|
|
|
 Re: شوفوا العجب وآخر الزمان .. شمال السودان يح� (Re: اخلاص عبدالرحمن المشرف)
|
والله يا إخلاص يا اختي آخر أيام الإنقاذ السودان كان محكوم بالنساء
لكن في الخفاء ما ظاهرين
وأكبر حرامية فيه كانوا نساء
لغفوا الأبيض والأسود
من غير أسماء
حتى المعروفين لكل سوداني
أساسا البلد كلها انهارت أخلاقيا
من الطبيعي النساء يكونوا تبع هذا الانهيار
أنا موضوعي حقارة قحت بشمال السودان وتكسير بنيتوا التحتية
وإيقاف أي تنمية فيه
وتم قفل دنقلا بحجة الكرونا عشان يثبتوا المخطط
ويرضوا بيه حركات الغرب المسلحة والحركة الشعبية والتوبة وناس النيل الأزرق
انا هكذا أراها
أمكن أكون مخطئ
ولكنني أراها هكذا
| |
 
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: اخلاص عبدالرحمن المشرف)
|
Quote: لو كانت الشمالية بس
وحات الله ما كان فتحت خشمي
بس حمدوك عملها ظاهرة |
وحمدوك دخلو شنو فى الاختيار يا الامير توفيق !؟
حمدوك بصم بس ما اختار ناس الاختيار /
- ق ح ت فى الولاية
- تجمع المهنيين فى الولاية
- لجان المقاومة فى الولاية
مافى زول من بره الولاية جا واختارها
انما تم اختيارها من قبل اهل الولاية .
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: Deng)
|
| Quote: هسه لو كان حمدوك عين واحدة قريبتك كان بتكون بتمدح في حمدوك وفي نضال النساء وأنت فرحان. |
يا Deng أقسم بالله انا حمدوك ده كونت فيه رأي سلبي من لحظة خطابه
الانتقد فيه معتز موسى لما معتز مسك المالية لمن هو رفضها يومها قال كلام
فطير جدا واحد في سنة أولى كلية اقتصاد ما بقولها بحثت لقيتو خريج زراعة الخرطوم
اها ناس الخرطوم أغلبهم كويسين بس انا لله في لله ما بدورهم
أما طلوعي من المولد انا أساسا لدي المولد حقي براي
شغال فيه وكوم الوهم السياسة ديل بره كومي
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: توفيق عيسى مكي)
|
*شعراء الشمالية يعبرون عن رفضهم تعين نساء لولاياتهم*
بلد المك نمر أبو خالد وعمر وعمارة
بي رجالها وشيوخها وعمدتها ونُظّارة
مادام تم تعيين امنة وحسمتو قرارة
أوعك من تجينا في المتمة زيارة ✋️
ياحليل الشمال من شندي لاعند حلفا
امونة وآمال جايات معاهن زفة
حاكمات للبلد شايلات سياط الطرفة
البفتح خشمه تاني ببلعنه السفة
مخبور الشمال فوق الوطن عنوان
ونهر النيل فراسة تخوف الشيطان
القحاتة جابولهم فعل وسخان
قصد بلد الرجال إدوها للنسوان
محمد احمد نقد الله
*بلد البِفزعوا المدروك وإعزَّو الجارة*
*اهل الضاري والصوط الخمج في الدارة*
*تعيين انثي لي ولايتك بشوفو حقارة*
*فوق اولاد جعل كيفن تمشي افكارا*
عمرالاعسر
نهر النيل دي عزتا واعتزازه انزله
كيف ترضو الهوان كيف الرؤس تتدلي
من زاعوها راسي انصاط وعقلي انشله
مرا تحكمنا نحن رجال صراحة مزله
#ودعصام_البقراسي
نلغي النحاس والعرضة ودق السوط
ونرحل من ديار المك نسيبا نفوت
مادام الولايات في رأسن البنوت
زعلان مننا الكرم الزمان مبسوط
منقول من الفيسبوك
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: توفيق عيسى مكي)
|
اشمعنى انت اتكلمت فقط عن الشمالية وخليت باقي الولايات ،،،
الشمال والشرق والغرب والجنوب بالنسبة لينا واحد،،،مقالك هذا ينضح بالعنصرية،،،
السوان هسع بيحكمن دول ومش ولايات وبس ...
