|
Re: شمعة في مطرة بالكلاكلة صنقعت (Re: أبوبكر عباس)
|
مهند قال للراوي: يا أخي، أنا جيعان، وصلني لطبلية الفول، بعدين تعال اتونس مع أصحابك، وبعدين شايف حيدر خطف منك الأضواء،
طبعا الكلاكلة من غير مطرة كهربتا بتكون قاطعا، مهند شاف من بعيد ضوء حسب جوعتو، قدر دا يكون ضوء شمعة في طبلية فول، تحرك ناحية الضوء، كانت تنقصة حرفنة أولاد الكلاكلة في تجنب حفر المطرة بالليل مع انعكاس ضوء العربات.
| |
|
|
|
|
|
|
Re: شمعة في مطرة بالكلاكلة صنقعت (Re: طلحة عبدالله)
|
مهند قال لي: يا أخي، المسافة لنور الشمعة دي يمكن زي متين متر، أخدت مني أكتر من نص ساعة، وأي مرّة حاولت أنط من حفرة ألقى روحي وقعت في المويه الحقيقية. أتاريني مع انعكاس الضوء في الواطة الملانة مويه؛ بنط من اليابس للمويه. كل مرة أطلع من حفرة، أعاين ألقى الضوء الساكيهو طافي؛ جاني كلام أبوي عن أبلمبة ونحن وحلانين بلوري في قوز ابو ضلوع قبل عشرين سنة، قال لي: أبلمبة دا أصلا هو زول مات بالعطش في الصحرا، وانقلب شيطان بسوق الناس الضايعين في الخلا للموت!!
نقيف مع مهند هنا ونمشي نشوف قصة الشمعة أو اللمبة ديك شنو؟
| |
|
|
|
|
|
|
Re: شمعة في مطرة بالكلاكلة صنقعت (Re: علاء سيداحمد)
|
لمان أنا الراوي وصلت الطبلية لقيت زول زي مشرد قاعد في الواطة بياكل في صحن طلس، بعد كمل الأكل قام غسّل الصحن من مويّة البرميل ومشى سلم الصحن لزول قاعد في كرسي جنب الطبلية وقال ليهو؛ نحن غلبنا نوفي جمايلك وبرضو غلبنا معاك نتماشى برقك دائماً شالع قبلي تعجبت من نفسي كصانع للأحداث من أين أتيت بشعر النصري على لسان هذا المشرد؟! ظننت لوهلة أنه يوحى إليّ ثم رجعت لواقع الكلاكلة لا أبالي بما وراء الطبيعة،
| |
|
|
|
|
|
|
Re: شمعة في مطرة بالكلاكلة صنقعت (Re: أبوبكر عباس)
|
جاء واحد لابس بنطلون وقال للزول القاعد في الكرسي؛ الحيوان دا تاني جاء هنا وتديهو أكل؟ أمبارح ما سباك؟ ردّ ليهو؛ أمس كان سكران والسكر من تجليات الأولياء والليلة دفع لي الما طلعتو من تجارتي دي خلال التلاتين سنة الفاتن قال ليهو؛ دفع ليك شنو؟ قال لي؛ نحنا غلبنا نوفي جمايل وبرضو غلبنا معاك نتماشى برقك شالع دائماً قبلي أب بنطلون تم البيت ب وما خليت في البادية عطاشى وقعد في الواطة يبكي
| |
|
|
|
|
|
|
Re: شمعة في مطرة بالكلاكلة صنقعت (Re: أبوبكر عباس)
|
احترت أعمل شنو؟ أسك المشرد أشوف قصتو؟ ولّ أقعد من اب بنطلون أشوف أثر المشرد عليه؟ ولّ أواصل في قصّة مهند مع بتاع الطبلية؟ والنصيحة تعجبت وأنا اله صغير، كيف يمسك الاله الحقيقي بكل هذه الخيوط التي لا تحصى!!!
| |
|
|
|
|
|
|
Re: شمعة في مطرة بالكلاكلة صنقعت (Re: أبوبكر عباس)
|
Quote: وقعد في الواطة يبكي |
بقيت جنك ناس ببكو هههه
صديقي عبداللطيف زول ما عندو علاقة كبيرة بالغناء ولا بفهم في التعابير العميقة زمان كنا دايماً مع بعض وما بنتفارق الا بالليل قبل ما نبقى ناس مسؤوليات واسر زمن الصياعة ياااااا حليلو المهم انا فارقت السودان والحكاية دي اكلت معاهو جنبة شديد وما كان راضي استمرينا في التواصل عبر الوسائط المعروفة الى ان عظمت مسؤوليات كلينا وفتر التواصل وقلت الاشياء المشتركة بيننا فاصبح التواصل بيننا يضعف شيئاً فشيئا فصارت الرسائل مجرد سلام من حين الى حين امس فجأة رسل لي رسالة كاتب فيها بيت من اغنية للفنان عثمان عبدالعظيم وما عارف شاعر الاغنية منو
قال : اي مكان طافتو خطانا مشتاق ليك وعنك بسألني
تصدق سعدت جداً بالرسالة دي لكن قربت ابكي
| |
|
|
|
|
|
|
|