الله يفتح عليك يا قبة بركة الرسول صلي الله عليه وسلم . الناس ديل شخصيات . شخصيات عديل . مهلة في الصوت و مهلة في الطول و مهلة في الاستقامة . ياخ خلاف الغناء والأدب والوسامة والفراسة . الناس ديل ليهم طعم مختلف . عليك الله يا قبة عان عمم الأنبياء دي ملفوفة كيف . و عان الطاقية الحمراء الما خمج . الناس ديل مدرسة للوطنية ولي أي حاجة .
04-17-2020, 07:26 AM
adil amin adil amin
تاريخ التسجيل: 08-01-2002
مجموع المشاركات: 37029
Quote: ما قادر اتخيل اني فاتح بوست بي اسمك و عازمك كمان ...
لكن علي اي حال ... لقيت عندك شوية ذوق في بوست خليل اسماعيل ... كفنان فقط ... رغم اختلافي معاك في موضوع النخاسة ...
عموما ... البقت بقت ... تعال اسمع بس ...
يا سلام يا قبة يا ميزان الذهب اب كفة راجحة ابداع خرافي وكلمات من الذهب النفيش ياخ حقيبة الفن دي البرنامج الخالد وهسة متابعو من اليمن بي الراديو بذكرني الوالد عليه رحمة الله وايام الجمعة الجامعة والكلمة السامعة طبعا الاغنية وطنية 100% لان احترام الجنوبيين والجنوب في تلك الفترة كان موجود قبل الاستقلال والجنوب موجود في اغاني كثيرة سودانية كسرة الاختلاف بين الناس ليس عداوة لاني من سودانيين وست منستر اختلاف السيدين الانيق قبل الاستقلال وليس اختلاف بعاعيت مايو 1969 وايتام الترابي 1989 المدمر انا عندي رؤية للسودان وفي ناس عندها غير ما برفض بضاعتي علي زول وما في زول يفرض بضاعتو علي دي قواعد الاشتباك لكن العاصمة دي اهانت الجنوبيين لازم تعتذر وترد لهيم اعتبارهم وترد اعتبار المهدي الاسسا والسيد عبدالرحمن المهدي ومحمود محمد طه عشان تكون انا ام درمان فعلا عشان نكون عاصمة لكل السودانيين الناس تواجه اخطاها والحقيقة وتعتذر ما في عداوات شخصية لي في البورد ده اطلاقا في اختلاف وجهات نظر بس وشكرا علي النفحة الجميلة دي
04-17-2020, 07:44 AM
adil amin adil amin
تاريخ التسجيل: 08-01-2002
مجموع المشاركات: 37029
الجنوب في وجدان السودانيين والاغاني السودانية خلاس يا قبة ده بوست رمضاني بامتياز نتباري في الاغاني الوطنية التي تشير الي جنوب السودان في المكتبة السودانية وقد افلح من استعلي ابدا بالذكريات عثمان الشفيع ودي كمان فدرالية عديل بتشير للجهات الاربعة
04-17-2020, 08:05 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
جدودنا زمان وصونا على الوطن ..على التراب الغالي جد يا قباني انت عجيب وبتجيب حاجات يمكن ناس كتار ما سمعوا بيها زي ( اسرع يامواطن) كتبها عبيدعبدالرحمن في عز الحركة الوطنية وهي ( نشيد) وطني وحدوي شامل . والجميل ان اللحن والايقاع تماشى مع كلمات الاغنية الموغلة في الوطنية الراحل احمد حسن جمعة من حي العرب وكون اول ثنائى مع ( عباس عبدالمجيد) شقيق الفنان ابراهيم عوض
04-17-2020, 08:16 AM
جلالدونا جلالدونا
تاريخ التسجيل: 04-26-2014
مجموع المشاركات: 9390
حولااااااا يا قبّة كده جهجهت دستور 2005 و الرؤية و عردة عرمان و اتفاق السيدين و عبدالله خليل لتسليم السلطة للعسكر نحنا الزول ده نشتري ليهو مقاس xxxl و سايفون وحات سيدى الحسن صحى
04-17-2020, 08:17 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
عبدالرحمن الريح كتب مستنهضا (رجال الحدود) ومتاديل للاستبسال ايام غزو الطليان لشرق السودان وخرج العدو متدحرا ذليلاو هيا يارجال الحدود دافعوا عن وطن الجدود مع عدوكم صار لدود من حربكم دائما صدود تاريخنا في كل العهود تاريخ رجال باذلين جهود اخلاصنا ما داير شهود من فمنا ما خنا العهود هيا يا شباب أوفو الوعود قابلو المدافع كالرعود تصبح بلادكم في سعود والسلم للاوطان يعود
04-17-2020, 02:03 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: الله يفتح عليك يا قبة بركة الرسول صلي الله عليه وسلم . الناس ديل شخصيات . شخصيات عديل . مهلة في الصوت و مهلة في الطول و مهلة في الاستقامة . ياخ خلاف الغناء والأدب والوسامة والفراسة . الناس ديل ليهم طعم مختلف . عليك الله يا قبة عان عمم الأنبياء دي ملفوفة كيف . و عان الطاقية الحمراء الما خمج . الناس ديل مدرسة للوطنية ولي أي حاجة .
