لساك بتسأل شن سويت سويت شنو أسأل نفسك قبل العوه قبُل ما تردح كان غبيان بنعرف ندلك كان ضهبان كيف بنردك قلت الثورة أنا سويتا سرقته الفعل من شباب الثورة وكت الشارع طلع وانسده هتف تسقط تسقط بس شعوب العالم كانت مذهلة كيف الشعب يحارب دولة بيديهو كانت معجزة شعاراً واحد تسقط بس ودخلو قيادة روح منضبطة بإصرار عزيمة مبتكره ووعي الثورة يحمي هتافا في رمضان ضربت الوعه جبت الشركة بنفس العملة عشان تلمع تقعد فوقا سويت الجوطه سوطه وعجنته ضربته كتلتا شن سويت سويت العيبه يوم الوقفه سحقت وكتلتا لبنوتنا كمان اغتصبتا فوق النبل كم غرقتا حتى الشوارع قمت عاديتا جلدت ونهرتا برضو تقول تزيد وتحلف ماك سويتا ما هددت ما سميتا فوضى صياعه ما دسيت الكتل أولادنا مين الداس رقاب أولادنا إتعنترته كمان صرحته بجبخانه تسكن كدايس تبقى خرطومنا مثل الغابة شن سويت ماك خبران دهسته وعفصته والسيطان أكلت ضهرنا ولا نسيت كمان اقوالك أخوك بتبجح فضينا وضربنا اتعدينا بكل زخيرة انت الاصلك حامي جماعة إتبكمتا دسيت الواقعة في ايدك كم جبخانه درب الثورة ماهو حكاوي لا فيهو خساسه باقي غطاطة لو همك تحكمنا تقعد فوقنا تمرح و تسرح عشم إبليس فوق الجنة أفضل تسرح ترعى بغنمك باقي الدهب ترجعه الدولة دولة ثورة
عادل البراري ٠٥ يونيو ٢٠٢١ الخرطوم - البراري
06-06-2021, 09:46 AM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة