|
|
|
 Re: ضجت مواقع التواصل السودانية عن علاقة حمدو (Re: Asim Ali)
|
| Quote: يقال أن أميرة الفاضل مفوض الاتحاد الافريقي هي من رشح حمدوك لمنصب وزير المالية؟ |
زهير
وصيفه الكريم
تحية طيبة
المقال بادي بي قوالة..
المقال الزي ده بكون مقال موجه، وعندو اهداف عاوز يحققها ..
كل شيء إلا الحقيقة..
ولكن ليس من بين اهدافه اظهار الحقيقة..
شغل امنجية وكده
محبتي
| |
 
|
|
|
|
|
|
|
|
Re: ضجت مواقع التواصل السودانية عن علاقة حمدو (Re: Mohd Ibrahim)
|
الضجت دي بتكون مواقع كيزان .
حمدوك يعلم الله انو رجل عفيف نظيف .
و مافي منو . الخطر الحقيقي و الكبير الآن علي الثورة .
هم المصريين . المصريين شغالين تخريب . وهم الكرهانين
د. حمدوك . المخابرات المصرية شغالة تخريب لمنع صادر
اللحوم والخضار والسلع السودانية للخارج .
| |
|
|
|
|
|
|
|
|
Re: ضجت مواقع التواصل السودانية عن علاقة حمدو (Re: Osman Musa)
|
Quote: الخطر الحقيقي و الكبير الآن علي الثورة .
هم المصريين . المصريين شغالين تخريب . وهم الكرهانين
د. حمدوك . المخابرات المصرية شغالة تخريب لمنع صادر
اللحوم والخضار والسلع السودانية للخارج . |
سلام عليكم
دا الكلام المفيد.
الخطر و الفتن و العراقيل و الإشاعات تصنعها المخابرات المصريةلإفشال التحول الديمقراطي.
أهداف المخابرات المصرية أتحدت مع أهداف الكيزان. مش قوش و زين العابدين موجودين في مصر؟
الشعب مفروض ينتبه لكل خبر أو مقال يأتي من مصدر مجهول أو جهة مشكوك فيها أو من
أشخاص تاريخهم و ولاءتهم معروفة لأن هولاء هم الدولة العميقة، أي أدوات المخابرات المصرية.
| |
|
|
|
|
|
|
|
|
|
Re: ضجت مواقع التواصل السودانية عن علاقة حمدو (Re: Hassan Farah)
|
| Quote: ماقلنا الكيزان عارفين الشعب السودانى عاطفى ووضعو حمدوك فى طريق الشعب والثوره السودانيه بترشيحو وزير ماليه فى ايام تهاوى النسخه الاولى من الانقاذ |
وعارفين برضو انه سيتم اختيارة رئيس وزراء انتقالي من قبل الحرية و التغيير؟ أم كان رهان و نجح
| |
|
|
|
|
|
|
|
|
 Re: ضجت مواقع التواصل السودانية عن علاقة حمدو (Re: محمد البشرى الخضر)
|
| Quote: وعارفين برضو انه سيتم اختيارة رئيس وزراء انتقالي من قبل الحرية و التغيير؟ أم كان رهان و نجح |
لبكيزان ممكن تقول من كم سنه- وضربه البدايه كانت انتفاضه سبتمبر 2013 ونقطه مفصليه كانت العصيان المدنى 2016 - وصولو لقناعه انو السقوط امر حتمى طال الزمن ام قصر سلميه كانت ام بالسلاح والسودان فيهو مكاسب وشغل مش 30 سنه اونما 40 شنه من التمكين لصالح التنظيم .لذلك لابد من خطه تبدو سقوط وانتقال وانتخابات اعيد انتاج نسخه جديده من الانقاذ -واجهات ووجوه- وخلال الفتره تكون مكاسب التنظيم محميه بواسطه جزء/شريك فى الحكم وربما نجد انو كل المطبات والغوائق فى طريق الثوره ومطالبها تحصل تخت بصر وحمايه الشريك .فى وسط دا كلو اختيار حمدوك للماليه ماكان خيار يسهم فى اعطاء اشارات ايجابيه للثوره وهو شخص غير معلوم للشعب .الشعب اللى فجاه اجمع غليهو وراى فيهو المنقذ و(جودو) وكان ممكن يتم اختيار اقتصادى (تكنوقراط)من داخل السودان ومعروف للشعب .
ومقارنه مع حاله ابريل 85 . -خروج الشعب بعد سماع البيان فى وقت مبكر - اما فى 11 ابريل 2019 تم تنويه عن بيان مرتقب من الجيش وتم تاخير البيان لم يكن من فراغ وانما للحصول على التاييد (الاعمى) من الشعب حتى من قبل معرفه طبيعه تحرك الجيش واتجاهاته وربما كان الاصح بعد 30 علم من حكم نظام عقائدى تمكن فى الجيش ان ينتظر الشعب ويترقب حتى صدور البيان ليبنى عليه مواقفه وتاييده ومن ثم الخروج للشارع تاييدا او رفضا.