مدرسة وطنية كاملة و حب للوطن لا يضاهى ...
شفت كيف يا ابو عفان ... تشوفهم و تسمعهم تلعن ابو الانقاذ على ابو النميري على ابو الغربة ...
04-17-2020, 02:22 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا سلام يا قبة يا ميزان الذهب اب كفة راجحة ابداع خرافي وكلمات من الذهب النفيش ياخ حقيبة الفن دي البرنامج الخالد وهسة متابعو من اليمن بي الراديو بذكرني الوالد عليه رحمة الله وايام الجمعة الجامعة والكلمة السامعة طبعا الاغنية وطنية 100% لان احترام الجنوبيين والجنوب في تلك الفترة كان موجود قبل الاستقلال والجنوب موجود في اغاني كثيرة سودانية كسرة الاختلاف بين الناس ليس عداوة لاني من سودانيين وست منستر اختلاف السيدين الانيق قبل الاستقلال وليس اختلاف بعاعيت مايو 1969 وايتام الترابي 1989 المدمر انا عندي رؤية للسودان وفي ناس عندها غير ما برفض بضاعتي علي زول وما في زول يفرض بضاعتو علي دي قواعد الاشتباك لكن العاصمة دي اهانت الجنوبيين لازم تعتذر وترد لهيم اعتبارهم وترد اعتبار المهدي الاسسا والسيد عبدالرحمن المهدي ومحمود محمد طه عشان تكون انا ام درمان فعلا عشان نكون عاصمة لكل السودانيين الناس تواجه اخطاها والحقيقة وتعتذر ما في عداوات شخصية لي في البورد ده اطلاقا في اختلاف وجهات نظر بس وشكرا علي النفحة الجميلة دي
و الله يا عادل امين جيت اعزل من كلامك عشان اقتبس ... غلبني نقلته بي بضاعتك حقة السيدين ههه
شفت الكلام الكتبو عمك عبيد عبد الرحمن ؟ شفت ود المامون و احمد جننوا ( المواطن ) الفينا كيفن ؟
ياخي دي اغنية و قصيدة موغلة في الوطنية ... تحميك النوم من كلماتها ...
الجنوب الحبيب و الضغينة الحاولت تزرعها الانقاذ في نفوس الناس ... لابد يجي يوم و تزول
اختلافي دايما حيكون معاك في ديموقراطية وستمنستر لانه لو كانت ديموقراطية حقيقية مايو ما كانت قامت مع الاسف لكن في الستينات و حتى انقلاب مايو الانصار من جهة عملوها كلها اختلافات و صراعات و تكالب على السلطة و الاتحاديين و بوجود احمد السيد حمد ... سرقوا رخص وزارة التجارة و تفرغوا للمكاسب ...
و اذكرك بي خلافات الأمه و مخالفات الاتحاديين بكريكاتيرات عز الدين عثمان رحمه الله :
04-17-2020, 03:12 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
ما عايز اسيس البوست يا قبة بس استمر معانا فى الاغاني الوطنية الحقيقية وبالذات بتاعة الجنوب ذى رائعة الفيتوري كان اسمها ام درمان كان اسمها الثورة كان جنوبيا هواها *** اغنية عرس السودان لمحمد وردي وكده فتك بي اغنيتين النت تقيل ما قدرت ارفعا
04-17-2020, 04:15 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا قبة ويا عادل سلامات . انت عارف يا قبة أخونا عادل ده قاعد في بلاد الغناء الاصلي . اليمن . عارف يا أخ عادل انا ديوان الشعر الأول طلعتوا وانا شغال في اليمن وطالب بين سوريا ولندن . الكلام ده بين 80 و 85 . اليمنيين ديل يا عادل شعب فنان من طرف وشاعر من طرف . وبجيك ليهم . و لي فنهم . دحين خت لي اخوك قبة . اغنية الراحل فيصل علوي مطلع الأغنية بقول ( يا ذا نهد امريكي .. يا ذا عيون هندي )
Quote: جدودنا زمان وصونا على الوطن ..على التراب الغالي جد يا قباني انت عجيب وبتجيب حاجات يمكن ناس كتار ما سمعوا بيها زي ( اسرع يامواطن) كتبها عبيدعبدالرحمن في عز الحركة الوطنية وهي ( نشيد) وطني وحدوي شامل . والجميل ان اللحن والايقاع تماشى مع كلمات الاغنية الموغلة في الوطنية الراحل احمد حسن جمعة من حي العرب وكون اول ثنائى مع ( عباس عبدالمجيد) شقيق الفنان ابراهيم عوض
احمد يس يا فنان
اسرع يا مواطن بالفعل ما متداوله ... و لا عجب في ذلك الحكومات الدكتاتورية المتعاقبة كان يهمها طمس هويتنا و اختلافنا و تشويه تاريخنا و تزويره ...
