|
|
|
 Re: طالبه وأم معادله صعبه (Re: Hafiz Bashir)
|
في الأول حأحكي واقعة سمعت انها وقعت في مدرسة ثانوية دون ذكر اسم
المدرسة والمدينة ولكن الشاهد انا استاذأ وكان مديرا لتلك المدرسة الثانوية
شد انباهه فجاءة طالبة في السنة الثالثة لمحها عندب بدء العام الجديد وكان
مدرس التاريخ هذا مجداً في تدريسه حازما مع طلابه ولكن هذه الفتاة
لفتت انتباهه وشغلت حواسه وحانت منه التفاته ليراها تثرثر مع جارتها
اثناء الحصة فقام بتوبيخها وطردها بل واخبرها ان لا يراها مجددا في
الفصل فخرجت باكية ولما جاءت الحصة التالية اول ما قام به هو ان
طردها من داخل الفصل وكرر على سمعها ان لا تحضر مجددا حصته
البتة مما اضطر الفتاة لاحضار ولي امرها والذي التقى بالمدير واستاذ
المادة في نفس الوقت فقال لوالدها بكل صراحة انا للاسف وقعت ابنتك
في نفسي ورايت ان من الظلم ان اضيع حق الطالبات كلهن بسبب
انني اكون منشغلا بمشاهدتها لذا كنت مضطرا لان اقوم بطردها
بصورة متكررة حتى استطيع ان اؤدي الحصة لبقية الطالبات
وان خال ذهن من رويتها داخل القاعة ولا اخفيك سرا ان هذا ليس
الا انني اصبحت ارى فيها زوجة و للامانة فانني قررت انا واهلي
ان نشرب مساء اليوم الشاي عندكم لنتقدم لخطبة ابنتك ولما كانت
البنت اصغر سنا منه تمنعت ابتداءا ثم وافقت بعد الحاح والدها كون
الرجل صدق معه من الوهلة الاولى ولمكانته الاجتماعية وهكذا
استطاع ان يقدم الحصة بصورة جيدة في وجود خطيبته ثم زوجته
خلال شهر وهكذا صار الركبان بهذه الحكاية واظنها واقعة حقيقة
يعرفها اهل تلك الديار.
حلوة الرمية دي يا استاذ عاصم.
عموما ليس للاستاذ حق ان يحتمل ازعاج طفل من باب اولى ان
تكون امه هي المدبرة لوضعها مع ابنها وليس من ذنب لبقية
الطالبات ان يحتملن ازعاج يتسبب في ذهاب تركيزهن لمجرد
ان احدى زميلاتهن تضطر لان تحضر صبيها الى الكلية
وهذا من التساهل في رأي و ليس فيه اي حكمة وانما مجاملة
وان سكتن عنها الطالبات ولم يبدنها فأنك ستجدهن في
مجالسهن الخاصة ينكر سكوت الاستاذ بالعتبار انه هو المعني
بتوجيه الطالبة بتدبير أمر وشان صغيرها ولو كنت مكانك
لطلبت منها قبل دخولها ان تتفهم ان هذا ليس مسموحا به
مثله مثل منع الطلاب لبس القبعة داخل قاعة الامتحان
حتى لا تكون سببا في ازعاج الطالبات و ضياع وقت
الحصة الذي يتقاضى فيه الاستاذ مقابلا ماديا ومن حق
الطالبات اللائ من حقها ان يتمتعنا بجو اكاديمي
بعيدا عن مجلاملات البيوت وهذه الافعال مجتمعة
يا اخ عاصم تع مثالية في مجتمعنا يلاءم على اثرها
لااستاذ ويكون مكروها من الطلابة التي اوقع عليها هذا الحكم
وهو ان تدبر امره وليدها حتى لا تفسد على الطالبات حصتهن
وهكذا ارى انا اتسير الامور دون مجاملة حتى لو قاد ذلك
الى تلك النتيجة التي لا تؤثر على الاستاذ بشئ بل يكون ادى رسالته
على اكمل وجه.
كما ان ادارة الجامعة ليست ملزمة بتوفير حضانة او اماكن تتعلق
برعاية ابناء التلميذات فذلك ليس مكانه و على الام ان تراعي
مصلحة الاخرين على ان يقبلوا ازعاج وليدها الذي من المفترض
ان تدبر امره و ترتب وضعه.
