ناس ما عندها شغلة . قالوا طول التنورة ما بيناسب الوزيرة في مهمة زيارة لليونسكو . عيون الخلق دايرة تأكل البنية حية. .. الحمد لله يا جماعة انو البصل الجديد اليومين دي طلع . في منطقة الفراعسين، وجنوب شندي .
05-31-2020, 07:42 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20385
يا خواص انت زول قضيت زمن جميل في لبنان . حدثنا عن الثقافة فيها . عن المكتبات والمطابع. وعن قهاوي الشعراء . ولو عملت تعريجة علي طناجر الكوارع برضو خير وبركة . بالمناسبة يا أخ اسامة . اعمامك محمد المهدي المجذوب والطيب صالح . كانت لهم أيام في بيروت . ذكرها الطيب صالح في كتاب المدن. اتخيل لي الطيب صالح كتب الرواية الصغيرة ( الرجل القبرصي ) كتبها وهو في مهمة مقابلة ناشر في بيروت. .. كلمنا يا أخ اسامة عن الحبيبة بيروت قدر ما الله يديك. مع الشكر الجزيل وانا عارف محبتك لبيروت
05-31-2020, 08:11 PM
Mohd Ibrahim Mohd Ibrahim
تاريخ التسجيل: 01-19-2004
مجموع المشاركات: 2234
أخونا الخواض انت زول قضيت سنين اكيد باهية مع اهلك اللبنانين. وعارف اهتمام الشعب اللبناني بالثقافة من قديم . ولمان يختوا زلمة يشغل الوظيفة دي . لابد يختوا المستحق. بعاينوا لي جميع جوانب الوظيفة.
06-01-2020, 07:11 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
صحي سودانيين والأجر على الله ياخوانا رمضان يادوب كملناه بالعافية ومنتظرين ربنا يرفع عننا وعن بلادنا الوباء والبلاء إتقوا الله وأنا اقول ليه بلدنا راجعة وراء وكل يوم واقعة فى مصيبة لا حول ولا قوة إلا بالله العلى العظيم
06-01-2020, 09:21 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
بكايييييييييييييييييييييييييييييييييييييييييييييييييييييييييييييييييييييييييييييييييييييييييين لدرجة الهبل وتختوها طاخ طبعاً ماأعمم والمفروض فى التعليق أكتب عبارة بعض سألتك بالله هسي مع ظروفنا الطين دى كرعين الوزيرة دى بتحل لينا مشكلةياخ خلونا فى قميص الوزير حقنا كان مشروط فعلاً ولا كان مسخن وفاتح الزراير والله الفينا مكفينا
06-01-2020, 09:39 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
حراااااااااام عليك يا أب سن ياخ يا اخوانا الكلمة مسؤولية الواحد قبل يكتب رأي هندسي مفروض يتأكد منه كويس في مواقع الاختصاص ما أي جربندي يجي يتكلم لينا في الهندسة كدي خلي باقي المعلمين يظهروا عشان يبلعوك فتواك الهندسية دي
علي الحلال معمار ما سائل في مبنى التجارة رغم افتقاده للمقدمة
ياأخ أحمد مشاكلنا دى ما بتحلها لا كرعين لبنانية ولا حتى عيون إيفانكا بت أبوإيفانكا أحسن نقعد فى الواطة دى ونحل مشاكلنا برانا ونبتعد عن الأمور الإنصرافية الما بتحل مشكلة صحيح البوست لدى البعض نوع من الفرفشة لكن إستمرار التعليق عليهو بالشكل دا يودى الخور ثم لا ننسى المنبر فيه أخوات عزيزات نعتز بوجودهن معنا عشان كدة أتمنى أن نكتفى بهذا القدر
06-01-2020, 10:16 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
تبتعد كيفن وانت سايب 75 بوست في الصفحة الأولى وما وقعت إلا في كرعين الوزيرة هسة كان بطلت بحلقة وقمت لباقي المنبر العام بتلقى 74 بوست سياسي أقعد حلحل فيهم مشاكل البلد كلها وبعد تنتهي منها حلحل مشاكل اثيوبيا
أخونا ابوسن سلام وحمد لله بسلامة مرقتك من الحجر . معالي الدكتورة الوزيرة يا ابوسن عندها كتاب سيرة ذاتية يعجب . البنية تخرجت من السوريون والان بتتابع في دراسات في هارفارد. ومشفولة بي اجتهادات علمية وادبية مهمة وكتيرة . مواهب لا ليها حد لا ليها عد اداها ليها ربنا . سبحان الله .
