|
|
|
 Re: عزومة (Re: أبوذر بابكر)
|
وتحية وود
لكل الأحباب المشاركين في الخيط العجيب دا
بدون فرز
جدير يعزمو ليهو والله
لأنهم جديرين بالمحبة
عشان سمحين
| |
  
|
|
|
|
|
|
|
|
Re: عزومة (Re: أبوذر بابكر)
|
الشاعر أباذر
شكراً على الدعوة.
دخلت البوست أبحث عن اسماء الغائيبين
و فعلاً لطشت كم اسم فشكراً لك تاني.
خالص للتقدير.
| |
|
|
|
|
|
|
|
|
|
Re: عزومة (Re: نعمات عماد)
|
تحياتي يا نعمات
الدعوة لي بوست قديم كان منشور هنا
موضوع شيق جدا وشاركو فيه ناس حلوين
افتحي الرابط عشان تلقي الموضوع
| |
|
|
|
|
|
|
|
|
|
Re: عزومة (Re: أبوذر بابكر)
|
تحياتي اخي ابوذر
*
اعتقد ومع بداية فنون الغناء والأداء الصوتى مع بداية تكون المجتمعات السكانية، كان فى غناء حسب ثقافة ومكونات كل مجموعة، ولغاية اليوم بنشوف ونسمع مختلف انواع الغناء الشعبى الفولكلورى عند كل المجتمعات وبتظهر فيه تنويعات الأداء من أداء جماعى كامل أو اداء فردى بمشاركة جوقة مغنيين تانين الخ الأشكال الغنائية حسب مقتضى او مطلب الحالة الحاضرة
وبما انه فن المديح النبوى بشكله الحالى المعروف بدأ بالتأكيد قبل تشكيل مجموعة الغناء العادى المعروف، يمكن القول انه هو الأصل وبعد ظهور شكل الغناء العادى بوجود مؤدى مع مجموعة اشخاص مشاركين، زى ما بدأ مع سرور مثلا، ممكن نعتبره تقليد لأداء المدائح بوجود مؤدى رئيسى فى المديح ومشاركة شخصين او اكتر فى "الشيل" وممكن برضو يكون تقليد أو نقل لأساليب الغناء الشعبى فى المجتمعات الأصلية فى اماكن تواجدها، وياريت المختصين فى تواريخ الفنون الغنائية يفيدونا فى الحتة دى ويصححو لينا أى معلومة
*
دة بيت القصيد
| |
|
|
|
|
|
|
|
|
|
Re: عزومة (Re: ابو جهينة)
|
شكرا يا جلال لاقتطافك الجزء الخاص ب الغناء الشعبي
وغناء المجموعات
وشكرا علي حضورك الجميل
| |
|
|
|
|
|
|
|
|
|
Re: عزومة (Re: أبوذر بابكر)
|
عقلي انشغل بى هواك
ولحنها وغناها الامين برهان ومن خلفه سرور وكرومة
طلعت من ابدع ما يكون..
وردي بعبقريته الفذة في : " العمُر زادت غلاوتو معاك و صالحنى الزمان يا احن الناس حنان "
عمل (التداخل الصوتي) واختار بعناية فائقة اتنين من اجمل الاصوات
وردي يصدح من الباب العالي وحنان النيل وآمال النور في الجهة المقابلة.