شواهد كتيره توضح انو الكيزان كانو مرتبين تفاصيل زى ظهور واجهات ضغط متعدده كواجهه عبدالحى بدعوى الدفاع عن الشريعه وتحالف غازى - الجزولى السياسى وظهور تشكيلات شبابيه من العدم ....ألخ
تحياتى
| |
|
|
|
|
|
|
|
|
|
Re: ضجت مواقع التواصل السودانية عن علاقة حمدو (Re: زهير عثمان حمد)
|
تفرجوا ماذا يقول:
مالم تقله أميرة الفاضل:
أظهر الإسلاميون تهذيباً مدهشاً وتعاملاً أخلاقياً منقطع النظير مع خصومهم من الشيوعيين وبقايا اليسار، ومن دانت لهم مقاليد السلطة اليوم ممن صعدوا على مواقعهم ومناصبهم ومخصصاتهم الحالية على أكتاف الإنقاذ ورموزها في الأجهزة السياسية والاقتصادية والأمنية.
• ربما عاشت الأخت العزيزة أميرة الفاضل؛ ولأول مرة في حياتها مرارة أن يواجه المرء شرّ من أحسن إليه .. ومن الذين أحسنت اليهم أميرة الفاضل وقابلوا احسانها ورعايتها بالإساءة .. من أولئك الذين يقابلون الاحسان بالإساءة الدكتور عبد الله حمدوك وزوجته التي كانت ولا تزال مدينة للأستاذة أميرة بصنائع معروف داست عليها حرم حمدوك، عندما وطأت رجلها مطار الخرطوم .. فجأة وبلا مقدمات تحول حمدوك وحرمه إلى شخصين مختلفين كأنهما لم يتلقيا أميرة الفاضل وزوجها الدكتور المثقف الصادق الفقيه ..
سيرتفع حاجب الدهشة عند الكثيرين إن علموا أن أميرة الفاضل وزوجها كانا في مقدمة مودعي حمدوك وحرمه، وهما في طريق العودة الى الخرطوم لتسلم مهام منصبه رئيساً لحكومة الفترة الانتقالية، المنصب الذي حصل عليه الرجل لأن أميرة الفاضل من أوائل الذين أشاروا للإنقاذ بالاستفادة من خدماته .. وليتها لم تفعل فقد اتضح أن الخبير الاقتصادي الأممي ليس له من القدرات الخاصة والمكتسبة ما يؤهله ليشغل أخطر موقع بعد سقوط الإنقاذ !!
• هل تذكرون الأفكار العامة التي ألقاها حمدوك في مؤتمره الصحفي الشهير بمطار الخرطوم لحظة وصوله ؟! .. تلك الأفكار وضع معالمها الأساسية الدكتور الصادق الفقيه زوج أميرة الفاضل؛ والتي لاتزال حتى لحظة كتابة هذه السطور تقدم خدمة خاصة جداً لحمدوك وحرمه .. ولاتزال هنالك متعلقات خاصة بأسرة رئيس الوزراء داخل منزل الفقيه وزوجته أميرة الفاضل .. إنها أخلاق السودانيين وشيمهم التي داس عليها حمدوك بكل برود ..ليس فقط وهو يعلم بكل تفاصيل التعامل البائس مع أميرة لحظة وصولها ومغادرتها مطار الخرطوم .. بل قبلها بأشهر .. وإليكم ملخص الحكاية
قبل أشهر حمل رئيس الوزراء حمدوك وبمعيته وزيرة الخارجية أسماء عبد الله خطاباً لرئيس المفوضية الإفريقية موسى فكي .. حمدوك يطلب من فكي إخلاء موقع أميرة الفاضل المخصص للسودان .. الطلب وقع كالصاعقة على موسي فكي؛ والذي قدم درساً قاسياً لحمدوك مذكراً إيّاه بأول لقاء جمع بينهما في منزل أميرة التي يطالب اليوم بطردها من منصبها الذي تأهلت إليه بانتخاب من شرق إفريقيا .. قال فكي لحمدوك إن طلبه هذا ليس له مكان في قاموس الأخلاق السياسية، فضلاً عن كونه خطأ قاتل يكشف عن جهل بأصول اللوائح التي يعمل بها الاتحاد الإفريقي .. فكي قال لحمدوك إنه لن يقيل أميرة الفاضل ليس لأن الخطوة غير ممكنة بالقانون وحسب .. بل لأن شاغلة المنصب من أفضل المفوضين في الاتحاد الإفريقي، وإنه لن يقبل استقالتها إن فعلت ذلك ..