06-01-2020, 12:06 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13670
سلام يا عثمان و الله الهلولة عليها شوية. بالله دي و زيرة بلد بعاني من أزمتين ضد بعض. 1/ ضايقة اتقصادية على حافة الإفلاس و المجاعة. 2/ و قبلها كانت أمة جبال من النفايات لامن دافنة البلد لاكين كان جيت للحق في التانية دي نحن فايتهم لغادي الوسخ لامن مقرف الضبان ظاطو. لكن الشينة منكورة بس ، وعلى راي المثل" يايمة ضاريكروك خليني الننبز بت أم كرو. بس في ملاحظة برضو؛ إتو نحن أكاس قمامتنا ديل بمشن يفكن وين؟!! المايقوما و عرفناها بتستلم شفع بس . ف شنو ما هو يا أ متن اللبنانيين ديل حناكيش و خالقين من حبة نقاياتم قبة ساي؛ و لا نكون نحن ما بنطلع مخرجات زاتو ماسكانا (يابوسة) كسرة : يمناسبة جلب الزيت . واحد جا داخل على أمو المطبخ لقاها مشلهتة بهنا العدة في الطش و الضبان عايم فيها يقدف وروا ورا و بهنا البصلة خايفاها تحرق فدايراها يساعدا قالتك ليه جيب ا لزيت. عرف قال ليها شنو . " أبوي عرس". طبعن هي من حيسا اختساساتتا اتلخبتن و مسكت الجدادة مسحت بيها صاح العواصة و مرقت ودجت السخيلات الروضة نظام (KG-1)
06-01-2020, 12:17 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
لسة يا عثمان يادوبنا 7 يوم ساعدونا بالدعوات ياخ العالم يتجه نحو هندسة النانو وانتو ساكين المباني الضخمة والابراج 😅😅 هسة يجيك واحد يقول ليك بتاكل شرابات 😑😑😑
06-01-2020, 07:15 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا دفع الله يا اخوي عان الترحيب بالوزيرة طالبة هارفارد . عان شكل الترحيب . ما شكل التنورة. انتو اصلو من زمان مكاجرين. الواحد فيكم امو ترسلو الدكان يجيب ملح . لازم يجب حلاوة كرميلا. شعب يعشق الكوارع حتي بعد التسعين.
06-01-2020, 04:57 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
أخونا عمر التاج سلام عان يا عمر في سنة 1982 وأذكر كان في حركة معمار والحرب اللبنانية ما كان انتهت. لكن برضو اللبنانين كان عندهم إصرار للتعمير . وأذكر كان في شلل من السودانيين طالبين العمل والدراسة و الهجرة . كاسرين علي لبنان في ديك الزمانات. وأذكر بعد شارعين خلف الجامعة الأمريكية كان في مطعم شعبي اسمو مطعم بهلول . المينيو بتاع المطعم . فتوش حمص بطحينة وفول لحم بعجين وكوارع . وكنت محتار ليه السودانين جنهم كوارع . الكوارع يا عمر في بيروت خليط بين طعم الليمون الجبلي والزعفران والهبهان . والشطة من عندك . والشعب السوداني المخلص كان كابوس علي بهلول . يا عمر ياخ الاقاشي في سوق 6 طعمو زي بعوو الدوم . .. عاشت الكوارع .