04-17-2020, 05:42 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: حولااااااا يا قبّة كده جهجهت دستور 2005 و الرؤية و عردة عرمان و اتفاق السيدين و عبدالله خليل لتسليم السلطة للعسكر نحنا الزول ده نشتري ليهو مقاس xxxl و سايفون وحات سيدى الحسن صحى
جلي يا صديقي ... خلي الهرجلة هههه
تعال احتفل معانا ياخي ... السودان محتاج الكل صف واحد و ان اختلفت رؤانا ...
04-17-2020, 05:52 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ما عايز اسيس البوست يا قبة بس استمر معانا فى الاغاني الوطنية الحقيقية وبالذات بتاعة الجنوب ذى رائعة الفيتوري كان اسمها ام درمان كان اسمها الثورة كان جنوبيا هواها *** اغنية عرس السودان لمحمد وردي وكده فتك بي اغنيتين النت تقيل ما قدرت ارفعا
هاك يا عادل عصفورين بي حجر واحد ...
وردي يغني عرس السودان رائعة الفيتوري في احتفالية بالشهيد محمود محمد طه ... جامعة الخرطوم 1986
04-18-2020, 03:45 AM
adil amin adil amin
تاريخ التسجيل: 08-01-2002
مجموع المشاركات: 37029
ام درمان تنهض وتكون معبر عن كل السودان عندما نستنهض ايقونات السودان الحقيقية الامام المهدي والسيد عبدالرحمن ومحمود محمد طه وعبدالخالق محجوب ورد الاعتبار لهم لذلك ظلت ام درمان تيمة وطنية وعرس الفدا قالت لي الاستاذة اسماء زمان زمن اركان الجمهوريين من اغاني ابيها المفضلة الفنان احمد المطصفي
علي ابن الجنوب ضميت ضلوعي وفتك الان بي ثلاثة نقاط يا يحي ..
04-18-2020, 04:01 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
عان التنقاري قال شنو: انا بعشق ام درمان .. حب الوطن ايمان .. و اعظم رسالة .. لا شك هي ام درمان فيها الحياه الوان بأدب رفيع مزدان ترى في عيونها جنان تلهيك عن لبنان في ظلالها
04-18-2020, 04:19 AM
adil amin adil amin
تاريخ التسجيل: 08-01-2002
مجموع المشاركات: 37029
انا ابن الشمال سكنتو قلبي وعلي ابن الجنوب ضميت ضلوعي ده من اخطر واجل ما قيل عن ام درمان جعلها ام كل السودانيين وهل ظلت كذلك ؟؟؟ في زمن الزواحف والبرمائيات والانقلابات المشبوهة بعد الاستقلال اين ابن الجنوب الان ؟؟؟؟
وانت جبت اغنية تمجد ام درمان البلد وليس والمعني ولازالت فايتك بي ثلاث نقاط يا قبة ... ارمي قدام الحصة وطن جنوب السودان في الاغاني السودانية
04-18-2020, 04:26 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
الأهلية كملت يا حبيب راحت يا حليل شمس المحنة الغرَّبت طاحت بسم الله ابتديت متل البرق لاحت فى الشين والفسل بقينا نتباحت طال الكان قصير والعالى اتاحت والصولات حليلن ملكتن راحت مالك يا زمان شبعتنا هولا لبست الناس تيابا حاشا مى هولا يات من كان يجي دمَّاعو مبهوله ولله راحت بقت البواجهوله مالك يا زمان شبعتنا وح ووحيح صح الدون كضب كضب العوالى صحيح يات من كان انا جعلتو لى صليح عقرب حزّه لى ويا نفسي زين ومليح فى احوال الزمن صار الفكر حاير والياباك خلو عندو شن داير فوق اهل الفكر كاس الوحيح داير نفد سوق النفاق سوق السمح باير تُب الشباب إن بقى كوَّاس تُب الصبي إن قطع المروة خلاص تُب الشايب إن بقى وسواس تُب الأقربين الإتفاتتو الأنفاس
04-18-2020, 06:04 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الانجليز هدموا قبة المهدي ...وعند اعادة تشييدها كتب عبدالرحمن الريح سقي أرضك الحلال بشآبيب من زلال باقية من أهدى للوطن الاستقلال وكتب عن " شهداء كرري": كيف لا أهدى شعري ورائعات درري للشهداء الكرام أبطال كررى المهدى العظيم مين ينكر آثاره في كل الدول معروفة أخباره تاريخك عظيم افتخرى يا بلادي كل صباح جديد في العز تزدادي ليك نور الإمام في كل جبين هادى لطريق العلا وحرية الوادى