• واجه حمدوك حرجاً بالغاً، وهو يقدم طلبه ليواجه عاصفة لم تخطر له على باله، الأمر الذي دفعه للاعتذار لموسى فكي معللاً ذلك بضغوط هائلة يتعرض لها من قوى الحرية والتغيير التي تفرض عليه أسماء شاغلي المناصب الدبلوماسية والتنفيذية داخل وخارج السودان.
بعد ختام حديث حمدوك مع فكي دخلت وزيرة الخارجية أسماء عبد الله، وهي تحمل في يدها خطاب طلب إعفاء أميرة الفاضل .. والمفاجأة التي لن تخطر على بال أحد في المرشح البديل لشغل منصب المرأة التي جمعت بين حمدوك وفكي للمرة الأولى في تاريخ الأخير !! .. أسماء قدمت اسم السفير رحمة الله عثمان .. وللذين لا يعرفون نقول إن رحمة الله عثمان هذا كان مرشحاً ليشغل منصب المفوض السياسي للاتحاد الإفريقي .. لكنه فشل في الحصول على ثقة الأفارقة .. ومما قدمته له أميرة الفاضل مساعيها الجبارة التي تكللت بالنجاح لتعيين رحمة الله سفيراً للاتحاد الإفريقي بدولة الصين، وهو منصب أفضل في مخصصاته وتسهيلاته من الموقع الذي تشغله أميرة بأديس أبابا ..رحمة الله عثمان لم يترك مهاتفته المستمرة لأميرة الفاضل حتى ضمن حصوله على الموقع الرفيع .. وبعدها قطع تواصله معها حتى ظهر اسمه مجدداً مرشحاً للمنصب عبر خطاب رسمي من الحكومة السودانية؛ حملته وزيرة الخارجية أسماء عبدالله التي كانت تريد توظيف رحمة الله في هذا الموقع لا لكفاءته ولا لتاريخه المشرف في المحطات الخارجية ..لا لهذا ولا لذاك .. السيدة أسماء حرصت على (تسكين) رحمة الله في منصب أميرة، لأن المرشح الجديد للمنصب هو شقيق زوج وزيرة الخارجية السودانية !! .. هل تصدقون ؟!!
• نكتفي بهذه المشاهد المحزنة من حكاية أميرة الفاضل في مطار الخرطوم عند العودة .. وعند المغادرة .. وقبل الختام نذكر المهتمين بالشأن السياسي في عهد حمدوك بكواليس تعيين السيدة أسماء عبد الله في منصب وزير خارجية السودان .. ابحثوا عن (السيدة) التي وقفت وراء الضغط والدفع لتعيين أضعف وزيرة خارجية في تاريخ السودان الحديث .. والقديم !!
• هذا قليلٌ مما لم تقله أميرة الفاضل عن الأسباب الحقيقية لطريقة التعامل غير الإنساني؛ الذي وجدته عند حضورها للسودان في مهمة رسمية للاتحاد الإفريقي .. وليس لحزب الحركة الإسلامية؛ الذي كانت أميرة وستبقى من أفضل الوجوه النسائية التي قدمها الإسلاميون في سنوات حكمهم التي سقطت بكل أسرارها الخطيرة !!
| |
|
|
|
|
|
|
|
|
|
Re: ضجت مواقع التواصل السودانية عن علاقة حمدو (Re: Hassan Farah)
|
شوفو عقليات ق ح ت وبعاعيت مايو 1969 ما فاتت الثلاثة ديل في البورد وفي السودان وانسو الثورة نهائي طال ما المخابرات الاجنبية تدور بي السودان ومشغلنو كلب صيد مرة ضد اليمن ومرة ضد ليبا ومرة ضد الحبشة
نواع القحاته
1:القحاتي الحاقد . دا غالباََ مشكلتو إنو ثورتو تلقاها حقد وغبينه على الكيزان ماشغال كتير بفكر الحكومه. الاصلاح. التنميه. الوضع الاقتصادي. الكلام دا كلو م بهمو إن شاء الله السودان يحرق بستمتع جداََ بس لمن الكيزان يتبلو اوفلان بلو وفلان اقالوه او كلمه الكوز في فتيل بينطرب وبيفرح كثير وإياك ثم إياك تدافع عن كوز قدامه طوالي بيتشنج وبتفلفس وبيفقد المنطق
2. القحاتي العبيط. دا غالباََ بليد وماعندو علاقه بالسياسه كتير هوا زول غالباََ بسيط وبيحلم إنو وضع السودان بيتصلح وفي إعتقادو الخاص إنو القحاته ديل ناس فاهمين وناس كفاءات وماشين صح بس الكيزان معرقلين ليهم ومقتنع بكدا وممشي نفسو بالفكره دي
3. القحاتي الخبيث. يلا دا النوع الخطر ودا النوع العندو مشكله م مع الكيزان دا مشكلته مع الدين الإسلامي واي حاجه تجاه الشريعه بيكره يسمع كلمه حلال وحرام هوا منحل في نفسه وعايز يشوف الانحلال في غيرو تكلمو في الدين بيتوتر ورابط الدين دائما بالكيزان لوقلت استغفر الله ساي بقول إنت كوز
اها إنت رقم كم فيهم ي قحاتي؟! منقوول
| |
|
|
|
|
|
|
|
|
|
Re: ضجت مواقع التواصل السودانية عن علاقة حمدو (Re: adil amin)
|
أنها أخلاق وأساليب الكيزان نفسها.
