* أطلع يا وزير التجارة، اطلعى يا وزيرة المالية، اطلع يا وزير الطاقة، اطلع يا وزير الصحة أطلع يا وزير الداخلية أطلع يا وزير الاعلام، اطلع يا حمدوك .. قولوا للناس ليه مافي رغيف، ليه مافي دوا، ليه مافي بنزين، ليه مافي غاز، ليه الحرامية لافين ومدورين في البلد ومافي زول قادر يوقفهم في حدهم كأنها غابة، ليه كل زول شغال على كيفو، وليه الهرجلة الحاصلة دى! * ما تقولوا قروش مافي، توفير رغيف ودواء وبنزين لمدة شهر واحد (بس) للناس بدون مهانة ما عايز قروش كتيرة، شهر واحد بس الناس تشيل نفَسّها، والشهر التاني يعدوه في الصفوف او يمشو المقابر، لكن ما ممكن سنة كاملة الناس واقفة وما لاقية تاكل ولا تشرب ولا تتداوى، وانتو قاعدين تتفرجوا وكأنكم ما موجودين أو حاكمين ليكم بلد تاني، كل المطلوب شهر واحد بس الناس ترتاح من الصفوف ويدخل في نفسها الأمل، حتى لو أمل كاذب إنو في إمكانية للتصليح، لكن ما ممكن طواااالى عذاب ومعاناة ، لو غلبتكم قولوا غلبتنا وحلوا عن سمانا .. الله يسهل ليكم وامشوا محل ما جيتوا وخلونا بنحل مشاكلنا برانا او نموت بشرف! * ليه ما عارف مراودني شعور انكم بتنفذوا مؤامرة على السودان، وعايزين تخلو الناس تيأس من الثورة وإمكانية تطبيق الشعارات الرفعتها الثورة، عايزين تكرهوهم في الحرية وفي السلام وفي العدالة وفى البلد ذاتها، الناس زهجت ويئست يا حمدوك وانت زي الكأنك عايش في بلد تانية، الناس روحها في راس نخرتها بتتمنى تموت، الموت اريح ليها من العذاب والهوان العايشة فيو ده، إن شاء الله في سمبك أو حمبك يودى ما يجيب، ما معقول يا حمدوك ! * والله العظيم الواحد من البتعملوا فيو ده ومن اللا مبالاة البتتعاملوا بيها مع الوضع، بقى يشك انكم بتنفذوا في مؤامرة وبتمهدوا الجو للكيزان عشان يرجعوا يحكموا تانى، أو لدكتاتور عسكري رابع، وبصراحة الواحد بقى يحس انو أفضل البلد يحكمها دكتاتور يضبطها ويفرض فيها النظام ويرحم الناس من الصفوف والجحيم العايشين فيو ده من حكومة ما بتعمل حاجة، وما عايزة تورى الناس الحاصل شنو، وما بتقول حاجة غير (سنعبر وننتصر)، نعبر وننتصر كيف يا حمدوك والبلد كلها واقفة في الصفوف؟! * اسمح لي يا حمدوك اقول ليك حكومتك سجمانة ورمدانة ومعظم الانت شايفهم وزرا ديل ما بستحقوها، وانت عارف وأنا عارف وكل الشعب عارف، واقول ليك بكل صراحة إنك لحدي الآن ما اثبت جدارتك برئاسة الوزراء، بقول ليك كده رغم إنى صديقك وزميل دراسة وسكن في الجامعة خمسة سنين، لكن لمن الحكاية تبقى على البلد وحياة الناس، الصداقة تطير، لانو اغلى من البلد مافي، واغلى من حياة الناس مافي، ولو كذبت عليك وصورت ليك البلد جنة وهي نار أكون ما بحبك وقلبى ما عليك، واكون ما بحب البلد وما بحب اهل البلد، ودى ما من صفاتي وأحمد الله على ذلك. * وعلى فكرة الكلام البقولو ده ما كلامى أنا براي، ده كلام الغالبية وعدد كبير منهم فقدوا فيك وفي حكومتك الثقة، وما بعيد بكرة يطلعوا الشارع ويقولوا ليك أرحل زي ما قالوها للمخلوع، وفعلا بدوا يطلعوا الشارع ويهتفوا ضدكم والوسائط بقى ما فيها غير السخرية منكم، وما عارفك شفت ولا ما شفت الفيديوهات الحايمة في الوسائط لوزيرة الشباب ولعضو مجلس السيادة التعايشي ولوالي النيل الابيض والناس محاوطنيهم وبيهتفوا ضدهم، والولد بتاع النيل الابيض الجه خاشي الولاية لمن اتعين في موكب سيارات وهو راكب في سيارة مفتوحة من اعلى ويحيى في طواحين الهواء زي الكأنو فرعون زمانو، بينهّر في الناس بعد اقل من شهرين من تعيينه ويقول ليهم بطلوا قلة الأدب وما عايز زول يتكلم .. إتخيل انو الزول المفروض يخدم الناس وبياخد مرتب على كده يصفهم بقلة الادب وينهرهم ويأمرهم بالسكوت لانو في شافع صغير قال ليو العيشة بتلتين جنيه، عليك الله ده فرقو من الكوز شنو، والله العظيم يا حمدوك لو كنت في محلك الزول ده ما يقعد في الكرسي يوم واحد، ويبيت في السجن كمان موش في بيتهم ويتقدم للمحاكمة تاني يوم، ولا هو مفتكر المسؤولية دى عنطزة وفنطزة وفرعنة ومواكب، والناس يغنوا ليو الليلة سار يا عشايا والجو بديع والدنيا ربيع والرغيفة بمليم عشان سيادته ما يزعل؟! * بصراحة يا حمدوك ، واسمع كلام الببكيك ما تسمع كلام البضحكك .. ده ما كان العشم، ولو غلبتك اطلع للناس قول ليهم غلبتنى واعتذر وارجع محل ما جيت باحترامك، بدل ما بكرة يفلقوك بالحجارة، واعذرني على قلة الادب دي، علي راي الولد بتاع النيل الابيض ده، آسف الفرعون!
زهير السراج .. الجريدة
...
09-26-2020, 09:46 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10267
Quote: والولد بتاع النيل الابيض الجه خاشي الولاية لمن اتعين في موكب سيارات وهو راكب في سيارة مفتوحة من اعلى ويحيى في طواحين الهواء زي الكأنو فرعون زمانو بينهّر في الناس بعد اقل من شهرين من تعيينه ويقول ليهم بطلوا قلة الأدب وما عايز زول يتكلم .. إتخيل انو الزول المفروض يخدم الناس وبياخد مرتب على كده يصفهم بقلة الادب وينهرهم ويأمرهم بالسكوت لانو في شافع صغير قال ليو العيشة بتلتين جنيه عليك الله ده فرقو من الكوز شنو، والله العظيم يا حمدوك لو كنت في محلك الزول ده ما يقعد في الكرسي يوم واحد، ويبيت في السجن كمان موش في بيتهم ويتقدم للمحاكمة تاني يوم، ولا هو مفتكر المسؤولية دى عنطزة وفنطزة وفرعنة ومواكب والناس يغنوا ليو الليلة سار يا عشايا والجو بديع والدنيا ربيع والرغيفة بمليم عشان سيادته ما يزعل؟!
