|
|
|
 Re: عجلة سِتّاتِي .. و لطفي العجلاتي .. (Re: muntasir)
|
| Quote: بتعرف عوض كوج في الشهداء بيتهم فاتح علي التُرب |
شارع الدكاتره نادي الخريجين ..
احنا كنا بنشتري من ناس حسن صالح خدر ..
اولاده اصحابنا .. محمود و الباقين نسيتهم ..
انت عجلتك كانت فليبس شكلها .. و لا كنت بتأجر من صديق العجلاتي
| |
  
|
|
|
|
|
|
|
|
Re: عجلة سِتّاتِي .. و لطفي العجلاتي .. (Re: يحي قباني)
|
ايوا صاح
جنب محلات العامل
فعلا في الصف الجنوب الجامع الكبير
لكن في الجزء الغربي منو
يعني لو انت واقف قصاد الجامع ومتجه شمالا
الصف الفيهو المحلات الجنوب الحامع مباشرة هي حلواني حمدتو ومحل عمر مرحوم الحلاق
في الزاوية الشرقية قهوة الزيبق وفي الزاوية الغربية مكتبة النهضة السودانية
اما محل عجلات ناس حسن صالح خضر كان في الصف البكون علي يدك الشمال
قصاد موقف بصات الديوم الشرقية قبل ما يحولوها ويجيبو بدلها بصات البراري
نفس الصف فيهو محلات المغربي
دي البرندات البكون فيها ناس "الملوص" نص النهار لما المحلات تقفل للغدا
| |
|
|
|
|
|
|
|
|
|
Re: عجلة سِتّاتِي .. و لطفي العجلاتي .. (Re: يحي قباني)
|
سلام يحي والجميع
وكل سنة وانتو طيبين
كنا في كوستي الجميلة ونحن علي أعتاب المتوسطة
نحلم بعجلة فليبس من دكان ابوكبشين
اشهر دكاكين العجلات في كوستي
تفوح منه رائحة المطاط واللساتك
ورقعة العجلة والسلسيون.
الرالي كانت حلما بعيد المنال الاللبرجوازية
نذهب بها صباحا الأهلية المتوسطة يزاحمنا في الشارع
عمال السكة الحديد ،كان من الأشياء الجميلة يوجد موقف للعجلات
داخل المدرسة والويل لمن يركن دراجته في غير مكانها
في المساء ونحن راجعين من المزاكرة
نتحاشي شارع المرور إن لم تكن انوار العجلة
مضاءة وتخيل العقاب أن يقوم عسكري المرور
بإفراغ اطارات العجلة من الهواء وتسحبها
راجلا الي المنزل.....
اي زمن هذا الجميل اللذي كنا فيه....
تدخر النقود لشراء مزيدا من الاكسسوارات
بوري ...شريط كهرباء...صورة بروسلي...
والباقي ندخره للفيلم الهندي...
كومار،،، الحسناء انيتا،،،،شاشي كابور
وضي القبيلة اميتا باتشان،،،ووزير الداخلية
كومار ابوشلخة،،،
شعار الفيلم دوما القتل عمدا والسداد بالدم
لا توجد في الافلام الهندية مدنية الديمقراطية
الغلبة فيها للحق وانتصار المظلوم...
أجرة باركن العجلة في السينما خمسة قروش
تخيل...
سلامات.......