04-18-2020, 06:17 AM
adil amin adil amin
تاريخ التسجيل: 08-01-2002
مجموع المشاركات: 37029
Quote: والياباك خلو عندو شن داير فوق اهل الفكر كاس الوحيح داير نفد سوق النفاق سوق السمح باير تُب الشباب إن بقى كوَّاس تُب الصبي إن قطع المروة خلاص تُب الشايب إن بقى وسواس تُب الأقربين الإتفاتتو الأنفاس
نعم من الوطنية ندب الصفات الصميمة في المجتمع السوداني ودي ود الامي عمل فيها البدع مع بادي محمد الطيب يا يحي ما بخاف من شي برضى خابر. المقدر لابد يكون كلمات :محمد علي عبدالله غناء: بادى محمد الطيب ----------------- ما بخاف من شيء برضي خابر المقدر لابد يكون إن أتاني الهم جيشو دافر يلقى يا مولاي صبري وافر يلقى عقلي كمان ليهو ظاهر يلقى قلبي شجاع ما خئون بالعدا معروف ما ببادر ما بخون الجار ماني غادر ما بقول للناس مثلي نادر بل بقول للخالق شئون قول لشاهد الزور فيما ساير هدّي روعك قبل الخساير ياما قبلك عميت بصاير من لساني وقولي الهتون ما نكرت الحق ماني فاجر لا ولا بالعالم متاجر نفسي يا أحباب ليها زاجر لا أكون كل يوم ليَّ لون الثبات معروف لي معاصر لو بقيت في داخل معاصر الإله غير شك ليَّ ناصر رغم أنف الواشي الخئون عن لسان الحق ماني نافر ما جحدتَ الخير ماني كافر ما ضمرت السوء ماني حافر للصديق لو جوة السجون
04-18-2020, 06:23 AM
adil amin adil amin
تاريخ التسجيل: 08-01-2002
مجموع المشاركات: 37029
Quote: الانجليز هدموا قبة المهدي ...وعند اعادة تشييدها كتب عبدالرحمن الريح سقي أرضك الحلال بشآبيب من زلال باقية من أهدى للوطن الاستقلال وكتب عن " شهداء كرري": كيف لا أهدى شعري ورائعات درري للشهداء الكرام أبطال كررى المهدى العظيم مين ينكر آثاره في كل الدول معروفة أخباره تاريخك عظيم افتخرى يا بلادي كل صباح جديد في العز تزدادي ليك نور الإمام في كل جبين هادى لطريق العلا وحرية الوادى
معقول يا احمد يس ما لقيت الاغنية البتعبر عن سيدنا الامام المهدي تغنية مشهورة جدا =ما هو عارف قدمو المفارق
قدلة يا مولاي حافي حالق
واتحداك تجيب اغنية عن قبة المهدي ذاتا ....طبعا يحي اكيد بعرفا لكن طال ما جبت ايقونة من ايقونات م درمان قبة المهدي ( والله مفروض تكون في العملة ) اول ثورة حقيقية لتحرير السودانيين من شنو ؟؟
04-18-2020, 06:57 AM
adil amin adil amin
تاريخ التسجيل: 08-01-2002
مجموع المشاركات: 37029
لأستاذ القامة خليل فرح ينعي نفسه ( ماهو عارف قدمو المفارق ... يا محط آمالي السلام ) أبيات تحكي عن مأساة خليل فرح مع داء الصدر ( السل ) حيث كان المرض يعتبر مخيف في المجتمع السوداني ويمنع من زيارة المريض خوفاً من العدوى ... وكان البيت الذي يصاب احد أفراده بهذا الداء يقفل لسنوات طويلة دون السكن فيه ... وعندما أصيب خليل فرح بهذا المرض أحس بنفور الحبايب والأصدقاء منه .. ( الحبايب لفتوا الخلايق .. بيني بينهم قطعوا العلايق ) .. انتقل الى رحمة مولاه بعد أيام من كتابة هذه الأبيات التي كان يمني النفس فيها بالتجوال بشوارع أمدرمان لدرجة انه شبه أمدرمان بالكعبه المشرفة في تقديسه لشوارعها ( قدلة يا مولاي حافي حالق .. بالطريق الشاقي الترام ) .. نسأل الله له الرحمة والمغفرة . ............................ ماهو عارف قدمه المفارق يا محط آمالي السلام ***** في سموم الصيف لاح له بارق لم يزل يرتاد المشارق كان مع الأحباب نجمه شارق ماله والأفلاك في الظلام ***** يا دهر أهوالك تسارق منها كم كم شابت مفارق ما علينا الفات كله فارق رقنا ولا نعيد الملام ***** من حطامك أنا غصني وارق في شن أبقيت للطوارق غير قليبا في همومه غارق ولسانا برده الكلام ***** ويح قلبي الما انفك خافق فارق ام درمان باكي شافق يا أم قبايل ما فيك منافق سقي أرضك صوب الغمام ***** يا بلادي كم فيك حاذق غير الهك ما أم رازق من شعاره دخول المأزق يتفاني وشرفك تمام ***** مسرح الغزلان في الحدايق والشوارع الغر والمضايق قول لي كيف أمسيت دمت رايق دام بهاك مشمول بالنظام -------- مجلس اللذات في النمارق والترف لا زال وصفه خارق ضاري حسك فاح جانا مارق وله قاطعو الريح ما هو لام ***** في يمين النيل حيث سابق كنا فوق أعراف السوابق الضريح الفاح طيبه عابق السلام يا المهدي الامام ***** أين مني الودعته شاهق باكي ناهد لسه ومراهق عيني ما بتشوف الا شاهق أين وجه البدر التمام ***** أين مني الفي زهوه باسق في شبابه نقي من مفاسق بين ثيابه البيض المناسق حولك اشبه رتل الحمام ***** يا بريد الجو فوقي حالق ميل علي الروح ليها خالق عدت سالم قول وأنت عالق مقرن النيلين كيلو كام ***** الحبايب لفتوا الخلايق بيني وبينهم قطعوا العلايق ان دلال ان تيه كله لا يق نحن ما ملينا الخصام ***** يا جميل يا نور الشقايق أملأ كأسك واصبر دقايق مجلسك مفهوم شوفه رايق عده ناقص زول ولا تام ***** من فتيح للخور للمغالق من علايل ابروف للمزالق قدله يا مولاي خافي حالق بالطريق الشاقى الترام ***** ما يئسنا الخير عوده سايق الحي يعود ان أتي دونه عايق الي يوم اللقا وانت رايق السلام يا وطني السلام
بالله هسة انا اقل من السر قدور بي شنو بس الم كيف البط حولي في البورد
07-03-2020, 06:15 AM
adil amin adil amin
تاريخ التسجيل: 08-01-2002
مجموع المشاركات: 37029
يا قبة ارض سلاح انت ليس عدو لكن الوغش المبارهيم ديل هو المشكلة (الشيوعيين) تعال احكي ليك علي افضل صديق عندي من ام درمان اشرف بابكر بدري صاحب الكرم الباذخ وحبيب الدفعة 1980 مظلات كلية العلوم جامعة الخرطوم كان يوم الجمعة بعزم كل الدفعة بيتهم في ام درمان ودي ذكريات واجبة التوثيق كنت نقضي اوقات جميلة مع العم بابكر بدري طيب الله ثراه وشوف الجزئية دي في ديوانهم العامر في جهاز نسجيل فخم جدا بعمل علي الاسطونات كمان كان والوالد بابكر دائما يصطفيني بي سماع البوم موسيقي بتاعو تتتخيل شنو مجموعة بتهوفن ونسمع سوا مقطوعة ضو القمر وباقي الدفعة بكونو رابنها في الحوش بعدين لحن الختام بعد كل زول يغني فرمالته الاخت ابتهاج تغني يا سلام منك بتاعة وردي مع كورال جماعي وتجي فرمااتنا انا والعم بابكر بدري حمامة الغصون وتلك الايام كانت طيبة جدا اولاد بابكر بدري موسيقيين جدا في اخو بابكر الاصغر اسمو ايمن كان ساكن في داخلية بحر الجبل ولا يعرفني كثيرا ولكن ايضا كنا نتبادل الشرائط وهم محبي بي جيز وانا اماجنينشن قروب وكده هسة يا حليل اشرف وايمن والله يرحم الاسطورة بابكر بدري المرهف والتربوي الفاضل ذكرات بس وتذكار عزيز والحديث ذو شجون ما ترفس مع الكعوك ديل في البورد ,,, واعرف اقدار الرجال ام درمان دي كنت فيها عمدة كبير وعزموني اولادها في بيوتهم وانت وفي بوست ساكت ما قادر تضيفتي وود خالتي العب جقود اصحي قبة واتواضع في البورد ده يا انا يا الرجرجة ما عندي مشكلة معاك من الاساس
07-03-2020, 06:24 AM
adil amin adil amin
تاريخ التسجيل: 08-01-2002
مجموع المشاركات: 37029
Quote: ما قادر اتخيل اني فاتح بوست بي اسمك و عازمك كمان ...
لكن علي اي حال ... لقيت عندك شوية ذوق في بوست خليل اسماعيل ... كفنان فقط ... ..رغم اختلافي معاك في موضوع النخاسة .