09-26-2020, 10:21 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7212
هههههههههههه غايتو يا حمدوك كلام زهير السراج دا قلة أدب وكتيرة كمان حسب معيار الرغيفة بتلاتين جنيه. العوجة كلها في الجريدة، لو قلت لي الجريدة هسسسسسسسسسس بنبقى في حرية صحافة وحرية الرأي والتعبير والمادة ١٩ من الإعلان العالمي لحقوق الإنسان ونقة كتييييرة ما بتقدرها. ولو ما قلت ليهو هسسسسسسسسسس ببقى تأخرك في إقالة والي النيل الأبيض ما عندو مبرر غير الخيار والفقوس والمعايير الضاربة.
حجاج النيل الابيض الثقفي بزعل اي زول ويطلعه من طوره.. احدّ واصطدم من اللغة الاستعملها ما سمعتها من زمن نافع واخو حميدتي قبل فض الاعتصام.. خاطب ثوار بتذكر ايام الاعتصام وبينتقد في المدنيين وسالهم .. هسه بترضو زي ديل يحكموكم..الشباب كلهم قالوا ايوة بنرضى بس انتو اتخارجو رد ليهم نفس رد اسماعيل وراق .. .!
زول هواء وجايب للانتقالية الهواء.. إتمنى انه حمدوك يحافظ على ما تبقى من هيبة الثورة بإقالته ..
ـــــــــ
09-26-2020, 01:15 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
حيدر سلام.. لامن تكون عندك منصب بدون قوة على الأرض تنفذ قراراتك فالمنصب وعدمه واحد.. أي طفل في السودان عارف البيعطل في حكومة حمدوك منو.. عشان كدا الكلمة النهائية لناس البندقية ، ديل هم اللي بيخافوا منهم اللصوص الحايمين والنايمين .. ممكن توريني سبب واحد ليه القرارات التي من أجلها قامت الثورة نايمه في السيادي؟ ممكن توريني ليه أديب تقريرو ما طلع؟ وليه قتلة الخير لسه لم ينفذ فيهم الحكم؟ وليه التشريعي لم يتكون وليه التهريب لسه مدور.. قبل أيام واحد مؤتمر وطني بلا حياء أنزل تسجيلا ضد التطبيع يتمحور حول زيارة البرهان لأبوظبي ، المتحدث أثنى على البرهان وشتم وزير العدل لأنه في وفد برئاسة البرهان.. عارف ليه؟ لأنه المتحدث (ويقال إسمه "مجاهد" بيخاف من البرهان والعسكر أمثال البرهان ، لكن وزير العدل تكنوقراط ما عنده ولا مطوه.. عرفت مقولة ناس تخاف ما تستحيش؟ ياهو زي بتاع الملف الصوتي دا..
البيطري زهير السراج مثله مثل الكثير من المنظراتيه، لو كنت في محل حمدوك ( صديقه - حسب مقاله ) بقول ليهو تعال أمسك مكاني وما تنسى تجيب معاك خاتم سليمان ..
09-26-2020, 01:52 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
استاذنا محمد المرتضى حامد .. سلامات وتقديري يا غالي ..
معاك في عدم الشطط في تحميل حمدوك كل تبعات الاخفاق الحاصل دا .. وشخصياً مع اعطاء الفرصة والتفاؤل بغد افضل .. اري اننا سنعبر وننتصر البينتقدها السراج .. لكني مع الاعتراف بإنه في بطء ثم تضارب في اتخاذ بعض القرارات في الحكومة المدنية نفسها .. وفي ضعف وفوضى وعدم توفيـق في تعيين بعض المسئولين بسبب اما المحاصصة او الشلليلة وخاصة اكثرهم الجايين من برة بإعتبارهم كفاءات إدارية واصبحوا محط كفوات ..! الثورة لا تحتمل الركود والبرود والجمود الذي يبديه حمدوك تجاه بعض القضايا الداخلية المتعلقة .. إذا كان العسكر هم من يحملون وتحميهم البندقية .. فحمدوك ضهره الشارع وتسانده الجماهير وشباب الثورة وما وجده من تأييد وتفويض لم يجده الامام المهدي في زمانه .. لكنه ورغم التحذيرات المتكررة اكثر من مغازلة العسكر والخضوع للمكون العسكري البيمثل الثورة المضادة.. الناس ممكن تصبر تحت ظل التحدي كما صبرت وانتصرت ضد البشير وضد فض الثورة بعد فض الاعتصام.. كل ما تحتاجه هو مسئولين قدر التحدي وليس امثال والي النيل الابيض وبتاع الطيران المدني وغيرهم .. الناس ما عاوزة إقالات ويانات وتوضيحات لجنة إزالة التمكين فقط .. تنتظر ايضاً اقالات وفق حيثيات وشفافية ايضاً ضد المخفقين في الجهاز الانتقالي نفسه .. بغيـر كدة ما حاتقدر تواجه المكون العسكري إطلاقاُ لتنزيل شعارات التغيير بارض الواقع ..
مودتي
09-26-2020, 01:24 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: ولو ما قلت ليهو هسسسسسسسسسس ببقى تأخرك في إقالة والي النيل الأبيض ما عندو مبرر غير الخيار والفقوس والمعايير الضاربة.
الوالي دا من جاء خاشي بفتحة سقف البرادو ما بيشبه الثورة كما قال احمد عمر .. مرجان احمد مرجان فعلاً... زول قعد يدافع عنه ومسك ضنب الككو غير ود البشرى وحمدوك ما في .. :) إذا سيدو الامام نصح حمدوك وقال دا ما بيمثل الحزب تاني في منه رجاء !
09-26-2020, 01:28 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: البيطري زهير السراج مثله مثل الكثير من المنظراتيه، لو كنت في محل حمدوك ( صديقه - حسب مقاله ) بقول ليهو تعال أمسك مكاني وما تنسى تجيب معاك خاتم سليمان ..
