لقد قتلت الحكومات المركزية منذ الخمسينات وحتى الان على قتل المواطنين المدنيين فى الجنوب بمئات الالاف، ولم ينقذهم سوى الإنفصال.. ثم توجهت ذات الحكومات نحو دارفور وأبادت الالاف ووالحرث والنسل وأتت على الأخضر واليابس.. والرئيس إعترف ب 10 الف من البشر ذبحهم فى دارفـور..
الســــؤال:
هل قامت مظاهرة واحدة يتيمـة فى الخرطوم، طيلة هذه العقود، من المواطنين المدنيين فى الخرطوم، لإدانة هذه المذابح ضد أخوانهم السودانيين؟
وشكراً
02-19-2021, 06:20 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27625
سلام ابو الريش اي مذابح ؟ ما يحدث في الحرب، يتغطي بالطابع السياسي للحرب، من كل الاطراف، ومواطن الخرطوم او غير الخرطوم، بما يتلقي من معلومات، يفسر ما يحدث في هذا الاطار. لا اعلم عن حوادث، ذهبت فيها حكومة خرطومية وقصفت منطقة فجأة هكذا، خارج سياق الحرب. حالياً وقت الدراما، عادي يعني تجد بعضهم كان يدق طبول الحرب متحمساً، ويكاد ينادي بفتح متحف هولوكوست لجرائم الحكومة. النخبة السياسية متواطئة مع الحرب، تسميها وسيلة نضال اخري ولما تصعد نخبة المجموعات المسلحة الي السلطة، برصيد من خطاب النضال المسلح، وخطاب الضحية، تبدأ النخبة في "الفرفرة".
تحياتي ابوالريش ... وريني بلد واحد في العالم يكرم ويكافيء من رفع السلاح في وجه الدولة من أعلى سلطة في البلد حتى أصبح رفع السلاح في وجه الدولة أقصر الطرق لنيل السلطة والثروة والدليل على ذلك وجود أكثر من ٨٧ حركة مسلحة في دارفور ... بعدين النزاع في دارفور قبلي بإمتياز فمع من تقف وتقيم المظاهرات فأنت متحيز بلاشك وسوف تكون طرف فيما يجري ... القانون الجنائي السوداني المواد من ٥١ لين ٦٢ تعالج هذه (الجرايم) ... عليك الله قوقل ...
02-19-2021, 09:52 PM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10253
Quote: ابو الريش ممكن تحدد الفترة باليوم والشهر والسنة؟
الفترة انا حددتها يا صديق. بعدين تقصد شنو؟ تقصد لم تقم اى حرب فى السودان ابيد فيها مدنيون كثر؟ وأقصد كل الحكومات بدون فرز.. هل قامت مظاهرة ضد حكومة المرحوم الصادق فى استمرار حرق قرى وقطاطى الجنوبيين وقصفهم بالطائرات ؟ هل قامت فى الخرطوم مظاهرة ضده فى جريمة حرق مئات الجنوبيين احياء من أسرهم وأطفالهم فى الضعين؟ لم يحدث.. ولكن حين أخرج اتنين من دكاترة جامعة الخرطوم تقريرا عن المجزرة إعتقلهم السيد الصادق كما يعتقل العساكر اليوم كل من تحدثه نفسه بنقد شركات الجيش
ثم اتمنى ان لا تسأل عن دول موطنوها لم يحتجوا على حروب حكوماتهم. الأمثلة بلا عدد
02-19-2021, 11:30 PM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8952
سلام ابوالريش ناس الخرطوم بس ما تهبش ليهم الرغيف او طوالي برفعو سلاحهم ضد الدولة. بعد داك قناة النيل الازرق عشان الاغانى تنسيهم اى اخبار سيئة عن الاقاليم.
02-20-2021, 01:08 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
السلام عليكم حرب الجنوب بدأت قبل استقلال السودان يعني حرب موروثة منذ انشأ الدولة ومع هذا فقد كانت اهم سبب لثورة اكتوبر . الغرب يختلف ، بدأت الجبهة الاسلامية بحربها ضد انسان الخرطوم وكان كثير من ابناء الغرب جزء اصيل منها ، بعد حادثة مطار الفاشر تغيرت الامور ، محاولة التنصل من انقلاب الجبهة الذي دعمه ابناء الغرب الي ان حدث الانقسام لا يوصلنا لشئ ، الموضوعية والتحليل الصحيح يقول ان هناك تهميش للجميع في ايام حكم الانقاذ عدا الاسلامويون .