عموما ... البقت بقت ... تعال اسمع بس ...
عليكم الله شوفو لما الريد يفوت حدو اشكل مقدمة لي بوست ....ودعوة ...للمناظرة وقال انا بعرف موسيقا ..وبس بوست خليل اسماعيل هو فصل الخطاب والباقي بقج ساكت انا بنخس الشيوعيين والبعثيين والناصريين والكيزان والسلفيين انت انصاري زعلان من الصادق المهدي مشكلتك معاي شنو انا مشكالي بسيطة بي الريدة بتحل ذى ما قال ابو داود
09-25-2020, 08:09 AM
adil amin adil amin
تاريخ التسجيل: 08-01-2002
مجموع المشاركات: 37029
Quote: يا قبة ويا عادل سلامات . انت عارف يا قبة أخونا عادل ده قاعد في بلاد الغناء الاصلي . اليمن . عارف يا أخ عادل انا ديوان الشعر الأول طلعتوا وانا شغال في اليمن وطالب بين سوريا ولندن . الكلام ده بين 80 و 85 . اليمنيين ديل يا عادل شعب فنان من طرف وشاعر من طرف . وبجيك ليهم . و لي فنهم . دحين خت لي اخوك قبة . اغنية الراحل فيصل علوي مطلع الأغنية بقول ( يا ذا نهد امريكي .. يا ذا عيون هندي )
حياك الله يا عثمان موسي وتحياتي من اليمن الكان سعيد وعملتو الامارات تعيس فيصل علوي طبعا عنده ارث كبير في الغناء اللحجي الجميل والاقاعات السريعة وفنان رائع الله يرحمو بفتش ليك اقرب اغنية لانه النت تقيل واسف للتاخير ما ابنتبهت للمداخلة
عايز اصنع لوبي كبير من محبين اليمن من السودانيين الاحرار يدينو الوجود السوداني في حروب محمد بن زايد القذرة في اليمن ده المفرمل ثورة الشباب في السودان لحدي هسة
09-26-2020, 05:01 AM
adil amin adil amin
تاريخ التسجيل: 08-01-2002
مجموع المشاركات: 37029
Quote: ياأخواننا ده بوست بمليار دولار والله ،،، ربنا يفتح عليكم مع الجمعة المباركة دي
ياصديقي صاحبنا طرفكم غدا بالله USB 8 G ومليان من جنس ده عشان يصبرنا لحد الفترة الانتقالية دي ما تخلص
فعلا الفترة الانتقالة دايرة بندول كثير وزمان العداوة السياسية ريد ومسامير ساكت قبل الاستقلال وبداية بناء الدولة الحديثة في السودان بين الختمية والانصار والفانوس حرق القطية وهسة رفس الشيوعيين والكيزان الوحشي والمجرم عبر كل الانقلابات ضيع السودان والسودانيين والله شي بنعنش السودانيين تاني بعد انكشف المغتي وملان شطة تاني ما في غير علم الاستقلال والاقلمة والانتخابات والفانوس حرق القطية وجنوب السودان بي الحريات الاربعة اي حاجة غير كده مضيعة وقت بس وقبة ده طبعا عدو عاقل احسن لي من الصديق الجاهل الشين حيدر الزين ومعاوية والمدير ازبيرات عطبرة ديل
Quote: ياأخواننا ده بوست بمليار دولار والله ،،، ربنا يفتح عليكم مع الجمعة المباركة دي
ياصديقي صاحبنا طرفكم غدا بالله USB 8 G ومليان من جنس ده عشان يصبرنا لحد الفترة الانتقالية دي ما تخلص
عشان كده رفعتو ضر كده لحدي ما تنتهي وكسة الامارات دي وكسة من مصطلحات الجدة الحرم التي كانت تقيم عند جبل البركل الغظيم الله يرحم كمان خوجلي عثمان والاغنية الخطيرة دي والنيل يظل حبيينا العيب ما في النيل في مخنا بس وعجزنا عن وادارة مصادر المياه
شوف الطيب صالح بتكلم كيف عن مداراة الخوجات للنيل زمان قبل الاستقلال وجونا العاطلين عن المواهب ديل
Quote: فمتى تفتح القنوات للنهر وللبشر ومتى تهدأ ثورة النيل؟ الطيب صالح: الذين حضروا ايام الإنجليز من المخضرمين امثالى يذكرون أن فى المديرية الشمالية كانوا يشقون قنوات على ضفتى النيل على طول إمتداده فى ذلك الإقليم كان لذلك فائدتان حين يفيض النيل يفتحون تلك القنوات فيسيل النيل على الضفتين فتمتص الأرض الظمأى فائض الماء من النهر فلايحدث الخراب والدمار الذى يحدثه إذا لم يجد متنفسا وقد كان ذلك فى ظنى الهدف الاهم من فتح تلك القنوات؛ الفائدة الثانية هى أن ماء الفيضان يصل الى أماكن لا يصلها عادة فتكون زراعات ومراعى أغنام وغابات طلح وسيال وعشر وغير ذلك كان يثبت الأرض الرملية ويقى من رياح السموم ويبسط الظل على عدوتى النيل وكان فى بلدنا غابة كبيرة من اشجار الطلح