الله عليك يا مولانا, يمين ريّحتني راحة! المدنييّن ديل ما ياهم ناسنا و زملانا في الجامعة وفي البورد و في خيمة الاعتصام وفي المواكب وفي اي حتة! اشمعنى هم اليمسكوا الوزارات و المناصب و الولاة! عشان كدا شايفين احنا بنعرف احسن منهم و افهم واقدر على الادارة والتنفيذ! اسي الوالي دا بعرف يولع اللستك كيف! ولا يطلع لايف ولا يعمل وقفة احجاجية! وطيب لكن العساكر!! لا لا دا موضوع تاني
Quote: يعني الرابط دا هسه مافي ليه داعي عشان ابرئ ساحة العلف حقي :)
والله يا حبيب كتبتها مغمض .. مستحيل دة يكون مقال صحفي وقعوا لي بي سهير ولا داليا الياس بتنبلع لكن صحفي بقامة زهير السراج ؟!!! رغم موافقتي على كل أغلب ما ورد فيه لكن دة يصلح رسالة واتساب أو منشور فيسبوك أو واحد من بوستات الدافوري هنا بس عمود صحفي!! كلو باللغة الدارجية !! نعم في صحفيين - ما عارفهم نالوا القيد كيف - كتابتهم كلها باللغة الدارجية .. لكن زهير ليس منهم طبعاً عملية وراق بتطلع أي زول من طوره - عدا حمدوك والبشرى والاتنين الكانوا سايقين المواتر قدام البرادو الطالع من سقفها - لكن المقال الصحفي بنتوقع فيه تحليل محايد يركز على مكمن الخطأ وخطورة تمثيل الثورة بأشخاص مثل وراق ما فهمته هو داير إقالة حمدوك ولا وزيرة المالية ولا وراق ولا عاوز حمدوك يقيلهم وبعد داك يستقيل ولا عاز شنو بالضبط! حسيت بيه ماسك رشاش وشغال يطلق في الرصاص على كل الاتجاهات الزول دة شاف الفيديو بتاع نافع علي وراق وبي زعله وانفعاله كتب البوست - وليس المقال - وعمل ليه ارسال طوالي لو مكانه بعد ما أكمل برسلو لي سهير عبد الرحيم أقول ليها هدية مني أصلو ما يغلى عليك .. موش الفنانين بيهدوا لي بعض أغاني! وطيب افتقدت التحليل الصحفي والتركيز ووحدانية الموضوع .. عمود عبارة عن كلام زعل
09-27-2020, 06:27 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لاقتني في الواتس حسيت بيها مناسبة مع البوست, بعد اذنك يا ود الزين:
Quote: بضعة دقائق مبرحة امام شاشة التلفاز متابعا مداخلات بعض الضيوف الحاضرين في المؤتمر الاقتصادي المنعقد في قاعة الصداقة اليوم، أيقنت حينها اننا وطن المليون بنبرجي، والبنبرجي تعبير مبدع اجترحه صديق عزيز يطلقه على كل من يدلي برأيه السطحي بكل جرأة منظّرا في موضوعات بالغة التعقيد او منتقدا إنجازا لشخص ما او جهة ما، بهدف الانتقاد او التنظير في حد ذاته، لأنه يجد في هذا السلوك غير القويم نوع من السلوان والاشباع النفسي النابع من الاحساس بالتفوق الزائف على الآخرين. ولتقريب الشقة في فهم المصطلح الموفق جدا،تخيل معي السيد البنبرجي النموذجي وهو جالس مع أصدقائه في بنبره امام بائعة/ست الشاي فتمر امام الجمع سيارة ألمانية الصنع و فارهة جدا ومن آخر موديل خارجة للتو من إحدى مصانع الراحل السيد كارل بينز الكائنة بمدينة شتوتقارد، فيعبر الحضور حينها وبكل صدق وتلقائية عن انبهارهم البالغ لهذا الإنجاز الإنساني الباذخ، وهنا بالتحديد تاتي لحظة السيد البنبرجي المفضلة لينبري متململا و منتقدا وشارحا اسباب عدم رضاء سيادته عن محصلة مجهود علمي وفني بذل في هذه الشركة طوال ال٩٤ عاما الماضية، وشارحا للجمهور حوله ،ان وضع الانوار الخلفية لا يعجب سيادته، ولو غيرت الشركة موضع هذه الانوار الي أسفل موقعها الحالي باربعة سنتميترات لكان افضل. يبدو أن إحدى عقباتنا الكبرى لا تتمثل فقط في غياب الوعي لكن في التواضع اللازم لاكتسابه. #حنبنيهو #مدنية
حقيقية البنبرجي القال وضع الانوار ما عاجبه دا كويس و ما متوفر بكثرة, البنبرجي المعتاد كان قال ننزل مكنتها و نربط ليها ماكنة هايلوكس 78 كان بقت حاجة ما تخلص! في 83 او 84 اول ما الكورولا غيروا التصميم و العربية بقت دفع أمامي و الماكينة بالعرض و بسبب بنبرجي حريف طارت اسعار الكورولا حتى موديل 82 الدفع الخلفي السما و دقت اسعار الكورولات الدفع الامامي الدلجة رغم انها احدث و افضل من كل النواحي لحدي قريب دا العربات بالجير الآلي كانت غير مرغوب فيها بسبب فتوى بنبرجية الكرين انه لو بطلّت منّك تقومها دفرة كيف؟ وقس على ذلك بنبرجية سودانيزاونلاين و بنبرجية اللايفات وبنبرجية الصحافة و الاعمدة لحدي بنبرجية المؤتمر الإقتصادي الأمس!
09-27-2020, 07:02 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
في مكنة العربية في محل كدة حاشرين فيهو عود . اي والله عود عديل كدة شكلو محل خرطوش موية الميكانيكي قال لي الخواجة البليد دة مفروض ما يعملو بعسم العربية عشان كدة قفلناهو
09-27-2020, 10:29 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
Quote: ممكن توريني سبب واحد ليه القرارات التي من أجلها قامت الثورة نايمه في السيادي؟ ممكن توريني ليه أديب تقريرو ما طلع؟ وليه قتلة الخير لسه لم ينفذ فيهم الحكم؟ وليه التشريعي لم يتكون وليه التهريب لسه مدور..
السبب يا مولانا، أن ما نسميه ثورة هو ليس كذلك. فالثورة الحقيقية يقودها الثوار. والثورة الحقيقية تحمل من الفكر ما يؤهلها لمعالجة الأمور من جذورها، وهذا لم يحدث لا في أكتوبر أو أبريل أو ديمسبر. نحتاج في السودان إلى علم يسمى: "هندسة الثورة" نتعلم منه كيف تكون الثورة وكيف تعمل وما الذي تحدثه، وقبل كل ذلك، ماهية الثورة. عندها قد نصبح مؤهلين للقيام بثورة واحدة تخرجنا من ظلمات التخلف إلى نور التحضّر.