تحياتي
| |
 
|
|
|
|
|
|
|
|
Re: طالبه وأم معادله صعبه (Re: احمد عمر محمد)
|
اها نحن في تالتة ثانوي قسم علمي رياضيات
نحن سبعة انفار
استاذنا مصري شاذ
بس ولدو سامح بيجي يلعب كورة اثناء الحصة
وهو شغال: عيب كدى يا ياسامح
ويحل في المعادلات والمسائل
وحات الله
| |
|
|
|
|
|
|
|
|
Re: طالبه وأم معادله صعبه (Re: MOHAMMED ELSHEIKH)
|
Quote:
اها نحن في تالتة ثانوي قسم علمي رياضيات
نحن سبعة انفار
استاذنا مصري شاذ
بس ولدو سامح بيجي يلعب كورة اثناء الحصة
وهو شغال: عيب كدى يا ياسامح
ويحل في المعادلات والمسائل
|
سلام عليكم
تكون الحكومه زهجانه من القعده فى السودان دايره تعمل ليهو قلق فى الشغل وتقوم تلذ (سامح)
غايتو رجعتنى سنين. والدى معلم بتذكر وانا صغير جدا مشيت مهاهو مدررسه فى ام درمان بعدها انتدبتو الوزاره لمدرسه الراهباتا لكلام دا فى نص السبعينات وكنت سنوات فى سنه تانيه وتالته وفى الاجازه كان احيانا ياخدنى معاهو المدرسه لانى كنت شقى شويه فى البيت. المهم كنت احيانا لو لقيت نفسى براى فى المكتب وكل الاساتذه عندهم حصص كنت امشى لغايه ما اصل الفصل الفيهو الوالد وبمجرد ما اددخل قبل ما اصل كرسى الاستاذ مرات البنات ينادونى اقعد معاهم . مره واحده بعدالدرس انتهى وبقو فى التصحيح والاسئله واحده شبكتنى ونسه وسالتنى ماشايف ليك واحده سمحه نخطبها ليك عاينت لمحت واحده ماشه على الوالد تصحح قلت ليها دى (طفل برىء لكن اقدر الجمال خاصه الخدره الرايقه) بتذكر اسمها ساره والدها كان سير ومن اسره من الاسر المشهوره المهم شاغلت زميلتها ووالوالد برضو دخل وبقى موضوع ونسه مع الوالد برضو . المهم الوالد سكت ساى ولما وصلنا البيت حكى لى ناس البيت وبقيت ماده ونسه البيت اليومداك .
| |
|
|
|
|
|
|
|
|
 Re: طالبه وأم معادله صعبه (Re: احمد عمر محمد)
|
سلام احمد
نحنا مهما كان صعب نكون جامدين وباردين زى الخواجات (مش معناه كمان نخليها فوضى)ولازم نتماشى مع طبيعه مجتمعاتنا.انا كنت مشرف على تدربس عملى السنه الاولى لطلاب الجامعه كلهم وكنت صارم وممشى الشغل زى الساعه وعندى كلام ليهم اول خمسه دقائق حول النظام مسميها (خطبه الحجاج) لانو بفتكر انو طالب اى مجال علمى لو ما اتعلم الانضباط والدقه فى الدراسه العمليه يبقى مابنفع او غير جيد فى تخصصو لما يتخرج.
لكن برضو فى مواقف الواحد بيتفهم الحاصل حاصه مع تعقيد ظروف الحياه وضغوطها وحرص شباب على انهم رغم كل شىء يواصلوا ويكافحوا عشان يكونو ليهم قيمه انسانيه بالعلم.
