ولنبدأ بالكبائر.. منو الحا يخلي حياة السودانيين نعيما بعد أن حولها الكيزان جحيما؟ ومنو الحايخلي السلع متوفرة و الأسعار رخية والمواصلات فاضية غير حمدوك ومنو البخلي الرغيف كبير ومتوفر وبسعر أقل من ربع سعره زمن الكيزان ويخلي البنزين والغاز واللحمة هبطرش وقفة الملاح مليانة خمسة وعشرين ساعة في اليوم غير حمدوك؟ ومنو الحايوفر الكهرباء وينشرها في كل ربوع السودان رخيصة حتى يأتي المسافر ليلا من نمولي الي حلايب مطفئ نور سيارته لايخشي الا الله والذئب على غنمه ومنو الحايجعل من السودان جنة خضراء ويجعل قيمة الدولار أقل من سعر حبة العيش الفتريتة غير حمدوك ومنو الحايوقف هجرة السودانيين عبر السنبك والمحيطات ويعيد العقول المهاجرة تعمل من أجل السودان قانعة مقتنعة غير حمدوك؟ ومنو الحاينشر السلام في كل ربوع السودان حتى يسلم اخر متمرد سلاحه ويمسك منجلا مكانه يزرع وينتج للوطن ويمسك بدل السياسة علما وحكمة غير حمدوك ومنو الحايوصل طريق قاري هاي وي خمسة اتجاهات من بورتسودان للخرطوم للجنينة غير حمدوك؟ ومنو الحايفتح التعليم على مصراعيه حتى تكون في السنة ثلاثة مواسم وياتي اهل الصين يطلبون العلم في جامعاتنا ومعاهدنا غير حمدوك؟ .. .. تتبع الكبار وتاتي بعدها الصغائر ومتوسطات المعيشة والحياة والان مع فاصل سياسي قصير نعود بعده للمحامد والمفاسد..
Quote: عشة ام رشيرش حكي احد موظفي السفارة السودانية في لندن انه بعد فيضان الثمانينات اتصل رجل اعمال انجليزي بالسفارة ليقدم معونات للسودان وصل الموظف الاول من السفارةلمكاتب رجل الاعمال في عربة بي ام دبليو وقال لرجل الاعمال انه ينتظر رفيقه الذي تأخر في زحمة الحركة رد رجل الاعمال الانجليزي قائلا لقد غيرت رأيي في مساعدتكم فطالما انكم تستطيعون شراء هذه الفارهات وتسافرون بها منفردين بدلا من استخدام القطار فمعني ذلك انكم اغنياء او سفهاء يمكنكم بيع هذه الفارهات واغاثة شعبكم جاء في الانباء سرقة مليار ونص عبارة عن نثرية عضو السيادي حاجة عشة لشهر واحد فاذا علمنا ان اعضاء السيادي احد عشر كوكبا يركبون حداشر انفنيتي ويصرفون نثرية فقط مالايقل عن سبعطاشر مليار شهريا غير المرتبات والسكن والسفر فاحسب كم كتابا مدرسيا يمكن طباعته مقابل نثرية حاجة عشة
كم طالب يمكن اجلاسهم من نثرية التعايشي كم انبوبة اكسجين يمكن شراؤها من نثرية كباشي القومة للسودان تبدأ حينما يقعد الحاكمون في الواطة نقوم سوا ونقعد سوا نقول لرجل الاعمال الانجليزي نحن ما زلنا اغنياء وسفهاء وشحادين
احمد الشيخ علي الرباط
10-01-2020, 07:57 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
شرفتينا يا بنت المشرف وحبابك وشكرا لمنقذنا من النور الي الظلمات حمدوك شكرا لمن وفر لطلابنا المناهج والكتب القراي شكرا لمن اعياه النضال مدني .. شكرا لمن أثر السكوت محل الإعلام فيصل شكرا للمكلفين والمكلفات امشعفور بتاعة المالية ورقم صفر بتاع الصحة وكل الوزراء المجهولين الذين لايعرف اسماءهم وصفاتهم احد وجمعة مباركة
10-02-2020, 08:55 AM
adil amin adil amin
تاريخ التسجيل: 08-01-2002
مجموع المشاركات: 37036