09-27-2020, 10:55 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27503
اجمال مقال والله انحط الوضع لي مستوي الكلام ده حيدر الزين المفنقس وحمدوك المستهبل وقحت المستهبلة بضحكو علي الشعب السوداني ديل قتلة اقتصاديين من ادوات البنك الدولي الرخيصة لو هو قليل ادب في نظرك ديل قليلين حياء وما بستحو ابدا مش قلنا ليك في فرق بين السياسي المحترم والسياسي الشر.موطة يا يا حيدر الزين ؟؟ زهير ما عارف مستوي الناس ديل وبتسالءل من الشي الشايفو بلغة الموطن ابسيط جاوب انت يا ساقط بعد سنة غالبهم يختو 300 طن في البنك المركزي والدكلارشن لي الدولار ما قرو وسمعو كلام ابراهيم منهم منصور ليه ؟؟ القمح السادي حادي مدادي حق منو وبمشيي وين وليه نبيع ذهب عشان نجيب قمح بمشي وين قمح السودان المشرزع هسة ده يا حيدر الزين انت وصمة عار علي عطبرة وحائك فرعون الناس القاعدين في راسنا يجو يحرسو مصالح الدولة الوسخة الخمسة دي مصر السعودية الامارات قطر تركيا الباع ليهم عمر البشير السودان اعلام قحت رخيص ما عايز يوري الناس الحاصل بعدين السياسي الازرقي البمسكو الدرب ما يمسكو ده سياسي شرموطة والبدافع عنه قواد والله زهير اتفشا فضلنا نحن بس https://top4top.io/
09-27-2020, 11:42 AM
adil amin adil amin
تاريخ التسجيل: 08-01-2002
مجموع المشاركات: 36991
شد السلك يا مشاطة ننشر ليك الغسيل القذر ومستمر لحدي هسة تمشطو في الانقاذ بي قملا وتورجغو حاصل فارغ
القمح العندك في السودان ده في اراضي منهوبة من الدول دي ولي يجابو الناس ليه نستود قمح ونحن بنقدر نطعم ملياء شخص في اراضي السودان بنزل ليكم يوتويوب هذا الملخص نشر في الراكوبة بتاريخ 6 أبريل 2019:مملكة البحرين تملك مساحة أكبر من حجمها الجغرافي في السودان6 أبريل، Twitterhttps://top4top.io/https://top4top.io/https://top4top.io/https://top4top.io/
حقائق صادمة١-في عام 2016 استأجرت البحرين 100000 فدان وهي مساحة ضخمة تشكل تقريبًا مساحة البحرين نفسها، و في نفس العام استأجرت الحكومة السعودية مليون فدان صالح للزراعة في شرق البلاد.٢-قامت شركة باكستانية بتأجير قطعة أرض كبيرة ما بين الخرطوم و عطبرة و بدأ السوريون الزراعة في الشمال قرب عطبرة.٣-استحوذ الإماراتيون واللبنانيون واليمنيون والجيش الأردني!…نعم الجيش الأردني على مساحة 100000 فدان على نهر النيل و النيل الأزرق.٤-قامت شركة الروابي للتطوير ، وهي شركة سعودية يمنية بالإستثار بأكثر من 200000 فدان في ولاية نهر النيل.٥-استحوذت GLB Invest على السودان ، حيث حصلت على 226000 فدان مع تخصيص المياه ، أيضًا ، سخاء بشكل مذهل 900 مليون متر مكعب من مياه النيل سنويًا ، أي ما يقرب من نصف الكمية التي يستخدمها لبنان وعدد سكانه أكثر من 5 ملايين نسمة سنويًا.٦- إيجار الأراضي رخيص (غالبًا ما يكون أقل من نصف دولار فقط لكل فدان) وطويلًا (عمومًا 99 عامًا) والماء مجاني.٧- يقول مدير سابق لعملية مصرية انتهت الآن في جنوب ولاية النيل الأبيض إن شركته مُنحت حوالي 750 مليون متر مكعب منذ ما يزيد قليلاً عن عقد من الزمن ، أي 4 في المائة من حصة السودان السنوية الكاملة من النيل بموجب الاتفاقيات الإقليمية ؛ أن هذا الحجم من المياه سيكلف أكثر من مليار دولار في مكان آخر. ولا تدفع الشركات التجارية الزراعية سوى القليل من الضرائب.٨-في يوليو 2018 وقعت الحكومة القطرية على صفقة زراعية بقيمة 500 مليون دولار في شمال السودان ، مكمّلة لمخططها الحالي الذي تبلغ مساحته 260 ألف فدان.٩-ومع ذلك فإن القليل من الـ 5 ملايين فدان التي تقدرها وزارة الزراعة هي في أيد أجنبية – ربما أقل من 1 في 20 فدان – تمت زراعته.١٠-يقول أسامة داؤد رئيس و صاحب مجموعة دال في لقاء مع صحفي امريكي من صحيفة بلومبيرج نشر في الثاني من أبريل ٢٠١٩ ( أعتقد أن المشكلة هي: لماذا يستثمر هؤلاء الأشخاص هنا؟ هل يأتون فقط لأخذ الأرض والمياه؟ هذا ليس استثمارًا ، هذا اغتصاب).على من تبقى من الشرفاء الحجر على هذا المعتوه الذي فصل الجنوب و رهن أرض الوطن من الباطن للاجانب .إذا كان بوتفليقة قد حجر صحياَ، فهذا المعتوه يجب أن يعزل ويحجر نفسياً.مصادر بقلم وليد وليد المنسي نقلا عن موقع بلومبرج
ده ما بعرضو ليه في اعلام ق حت الشر’موطة عشان الشعب يعرف منو ابنهب ثرواته وكيف
09-27-2020, 11:48 AM
adil amin adil amin
تاريخ التسجيل: 08-01-2002
مجموع المشاركات: 36991
1- الحديث عن ولاية وزارة المالية الإتحادية على المال العام – أمر بديهي ومن المسلمات.
2- قيام وزارة المالية في كل عهودها – ما عدا سنة واحدة على ما أذكر في الديمقراطية الثالثة – بتلبية كل طلبات ومتطلبات الجيش السوداني حقيقة ثابتة. السنة التي إستثنتها هي السنة التي قام بها ضباط القيادة العامة الجنوبية بالتحفظ كرهائن على كل من وزير الدفاع والقائد العام بسبب النقص في إحتياجات القوات المسلحة وهي في حالة حرب بجنوب البلاد وقد تم معالجة الأمر إلاّ أنه فتح (بابا) لتدخل الجبهةالإسلامية في حياة القوات المسلحة عن طريق جمع (تبرعات) وتواصلات بين علي عثمان محمد طه وبعض الضباط مما لا مجال له الآن.
3- وكما في الجيش فإن وزارة المالية الإتحادية لم تتوانى أو (تقصر) في تلبية كل طلبات أجهزة الأمن علىمختلف مسمياتها وواجباتها وأزمنتها.
4- أخلص من هذا إلى أن كل ما تملك القوات المسلحة من أجهزة وعتاد وممتلكات و(شركات) مصدره وزارة المالية الإتحادية. وكما هو معلوم فإن القوات المسلحة على مختلف العهود لم تقم بـ (غزو) دولة أو الحصول على (غنائم) منها حتى تكون لديها ممتلكات خاصة بها وليس من أغراضها كما أعلم العمل في الزراعة أو الصناعة أو التجارة حتى يكون لها - رأس مال تستثمره في شراء المحاصيل واللحوم وتصديرها. أقول هذا وأنا أستصحب رأي العسكرية السودانية ممثلة في اللواء أحمد عبدالوهاب - طيب الله ثراه - ناصحا الرئيس جعفر نميري - رحمه الله - عندما قرر إنشاء مؤسسة عسكرية للزراعة وأخرى للتجارة بأن يوقف قيام المؤسستين لأنه أولا: هذا ليس من مهام الجيش في بلادنا، وثانياا: يدخل (الفساد) وسط كبار الضباط. وذكر له أنه كان في رحلة تفقدية في المدرعات الجنوبية ووجد قائد الحامية بملكال وهو برتبة عميد قد زرع (فول سوداني) بقي لحصاده أقل من شهر فأمره أن (يقلع) الفول قبل العاشرة صباحا وإلاّ يعتبر نفسه موقوفا ويسبقه إلى الخرطوم. فشلت كل الوساطات وقبل أن يسمح له بأن يستخدم (المساجين) ويدفع لهم (يومية) المثل. أوقف الرئيس نميري المؤسسة الزراعية وظلت حبرا على ورق وسمح للمؤسسة التجارية باستمرار نشاطها لفترة تسترد فيها أموالها من شريك أجنبي في تجارة السجائروبعض المقتنيات.
5- أما جهاز الأمن فهو أيضا ليست لديه ثروة أو مصادر أموال من غير وزارة المالية الإتحادية وإذا كانتلديه تفاهمات متبادلة مع أجهزة بعض الدول فتكون في تبادل المعلومات وربما بعض الأجهزة التي ليست1لها قيمة (سوقية) تقوم بتسييلها إلى نقود حتى تستثمرها وتتاجر بها علما بأنه ليس من مهامها بخلاف (جمع المعلومات) دخول السوق ومزاحمة رجال الأعمال والإتجار في كذا وكذا.