يا رجل الجيش لم يخوض حرب ضد الجنوب إلا فى حكومة الانقاذ وبعدين ياتو قرى حرقها المرحوم الصادق المهدى أما عن قطر الضعين دى مشاكل قبلية بين الرزيقات والدينكا أما مرجعك فذاك كتاب بعكس وجهة نظر كاتبه لذا عليك يا ابو الريش ان تكون امين فى النقل ما تكون كالحمار يحمل اسفارافعداك المرحوم الصادق المهدى وحزبه يظهر عدم مصداقيتك لذا عليك ان تكون امين هداك الله
02-20-2021, 02:00 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
Quote: يا رجل الجيش لم يخوض حرب ضد الجنوب إلا فى حكومة الانقاذ وبعدين ياتو قرى حرقها المرحوم الصادق المهدى
قاعد ترد على منو يا صديق؟ لو فى زول قال الصادق حرق القرى بالله رد عليه هو.. أما حكاية الجيش لم يخوض حرب فى الجنوب قبل حكومة الإنقاذ طبعا كلام مضحك.. جـد. ولا يستحق الرد عليه. وباقى نضميك الفوق جاييه راجع.
02-20-2021, 03:25 AM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10253
لعلمك يا ابو الريش الجيش الذى ارسل الى الجنوب بعد خروج المستعمر لم يقتل مواطن عادى بل حارب من تمرد على الدولة لذا عليك الصمت ان كنت غير ملم بالحاصل فى جنوب السودان
02-20-2021, 03:42 AM
Abureesh
Abureesh
تاريخ التسجيل: 09-22-2003
مجموع المشاركات: 30182
مجزرة كجبار ، مدنيين عزّل ، مجزرة بورت سودان ، مدنيين عزّل ، وما في مظاهرة طلعت في الخرطوم وذلك لنظام القمع اللي كان قائم ، أما دارفور فسلاح لاقا سلاح ، فمن كان الاولى بخروج مظاهرة من أجلهم؟
02-20-2021, 07:30 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
خلينا نحرر فلسطين في الأول وننقذ القدس المحتلة منذ عام 48 وتستقر الأوضاع في بيروت ودمشق وبغداد ومصراتة ثم بعدين نشوف الجنوب ولا دارفور ولا نيل أزرق ولا أصفر قالوا ليكم سلاح لاقي سلاح وحروبهم ذاتا قبلية بيناتهم يبقي ناس الخرطوم وحكومة الخرطوم دخلهم شنو؟؟؟ قال دارفور قال
02-22-2021, 00:14 AM
Abureesh
Abureesh
تاريخ التسجيل: 09-22-2003
مجموع المشاركات: 30182
Quote: أما دارفور فسلاح لاقا سلاح ، فمن كان الاولى بخروج مظاهرة من أجلهم؟
لا يا ترهاقا.. لم يكن سلاح لاقى سلاح.. وإنما سلاح حكومى وطائرت عسكرية لاقت مواطنين أبرياء، أحرقتهم أحياء وقتلت واغتصبت النساء حتى البنات الصغار لم يوفروهن من الإغتصاب. الظاهر لم تطلع على صور أعوام 2003-2006
02-22-2021, 11:34 PM
Abureesh
Abureesh
تاريخ التسجيل: 09-22-2003
مجموع المشاركات: 30182
Quote: خلينا نحرر فلسطين في الأول وننقذ القدس المحتلة منذ عام 48 وتستقر الأوضاع في بيروت ودمشق وبغداد ومصراتة ثم بعدين نشوف الجنوب ولا دارفور ولا نيل أزرق
وبرضو ما تنسى لما نفضى من تحرير فلسطين وتنقذ القدس وتستقر الأوضاع فى لبنان.. وأنت راجع أغشى حلايب مرة واحد كدا.. وأعمل حاجة فى الموضوع بتاعها.. وما بطال تفكر فى موضوع دارفور.. تكون لفتة كويسة منك.