06-01-2020, 02:34 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
أخونا احمد عمر سلامات عان يا اخوي . دي كرعين. مافي كلام . وزيرة ياخ . عشان كدي بتلاقي الكتاب المطبوع في بيروت يختلف من اي كتاب . عليك الله عان كعب الجزمة . وط ؟
06-18-2021, 11:17 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
Quote: 1/ ضايقة اتقصادية على حافة الإفلاس و المجاعة. 2/ و قبلها كانت أمة جبال من النفايات لامن دافنة البلد
سبحان الله مع ذلك اللبنانيين في كل الدنيا المسألة دي ما كاسراهم ولا مؤثرة على نفسيتهم وعادين نفسهم أحسن ناس فى الخليج وغيرو وما معترفين أبدا إنهم بلد تعبان ولا تبعات التعب ده ما ظاهرة فى حياتهم ولا فى زول أصلا قاعد يذكرهم بالحاجة دي ولا يعيرهم بيها !! بركبو أحسن عربات وبسكتو أحسن سكن وبصرفو أعلى الرواتب وإعلاميا مسيطرين على الإعلام وتكاد لا توجد فضائية تخلو من مذيعة أو مقدمة برامج لبنانية ، فى فطاع المبيعات و التسويق أكتر ناس ناجحين و أكتر ناس مستمتعين بحياتم ولا حصل يوم لاقاني لبناني بشكى !! Socio-economic phenomenon عديل كده !!! :)
عثمان إزى الحال ياخ
06-01-2020, 02:57 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13670
اخي الكريم الخواض سلامات ومشكور علي المرور الكريم والحديث عن بيروت المدينة الفاتنة . ولابد من عودة الصورة الوردية للبنان في عهد وزيرتنا الجميلة . لابد أن تدور ماكينات المطابع القديمة . ولابد أن تفتح مجالس الشعر ومقاهي النقد والحوارات وأحاديث السياسة . . الف شكر اخي اسامة .
06-02-2020, 11:07 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
أخونا أستاذ وليد طه سلام اللبنانين من انجح الشعوب في الداخل والخارج. والمهاجرين منهم قدر القاعدين في لبنان مرتين. بعدين بعيشوا مرتاحين في كل المهاجر . اشتغلنا مع بعض في أول أيام غربتنا في مانهاتن ناس قمة في الذكاء ومكافحين وعندهم أهداف و همة وإصرار علي النجاح . الوزيرة دي يا وليد برضو عندها همة وعندها أي حاجة . تبارك الله .
06-02-2020, 07:04 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18007
السيرة الذاتية لوزيرة الثقافة اللبنانية الدكتورة منال عبدالصمد:
مواليد عماطور - الشوف، زوجة يوسف نجد وأم لثلاثة أولاد، كارول، ريان، ورامي-جو، تتقن اللغات العربية، الإنكليزية، والفرنسية.
حائزة دكتوراه دولة في القانون، من جامعة باريس 1 - السوربون Paris Panthéon Sorbonne، باريس- فرنسا، بتقدير ممتاز مع مرتبة الشرف الأولى وتنويه من اللجنة الفاحصة (الموضوع: تفعيل النظام الضريبي في لبنان). وهي تستفيد حاليا من تجربتها الباريسية لإعداد الأبحاث المتخصصة باللغات العربية والأجنبية، ولديها مؤلفات عدة في هذا المجال.
تتابع حاليًا دراساتها التنفيذية في كلية كينيدي بجامعة هارفرد الأميركية Harvard Kennedy School، في تخصص السياسة العامة (2019-2021)، وقد أنجزت أول برنامج من هذه الدراسات حول "السياسات والإدارات الضريبية في دراسة مقارنة" في آب 2019، كامبريدج - ماساتشوستس. التحقت بوزارة المال منذ العام 1997 وهي تشغل حاليا مركز رئيس مصلحة التدقيق والسياسات الضريبية. في العام 2000، عينت عضوا في أول فريق عمل إحداث وتطبيق ضريبة القيمة المضافة في لبنان ولها مساهمتها في هذا المشروع.