يسقيها النيل من تلك القنوات من عام الى عام وقد نمت وإزدهرت لأن الحكومة كانت تمنع منعا باتا قطع اى شجرة إلا بإذن خاص فى حالات نادرة ؛ من تلك الحالات النادرة قطع شجر طلحة العرس فقد كان من طقوسهم فى الاعراس أنهم يمشون الى الغابة فى زفة عظيمة فيقطعون شجرة طلح ويعودون بها الى دار العروس؛ أذكر وأنا صبى فى الاربعينات عرسا كانت له شنة ورنة من تلك الأعراس التى يؤرخ بها وتظل اصداؤها تترددزمنا طويلا كان العريس إسماعيل صبير من اهلنا ناس كرمكول وكان اخا وحيدا بين عدة اخوات وكانت العروس إبنة المرحوم عبدالله عباس الذى كان يومئذ من كبار موظفى الجمارك كان من اوائل خريجى كلية غردون من اهلنا إضافة الى ان اخت العريس زينب صبير عملت لأخيها سيرة لم يحدث مثلها من قبل ولا بعد كانت شابة وضيئة متزوجة لا اظن أن سنها كانت تزيد على خمسة وعشرون عاما أذكر لونها العسلى وثغرها البراق ووقفتها النبيلة وصوتها العجيب الذى تعجز الكلمات عن وصفه بدت لى تحت ضوء المصابيح ولابد إنها ظهرت كذلك لأهل البلد كلهم كأنها طيف ملائكى حل علينا من كوكب آخر. سرنا معها كالمسحورين يحدونا صوتها الاسطورى من دار العروس فى كرمكول شاقين البلد من الغرب الى الشرق حتى وصلنا الغابة عند دبة الفقراء ظلت تغنى كانها ترتجل حتى قطعنا الطلحة وعدنا الى كرمكول ربما اكثر من ثلاث ساعات وربما اربع وصوتها يزداد عمقا ومدى وجازبية والصور والمعانى تصل الى وجداننا منها مثل رفيف أجنحة القطا جيد لى أنا جيد لى بى ذاتو يا نمر الخلا الفارد جناحاتو حين صرت اكبر سنا واكثر إدراكا فهمت أن زينب بت صبير صنعت فنا عظيما فى تلك الليلة خلقت اسطورة لاخيها فإذا هو أجمل وأكرم وأشجع وأغنى وادخلت البلد قاطبة فى نسيج عالمها الإسطورى فإذا بلدنا نعرفها زيادة وإذا نحن جميعا كما نعرف انفسنا وأكثر كذلك يصنع الفن العظيم ؛ إنما الحياة كانت بالفعل حلوة فى تلك الايام حلوة حلاوة من لايعرف طعمها إلا من ذاقها فماذا كانت عندنا يومئذ ولم يعد عندنا اليوم؛ لم يمهل القدر زينب بت صبير بعد اشهر معدودات من تلك الليلة المشهورة وأختطفها الموت فجأة دون علة واضحة رحمها الله كانت حقيقة طيفا ألم بالبلد ثم عاد من حيث اتى؛ لاتوجد اليوم اعراس كالعرس الذى غنت فيه زينب فى أى من قرى شمال السودان فقد فرقت القرى من اهليها الذي تفرقوا أيدى سبأ إختفت الغابات على الضفتين وهاجرت القمارى بشجوها؛ النيل الرحيم الودود عادة ظل فى العهود الاخيرة يطمس المعالم ويمحو الآثار كأنه يريد أن يقول شيئا كانه ضاق بحبسه بين الضفتين فمتى تفتح القنوات للنهر وللبشر ومتى تهدأ ثورة النيل ومتى تعود القمارى بشجوها. #فيضانات_السودان
Adil amin
09-26-2020, 11:55 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: تصدق يا جقود يا صديقي ده احسن كلمة تقولها في حياتك ؟
بالله شوف الزول ده زعلني تاني
ومشيت المعسكر طلعت لواء كامل لو ما الاجاويد والله انا من اول بوست2001 ولي اخر بوست2020 في البورد ما كتبت ولي قلت كلام فارغ اطلاقا https://top4top.io/
بس كلام الحب كلو قلتوهو بس كلامي انا الما عرفتوهو وانا بعتبر موقع سودانيز اون لاين منصة الثورة السودانية الحقيقية ان شاء الله وفضل انجاز سوداني حارج الحدود وفي امريكا تحديدا واي سياسي او مثقف شايف نفسو كبير يمشي يتكبر محل الناس شايفتو كبير يا قبة البورد ده كان فيه د منصور خالد وفيه فيصل عبدالرحمن علي طه والاستاذة اسماء محمود وشعراء لا يتبعهم الغاويين موقع سودانيز اون لاين وبكري ابوبكر ومستمر لحدي هسة واحسن مليون مرة من اعلام قحت ولو حمدوك ده متواضع وذكي كان يجي هنا احسن ليه من ناس المحاصصة وسرك جوبا وبرلمان كوريا الشمالية وتراهاات ق حت والمزرعة السعيدة
09-27-2020, 03:52 AM
adil amin adil amin
تاريخ التسجيل: 08-01-2002
مجموع المشاركات: 37029
Quote: الشعب السوداني الكيزان 30 سنة ساطوا افكاره سواطة ..