إذا كان حمدوك بمثل هذا السوء فلماذا سعت الإنقاذ اليه سعيا وأرسلت اليه بعض المندوبين من أجل إقناعه بوظيفة وزير المالية؟
وهل كان الدكتور عبد الله حمدوك في الحوجة الى أميرة الفاضل أو غيرها لكي يتعرف من قرب على عمر البشير وأعضاء الحكومة المحلولة؟
الوظيفة التي كان يشغلها حمدوك كانت تسمح له بمقابلة مسئولين سودانين كبار في الدولة بما فيهم الرئيس البشير، ولقد ألتقى به الدكتور حمدوك أكثر من مرة ، في السودان وخارج السودان ضمن الاجتماعات واللقائات الرسمية.
أنا على معرفة وصداقة بالدكتور حمدوك وهذه المعرفة مستمرة لأكثر من عشرة سنوات ولقد التقيت بالرجل في أمريكا وخارج أمريكا، فهو رجل ذو أخلاق عالية وسمعة طيبة.
حمدوك من الذين يهتمون بالتفاصيل في العمل. وهو رجل محبوب جدا وسط مجتماعاته، وأهله وأصحابه.
| |
|
|
|
|
|
|
|
|
|
Re: ضجت مواقع التواصل السودانية عن علاقة حمدو (Re: Deng)
|
Quote: أنا على معرفة وصداقة بالدكتور حمدوك وهذه المعرفة مستمرة لأكثر من عشرة سنوات ولقد التقيت بالرجل في أمريكا وخارج أمريكا، فهو رجل ذو أخلاق عالية وسمعة طيبة.
حمدوك من الذين يهتمون بالتفاصيل في العمل. وهو رجل محبوب جدا وسط مجتماعاته، وأهله وأصحابه. |
يا دينق المستهبل هل انت محكمة دستورية مثلا ....عشان نرضى وناخذ تقييمك لي حمدوك وغيرو من مجلس سيادي وحكمومة انتقالية بدون فيش وتشبيه
االزول ده جا بدون رؤية واضحة من الاساس وقح ت لمة بلا مشروع وظاهر في اعلاما التعيس الملان علماء ومواعظ وسوء لحدي هسة
وما ااحترم المشاريع الوطنية الموجودة اصلا وجدع رؤية جون قرنق ودستور 2005 والمحكمة الدستورية وبارى بعاعيت مايو الما عندهم عمد ولا اطيان
ومدور سيرك في جوبا ولاسوا مشىى لي نفس الدول البتازي السودان مصر والسعودية والامارات والاتحاد الاروبي وامريكا والبنك الدولي وضيع سنة كاملة حاصل فارغ وهسة مدور لي سيرك في جوبا مع مليون حركة مستهبلة
\ه كلو لازمتو شنو
شنو البخلينا نباري ايتام صدام حسين وعبدالناصر في القرن21 لحدي واعادة تدوير الدولة المركزية
ق حت شغالة تصفية حسابات غبية
ولا وصلتنا التحول الديمقراطي والانتخابات ذى الحركة الشعبية ولي صلحت السودان من الاساس
هسة الليلة حرقو بيوت في الفاشر
الثورة برنامج واضح ومحدد نشرتو هنا لامن فترت
لكن الصمم الايدولجي وقبح المركز والمخابرات المصرية ما عايزة السودان والسودانيين يستعيدو حضارتهم وكرامتهم لحدي الليلة
سنة كاملة راحت ساكت
ونشوف اخرتا
| |
|
|
|
|
|
|
| |
زهير عثمان حمد
منتصر عبد الباسط
Asim Ali
جمال المنصوري
Mohd Ibrahim
Osman Musa
نعمات عماد
Hassan Farah
محمد البشرى الخضر
adil amin
Deng
فيس بوك
تويتر
انستقرام
يوتيوب
بنتيريست