| |
|
|
|
|
|
|
|
|
|
Re: عزومة (Re: Ahmed Yassin)
|
نجي لاحسن واحد ادى الكورس مساحات يغنوا فيها رسمي .. بل هم جزء اساسي من منظومة اللحن والاداء
طبعا الكل عارفو .. محمد احمد عوض
الزول البعزف الدمبا .. وبغني (يعني ما بشيل) في فرقة محمد احمد عوض .. الزول دا بعمل حليات وتنويع وزخارف ادائية
بديعة .. وعنده صوتين .. صوت نسائي (الطو) بستلف هذا الصوت وبردد
انا فاكرك معايا .. ليييييل حبيبي فاكرك معايا !! وانت مع المظاهر
ما راعيت وفايا .. و ظلمك لي ظاهر
| |
|
|
|
|
|
|
|
|
|
Re: عزومة (Re: Ahmed Yassin)
|
في البوست الأساسي يا احمد اتكلمنا كتير جدا عن كورس محمد احمد عوض
شغل ما عادي ابدا
إضافة لاصوات الكورس، الأجمل هو طريقة المشاركة في الأغنية وحجم المساحة الاداها ليهم محمد احمد عوض
انت بتقصد عبد العزيز قسم الله
دا هو عازف الدمبا وصاحب الصوت الساحر فعلا
| |
|
|
|
|
|
|
|
|
|
Re: عزومة (Re: Ahmed Yassin)
|
الشغل دا يا احمد كله
في رحلة سنة ١٩٣٩ لمصر
سافرو الأساطير التلاتة سرور وبرهان وكرومة
وسجلو الاسطوانات لشركة ميشيان الارمني
كل اغنية اتنين يشيلو مع المغني
ودي الرحلة الطلعت ابدع الاغنيات
| |
|
|
|
|
|
|
|
|
|
Re: عزومة (Re: أبوذر بابكر)
|
طبعا يا ابوذر هو عبدالعزيز قسم الله .. الله يرحمه
طيب
نجي لى ترباس .. دا صوتو جميل جميل وبعرف يغني حقيبة بى صورة ممتعة
ولكن ترباس الزمان .. بنقز وطبلتين ورق وكورس رهيب
ترباس عمل تفانين للكورس جا اوضح ما يكون في اغنيات شهيرة جدا منها
سألوني عن حبي انكرت ما قرييييت
وفي اغنية خفيفة وراقصة .. تقريبا اداها للكورس بصدر رحب
بى قليبك تقول لي تعال وتعال وبى عيونك تقول لي لا مافي مجال
الفنان الشعبي .. دا هو الفنان لأنه لا بيز لا باص جيتار لا كونترباص لا اوكورديون لا ترمبيت
صوتك بس .. ولازم يتمتع بمساحة وقوة .... ديل ناس الكحلاوي و خلف الله وبادي وعبدالله محمد وعوض الكريم
من الطرائف بعد ما ترباس خلع الكورس واحتفظ بالعمة والعباية ورص جميع الالات الموسيقية وراهو
طبعا دي حرفنة منو ساي عشان الطلب ازداد عليهو من جميع انحاء الجهات الاربعة ومن تحت يعني حتى الجن كان بطلب ترباس
وفي اليوم كان بحي حفلتين ومرات مع الصبحية ثلاث حفلات ... الالات كانت بتغطي على كثير من مجهود الحبلين اللي في الحنجرة
هم اصلا (حبلين) ولكن الناس بقولوا (الحبال الصوتية) بجمعوها ليه ماعارف .. نرجع لى طرفة ترباس اللميض قال:ـ
(كورس يخاتف في الأغنية زى الحدية)
| |
|
|
|
|
|
|
|
|
|
Re: عزومة (Re: Ahmed Yassin)
|
ازيك يا احمد
ترباس ارتكب غلطة فاتحة جدا لما استغنى عن الكورس
مافي مشكلة تغني مع فرقة موسيقية
لكن الكورس عنصر جمالي وادائي مهم وفعال في اي عمل غنائي
بعد فترة لما عرف الغلط العملة
تاني رجع وجاب الكورس مع الفرقة الموسيقية
لكن يظل ترباس الحقيقي مع الكورس وبدون موسيقى
بالله اسمع الالبوم بتاع سألوني عن حبي أنكرت ما قريت
وشوف الكورس عمل شنو
وبرضو اسمع أداء الكورس في اغنية
عينيا ما تبكي
لما غناها معاه محمود عبد العزيز
| |
|
|
|
|
|
|
| |
أبوذر بابكر
نعمات عماد
ابو جهينة
Ahmed Yassin
فيس بوك
تويتر
انستقرام
يوتيوب
بنتيريست