6- الشركات التي تخص الجيش والأمن وروافدها تدر أرباحا ولاشك وإلاّ لما استمرت تحت قبضتهم. فإذا كانت مسجلة بموجب قانون الشركات فإن وزارة المالية الإتحادية تستحق إيرادات في شكل ضرائبأرباح الأعمال. أما إذا كانت قائمة كمؤسسات بموجب قرارات جمهورية أو ما شابهها فإن كل ما تدر من عائدات تخص وزارة المالية وعلى الجيش أو الأمن وروافدهما أن يتقدم إلى المالية بطلب لتخصصله من العائدات ما يلي إحتياجاتها – وفي جميع الحالات لصاحب الولاية على المال - أي وزارة المالية – أن تقرر إن شركة ما خاسرة حسب تقرير ديوان المراجعة القومي ولا يمكن تقويمها أو أن أغراضها تتنافى مع مهام الجيش أو الأمن فيمكن أن تتصرف فيها بما تراه مناسبا بما في ذلك التصفية.
7- قد تكون هناك شركة أو مؤسسة واحدة ذات صفة (إستراتيجية: عسكرية أو أمنية) لا تخضع لعوامل الربح أو الخسارة أو العودة إلى وزارة المالية فهذه تستثنى بطبيعة الحال.
8- حتى الآن (يونيو 2020م.) فإن وزارة المالية الإتحادية ليس لديها سجل بعدد وأغراض شركات ومؤسسات هذه الجهات – وبالمثل ديوان المراجعة القومي وكذلك المسجل التجاري. خاصة وأن البعض لسبب أو آخر – مسجل بأسماء أفراد من هذا المرفق أو ذاك.
9- قد لا تقبل جهة ما أن تسلم الشركات لأنها (ملكها) ولا يحق لوزارة المالية أن تدعي الولاية عليها: ولاية المالية على المال العام أساسها أن المال في الأصل في يد (الشعب) ويقيم الشعب حكومة يعهد إليها بمسئوليات يتطلب أداؤها وجود (مال) وبما أن (المال) في يد الشعب تنشيء الحكومة وزارة تعطيها الصلاحيات للحصول على المال من الشعب في شكل ضرائب ورسوم وأتاوات ... إلخ. ثم تعهد الحكومةإلى هذه الوزارة بتولي الصرف على مرافق البلاد المختلفة: منها الجيش والأمن لتحقيق اهداف من إنشائها. فإذا زاد المال من حاجة هذه المرافق فإنه لا يحق لها بأن تقوم بعملية (تجنيب) وتنشيء به شركات سواء من أهدافها أو غير أهدافها بدون موافقة صاحب الولاية على المال العام – وإذا لم تحصل الموافقة أو حتى العلم لا ينفي ذلك ملكية الوزارة أي ولايتها على هذا المال. هذا هو الأمر ببساطة:المال والعقار والشركات ... وكل شيء.
10- عندما ذهب دكتور إبراهيم بدوي فور تعيينه يتحسس دور المجتمع الدولي والمانحين لدعم السودان كانصندوق النقد الدولي – كممثل للمجتمع المالي الدولي – صريحا معه وأعطاه (روشتة) هي تقرير يقول إن الأموال التي تمتلكها الشركات الأمنية تغطي ما ينتظره السودان من المانحين. لذلك يجب أيلولة شركات الأجهزة الأمنية إلى وزارة المالية. وإذا لم يتم ذلك أو لم يكفي أبدأ بالبديل وهوالدعم لتغطية جزء من الإحتياجات ثم اللجوء للمجتمع الدولي. غير أن رجال الفكر والتنظير السياسي والإقتصادي وهم على علم بالتقرير وقد إطلعوا على (الروشتة) كاملة إتجهوا مباشرة إلى (البديل) وظلوا يهتفون: الدعم (خط أحمر) ليس الدعم وإنما (أيلولة أموال الدولة التي لدى الشركات الأمنية إلى مكانها الطبيعي وهو وزارة المالية). البعض ركز هجومه على إبراهيم البدوي الذي أدى تحسسه لرأي المجتمع المالي الدولي إلى كشف الخط الأحمر. حزب الأمة القومي هو الحزب الوحيد – ومعه المفكر سعيد أبوكمبال هما اللذان وافقا بشرح موضوعي – على إلغاء الدعم – كبديل: إذ أن الآخرين: أحزابا ومفكرين وعلماء و... و... كل ما تحمله الألقاب لم يتطرقوا أبدا إلى أن المال موجود لدى الحكومة وأن المفاتيح لكل الخزائن بيدها. ولكن ذلك هو (الخط الأحمر) وليس (الدعم) الذي هو البديل فجعلوا منه الأصل. وروشتة الصندوق وهي الشركات الأمنية تجاهلوها وهتفوا ضدها (لا لروشتة) صندوق النقد ... وأوهمونا بأنها شر واستعمار في حين هي الخلاص دون أن نلجأ لأي جهة ولا للبديل: على الأقل ما كان لمواطن واحد أن يقف في صف خبز أو وقود أو إنتظارا لمواصلات أو عجزا لشراء دواء ... أو إرتفاعا لسعر الدولار وما تبعه من تداعيات في كل مناحي المعيشة والحياة. وهناك صحفي شجاع ظل يدعو دوما إلى أن السودان ليس فقيرا وكل رزقه واحتياجاته داخله ولكن من يستخرجها: شكرا محجوب عروةنقول لك نحن معك.
11- الروشتة (المرفوضة) والتي هي الخلاص (الفوري) للمشاكل كل المشاكل (الفورية) نقول إن هذه الشركات وبأن (أرباحها) لسنة واحدة أو إذا لزم الأمر بيع بعضها يفك الضائقة (الإنسانية) قبل الإقتصادية المتمثلة في تعذيب الإنسان السوداني لشهور في الصفوف.. فأصبح كالعيس في البيداء يقتلها الظمأ والماء فوق ظهورها محمول.
الشركات المشار إليها وهي تخص القوات المسلحة والأمن والتصنيع الحربي ومنظمة الشهيد والخدمة الوطنية تضم وقد لا يكون على سبيل الحصر ما يلي: بترونيد للبترول - هجليج للبترول - الهدف - قصر الؤلؤة - الجزيرة للتجارة والخدمات - الراية الخضراء للنقل الجوي - الشركة السودانية للخدمات الجوية - البنك المصري السوداني (مناصفة مع جهاز المخابرات المصري) كيف هذا يا بنك السودان المركزي؟ جهاز مخابرات غير سوداني يكون في قلب الجهاز المصرفي؟. شركة تجارة عامة في دبي (مفهوم) - سوبا للمياه – أسهم بشركات الإتصالات – أسهم بشركات جياد (السيارات – الآلات – الأثاثات – الكيبلات - حديد التسليح) – سودومين للذهب – الدولية للتعدين – عاديات. أرباح جياد وحدها في سنة (وهي المعلنة) تذهلك. وهناك منظومة الشركات الدفاعية وتخص الجيش وحده:
(1) مجموعة الإتجاهات المتعددة – مجمع سور – مجموعة شركات زادنا – أطلس
(2) مجمع الكدرو للحوم.
