|
كتب الكاتب الفاتح جبرا المتوفرة بمعرض الدوحة
|
|
 Re: شخبطة على جدار الصوم (Re: جلالدونا)
|
واحد صاحبنا ربنا يديم عليهو نعمة الصحة و العافية
سجنوهو فى شيك طاير
الموضوع اتحل و جا مارق فى اول يوم من رمضان
مشيت عليهو و بتونس معاهو
سرح سرحة كده و قال لى
يا جلال لو عاوز رمضان ده يخلص سريع
اكتب شيك بدون رصيد بتاريخ تلاتين رمضان
قلت ليهو لو رمضان طلع 29 يوم
قالى لى تبقى محظوظ و الشيك ينتظر بيهو رمضان القادم
___
استدراك
الكلام ده ايام التقويم الهجرى بتاع نميري
| |
 
|
|
|
|
|
|
|
|
Re: شخبطة على جدار الصوم (Re: جلالدونا)
|
Public
قبل حلول الشهر الكريم ارسل لى صديق عزيز هدية اعتبرتها اقيم هدية فى حياتي و مشكور كتير عليها و ربنا يقدرنا على جزاهو
الهدية عبارة عن طرد يحتوى على عبوة من فول السليم و عبوتين تمر قنديلا و عبوتين شمار بلدنا اب ريحة تقيلة داك
و شديت الفول و كانت متعة الاكل البرد الروح داك
المهم تواصلت مع صديقي العزيز لشراء المزيد لشهر رمضان و قد كان
و تم شحن الطرد و يوم الوصول ثانى ايام رمضان
صحاني ولدي الصباح من النوم و شلنا الطرد و فتحتو و اول حاجة بليت الفول و طلعت اكابس فى المعايش
جيت راجع قبل الافطار بى ساعتين و قلت كده و ظبطت الفول و امعانا فى نهج ظبط الفول
قطعت بصل و طماطم و جرجير التقطيع الدقاق داك و زدت عليهم ان سلقت بيضة
و هرست الجبنة هرس تمام و حضّرت زيت السمسم الولد الاصلى داك
و قلت كدى فتحت حلة البريستو بتاعت الكهربا طلع الفول ما فول نصاح شى
و غرفت فى الصحن و رميت فيهو الجبنة و بالمعلقة اسوط و كمان شلت ليك ضواقة ضربتها بى مزاج
و قلت هكذا يكون الفول ثم هرست البيضة فوقو و سطّت و ضقت يا سلااااام فول و لا فول الجدادة الصغيرونة الحمرا
ثم اضفت الملح و الشمار و سطّت و ضقت و انا اردد لمثل هذا اليوم خلق الله الفول
ث
و قلت كدى كشحت الطماطم و البصل و الجرجير و الزيت و خلطت و ضقت
بس اذكرت ليك انو انا صايم و طاااااخ خبت جبهتى بى ايدى
اصحى ليك من النوم بى صداع عاينت للساعة لقيتا خمسة و نص صباحا
و حتى السحور طلع حلم
| |
|
|
|
|
|
|
|
|
|
Re: شخبطة على جدار الصوم (Re: جلالدونا)
|
فى رمضان المنصرم اتحفنا العزيز النصري امين بى بوست
انتخب فيه مسلسلات لمشاهدتها و فعلا شاهدناها و استمتعنا بيها
اها السنة دى فاتخ خشمي و راجيهو لكنو ما اشتغل بينا
اها قلت يا ود فتّش براك و شوف اى حاجة اتونّس بيها
اقوم اعتر ليك فى مسلسل اسمو مملكة الغجر
ياخى ده اجرام ما بعدو اجرام
و من اول حلقة و مع مرور الحلقات خطر فى بالي زميل المنبر الصديق عادل الباهى
و ازداد خوفا عليه من تجربته مع الغجر بالرغم من انها انتهت
غايتو ما اظن يكون ياهو عادل البنعرفو داك بى دمّو و شحمو و لحمو
يا بعاتى يا عفريت
يا شبح بحسب التوصيف الحداثي لى ود ام بعلّو
| |
|
|
|
|
|
|
|
|
|
Re: شخبطة على جدار الصوم (Re: جلالدونا)
|
رمضانك كريم ومبارك يا جلال
تشرفنا اليوم فى الفطور الرمضانى ب حبيب الشعوب الفول مع مسحه زيت سمسم وطعميه حاره وعلى جنبات الصينيه شطه مجهبزه
فى تطورى الفولى وعلى مدار الغربه حزفت بعض المحسنات والمستلزمات التاريخيه فى سيره الفول مثل البيض او الساردين اما الجبنه البيضاء فمازالت حاضره
هل الهديه جزء من الحلم؟
| |
|
|
|
|
|
|
|
|
|