عضو في لجنة الاعتراضات على ضريبة القيمة المضافة (منذ العام 2004). عضو فاعل في انضمام لبنان إلى الاتفاقية المتعددة الأطراف لمنع تآكل وتهريب الأرباح BEPS وفق معايير منظمة التعاون الاقتصادي والتنمية OECD ودول مجموعة العشرين G20. تم اعتمادها في العام 2016 من صندوق النقد الدولي كخبير متخصص لتقييم الإدارات الضريبية في العالم TADAT Assessor، وقد قامت بأول مهمة ميدانية في هذا المجال في تونس (آذار 2018). أستاذة محاضرة في الجامعة الأميركية في بيروت (AUB) وفي جامعة القديس اليوسف (USJ) منذ العام 2009، في مواد مرتبطة بمواضيع القيادة الإدارية والمالية العامة والضرائب. تتولى الدكتور عبد الصمد التدريب الدوري في معهد باسل فليحان للتدريب، في نقابة خبراء المحاسبة، بمواضيع مرتبطة بالتخطيط الاستراتيجي، المالية العامة، التدفقات النقدية غير المشروعة، والضرائب على أنواعها. كما تتولى حاليًا المشاركة في تنظيم المؤتمرات وفي إدارة جلسات حوار وإلقاء محاضرات في ميادين مالية وضريبية عدة، في لبنان والخارج، لا سيما على أثر تطبيق ضريبة القيمة المضافة في دول الخليج.
حائزة على العديد من الأوسمة والجوائز العلمية والعملية، منها:
في العام 2008، حازت درعًا من المعهد الوطني للإدارة (ENA) تقديرا لنيلها المرتبة الأولى في الدورة التدريبية العليا لقياديي الإدارة العامة (من أصل 400 مدير). على الصعيد الأكاديمي، نالت في العام 2010 جائزة جمعية التكريم الدولية The International Honor Society "Beta Gamma Sigma" (وهي أرفع تقدير يمنح لتلميذ تابع لجامعة معتمدة من الجمعية المتقدمة لكليات إدارة الأعمال في العالم AACSB International). كما منحت عضوية لمدى الحياة في الجمعية المذكورة، وذلك للنتائج الباهرة والتفوق الذي حققته في دراساتها العليا في الجامعة الأميركية في بيروت (AUB)- (معدل عام 95%).
06-02-2020, 11:11 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
اخونا ود موسى والاخوة الاعزاء – سلام .. كدي، بس شوفوا "الرقبة قزاز والسلم نايلن في نايلن"، وفردت شعرها المتماوج يحاكي عرف فرس براري منطلق والريح تولول في بوادر الجبل المعشب، يوشوش نسايم سهرة ربيع ضاحك، محمل بحبيبات ندى اقحوان وليلك. استاذنا ود الخواض، البنية ان قرت واللا ما قرت بتحصد العلم والعلوم.. ههههه . شوفو شاعرنا أبو آمنة حامد – عليه رحمة الله – قال شنو بقصد البنية دي وأللا غيرها ..؟
(حمد)
06-02-2020, 11:53 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
سلام عثمان موصى وضيوفه كورعية إيه .. ديل ياهم الساقين القال عليهم شاعرنا محمد المكى إبراهيم:
.. يا مملؤة الساقين ..
غايتو من سيرتا المقتبسة التحت دى .. تصلح تترشح خبيرة من ضمن بعثة الأمم المتحدة الجاية السودان .. خبيرة إقتصادية وثقافية وإجتماعية ولتسهيل مهمتها فى السودان نرشح المستشارالسودانى الذى ستتعامل معه بصفة يومية أخونا الأستاذ عثمان موسى ..
Quote: مواليد عماطور - الشوف، زوجة يوسف نجد وأم لثلاثة أولاد، كارول، ريان، ورامي-جو، تتقن اللغات العربية، الإنكليزية، والفرنسية.
حائزة دكتوراه دولة في القانون، من جامعة باريس 1 - السوربون Paris Panthéon Sorbonne، باريس- فرنسا، بتقدير ممتاز مع مرتبة الشرف الأولى وتنويه من اللجنة الفاحصة (الموضوع: تفعيل النظام الضريبي في لبنان). وهي تستفيد حاليا من تجربتها الباريسية لإعداد الأبحاث المتخصصة باللغات العربية والأجنبية، ولديها مؤلفات عدة في هذا المجال.
