|
|
|
 Re: شكاوى اللاجئون السودانيون بمصر (Re: قلقو)
|
الحبيب قلقو .. تحياتي ..
لاجئيين .. هل هو لجوء سياسي أم اقتصادي ..
أنا ملاحظ من زملاءنا المصريين في مكان العمل أنهم يعيشون ضيق شديد بالمعيشة
غلاء .. طبعاً مقارنة بما لدينا عندهم أرحم .. ولكن لأول مرة ألاحظ أنهم في تذمر دائم
وبالنسبة لللاجيء المعيشة صعبة في مصر .. وطبعاً لن يتاح لهم ممارسة اي عمل
لأن المصريين أساساً لديهم المهارة في انجاز أعمال البناء والتحميل والتفريغ ولياقتهم البدنية عالية
جماعتنا ديل أحسن يرجعو للسودان .. وبعد إزال حكم الطاغية أصبح لا عذر هناك للجوء
=====================
حتى في ألمانيا بعد الثورة ديسمبر .. قررت محكمة إرجاع كل السودانيين اللاجئين
وذلك لانتفاء سبب اللجوء .. أحد المعارف إتصل بي وقال لي تاني ما لجوء في ألمانيا
وسوف يرجعون إلى السودان ..
======================
مع أن كلامي شوية قاسي .. ناسنا أحسن يكونوا في الداخل ويحاولوا الانتاج
بدلاً من اللجوء والحياة المجانية .. ربما لم تعد متاحة اليوم .. وامس اسرائيل
صرحت بإرجاع السودانيين اللاجئين ..
تحياتي الحبيب قلقو .. قصة اللجوء لم تعد مقنعة إلا مع السوريين واليمنيين نوعاً ما
خلاص انطوت تلك الصفحة ..
بصراحة يا الحبيب قلقو موضوعك مهم .. ليت أحد من مصر يفيدنا بالواقع مباشرة ..
| |
 
|
|
|
|
|
|
|
|
Re: شكاوى اللاجئون السودانيون بمصر (Re: قلقو)
|
من الواضح أن معظم اللاجئين السودانيين بمصر هم إما لجؤ اقتصادى
أو لاجئين نازحين من مناطق الحرب بالسودان والكثير منهم يحلمون باللجؤ إلى اوربا او الولايات النتحدة وكندا .
====================
الحبيب قلقو .. تحياتي
أظن أن الأمر لم يعد متاح كما كان في السابق ..
جرائم الحكومة السابقة كانت دافع لتلك الدول .. طالما ذهبت الحكومة (انتهي الأمر )
ما أظن اللجوء الاقتصادي يكون مهضوم لدى الدول ..
مصر اصبحت تعاني من كثافة السكان ( طفل كل 17 ثانية ) واليوم هم مائة مليون
والأرض الصالحة للسكن 7% فقط من المساحة مصر ..
الناس ديل مضغوطين جداً جداً .. معليش مستثمر معاك فلوس نعم
ولكن لجوء والعيش هكذا ومنظمات ... إلخ لم يعد يجدي ..
لاحظ معاملة اليونانيين والبلغاريين للسوريين على حدودهم أمس واليوم
النظرة تغيرت تجاه اللاجئين ..
البوست ده مهم يا قلقو الحبيب .. لأنني سمعت عن أوضاع السودانيين في مصر
ويقولوا على ذمة الراوي بأن أهلنا زاتهم عاملين عصابات هناك .. الكلام ده من مصدر سماعي
أين بورداب القاهرة لنسمع منهم ..
