|
Re: طلاق اللحمة (Re: زهير عثمان حمد)
|
اللحمه براها ؟ كيلو الجبنه لغايه اول رمضان 1400 جنيه طبق البيض قبل رمضان بيومين تلاته 650 جنيه قبل عشره يوم كان 1000 جنيه الليله المساء لقيتو 1600 جنيه عبوه الزيت 4وربع ليتر لغايه اول رمضان 3100 جنيه قبل يومين 3600 جنيه ولسه فى فى حاجات تانيه السكر واللبن و.... خايف يجى يوم الناس تخلى السوق السوق وتقبل على صفق الشجر
| |
|
|
|
|
|
|
Re: طلاق اللحمة (Re: Asim Ali)
|
الناس دى متكدسـة فى الخرطوم ليه؟ مسحورين؟ ناس عايشة على السمسرة والأعمال الهامشية لا تليق بالإنسان وكرامته.. الجابرهم على الشقاوة شنو.
| |
|
|
|
|
|
|
Re: طلاق اللحمة (Re: Abureesh)
|
يا ابريش المشكله فى موضوع الاسعار مش العاصمه بل يمكن العاصمه اسعارها بكثير من المنتجات اغلى خارج العاصمه
| |
|
|
|
|
|
|
Re: طلاق اللحمة (Re: Asim Ali)
|
يا عاصم كل هذا مفتعل كنت فى السودان العام الماضى.. الناس بالالاف فى ميادين المحطة الوسطة والسوق المركزى وجاكسون.. من تصبح همهم كله ربطة خضار وشوية بصل.. تانى بداية المعافرة فى الحالفلات عشان يرجعوا البيت وهذا يومياً.. نحن استقرينا فى بورتسودان من 1968.. وعندنا مزارع مطرية جنوب طوكر. تعرف المزارعين الماسكينها يأكلوا منها ويربوا الأبقار والغنم.. وبعد يرسلوا لينا شوالين تلاتة دخن كل موسم.. وصحتهم تمام. الذى يحدث فى الخرطوم أسميه جنون. زمان النميرى كان يعمل كشات.. وهى فشلت وتسببت فى مظالم لأن النميرى لم يعطيهم البديل.
| |
|
|
|
|
|
|
Re: طلاق اللحمة (Re: Abureesh)
|
القاصدو مش المنتج الزراعى او الحيواتى انما المنتجات التانيه زى السكر و الزيت والصابون بانواعو والرز والعدس حتى الملح واقف فى الصف ومنتظر دورو عشان يزيد سعرو
طبعا انا هنا اعتبرت الشاى والبن نثلا رفاهيات طبعا دا غير مشكله الخدمات صحه وتعليم كحد ادنى . قناعتى هو التنميه المتوازنه والعواصم النوعيه عشان البلد تتجاوز الوضع المختل دا المواطن كفرد مجبور ماعندو ذنب والمسئوليه تقع على الدوله
| |
|
|
|
|
|
|
Re: طلاق اللحمة (Re: Asim Ali)
|
Quote: طبق البيض قبل رمضان بيومين تلاته 650 جنيه قبل عشره يوم كان 1000 جنيه الليله المساء لقيتو 1600 جنيه |
والحكومة دي بتصرف من مال الشعب على ١٧ رئيس و٢٦ وزير اتحادي .. ده غير الولاة ووزراء الدولة وطواقمهم .. فوق كم ؟ معقولة زيادة ١٥٠% في شهر ؟
| |
|
|
|
|
|
|
Re: طلاق اللحمة (Re: عمر التاج)
|
يا ابوالريش بالانجليزي سلام ورمضان كريم اراك تقول
Quote: الناس دى متكدسـة فى الخرطوم ليه؟ مسحورين؟ ناس عايشة على السمسرة والأعمال الهامشية لا تليق بالإنسان وكرامته.. الجابرهم على الشقاوة شنو. |
يا اخي اديك مثال بنفسي وناس المنبر ما بحبو كلامي دا لانو سيرة جنيف فاقعاهم يا اخي جيت من سويسرا باختياري للبقاء مع اطفالي الايتام اعمارهم الان ١٤ توأمان و ١٠ في قريتي الشوال عندي بيد حدادي مدادي فيهو كل شئ بس اولادي يقرو وين ؟ مدرسة القرية حتى الثانوي الفصل فيهو ٨٠ طالب والاساتذة من دقنو وفتلو اها دا ما سبب يخلي الناس تقصد الخرطوم حتى الدراسة الجامعية اجبرت كثير من الاسر الهجرة للخرطوم لدعم ابنائهم وكمان عندك قصة العلاج وكمان الخرطوم للراغبين في العمل الفرص افضل تغسل عربية ب ٦٠٠ جنيه تعمل شاي كباية الشاي بمية والقهوة بمية وخمسين كل هذه الوظائف الهامشية تجذب ابناء الريف خليك من تلقى رقشة تسوقا دي بالله مش اغراءآت للهجرة للخرطوم؟ جلينا مثلا درس المراحل الاولية والمتوسطة والثانوي في منطقة جغرافية محدودة وكان مستوى التحصيل في مدارس الريف اعلى من العاصمة اليوم انقلب الامر
| |
|
|
|
|
|
|
|