تتابع حاليًا دراساتها التنفيذية في كلية كينيدي بجامعة هارفرد الأميركية Harvard Kennedy School، في تخصص السياسة العامة (2019-2021)، وقد أنجزت أول برنامج من هذه الدراسات حول "السياسات والإدارات الضريبية في دراسة مقارنة" في آب 2019، كامبريدج - ماساتشوستس.
التحقت بوزارة المال منذ العام 1997 وهي تشغل حاليا مركز رئيس مصلحة التدقيق والسياسات الضريبية.
أستاذة محاضرة في الجامعة الأميركية في بيروت (AUB) وفي جامعة القديس اليوسف (USJ) منذ العام 2009، في مواد مرتبطة بمواضيع القيادة الإدارية والمالية العامة والضرائب.
تتولى الدكتور عبد الصمد التدريب الدوري في معهد باسل فليحان للتدريب، في نقابة خبراء المحاسبة، بمواضيع مرتبطة بالتخطيط الاستراتيجي، المالية العامة، التدفقات النقدية غير المشروعة، والضرائب على أنواعها.
كما تتولى حاليًا المشاركة في تنظيم المؤتمرات وفي إدارة جلسات حوار وإلقاء محاضرات في ميادين مالية وضريبية عدة، في لبنان والخارج، لا سيما على أثر تطبيق ضريبة القيمة المضافة في دول الخليج.
في العام 2000، عينت عضوا في أول فريق عمل إحداث وتطبيق ضريبة القيمة المضافة في لبنان ولها مساهمتها في هذا المشروع.
عضو في لجنة الاعتراضات على ضريبة القيمة المضافة (منذ العام 2004).
عضو فاعل في انضمام لبنان إلى الاتفاقية المتعددة الأطراف لمنع تآكل وتهريب الأرباح BEPS وفق معايير منظمة التعاون الاقتصادي والتنمية OECD ودول مجموعة العشرين G20.
تم اعتمادها في العام 2016 من صندوق النقد الدولي كخبير متخصص لتقييم الإدارات الضريبية في العالم TADAT Assessor، وقد قامت بأول مهمة ميدانية في هذا المجال في تونس (آذار 2018).
06-03-2020, 01:55 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
يا عثمان عاين الصبية بنت الوزيرة فى الفيديو دا وعشان ما تقول إمكانيات أمها صدف ساى شوف الوراثة كيفنها جمالاً .. أول مرة أفهم يعنى شنو (من رأسها حتى أخمص قدميها) .. كرعين عجب! ماركة مسجلة .. ما شاء الله عينا باردة
أخونا العزيز أستاذ نادر الزول المبدع في حياتو . سلامات يشهد الله عارفك حتجي ديك مليانة و يشهد الله عارفك حتقوم تطلق النار في القبل حقات المنبر الاربعة . يلعن ابو الحنكشة زاتو. نعم التربية. شوف بنتها كيف . ثقافة ربنا . هي عسل وكلام بنتها عن أمها عسل . البنية طوالي ذكرتني منقة كسلاء . وامها ديك ماشاءالله عليها ،
06-04-2020, 06:44 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
أخونا الخواض سلامات والف شكر علي جلب سيرة السيدة الوزيرة . شهادات لي يوم الشهادات ومعرفة بالحاصل في العالم كلو . وسماحة وشباب عجيب . ذكرتنا حكاية قديمة عندنا صديق زمان أول مره يسافر من العالياب للدراسة في عطبرة الثانوية . ومعاو زميل شايلين شنط الحديد وركبوا القطار لمدينة عطبرة اول مره . كانت في الكنبة المقابلة شابة جميلة وانيقة ولطيفة ماسكة كتاب قصة انجليزية في يدها . صاحبنا عاين الشابة واتلفت لي صاحبو وقالو والله دي يكون عندهم جنس ملاح كرارة هههههههه . .. دحين يا اسامة يا اخوي وزيرتنا دي يكون عندهم جنس حمص بالطحينة. طبعا هسع حيجيك العربي بدرالدين الامير يقول ليك الوزيرة دي بتحب القراصة بالتقلية وبتغسل يديها لمدة اربعين ثانية بي صابون البرير .