| |
|
|
|
|
|
|
|
|
|
Re: شكاوى اللاجئون السودانيون بمصر (Re: قلقو)
|
سلام قلقو
والله يا مان انا مستغرب من قعاد الناس دي في مصر ، اذا كان السبب حكومة الإنقاذ اهي طارت وبالامكان أن يعودوا ويدافروا في بلدهم زي ما الناس بتدافر ، بدل الذل والإهانة في بلد اهلها ما لاقين شغل
شيء طبيعي أنهم يتعرضوا لمضايقات لان عددهم كبير جدا والمصريين يعتبرونهم جزء من ازماتهم
ما في حاجة اسمها لاجئ ما لم تعترف مفوضية شؤون اللاجئين بوضعهم وتعالج طلبات اللجوء حقتهم
| |
|
|
|
|
|
|
|
|
Re: شكاوى اللاجئون السودانيون بمصر (Re: حيدر حسن ميرغني)
|
تحياتي الحبيب قلقو .. بوست مفيد
==============
مداخلة الحبيب حيدر هو الحل :
والله يا مان انا مستغرب من قعاد الناس دي في مصر ،
اذا كان السبب حكومة الإنقاذ اهي طارت وبالامكان أن يعودوا
ويدافروا في بلدهم زي ما الناس بتدافر ، بدل الذل والإهانة في بلد اهلها ما لاقين شغل
=================
الحبيب حيدر .. شوف المصريين عندنا في السودان
ناس منتجين زراعة نجارة بناء ... إلخ
حتى في مصانع وحتى في المسالخ الحديثة رغم أن ثروة الحيوانية لديهم محدودة
لكن عندهم فن السلخ وتقطيع اللحوم
أنا اقترح أن حل بالنسبة لنا .. أن نعترف من خلال وسائل الاعلام وخاصة التلفزيون القومي
أننا مقصرين تجاه الوطن مش من اليوم من الاستقلال وأنا أولهم .. صدقني ممكن أظهر
واعترف بذلك ..
يا أخي ما معقول .. معليش في بلاد زي الخليج أو أوروبا .. ما ممكن تعيش لاجيء في بلد
حتى سكانها يا دوب ..
الحبيب قلقو .. أرفع البوست ده فوق الله يرضى عليك .. خلاص شماعة الانقاذ زالت
نقيف مع نفسنا شوية ..
| |
|
|
|
|
|
|
|
|
|
Re: شكاوى اللاجئون السودانيون بمصر (Re: علي عبدالوهاب عثمان)
|
للاسف اكبر افة يواجها هؤلاء المساكين تاتي من سودانين مثلهم..هؤلاء مجموعات بشرية وعصابات عريقة وممتدة داخل المجتمع المصري ولها علاقات واسعة وهي تتولي عملية استدراج الضحايا
وتتوزع التخصصات مابين سمسرة الشقق المفروشة وسمسرة العقارات وعصابات الدعارة وتجارة الاعضاء ..كل شئ ممكن وموجود وبالتلفون بس ..طبعا الواحد لاينفي ان هناك رجال اعمال محترمين
وعائلات تعيش في سلام وامان وحرية تامة ..ولكن اصحاب الحظ العاثر هم من يكونو فريسة لهؤلاء العصابات ...اذا تحسن الوضع قليلا في السودان وتحركت السفارة في اتجاة اعادة المتعثرين من خلال
جسر جوي مجاني او منخفض التكلفة مع امكانية الوساطة في حل مشاكل المساجين واكمال فترتهم في بلادهم ..هذا هو الدور المتوقع الان بوجود سفير قوي يتم تعينة بالكفاءة وكادر ديلوماسي مؤهل يضع اللبنات
الجيدة لجالية سودانية متماسكة تعمل لمصلحة المواطن والوطن ..
| |
|
|
|
|
|
|
|
|
|
Re: شكاوى اللاجئون السودانيون بمصر (Re: Mohd Ibrahim)
|
صدقت يا محمد
| Quote: للاسف اكبر افة يواجها هؤلاء المساكين تاتي من سودانين مثلهم..هؤلاء مجموعات بشرية وعصابات عريقة وممتدة داخل المجتمع المصري ولها علاقات واسعة وهي تتولي عملية استدراج الضحايا |
هل تصدق انا عاصرت هذه الآفة حتى قبل مجيئ الإنقاذ للسلطة بسنوات قليلة بحكم الدراسة في مصر
اعداد السودانيين كانت أكبر من كده لان مصر كانت معبر للسفر الى دول اخرى من أجل العمل، خاصة العراق قبل تدميرها، وليبيا، والتهريب الى دول غربية عن طريق الجزائر وليبيا،
كانوا يلجأون الى اتحادات الطلاب في مختلف المحافظات لمساعدتهم بعد أن فقدوا كل شيء بسبب النصب عليهم من سودانيين مثلهم . لكن حقيقة اسباب هجرتهم كانت وجيهة شوية على عكس شباب اليوم .