وهنا يحضرني أنه في أثناء الحرب العالمية الثانية إحتاج الجيش بقيادة المارشال مونتقمري إلى لحوم وطلب ذلك من حكومة السودان الإنجليزي المصري. كلفت الحكومة القطاع الخاص وقامت بذلك شركة رباعية من تجار الماشية (كردمان – صالح عباس – عبدالحميد المهدي – زين العابدين أبو قاضي) وليس شركة قوة دفاع السودان واعتمد عليها الجيش الثامن بإيقاف زحف المارشال روميل والنازية نحو مصر – ثم انفض سامرها وتركت السوق لأهل السوق. وإذا وجد من يحصي العدد فيكون قرابةالثلاثين. يكفي أن أرباح جياد في عام 2014م. كانت 360 مليار في السنة بمعدل مليار كل يوم – هل تدهورت الآن بعد 6 سنوات أم تقدمت؟. حتى إذا كانت في نفس الموقف يكفي لفك الضائقات التي في البلاد. صاحب الولاية على المال لا يعرف إليها طريقا.
12- سيدي الرئيس: لا تكتم الشهادة: أصحاب العلم والألقاب والمعرفة والقيادة – بخلاف من ذكرت – لا يصارحونك بالحقيقة. جهاز الأمن الذي يفترض فيه أن يجمع المعلومات وينقل إليك معاناة المواطن على مدى شهور وأنه يمكنك بقرار منك أو توجيه لهذه الشركات أن تفض إعتصام الأسرة السودانية في الشارع (الأم في صف الرغيف – الأب في صف الوقود – الإبن أو البنت في صف الغاز). إذا كانت هذه الشركات التي تحت إمرتكم لا تملك من الفوائض ما يجعلها تقوم بذلك أرجعوها لصاحبها. صحيحأنها دفعت (2) إثنين مليار دولار لدعم الميزانية. هذا المبلغ بالكاد يفي باحتياجات صف الرغيف (لا الميزانية). همس المواطن قد يعلو – ولكن بكل أدب واحترام لرأس الدولة وتقديرا لدور الجيش في التغيير يصوب سهامه نحو البدوي وحمدوك حتى الآن. الجهاز مشغول بشركاته ولا أسامه داؤد.
13- أختم حديثي بالقول للسيد الفريق نائب الرئيس حميدتي رئيس اللجنة الإقتصادية وأثني على جهوده في ملاحقة تجار العملة والمضاربة على السلع والخدمات ورموز النظام الماضي وألتمس منه أن تكون جهوده في الإتجاهين: القطاع الخاص والرموز – والخط الأحمر – إذ أرى ويرى معي المواطنون أن الجهود كلها تسير في إتجاه واحد. وأفسر حديثي بأن يطلب سيادته من جميع تلك المؤسسات والشركات (غير الإستراتيجية) أن تفتح دفاترها لديوان المراجعة القومي لنعرف كمواطنين ويعرف صاحب الولاية على المال العام موقفها المالي: هل إضافة أم خسارة للإقتصاد الوطني أم لصالح فئة معينة – وهل تساوي إضافتها للإقتصاد الوطني ااستمرار وجودها خارج وزارة المالية أو إتاحة الفرصة لصاحبالولاية أن يوظف المال في مجالات أخرى كدعم القطاع الزراعي أو الصحي أو العلم. كما أرى أن تشمل تقارير المراجعة القومية بعض الأنشطة التجارية التي دخلت فيها بعض الشركات والمؤسسات مزاحمة للقطاع الخاص في أسواق الحبوب الزيتية (السمسم والفول) واللحوم والصمغ العربي – بل وقد شاع أحيانا في المضاربة في العملة وشراء الدولار وهل تتمتع بإعفاءات جمركية و... و ... مما يطلعكم عليه (ناس السوق) لو جلست معهم هل صحيح قولهم (تفتكروا تركنا التجارة ودخلنا سوق العملة باختيارنا – حدث ذلك بعد أن وجدنا أنفسنا في سوق سلعي غير متكافيء مع شركات حكومية. وحتى فيسوق العملة نلاحق نحن التجار ويلقى علينا القبض وتخلو لهم السوق ولا أحد يسألهم). سيدي نائب الرئيس،أرجو أن تلاحق لجنتكم الجميع وابدأ من البيت. الحل داخل البيت قبل أن نتوجه للسوق أو العالم الخارجي.
والله من وراء القصد.
*إبراهيم منعم منصور*
HBO: الشركات الأمنية غير الـ 650 شركة التي صدر بشأنها القرار الأخير.20 يونيو 2020م
تعقيب الشرمطة الاقتصادية بسبب قحت دي ذاتا ما عملت الدكلاريشن من الاول ورجعت الدولارات الفى البيوت والحسابات الخارجية الى بنك السودان ما ختت وقية ذهب واحدة كاحتياط في بنك السودان وكل الشراميط شغالين في مشروع صلاح قوش والامارات المفضوح الان تماما في تشليح ما تبقي من السودان مشروع امريكي مفضوح القصة لا كيزان ولا حاجة
https://top4top.io/
وبجيك كل يوم بي حقيقة عن ناس الفترة الانتقالية ديل ذاتهم ونشوف تفندا كيف والله زهير وطني موجوع شديد لكن نحن مرتاحين شديد في العالم الحر الحقيقي يا ناس الليدي غاغا الرايح ليهم درب عارفنكم كويس وعرافين بتصلو وين وبتين والثورة الحقيقية ما جات لسه ولم تكتمل اشراطها بعد
09-27-2020, 11:51 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: Abubakr Ahmed Abbas يا عاطف، يا اخي، أدي ود البشرى إجازة شهر، وأمسك لي في حيدر الشين دا العامل فيها أي حاجة بعرفها دا، والرش دا مدفوع أعجبني · رد · منذ ٤ س
Quote: وقس على ذلك بنبرجية سودانيزاونلاين و بنبرجية اللايفات وبنبرجية الصحافة و الاعمدة لحدي بنبرجية المؤتمر الإقتصادي الأمس!
Quote: المدنييّن ديل ما ياهم ناسنا و زملانا في الجامعة وفي البورد و في خيمة الاعتصام وفي المواكب وفي اي حتة! اشمعنى هم اليمسكوا الوزارات و المناصب و الولاة! عشان كدا شايفين احنا بنعرف احسن منهم و افهم واقدر على الادارة والتنفيذ!