مش الكيزات بس برضو الانقلابات القبلهم كلها ولحدي هسة نفس الناس وكلام الحب كلو قلتوهو بس كلامي انا الما عرفتوهو
الاغنية دي سرها باتع كانت فرمالتي زمن الدامر الثانوية والجاهلية الاولي لمن كنا ختمية بس ومعاها رقصة القرد الاصلي لمن الباسطة والفول ومجانية السكن والاعاشة تفنجط بينا في الزمن السعيد داك الحمدالله ما في كامبرات تصور و لايفات
10-23-2020, 12:26 PM
adil amin adil amin
تاريخ التسجيل: 08-01-2002
مجموع المشاركات: 37029
شيخ الاقباط اسمو مكرم ميلاد ومن شندي وصفحته في الفيس رفرنس عديل وصور وتوثيق لتاريخ الاقباط واليهود في السودان يا قبة
انا تاري معاك والحرب دورات معاك بسبب صفوت فانوس
تحقر بي ما مشكلة انا عارف بواسيك كيف انت والضب جلادونا لكن استخفافك بي صفوت فانوس جاب لينا مريومة لاعبة سيرد باك لي مصر والسعودية والامارات سلمو الاقباط الخارجية خلونا نزح من عرب والجرب ديل
02-21-2022, 08:02 AM
adil amin adil amin
تاريخ التسجيل: 08-01-2002
مجموع المشاركات: 37029
الاسبوع ده اسمو اسبوع التضامن مع قبة وبعده بريمة مع انك ما جيت عزيتني في روضة هاني سكن النغم سكت الكنار د صفوت فانوس لكن ما مشكلة \ القدم بي القدم والامات خدم نفتح صفحة جديدة
02-21-2022, 08:30 AM
adil amin adil amin
تاريخ التسجيل: 08-01-2002
مجموع المشاركات: 37029
اها يا قبة ده اقتباس من البوست المبتزل بتاع زولك الرايح لي درب وعايز يتونس في زمن الكولير وعايز يعمل لينا الفا في البورد كمان
Quote: اما عادل امين .. فجقود ما زال ارحم شويه .. ما عنده اغراق لكن مواضيعه واحده و ممله .. و ما بشوف عوجة رقبته ..
تعال مارق يا قبة تعال وريني الممل في البوست ده شنو ؟؟ اشرح لي ( واحدة ومملة دي كيف ) فتحت بوست باسمي وقلت انا زول كويس عليك الله في ملل اكثر من بوستات التراهات المافيها اي قيمة معرفية ولا توقظ فكرة او تهذب شعور شوف من 2001-2022 لا عندي بوست مكرر ولا ممل او عديم الفايدة والجمل ما بشوف عوجة رقبتو دي تنطبق علي زولك المباريه ده خلي يرفع بوستاتو كلها او ارفعا ليه ان شاء الله بي نقطة تمبس الزمان ونشوف البهببا لي منو البورد ده عنده زوار من الخارج غير المسلجين في القسم العربي والانجليزي وديل هم الاهم والعداد بحسب من4000 زيارة ولي فوق بس معنها انت كويس غير كده شيل بقجيك وامشي يا تواكب يا تنقرض اما فرض شروط ورؤية نحن ما في مدرسة ديات ام درمان نحن كده انتو كيف
02-21-2022, 09:22 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1722
رمضان كريم الايام دي قبة قايمة عليه النفسيات قلنا نرفع البوست ده بتقنية الvar عشان نجدد الاوراح شوية ونخلص من الدنان اسامة الخواض ده كمان شوية قبل يتحلج مرة واحدة اها يا قبة اغنية الوطن والنوستلجيا جد الاغنية بتاعة وردي دي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
Osman Musa
adil amin
Ahmed Yassin
جلالدونا
Arif Nashed
Amira Hussien
فيس بوك
تويتر
انستقرام
يوتيوب
بنتيريست