| |
|
|
|
|
|
|
|
|
|
Re: شكاوى اللاجئون السودانيون بمصر (Re: حيدر حسن ميرغني)
|
من المفترض أن تقوم السفارة بحصر عددهم وتحاول تعالج مشاكل بعضهم إذا كانت تتمثل في عدم مقدرتهم للعودة للبلد لأسباب مالية ، وتسعى في نفس الوقت مع السلطات المصرية للإفراج عن المحتجزين بسبب الإقامة غير الشرعية .
سفارة النظام المغبور كانت تنظر إليهم بدونية وتتعامل معهم كمعارضين لها ولا تقدم أدنى مساعدات لهم.
على العموم يفترض أنهم يكونوا حريصين على أنفسهم اكثر من حرص أي جهة أخرى عليهم ، ولا يرضوا بمثل هذا الوضع اذا كان في إمكانية للعودة الطوعية .
مصر عدد سكانها تجاوز المئة مليون ، غير مهيئة لاستضافة غرباء بالنظر إلى وضعها الاقتصادي الذي دفع الكثيرين من أبناءها للهجرة حتى لبلادنا .
| |
|
|
|
|
|
|
|
|
|
Re: شكاوى اللاجئون السودانيون بمصر (Re: حيدر حسن ميرغني)
|
بالمناسبة في عدد من رجال الاعمال ووجهاء الجالية لايعجبهم هذا الحال لانة يسئ اساءة بالغة للجالية وهم مستعدين للمساعدة ماديا ولوجستيا لكنهم يحتاجون الي جهة رسمية توحد الجهود ويمكن الوثوق بها
من اجل حل هذة المشاكل التي ادي الاهمال الطويل لها لتفاقمها اكثر فاكثر ...مصر دولة مهمة جدا من اجل مستقبل السودان والتعاون معها علي مستوي الند للند يمر عبر حل مثل هذة العراقيل بدلا من ان يترك السودان جاليتة تسبب المتاعب
للبلد المضيف..
| |
|
|
|
|
|
|
|
|
|
Re: شكاوى اللاجئون السودانيون بمصر (Re: Mohd Ibrahim)
|
QUOTE : والله يا مان انا مستغرب من قعاد الناس دي في مصر ، اذا كان السبب حكومة الإنقاذ اهي طارت وبالامكان أن يعودوا ويدافروا زي ما الناس بتدافر وا في بلدهم ، بدل الذل والإهانة في بلد اهلها ما لاقين شغل .
شيء طبيعي أنهم يتعرضوا لمضايقات لان عددهم كبير جدا والمصريين يعتبرونهم جزء من ازماتهم
ما في حاجة اسمها لاجئ ما لم تعترف مفوضية شؤون اللاجئين بوضعهم وتعالج طلبات اللجوء حقتهم
حبيبنا حيدر ميرغنى ...
كلامك فى منتهى العقل والواقعية .
عجبتنى عبارتك ( بالأمكان أن يعودوا ويدافرو زي ما الناس بتدافر ) .
تسلم يا صديقى .
| |
|
|
|
|
|
|
|
|
|
Re: شكاوى اللاجئون السودانيون بمصر (Re: قلقو)
|
QUOTE :
نقيف مع نفسنا شوية ..
حبيبنا على عبدالوهاب ..