الطالبه من اول تدريس الكورس بتحضر عادى واكيد لما جابتو معاها معناه فى ظرف قاهر خلاها تعمل كدا وبعدين لو انا طردتها من القاعه بولدها حرصا على الاخرين وحسب فهمى لنفسيه الشباب ممكن يقيفو معاها وقد يطلعو معاها لو كانو مترابطين شديد (خاصه وهم بسيطين فى العدد) وبعدين هى اكيد جابتو القاعه مطمئنه من جانبهم.وعادى حكايه طالبه تجيب طفلها معاها وتخلهو مع (الخالات )بقروش او مع صديقه او قريبه ليها فى الجامعه تمسكو لغايه مايتنتهى المحاضره او العملى وحتى زملاء الطالبه غالبا تلايقهم محتفين بالطفل ويلاعبوه لدرجه لو مريت بمكان جالسين فيه مجموعه مع الطفل ماتعرف تابع لمنو فيهم
احيانا الواحد بيمر بمواقف من نوع تانى حتى مع الطلاب الذكور يعنى اذكر مواقف واحد شغال فى شرطه الجمارك مره يتاخر ومره يعيب وواحد تانى شغال فى جهاز الامن دا غاب فتره ولما حضر لحقنى نهايه المحاضره وحكى ظرفو بتواضع(انو شغال تبع الجهاز وكان ضمن المكلفين وقتها بمرافقه وتامين مجموعه من المعارضه التشاديه -الطالب من ابناء دارفور)-دا فرد امن بخلاف البيكون منجى وجاسوس وسط اللبه بيكون مكشوف من حركتو وعلاقتو وبتذكر واحد بعد اتخرج بقى ضابط فى الجهاز اخر ترتطيبه- وحاله تالته واحد كان غايب من بدايه السمستر (الكلام دا السنه قبل الثوره بسنتين تلاته) ووضح انو كان معتل طوال فتره الغياب . احالات دى كلها ممكن اتعامل معاها بطب خطابات رسميه عشان اراعى الظروف فى نسبه الغياب او انجاز اعمال السنه لكن لانهم طلابنا نعرفهم وبعضهم لايمر سمستر او عام دراسى الا وتكون درستو كورس او عملى والمهم نساعد فى تقيم انسان يكون عندو خياراتو عشان يكون نافع للمجتمع كلهم اتفقت او اختلفت معاهم كسودانيين خارجحرم الجامعه لكن جوا الجامعه هم ظلاب تديهم فرصه طالما انو فى النهايه المحك الامتحان البيميز بين المجتهد والكسلان
من الامثله واحد فى سنه رابعه قبضتو فى الامتحانات ببحره واول ماقبضتو اعتذر بهدوء اخدت البخره وذرتو (طالب فى رابعه لو اتقبض غش معناها حيتاخر سنتين عن دفعتو ولاتعلم من خلفه من الاهل التعبانين عشان يتخرج) المهم فى السمستر التانى برضو لاحظت ان ببخره وهنا سجلنا حاله الغش وبتاكيد استاذ الماده انها تخص ماده الامتحان لكن اللجنه انتهت بلفت ظر او انذار في اذكر المهم السنه البعدها ماشفتو ولما سالت عنو واحد من الزملاء قال انو اتقبض تانى بعد داك (دا رغم انكتديهو فرصه لكن لايستقيم.
.
اما موضوع البوست الام الطالبه دا غالبا تلقاهو ود عمها او ود خالها وربما يكونو متفقين على تاجيل الاطفال لغايه بعد تخرجها .لكن انت فى مجتمع مامحصور فى اسرتك العملتها وانما جزء من عائله ممتده وامك وامها والاسئله ماعافين منكم كان ما كذا ومابقيتو تلاته و...الخ من الضغوط كمثالبل وحتى الزيجات الواحده يكملو خطوبتها وزواجها عشان عريسها يتحمل مسئوليه قرايتها وتخفف ضغط على والدها لكن تجرى الرياح بما لاتشتهى السفن احيانا والطفل يجى وبعض الطالبات يتساقطو فى الطريق بسبب الاطفال ويخلو الدراسه.
دا مجتمعنا لازم نفهمو ونكون مرنين حسب طبيعتو ولا رايك شنو ؟
اذرنى على الاسترسال
تحياتى
| |
|
|
|
|
|
|
|
|
|
Re: طالبه وأم معادله صعبه (Re: Hafiz Bashir)
|
Quote:
سلام يا عاصم لاقيت هذا الموضوع في صفحة أحد الأصدقاء في الفيسبوك ووجدته مناسباً للمشاركة هنا
|
مرحب اخ حافظ وشكرا على المشاركه
حقيقه التدريس مجال يخليك تصادف تجارب ومواقف مختلفه فى بعدها الانسانى والاجتماعى بتخلى فعلا الواحد احيانا يقرب المسافه بينو وبين طلابو
| |
|
|
|
|
|
|
| |
Asim Ali
Hafiz Bashir
احمد عمر محمد
MOHAMMED ELSHEIKH
فيس بوك
تويتر
انستقرام
يوتيوب
بنتيريست