لا أخفي إعجابي بمصلح البنبرجي وتوصيفه ووضع تعريف شامل وإقصائي له في المقتبس الواتسابي الوارد في مداخلتك الأخيرة😁. إلا أن الكاتب لم يهتم بالإسهاب في مشروعية الممارسة البنبرجية وإيجابياتها وسلبياتها. بل إكتفى بتقديم أمثلة سالبة للمارسة البنبرجية وقد لا تكون الأمثلة التي قدمها كافية للإحاطة بكل متعلقات السلوك البنبرجي. فمثلاً، بالتأكيد لم يكن كبير مسؤولي التصميم، غوردون فاغنر، بنبرجياً في يوم من الأيام لذلك شناف البنبرجي للمرسيدس، كما في المثال، هي ممارسة بنبرجية سالبة لأنها لا تحدث تغيير على مستوى المنظور فيه. أما في ما يتعلق بالشناف البنبرجي المدني-مدني فسببه أن المُشنف هو في أصله بنبرجي عبَر من بنبره إلى الكرسي ومؤهلاته للعبور وآليات وطرق ومعايير إختياره للكرسي تدخل فيها ،ولو بشكل جزئي، إجادته للبنبرجانية. لذلك وفي هذه الحالة تكون ممارسة البنبرجانية فعل إيجابي يساهم في خلق التغيير وتسريع حركة العبور والإنحدار بين البنبر والكرسي. صحيح أن المحصلة الكلية الناتجة من حركة العبور والإنحدار بين البنبر والكرسي هي في الغالب محصلة صفرية وخروجها من الحالة الصفرية يعتمد فقط على الصدفة المحضة. إلا أن هذه الصدفة تظل هي الفرصة الوحيدة للخروج من دائرة العبور والإنحدار* بين البنبر والكرسي.
* العبور هو الإنتقال من البنبر للكرسي والإنحدار هو الحركة المعاكسة مثال للعبور إنتقال إسماعيل وراق من بنبرجي إلى منصب والي النيل الأبيض. مثال للإنحدار هو تحول إبراهيم البدوي إلى بنبرجي بعد إستقالته من وزارة المالية.
المخرج من البنبرجانية
Quote: نحتاج في السودان إلى علم يسمى: "هندسة الثورة" نتعلم منه كيف تكون الثورة وكيف تعمل وما الذي تحدثه، وقبل كل ذلك، ماهية الثورة. عندها قد نصبح مؤهلين للقيام بثورة واحدة تخرجنا من ظلمات التخلف إلى نور التحضّر.
09-27-2020, 11:49 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7212
في ناس متظراتية خارج الدول قاعدين في راسهم بي المحاصصة والدجل بتاعكم ما جابكم الشعب بي الانتخابات ولا الشباب مات عشان موؤى العجزة ق حت ده ولي كعوك الخرطوم وناس مدني عباس مدني طيب نخلي التنظير المشارريع الوطنية الموجودة ومن ناس متجرين ومحترمين محمود ممد ط وجون قرنق ليه ما مسكتو فيها يا كلاب الحر بتاعين قرود السير الامريكي الخمسة المفضوحة في المنطقة انتو لمن كسيكم فاضي قاعدين في راس الناس ليه والمقعكم منو فاصل ونعود عدم الفيش في الفترة الانتقالية جاب شخاليت الامارات المدورة بكل المنطقة والسودان وسيرك جوبا ذاتو من ابداع دحلان والامارات الزول الميتزل هو الكسيو فاضي ومتخيل الاخرين ما عندهم بدائل شوف يا حيدر الزين الكلام التحت ده حقيقي ولى لا ؟؟
Quote: جمهورية السودان الاماراتية*
🌍بمناسبة استغراب البعض من نزول الملحق الاممي للجنة السياسية الحاتحكم السودان في السفارة الاماراتية حابا اديكم معلومات علي الطائر ⤵️ *⏬هل تعلم أن الملياردير البريطاني الجنسية سوداني الأصل إبراهيم ماو مقيم في الإمارات العربية المتحدة ومعظم استثماراته بها وهو صاحب شركة كان يعمل بها الود حمدكة قبل م نركب الكركابة .وهو الآن يحرك الحكومة بالريموت كنترول. *⏬هل تعلم آن د.مني زوجة حمدوك كانت موظفة علاقات عامة في السفارة الإماراتية في ادس قبل م نحن نركب الكركابة 😂 *⏬هل تعلم أن صلاح قوش لديه مكتب استثماري في الإمارات ويمتلك إقامة بها . *⏬هل تعلم أن السنبلة الدقير كان موظف حكومي في الإمارات ومن الوظيفة الي رئيس حزب السنابل هل ولا م هل وقع ليكم 😂😜 *⏬وهل تعلم ان طحنون بن زايد مدير المخأبرات الاماراتي تكفل بسفر وعلاج الدقير الي لندن من المشكلة النفسية التي المت به بعد تكليف حمدكة برئاسة الوزراء . *⏬هل تعلم انت عضو المجلس السيادي محمد التعايشي كان حرس أمن لاستثمارات إماراتية في هولندا. *⏬هل تعلم أن الود كرومي مقيم في الإمارات وزوجته طبيب خاص لواحد من عيال زايد هل ولا م هل . *⏬هل تعلم أن بوخة بحج للإمارات ومريم المنصورة بتعمر بس 😂😜 *⏬هل تعلم معظم طاقم عبودي من أبوظبي والي مكتب رئيس الوزراء. *⏬الرشيد يعقوب وكيل وزارة الثقافة والإعلام موظف هو وزوجته في السفارة الإماراتية في فرنسا هل تعلم ذلك حبيبي انا. *⏬البرهان إلتقى رئيس الوزراء الإسرائيلي بنيامين نتنياهو بتنسيق إماراتي عارف دي ولا اديك شلوت حبيبي انا. *⏬عبدالعزيز الحلو مركلس في أبوظبي. *⏏حميدتي قاعد في جيب الساعة بتاعة طحنون بن زايد وم بطلع إلا الدرت الجاي رئيس طووالي ضُر كدا بس 😂😜 #عرفتوا الحاكمنا منوو ولا ازيدكم حبايبي انا. #وقع ليكم ولا اخلي #طحنوون اعيدو ليكم 😜 منقول👆👆👆👆👆
هل الامارات دي كويسة وحريصة علي الديمقراطية في السودان ؟؟
الناس ديل غير د عمر القراي ما شفنا زول سكت جهال ما شفنا زول رضع بهم
خدم ابو سفيان تصدير الذهب والجنود لصالح بن زايد الرخيص
09-27-2020, 12:06 PM
adil amin adil amin
تاريخ التسجيل: 08-01-2002
مجموع المشاركات: 36991
شوف الثورة تزحنا من العرب المزيفين ومخلفات الاسترقاق التركىً والخلافة العثمانية المزيفة وإزيالهم فى السودان ايدولجيات المركز دي الشيوعي والبعثي والناصري انقلاب ١٩٦٩ وأيتام الترابي الكيزان والسلفيين انقلاب ١٩٨٩ وليس الاستمرار في تراهات قحت وحزب الامة نطلع من عالم العرب بي علم الاستقلال١٩٥٦ فقط وليس علم مايو١٩٦٩ نرجع الاقاليم وتلغى والولايات باسس جديدة انتخاب حاكم الإقليم وبرلمان الاقاليم ثم انتخاب برلمان المركز ثم رئيس جمهورية بى دستور. ١٩٧٣ ومساعدة المحكمة الدستورية في دستور ٢٠٠٥ونلغى قوانين ١٩٩١ الوسخة ونبدلا بى قوانين ١٩٧٤ نتكامل مع دولة جنوب السودان بي الحريات الأربعة اي تسكع في الدول دي مضعية وقت وعمالة ما في ليها داع مصر السعودية الامارات تركيا قطر