( نقيف مع نفسنا شوية) ... بالجملة دى اختصرت لينا كلام كتير جدا عن الوطنية وحب الوطن الذى نحن متهمون بالتقصير فيه .
| |
|
|
|
|
|
|
|
|
|
Re: شكاوى اللاجئون السودانيون بمصر (Re: Mohd Ibrahim)
|
الحبيب قلقو والاحباب
أمس كنت اتجاذب اطراف الحديث مع أحد الأخوة لديه شقة في القاهرة
هناك اتجاه لكثير من السودانيين للسكن في مصر ( القاهرة ) ومن ضمن حديثه
ذكر حي أسمه ( فيصل ) في القاهرة وقال بأن الحي غالبية سكانه من السودانيين
ويعج بالكثير من العطالة والشلل والعصابات حتى أن البعض باعوا شققهم وذهبوا إلى احياء أخرى
رسم صورة قاتمة عن السودانيين في القاهرة
تحياتي الحبيب قلقو ..
| |
|
|
|
|
|
|
|
|
|
Re: شكاوى اللاجئون السودانيون بمصر (Re: علي عبدالوهاب عثمان)
|
محنة السودانيون فى الداخل والخارج خلال السنوات الماضية مأساة بكل ماتعنيه الكلمة فى مصر تحديداً ومصر الفيها مكفيها فى السابق كنا نأتي إلى مصر سواح فى الثمانينات أو للعلاج أما خلال فترة حكم الإنقاذ إختيار مصر لقربها الجغرافي وسهولة العيش فيها قياسا بالأوضاع فى السودان سمعت بحي إسمه (عثمان) أو عصمان كما يحلو للمصريين هذا الحي يقال عنه بعد مغيب الشمس لا تستطيع أن تتجول فيه وتقريباً أغلبية السكان سودانيون ومعظمهم طاب له المقام هناك والمنتجات السودانية والمطاعم متوفرة بكثرة والإجرام على قفا من يشيل إذا ساقتك الأقدار لهذا الحي لقضاء أى شىء يجب عليك الإنتباه لنفسك هكذا كما يروى لنا بعض الأصدقاء حكاية العودة فى السودان دى شبه مستحيلة فى الوضع الراهن أسأل الله أن تنتهي مآسينا ويعم الأمن والسلام بلادنا ونرتاح من البهدلة التى أدخلونا فيها أصحاب المشروع الحضاري لا بارك الله فيهم .
| |
|
|
|
|
|
|
|
|
|
Re: شكاوى اللاجئون السودانيون بمصر (Re: حسن محمد عمر)
|
QUOTE: يروى لنا بعض الأصدقاء حكاية العودة فى السودان دى شبه مستحيلة فى الوضع الراهن
حبيبنا حسن محمد عمر ..
وهل هناك يا حسن وضع تحتاج فيه الأوطان لبنيها اكثر من الوضع الحالى ؟
وارجع بك لمداخلة حبيبنا حيدر حسن ميرغنى الى جاءت فيها العبارة الأتية .. (بالأمكان أن يعودوا ويدافروا فى بلدهم زى ما الناس بتدافر ) كلام من دهب .
ولا عايزنها باردة ومقنطرة ؟
| |
|
|
|
|
|
|
|
|
|
Re: شكاوى اللاجئون السودانيون بمصر (Re: قلقو)
|
هم ليسوا لاجئون رسمياً، بل نازحون إستفادوا من سهولة دخول السودانيين لمصر وبقوا بها منهم سودانيون من جنوب السودان منذ ما قبل الإنفصال. مفروض الحكومة السودانية تعمل على إرجاعهم، قبل ان تبادر مصر بطردهم. وليس جميلاً فى حق السودان أن يرتبط تواجدهم بمصر بالجريمة والإحتيال والبنقو والدعارة، منبوذين فى غربة من مجتمع البلد الذى يعيشون فيه، وليس لهم أى إسهام إيجابى بها.
| |
|
|
|
|
|
|
| |
قلقو
علي عبدالوهاب عثمان
حيدر حسن ميرغني
Mohd Ibrahim
Arif Nashed
حسن محمد عمر
فيس بوك
تويتر
انستقرام
يوتيوب
بنتيريست