06-03-2020, 07:25 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
Quote: أخونا أستاذ حمد سلامات انت وين ياخ من دي الهلولة التابعت الوعلة ابوعيون كحيلة جميلة الصفات؟ وين انت من مولد المبحلقين والحمص المشتت في عتبات بناية اليونسكو؟ الوزيرة حلاوة ولون وصورة وصوت وثقافة وكرعيين. تعال اتفرج . واسمع .
أخونا ود موسى - سلام .. كلامك دا سمح تب تب.. ومافي زول بقول بغم بغم.. لكن.. كلمة (الكرعين) ما سمحة ما سمعت شاعرنا أبو آمنة حامد - عليه الرحمة - قال في وصف اجسام - بعض اكرر بعض السودانيات – هوووي البقولو دا منقول - ما تقولوني ساي.. وتاني التبادي "خوف عديل" عشان البيت وكدا...؟ قال شاعرنا: الواحدة منهن بعد – بطنة وبطنتين –، البسمة "تكشيرة"، الوجيه "عضم"، سحق الخدود، الكفين "مكنشة"، السيقان "كرعين"، النهود "شطور"، الشفتين "شلاليف"، الصدير الطامح زي خليج الروم " ترعة" الجزيرة بعد قانون 2005م، المشي "خطوة خطوة" يا حبيبي نسيييير – مع الاعتذار للفنان القامة سرحبيل. * أهاااا ، وين نحن من البنية الوزيرة دي بعد تلاثة "بطن" تمشي والقامة سيسبانة، فارسة تسرج فرسها المتوحش يتحدى العيون المتلصصة، تحمد الخلاق المعطي، والجوال يزغرد في الشمال وبي هناك الايمن يلطم الخدود غيرة وحسرة. * تنويه: الكلام دا صحيح بداهو الراحل المقيم الشاعر أبو آمنة.. لكن زودت فيه حبة حبة.. حبة حبة زيد غرورك ومرة زيد الريد حبة... حليلك يا الراحل المقيم خوجلي عثمان..
حمد
******
06-04-2020, 12:01 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
عن اللحوم يا أباذر.. يا أبا ذر باللاى سؤال فرعى: لو منتدى أو مجموعة فيسبوك لبنانية جابو صورة سودانية، كانت مذيعة أو موظفة، وقعدوا يوصفوا فى كرعينها وصدرها.. هل ترضى؟ معليش سؤال شخصى غير مجبر على الإجابة.
06-17-2021, 02:32 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
الأخ العزيز عثمان.. طبعا تعليقى لا يمثل ولا يفسر على انه دعوة للحجر على حرية كتابة البوستات.. ولكن مادام هذا منبر عام فلكل عضو حق التعبير عن رأيه فى ا. البوست الذى ينشر للعامة. المنبر ليسوا كلهم شباب.. هناك الشيوخ بل العجائز.. إضافة للنساء والاطفال.. لو وسيلة نشر عربية جابت صورة وزيرة او مسؤولة سودانية مشهورة فى اى مجال ودخلوها (المشرحة) وقعدوا يوصفوا فى كرعينها ويدينها..الخ.. هل نرضى؟ طبعا لا.
06-17-2021, 02:26 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: والله يا أخ خضر شوقتنا نرجع للبوست بعد زمن . بارك الله فيك.
يا حبيب ما تجرجرني معاك انا بكتب عن وزيرة إعلام دولة بتحمل شهادة دكتوراة في القانون من جامعة عالمية و انت بتكتب عن كرعين .. شتان ما بين المئزنة و المدخنة هههههه هسي عاوز تشمت فينا ابو الريش و ابوذر و لا الوضع شنو ؟
06-17-2021, 10:19 PM
Abureesh Abureesh
تاريخ التسجيل: 09-22-2003
مجموع المشاركات: 30182
أخونا ابو حسين سلامات اللبنانيين نفسهم قالوا في الكرعين ما في ليها مثيل في النجمات. يا ابو حسين الزولة دي عملت تجديد للمكتبات العامة في لبنان ما عصلت . وعرفت تجيب دعم حتي لمطابع الكتب الخاصة . وفي كل زيارة لمنهاتن كانت بتتعرف أنها جات . وقدرت تقدم مساعدات حتي للوزارات الغير وزارتها زي وزارة التعليم . بلول حقنا يا ابو حسين ياخ يتاتي لسع . السياسة يا اخوي محتاجة فلاحة.
