصاب و الرجال القتلوا هم أهل هؤلاء ومن قبائلهم و الآن النازحين في المعسكرات هم اهل هؤلاء القادة! عموما الملفات مفتوحة و اي انتهاك وقع اثناء القتال سيتم التحقيق فيه ومحاسبة مرتكبه طال الزمن او قصر
لكن الناس اسي بتتكلم لغة السلام فا حقو تتجاوز اللغة دي
يا ود الزبير انت شايف انو الحركات دي كانت تقاتل فقط لاجل السلطة! ولا في اي اسباب دفعتها للتمرد على الانقاذ؟
عموما لا يوجد سبب واحد الناس ترضى بعضوية كباشي و حسن شيخ ادريس و الفكي في مجلس السيادة و ترفض عضوية جبريل و عقار و مني و يروه على انه مجرد نيل سلطة بالسلاح!
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: محمد البشرى الخضر)
|
| Quote: ومعروف ان القرى التي احرقت و النساء الاتعرضن للاغتصاب و الرجال القتلوا هم أهل هؤلاء ومن قبائلهم و الآن النازحين في المعسكرات هم اهل هؤلاء القادة |
طبعا دا وجه واحد من اوجه مشكلة دارفور وكلامك صحيح بي
نسبة كبيرة جدا ... ومن كلامك المكوت دا يا باش واضح إنو المشكلة
لم تكن سياسية وإنما قبلية لأنو المعسكرات تحوي قبائل بعينها لماذا؟
دا اولا ... وثانيا مافي سبب يخلي قبيلة تهاجم قبيلة تانية بدون
أجندة محددة ... ثالثا البخلي مشاكل قبلية في دارفور تبدأ كاعصار
بسيط وضعيف ثم يكبر ويبقي مشكلة يتحدث عنها الإعلام العالمي
ويتعرض فيها شعب السودان لأضرار لا تعد ولا تحصى ...
السلام وفوائده لي أهلنا في دارفور نفرح ليهو جدا ... لكن ما تأثير
تكريم لوردات الحرب علي جبر ضرر المتأثرين بالحرب وعلي
النازحين في المعسكرات واللاجئين ... نتلاقا بعد سنة من الآن
ان شاء الله وياريت واحد من الرؤساء ديل يكون زار دارفور مرة واحدة ...
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: Salah Zubeir)
|
المشكلة يا ود الزبير اساسا مشكلة عدالة في التنمية و في توزيع الثروة و السلطة بالاضافة للتركيبة التركها المستعمر وترسخت في الاذهان انو دا المركز البحكم ودا الهامش الما بستحق المشاركة حتى في مجلس سيادي بتلاتة مقاعد واساسا فيه حداشر!
بعدين الاتفاقية دي تختلف عن سابقاتها يا قريبك راجع البروتوكولات بما فيها الارض و الحواكير و العدالة الانتقالية و غيرها, تنفيذ البروتوكولات دي تحدي كبير و في نجاحها حل لاكبر مشاكل البلد, التنفيذ دا الا يستحق ثلاثة مقاعد!
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: اْسامة اْباّرو)
|
Quote: الابقاء على قادة ما يسمى بمسمار جوبا
ما هو الا لقمع الداخل و إبتزاز الخارج.. |
سلمات يا اسامة
الخارج يعلم جيداً انّ اتفاق جوبا بدون الثلاثة ( عقار وجبريل والهادي ) سيكون مسمار جحا
فى انقلاب البرهان وحميدتي ..
ومعك اهتف :
| Quote: قوموا لمليونياتكم ينصركم الله.. |
| |
|
|
|
|
|
|
|
|
|
Re: عقار وجبريل والهادي للسيادي و مناوي حاكما (Re: اْسامة اْباّرو)
|
لا يمكن بناء دولة وطنية ديمقراطية فدرالية في مذبلة الانقاذ برعاية الدول الناهبة للسودان
نظام الانقاذ نظام وظيفي مجرم وولا يمكن اقتلاعه دستوريا الا بي تجاوز مشروع الاخوان المسلمين برمته من المصالحة الوطنية
1978
عشان كده قلنا الثورة حامل فكري ومسار
ولسه ناس الحلو وكاودا وكثير من القوى الانظف خارج المحاصصة
نرجع للحكم الاقليمي القديم باسس جديدة وبي مرجعة دساتير حقيقية محترمة دستور 1973 ودستور 2005 وقوانين 1974
او تجي امريكا تهدم البلد ونظام الانقاذ من جذورو وتنبي ديمقراطية من جديد باهظة الثمن زي ما حصل لنظام البعث الفاشي المجرم في العراق
والقاتل البرهان والانتهازيين وفرو ليها السبب (شرعية حمدوك) وكمان اعادة تدوير الاخونج الاكثر قذارة بتاعين الشعبي
انتظرو الفصل السابع والبي 52 ترجع ليكم الديمقراطية يا كعوك المركز والنخبة السودانية وادمان الفشل واخ برنامج واعي كان بتاع
الحركة الشعبية ومهدي الجنوب جون قرنق 2005-2010
دي كمونية ساكت الهسة دي
| |
|
|
|
|
|
|
|
|
 Re: عقار وجبريل والهادي للسيادي و مناوي حاكما (Re: adil amin)
|
Quote: الله يغيظك يا حيدر الشين
ياخي أنا بقرأ من فوق ومندهش، الفيلم دة موش دخلناه قبل كدة؟ مالهم بعيدوا فيه!
لحدي ما وصلت مداخلة امتثال طيب الله ثراها لمن قالت الصادق المهدي شفاه الله حتى عاينت للتارخ |
يا حبيب .. وكمان خاشين الفيلم قبل سنة بالضبط تقريباً :)
ووقت رفعت الفيلم دا لسه نحن في مغالطات عقار ادي القسم والا رافض للانقلاب بس محتفظ بمقعده مع الانقلابيين
وانه عشان ما بعرف شنو كدة لا يصح يحلف على المصحف مرتين :)
الواحد زي خاشي بالجد تجربة Mirror واللذيذة نفس نقاش مولانا حافظ وود البشرى اعادوه باغلب مضابطه دي قبل كم يوم..
الشيوعيين اصلهم ما كضبوا وقت قالوا عجلة التاريخ :)
جقود القرد.
سألتك وطنشتني وتاني بسألك.
جعفوري وين ؟!
| |
|
|
|
|
|
|
| |
زهير عثمان حمد
Arif Nashed
Biraima M Adam
ترهاقا
Mutasim Idris
محمد البشرى الخضر
Hafiz Bashir
Salah Zubeir
عمر التاج
علي عبدالوهاب عثمان
عمر سعيد علي
Ali Alkanzi
HAIDER ALZAIN
علاء سيداحمد
adil amin
فيس بوك
تويتر
انستقرام
يوتيوب
بنتيريست