Re: شخبطة على جدار الصوم (Re: ABUHUSSEIN)
|
Quote: رمضانك كريم ومبارك يا جلال
تشرفنا اليوم فى الفطور الرمضانى ب حبيب الشعوب الفول مع مسحه زيت سمسم وطعميه حاره وعلى جنبات الصينيه شطه مجهبزه
فى تطورى الفولى وعلى مدار الغربه حزفت بعض المحسنات والمستلزمات التاريخيه فى سيره الفول مثل البيض او الساردين اما الجبنه البيضاء فمازالت حاضره
هل الهديه جزء من الحلم؟ |
مرحب عبد الرحيم و تقبل الله منا و منكم الصيام و القيام و صالح الاعمال
اصلا الفول بالنسبة لى متعة قبل ما يكون سد رمق
و كل شيخ عندو طريقتو فى نهج التظبيط
من اظبط المحسنات البديعية للفول لكن فى غير شهر رمضان
تكشح فوقو معلقة شطة خدرا بالذكوة و كمشة شوربة كوارع
مع بصلة حمرا بالليمون و الشمار فى صحن براها
الهدية حقيقة و هى سبب الحلم
للسودانيين بكندا و امريكا ممكن يدخلو متجر اخونا امير عبر Badrishop... منتجات سودانية مع خدمة التوصيل
| |
|
|
|
|
|
|
|
|
|
Re: شخبطة على جدار الصوم (Re: جلالدونا)
|
Quote:
هو بالله الصوم عندو جدار ... ؟؟؟
يعني زي الصمت و كدا ... ؟؟؟ |
غايتو قدر ما حاولت اثقفك و ارتقى بيك من براثن العالم التالت ده فشلت
ايوة عندو جدار ... اللهم انى صايم جدار يلا شيل طبشيرتك و شخبط
| |
|
|
|
|
|
|
|
|
|
Re: شخبطة على جدار الصوم (Re: جلالدونا)
|
و فى غبطة احتفائنا برمضان تفجعنا الاقدار برحيل الصديق و رفيق الغربة المغفور له بأذن الله
بكري الحلو .... رحل و هو يصارع ويلات الكرونا التى هزمها عندما اصابته اول مرة و هزمته فى غزوتها الثانية
المرحوم بكري من ابناء كوستي البررة و الحافط لمعروفها و لم يكن غريب عليه عند زيارة صديقنا معاوية الزبير
و العزيز معاوية المدير الى اريزونا ان يحتفى بنا ويكرمنا بسماحة نفسه و طيب معشره
الا رحم الله بكري الحلو رحمة واسعة و غفر له و عفا عنه و اسكنه فسيح جناته مع الابرار و الكرام الميامين
و عزاؤنا لزوجته و بناته و اولاده و لكل الاهل و المعارف و نسأل الله ان يلهمهم الصبر و السلوان
و سيوارى جثمانه الطاهر الثرى غدا الخميس عند الساعة الحادية عشر و نصف
و لا حول و لا قوة الا بالله
و لا نقول الا ما يرضى الله
انا لله و انا اليه راجعون
| |
|
|
|
|
|
|
|
|
|
Re: شخبطة على جدار الصوم (Re: جلالدونا)
|
طبعا كرهتى فى الدنيا دى حاجة اسمها المكوة فما بالك فى رمضان
و عشان ارحم نفسى من الحتة دى بحنس البت ولّ الولد و بعد مرات بستعين بالكروة عشان يكووا لى
الليلة ابو لى كلو كلو اها استعنت بالذى لا ينام و قلت يا ود اكوى براك ... والموضوع ما بياخد اكتر من دقيقتين تلاتة و ينتهى
بعدين انت لا اول زول كوى هدومو براهو و لا اخر زول و القصة بسيطة جدا تدّخل وصلة المكوه فى البلك
و تترنم بى غنوة بى نيران لهبك اكتويت و عادى زى الروب الموضوع يعّدى
و فعلا الموضوع مشى تمام التمام و بعد انتهيت لمت نفسي شديد و انو المكوة دى اسهل ما يكون
و قررت تانى هدومى اكويها براى لا تحانيس لا ذلة و لا كروة
و قلت كده بى كل الانبساط اندرعت جوّه البنطلون ... اكتشفت ليك انو كويت البنطلون السستتو بايظة
هسى انا ياهونداك راقد فوق السرير و متغطّى بالبطانية و ما اظنى امرق من البيت قريب او اقوم للفطور ذاتو
| |
|
|
|
|
|
|
| |
جلالدونا
Abdelrahim Mohmed Salih
ABUHUSSEIN
فيس بوك
تويتر
انستقرام
يوتيوب
بنتيريست