وده ابداع من شباب في الفيس حالو يترجمو الافكار بالنقدما ليهم في اشكال هندسية https://top4top.io/
التظير احسن من الشرمطة التي لا يتقنها احد في البورد وفي السودان ذى الشيوعيين
09-27-2020, 12:13 PM
adil amin adil amin
تاريخ التسجيل: 08-01-2002
مجموع المشاركات: 36991
والله يا حيدر الزين عبجني البوست شديد اول مرة القى لي انداية خمسة نجوم اقعد فيها بي حماري ابعد من زهير يا ورل يا اب كيس فاضي في مليون حاجة احسن من تراهات حمدوك بتاعك ده وقحت المخستكة دي تعلمو في عملية جراحية للشعب السوداني بدون بنج ليه ؟؟ https://top4top.io/
رجعو ال46 ملياري دي بومبيو عارفا قاعدة وين والبشير عارفا وعوض الجاز عارفا والقراء السعوديين عارفنها الا وجدي البعثي القبيح بتاع البل ولجنة الجوستابو وكعوك البورد https://top4top.io/
09-27-2020, 12:33 PM
adil amin adil amin
تاريخ التسجيل: 08-01-2002
مجموع المشاركات: 36991
اها جقود بنبرجي ولي الحقيقة مرة بس لا عايز توعي وتزح مع الكعوك ولا عايز تزح لينا منهم يا قطيع الغنم تختزل الشعب كله في فرد اسمو حمدوك وتقعد تحرسو وتولول من الاول قلنا الدولة مؤسسات والمؤسسات خرجت من 30 يونيو 1989 ولم تعد حتي الان الثورة رؤية ومسار وده كلو ما عندكم قاعدين غي بلاعة الانقاذ وتمارسو النقيق المزعج انت وحسين وخوجلي علجوم الانقاذ وجهين لعملة واحدة انا صلو ما قعد انظر بواجهك بالحقائق بس وبي فشلك وفشل ناسك ديل بعاعيت مايو 1969
09-27-2020, 12:42 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
اليوم السراج وبعد تصريح صلاح مناع عن محاولة اغتياله قال ما باقي ليهو الا يمرق الشارع عريـان من الكلام الكيشوتي دا .. وقال حاجات كدة على وزن لا يصدق طلسه إلا البنبرجية والملاحيس .. ودا كله وفق تحليل ومنطق صحفي محكم :)
اما الفاتح جبرا فكتب :
جابت ليها قلة أدب
ن المقولات السودانية العريقة المقولة التي تقول (فلان ده قلبي أباهو) والمعنى واضح لا يحتاج إلى شرح، فمنذ أن رأى العبدلله السيد والي النيل الأبيض المدعو (وراق) يوم تنصيبه والياً وهو يطل عبر سقف عربته (الاوباما) محيياً الجماهير حتى تيقنت بما لا يدع مجالاً للشك عندي أن الرجل قد أبهره المنصب وأصابته الخيلاء وأصيب بعدوى التكبر والعنطزة الشيء الذي يجعل منه صورة للقوم السابقين (بتاعين ألحسوا كوعكم) ..! فها هو الوالي الهمام يسقط من أول إمتحان ويقوم بجريرة لم يكن أحد من جلاوزة النظام السابق يستطيع أو حتى يفكر في القيام بها وهو يقوم بإسكات طفل يشكو له ضيق العيش ويخبره وهو (الراعي والمسؤول) عن وصول ثمن قطعة الخبز إلى ثلاثين جينيهاً فما كان من الوالي إلا أن أسكته قائلاً (أسكت بلاش قلة أدب)، وربما فكر الوالي الهمام في القبض على الطقل وإيداعه إحدى دور الرعاية الإجتماعية (بعد محاكمته) لتطاوله بإخطار الوالي عن صعوبة الحياة ومشقة الحصول على ما يسد الرمق من خبز في ولايته..! وقد حاول الوالي الهمام (يصلح جلطتو) بعد أن تبارت مواقع التواصل الاجتماعي في انتقاد ردة فعله العصبية حيث ذكر للزميلة (الصيحة) ان حديثه لم يك موجهاً للطفل الذي هتف بقيمة الخبز بل كان يرد على شخص آخر تحدث قبله (بالله!) ولم ينس الوالي أن يلجأ إلى تلك (المراقة) التي كان يستخدمها القوم السابقون حيث أشار إلى أن الفيديو (مبتور)، والقصة ما كده !! ونحن نقول له (مبتور ما مبتور)، (القصة كده ما كده) فإنك قد أتيت إثماً عظيما إذ أن وصمك لأي كائن من كان ممن أنت والي عليهم بقلة الأدب سلوك مرفوض ومستهجن ولا يشبه سلوك من جاءت به ثورة روتها دماء مئات الشباب فواجبك أيها الوالي (الفرحان) أن تسمع لرعاياك وأن تمد لهم حبل الصبر لعرض قضاياهم لا أن تستعرض عليهم سلطاتك وسلطانك وتصفهم بقلة الأدب يا رعاك الله ومهما (تملصت) من هذا الفعل فأنت أمام أعيننا مدان ويجب أن تذهب اليوم قبل الغد من حيث أتيت فمثلك لا يشرف هذه الثورة الباذخة ومثلك (كان راجنو) يقوم بعمل أي إصلاحات (الترابة دي في خشمنا) ! شخصياً لم يخذلني هذا الوالي في (توقعاتي) فها هو بعد أن كان يلوح بيديه بالأمس من خلال فتحة سقف الأوباما (المليارية) في موكب مهيب لمواطني الولاية الذين إستقبلوه يرفع اليوم لهم ذات الأيادي مُهدداً ومتوعداً يرد عليهم في قسوة و(خشونة) محاولاً إسكاتهم عن طرح (مشكلاتهم) وكمان القصة جابت ليها (قلة أدب)..!
كسرة : القصة بقت (جبانة هايصة) والوضع أصبح لا يحتمل !
في مكنة العربية في محل كدة حاشرين فيهو عود . اي والله عود عديل كدة شكلو محل خرطوش موية الميكانيكي قال لي الخواجة البليد دة مفروض ما يعملو بعسم العربية عشان كدة قفلناهو
اب سن لخصت المشكلة كلها..الميكانيكي قال الخواجة بليد...لا و كمان قال بعسم العربية...غايتو لو اتكلمنا السكات في اي حاجة ما بعرفها يكون احسن...
09-27-2020, 08:45 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8949
اللخو زهير السراج انطباعي جدا وشايف نفسو جدا وعلى العليهو يقول ما لا يفعل لا اعتمد كلام هذا البني آدم حتى لو قاتل فلول النظام البائد لوحده فقتل أو قتل زمان في الرأي العام كان مسيكين بجيب مقالو للجريدة ويغشانا في المكتب يسلم علينا وهو فرحانا هسة عامل فيها مصطفى امين ككاتب وجيفارا كمناضل ولا هو هذا ولا ذاك يقوم يلف بس خخخخخخخخخ .............. يا رب يكون متابع البورد أو زول ود حلال يوصل ليهو الكلام دا .. خخخخخ
11-02-2022, 09:22 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
HAIDER ALZAIN
خضر الطيب
Hafiz Bashir
محمد المرتضى حامد
محمد البشرى الخضر
عبدالحفيظ ابوسن
محمد الأمين موسى
Biraima M Adam
adil amin
عمر نملة
Mahjob Abdalla
طلحة عبدالله
فيس بوك
تويتر
انستقرام
يوتيوب
بنتيريست