06-18-2021, 09:03 AM
خضر الطيب خضر الطيب
تاريخ التسجيل: 06-24-2004
مجموع المشاركات: 9961
أخونا ابوالريش سلام لا لا أبدا ما تفكر في حجر وما حجر . رايك فوق الرأس. ودي المنابر الحرة . زي سوق البطيخ تدخل تختار بطيختك البتعجبك وتطلع . واكيد الناس بتحاول عدم تعدي خطوط السوق الحمراء .
مع كامل الاحترام للمراقب صاحب المقص بكرى الذي أتاح لنا أن نتشهق. .. اشكرك أخينا ابوالريش على صبرك على خرمجتنا . وتأكد انو المثل السوداني البقول الحلة بصل . هو مثل مية مية . ههههههها
06-18-2021, 09:34 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
أخونا الفنان خضر سلام لا لا الموضوع ما فيه ليك جرجرة يا اخوي . بس كان دايرنك تلاحظ انو العسكري كان بيعاين للشنطة؟ ولا كان مجحم ساكت وسارح في الهواء. ؟ يازول جاوب بصراحة .
06-18-2021, 11:02 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22958
عثمان ياود موسى لو كنت معى فى رأس السنة ببيروت.... كما قال نزار قبانى في قصيدته تلك العوالم انا عشتها في بيروت في زحلة على مجرى نهر البردوني زحلة القال شاعرها انه يود زحللت لبنان ولبننت العالم .... البوست الكتبته هنا من سنوات بعنوان امسيات العشق والترحال حين تقع فى حب امراة ليل كان عبارة عن جزء من الذاكرة الجمالية والايام العشتها في بيروت وجولة مالك ياعثمات بتنبش فى الذاكرة الجمالية
06-18-2021, 04:17 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الذاكرة الجمالية عن لبنان يا بدرالدين قبالك نبشها عمك الطيب صالح لمان في يوم لاقاهو في بيروت صاحبو السيد / الرئيس محمد المهدي المجذوب وهاك يا دردشة . الدردشة دي تلاقيها في كتاب المدن . .. قلت لي بيروت زمان كانت كيف ؟ انا دخلتها للدراسة قبل الحرب . وتركتها مولعة .
06-18-2021, 04:52 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
Quote: أخونا الفنان خضر سلام لا لا الموضوع ما فيه ليك جرجرة يا اخوي . بس كان دايرنك تلاحظ انو العسكري كان بيعاين للشنطة؟ ولا كان مجحم ساكت وسارح في الهواء. ؟ يازول جاوب بصراحة .
هو العسكري براهو الكان مجحم ياخ كان في عشرات الكاميرات لقنوات و وكالات أنباء كتيرة خلت الرئيس الفرنسي ماكرون يجي لبنان بعد انفجار المرفأ المتعمد دا غير الشافو و انت ما شفتو هههههه
06-18-2021, 05:21 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
يا عمثان زيدنا من صورك شوية وكتر البوستات عليا ... ياخ دي جوة معطونه في عسل والعجب البنية ياخ ده كل جيل يسلم جيل القالا الجاغريو زاااتها ... غايتو الله يسامحك بس ... تخلي الزول يطرع من طورو ههههههههههههه ... هسي يحسبوني مع الجماعة ..
تحياتي : ياسر العيلفون .......
06-20-2021, 10:53 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
osama elkhawad
جلالدونا
Mohd Ibrahim
حسن محمد عمر
عبدالحفيظ ابوسن
عمر التاج
دفع الله ود الأصيل
أبوذر بابكر
walid taha
MOHAMMED ELSHEIKH
السنجك عثمان
بدر الدين الأمير
Mohammed Abuzaid
محمد قسم الله محمد
Abureesh
ABUHUSSEIN
خضر الطيب
ياسر السر
زهير عثمان حمد
فيس بوك
تويتر
انستقرام
يوتيوب
بنتيريست