| |
|
|
|
|
|
|
|
|
|
Re: عجلة سِتّاتِي .. و لطفي العجلاتي .. (Re: عبداللطيف حسن علي)
|
التحيه للعجلات وكل العجلاتيه فى البوست
امتلاك العجله تلك آله البرجوازيه:) كان حلم صبا....انكربت فى إجازه المتوسطه زمان تقريبا كل الاجازه شغل شديد حتى تحصلت عليها كا اجمل ما تكون المركبات زرقاء(صاروخ) تسر الرفاق والناظرين
يا عبداللطيف العجله الخشبيه امو٣ عجلات خشبيه وميزان قياده يصنعها النجار ليتعلم الاطفال المشى...تا تا ..تا...تا
إذا دى المقصوده ما ظنيت مافى بيت فى السودان ما كانت فيو....لكن لو قاصد سكوتر منتصر دى ما شفتها إلا فى بلاد الخواجات نحن عابرى الخرطوم مرورا ب المطار:)
حاليا فى بلاد الخواجات العجله رفيق دائم وحتى الولد الصغير اردفه معاى فى مقعد مخصص له به كل مستلزمات الامان من حزام وخوذه راس وبجانبه اخوانه كل زول فى عجله ليتحرك كنفوى صغير تجاه الداون تاون
| |
|
|
|
|
|
|
|
|
|
Re: عجلة سِتّاتِي .. و لطفي العجلاتي .. (Re: Abdelrahim Mohmed Salih)
|
| Quote: لا نحمل شي على اي حال فهناك شح .. و هم عائدا الى المحل و قال لي في لفتة سريعه .. اسعارهم تتراوح من 10 الى 20 الف دولار قد تصل الى 100 الف دولار .. |
تصدق يا باشمهندس,
انا برضو مشيت للمحل في دنداس + جلن ارين (Trek Store), ادونى نفس الاجابة دى.
الطريفة, كنت عندى الـ Trek Bicycle اشتريتو used قبل كم سنة, الولد قاعد يسوقها يمشى بيها المدرسة و نسى ما قفلها, اتسرقت منو.
قلت تارى انا كنت عندى بايك بـ 10 الف و ما جايب خبر.
| |
|
|
|
|
|
|
|
|
|
Re: عجلة سِتّاتِي .. و لطفي العجلاتي .. (Re: عبداللطيف حسن علي)
|
| Quote: حسن صالح خضر دكان العجلات كان في السوق العربي جنوب الجامع الكبير في الخرطوم .. |
سليمان صالح خضر كان في المحطه الوسطى امدرمان فاتح شرق جغرافي وأول من باع الفونيكس وال Forever
وأعتقد تحول لاحقا إلى تجارة العطور.
حسن بتاع الخرطوم الجمب البارات ما بعرفو…
نحن لامن وعينا ما لقينا بارات ..
لا أبوستولوس حاجوغلو ولا غيرو..
| |
|
|
|
|
|
|
|
|
|
Re: عجلة سِتّاتِي .. و لطفي العجلاتي .. (Re: محمد المرتضى حامد)
|
سمعت ان حسن صالح خضر في امدرمان كان يبيع العجلات بالتفسيط
واحسن عجلات دبل كانت عند مقبل اب سبحة ..كان طويلا وضخما ولو اتاخرت دقيقة عن موعد تسليم العجلة
غالبا تكون ساعة ..بى قرشين. الله قال بى قولك
وعوض كوج كان محله ملاصق لنادي الخريجين في شارع غاندي
وفي سوق الموردة كان عمك صديق العجلاتي لكن عجلاته كلها الساتك بتاعتا قديمة وكلها رقع
الغريبة ولا واحد منهم كان عنده ساعة يظبط بيها وقت ومدة الايجار.. كان تقديري
سمعنا ان يحي دا كان لامن يتاخر كم دقيقة كان بياكل عمط عوض كوج حنك
| |
|
|
|
|
|
|
|
|
|
Re: عجلة سِتّاتِي .. و لطفي العجلاتي .. (Re: ABUHUSSEIN)
|
| Quote: لا أبوستولوس حاجوغلو ولا غيرو.. |
ابوستولو حاجوغلو ده حق عمك العبد ابادير ما كده ؟
عادل العبِد كان قدامنا في المعمار ..
للشباب ناس ابوحسين و الحلوين الحارجع ليهم واحد واحد ان شاء الله ..
الوصف بالبارات زمان كان اسهل شي ..
و اذا عرف السبب .. بطل العجب ..
| |
|
|
|
|
|
|
| |
يحي قباني
ABUHUSSEIN
محمد المرتضى حامد
أبوذر بابكر
النذير بيرو
عبداللطيف حسن علي
Abdelrahim Mohmed Salih
Mahjob Abdalla
Ahmed Yassin
فيس بوك
تويتر
انستقرام
يوتيوب
بنتيريست