10 لاركس شكرا حمدوك بس انت اختار رقم بالله اختزال الشعب في شخص دي مش كارثة نتذكر الدولة مؤسسات وليس اشخاص وبترجع بي المحكمة الدستورية اولا دي كيف عليك الله https://top4top.io/
10-05-2020, 07:21 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
حياك الله اخي عادل عبارة (شكرا حمدوك) كانت أول اخطاء مابعد الثورة إذا خيل للناس ان الثورة قامت لتنجب للسودان مانديلا أو غاندي يملا الأرض خيرا بعد أن ملئت فقرا وظلما َانتشرت العبارة ولاكها القراد الإلكتروني الذي انتشر مع بدايات الفترة الانتقالية واصبحت أيقونة للحكومة الانتقالية حتى آفاق الناس على واقع مرير والان نسيها القراد أو تنسوها غصبا وقصدا
10-05-2020, 11:50 AM
adil amin adil amin
تاريخ التسجيل: 08-01-2002
مجموع المشاركات: 37036
الحبيب عمر التاج سلامات كتير والله وليك وحشة قلتا كدي اساهم شوية لانو شاعر بانو راسي فاضي من المفردات والكتابة في زمن مسح الزاكرة
لكن استحضرت اغنية جميلة بمناسبة صيغة السؤال منو ؟؟؟ الراحل محمود عبد العزيز : منو القال ليك بنتحمل فراق عينيك ؟؟ اها ياعمر وتاني ان جادت قريحتي الوطنية والثورية ببعض ابيات الشعر سوف اعود لاحقا
بيرو
10-05-2020, 12:14 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
سلامات عمر التاج وضيوفو لو تذكر من قبل كلامى انو حمدوك فوت فرصه ذهبيه فى بدايه الثوره يكون قائد ثوره حقيقى لو بدا فتره حكمو بالتواصل مع الشعب بدل الصياعه بالقرعه برا السودان ويستنهض طاقات الشعب باقل الامكانات وربط الاحزمعه على البطون (للجميع) وحاله اغلاق ثورى تنموى كامله . اعتقد بعد سنه كان استحق شكرا حمدوك بعد يترقى لدرجه قائد قوره لكن للاسف شحته وذله وانكسار للمستعمر (بشكلو الجديد) والمحصله صفر كبير وكمان جابت غرامات بدل يتحملها الكيزان ورموزهم حملها للشعب السودانى لا امريكا ولا اسرائيل ليها برفع عقوبات ولا تطبيع حيقدم لينا شىء. بل حيسوء الامر الى ابعد من ذلك لكن برضو السودانيين يستحقو اكتر من كدا لانهم لو ما لقو ديكتاتور و(خناق) يكوسو لى خناق وديكتاتور يركب على ظهورهم وصنم يسبحوا بحمدو ليلا ونهارا لما سمو بصات شركه ولايه الخرطوم بصات الوالى مش استسلام وخضوع وتكريم لاواحد من اسوء الولاه المرو على الخرطوم ؟ السودانى قبل مايعكمل ثوره يزيح حاكم معصابتو من كرسى ليصنع صنم جديد يذيقو الامرين عليه ان يحرر هقلو وارادتو . واول مره اقولها شكرا حمدوك لانك وريت السودانيين كتاب يقعد فى ذاكراتهم لى جنا الجنا
10-05-2020, 02:47 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
وين حافظ بشير و محمد البشرى وكمال عباس وبقية الرهط بهذا المنبر الذين لم يعجبهم كلامي منذ 13 ابريل 2019 منذ تسلطت قحت القحط وانحرفت بالثورة ووأدت مكتسباتها وكان دعمها دعم للثورة المضادة وأن قحت هي من حرمت الشعب السوداني من أن يجني ثمار ثورته بيده دون وصي غير أمبن كقحت التي قتلت الثورة والثوار معا وفرضت حالة من السوء والقبح والإنحراف عن غايات الثورة بدعم من مخابرات الكيزان المدسوسين فيما يسمي بلجان المقاومة وتجمع المهينيين للشعب السوداني!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
adil amin
النذير بيرو
Asim Ali
منتصر عبد الباسط
فيس بوك
تويتر
انستقرام
يوتيوب
بنتيريست