وما تنسى ان التي تحكمك الان امراة ..ولا انت نسيت ان مجلس السيادة ،والذي يعتبر
المكون لراس الدولة في السودان ، فيه امراتان ،وليست امراة واحدة....
فكرتك خطا ...وخطا بامتياز ،،،،وكلمة خطا دي خت ليها همزة في الالف،،،،اي كلام خاطئ،،
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: توفيق عيسى مكي)
|
Quote:
اشمعنى انت اتكلمت فقط عن الشمالية وخليت باقي الولايات ،،، |
لانو من بعد ما تم احتلال السودان من العملاء
قالوا ليهم زلو الشمال السوداني ختو حريميهم فوق رأسهم حكام
باقي الولايات ادوها للرجال ما عندنا معاهم مشكلة
أصلو الثورة دي المفروض تكون حقت الشباب النفذوها وانتصروا بيها
مفروض كان هم يكونوا الوزراء والسفراء وأصحاب السلطة
زحلقوهم منها وبكرة يحصل الحل لوحدي غريب بتاع الثورة المصرية
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: توفيق عيسى مكي)
|
شوفوا العجب وآخر الزمان .. شمال السودان يحكموا النسوان !!!
------------------------------------------------------------------
يا امير حكايتك حكاية!!!! الظاهر عليك نسيت اصلك ونكرت تاريخ اجدادك....... شمال السودان ارض النوبة وملكاتها الكنداكات العجب مصدره شنو ؟؟ الا تكون نكرت اصلك اضان الحامل طرشا
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: Hassan Farah)
|
Quote: العجب مصدره شنو ؟؟ الا تكون نكرت اصلك اضان الحامل طرشا
|
المسألة ببساطة حقارة وازلال لرجال الشمال النيلي
بدليل ولا والي امرأة تاني في كل ولايات السودان
بس الشمالية ونهر النيل
نهر النيل دي بالذات مقصود منها ازلال الجعليين والشايقية
القحاتة عملوها ظاهرة وشينة ومستفذة
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: Hassan Farah)
|
Quote: ممالك النوبة العظيمة
الم تحكمها الكنداكات |
داك كان نظام حكم فرعوني
يعني مؤسسي
غيره تاني ما حصل
الحصل اليوم شغل واضح
ازلال قبائل الشمال النيلي بتولي امرأة عليهم حاكم
كتوصيل رسالة انتو ما رجال
فما تلفو الأمور وتلولوها الشغلة واضحة
ورسالة واضحة وصلتنا من الحركات المسلحة وعموم أهل الغرب
السوداني المحتل السودان اليوم
| |
|
|
|
|
|
|
|
|
|
Re: شوفوا العجب وآخر الزمان .. شمال السودان يح� (Re: Deng)
|
Quote: اي راجل من الشمال النيلي ما يعترض على الحقارة دي
أشك في رجولته
وحات الله ما راجل
احلف مصحف ما راجل
ده طرفنا منه |
انت زمان شايف الشمال ضهاري والناس ما يجو العيد عندكم الخرطوم يا توفيك
وقلنا ليك زمان كلامك ده اعوج
اقعد بس في الخرطوم وانت ساكت قبل يجي حميدتي يحلق ليك صلعة
انت تمثل المركز لحدي هسة
بعدين القصة محاصصة ومخستكة ما في زول انتخب والي لحدي هسة من 2010 وانتخابات البشير المضروبة
خليهم يحاصصو لامن يفترو ما بصلو الميس ابدا
انت اولا استهجن المحاصصة الانتهازية نفسها
شوفا في الحكومة المركزية وبعد سنة كاملة وصلتنا وين ؟؟ ولسه راجينا سيرك جوبا وبرلمان كوريا الشمالية المركزي
يا اخوي
البكا والزغاريد والجنازة كلب
والله لو جابو ليدي غاغا تحكم السودان كلو ما عندي مانع
الانقاذ دي رجس من عمل الشيطان قرضت القبلا وبالبعدا ولا زلنا في متاهة شعب اسود
| |
|
|
|
|
|
| |
توفيق عيسى مكي
Osama Mohammed
علاء سيداحمد
Deng
Hassan Farah
ابو جهينة
عمر التاج
adil amin
فيس بوك
تويتر
انستقرام
يوتيوب
بنتيريست