سلااام صاحب البوست والضيوف سؤالك يقود لسؤال جوهري لماذا تخرج الخرطوم او المركز أصلا في مظاهرات تندد بأحداث الهامش محمد حسين هيكل لدية مقولة ان السودان جغرافيا اعتقد هذه العبارة الأقرب للصواب حيث غياب الوجدان المشترك خلق واقع مأزوم ودولة مأزومة فيها الانتماء للوطن انتماء ثانوي مقارنة بالجهة او القبيلة والمدينة والقرية هذا الواقع المأزوم. قد يصقله التعليم لكنه لم يمحوه من الوجدان مما يدخلنا في دائرة الدولة الهشة بسبب عجزها عن ادارة التنوع بالتالي يظل الإحساس بالقضايا الإنسانية والمشاريع الوطنية ضعيف جدا
02-23-2021, 06:46 AM
Abureesh
Abureesh
تاريخ التسجيل: 09-22-2003
مجموع المشاركات: 30182
دا كلام مظبوط يا حسن، وفى ناس هنا يقولون عشان كان فى بطش.. طيب البطش كان فى أكتوبر.. وأعنف فى إبريل، وأعنف جدا فى ستبمبر.. قتلوا 300 ولم يوقفهم هذا من إشعال ديسمبر.. دفاع مقدد لا يمسك ماء. السبب هو غياب الإحساس بالإنتاماء للوطن.. ولما المرحوم العطبراوى قال كل أجزائه لنا وطن، فإن المعنى (العملى) يقول كل أجزائه لنا وطن نحن الشماليين.. ولكن لا يسمح لبجاوى أو فوراوى أو إنقسناوى عشان يمرح فى الوسط والشمال كانها وطنه ويتملك المزارع والوظائف الدستورية.. إلا عن طريق الأيديولوجية مثل على الحاج والدكتور.. الجماعات الأيديولوجية التى ذاتها يسيطر عليها الشماليون وهم عاملين سقف معين لأتباعهم من الإقليميين !!! لو تعدوه فإن مصيرهم هو مصير المرحوم بولاد. الله يرحمه ما عرف حدوده.
02-23-2021, 08:13 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12483
Quote: السودان جغرافيا اعتقد هذه العبارة الأقرب للصواب حيث غياب الوجدان المشترك خلق واقع مأزوم ودولة مأزومة فيها الانتماء للوطن انتماء ثانوي مقارنة بالجهة او القبيلة والمدينة والقرية هذا الواقع المأزوم. قد يصقله التعليم لكنه لم يمحوه من الوجدان مما يدخلنا في دائرة الدولة الهشة بسبب عجزها عن ادارة التنوع بالتالي يظل الإحساس بالقضايا الإنسانية والمشاريع الوطنية ضعيف جدا
الحبيب حسن آدم تحياتي .. لخصت كل مشاكلنا في هذه المداخلة نعم اصبت الهدف 100% كلنا نشعر بهذا الاحساس رغم محاولتنا للمقاومة والرجوع وجدانياً الى الوطن الكبير ولكن في لحظات ما يتوقف هذا الاحساس وينكفيء في نطاق ( القبيلة أو القرية أو الجهة ... إلخ) شكرا حسن اجابة شافية لسؤال حبيبنا ابريش
شكرا الحبيب ابريش لهذا البوست ومداخلة الحبيب حسن مفيدة جداً
تحياتي الحبيب ابريش
02-23-2021, 02:42 PM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
لا حول ولا قوة إلا بالله.. محمد حمزة.. والله لو جليت البوست دا وما كتبت أى حاجة كان أخير.. مداخلة فعلا تدل على عدم الحساسية.. لكن هذه غلطتى برضو لأنى كان المفروض أضيف للمظاهرات عدم مواساة أهل الضحايا فى دارفور الذين فى العاصمة التى لم تعصم مظلوماً ولا مسكيناً.. وتقديم الدعم المادى والنفسى لهم وهم يتلقون أنباء مقتل ذويهم وأحبابهم كل يوم.. ديل موش تقدم لهم دقيق وزيت، ديل المفروض تطبخ لهم وتقدم لهم أكل جاهز لأنهم مقهورون وقواهم النفسية وطاقاتهم لا تترك لهم إلا القليل للقيام بالنشاط لمساعدة أنفسهم . تقول للزول القتلت أبوه (مثال وليس شخصى) تقول ليه أحفر القبر عشان نتأكد من حزنك ونحفر معاك. ديل الحكومة كشت أطفالهم من الشوارع وسجنت من كبارهم من سجنت (من مقيمى الخرطوم)..
12-07-2021, 06:38 AM
Abureesh
Abureesh
تاريخ التسجيل: 09-22-2003
مجموع المشاركات: 30182
المظاهرات والثورات لا ترتبط بردود أفعال في أوقات معينة بل تنتج من تراكمات هذه الأحداث وهو الذي خلق الانفجار الأول في سبتمبر ثم تبعته الثورة الكبرى في ديسمبر 2018
12-07-2021, 07:23 AM
نعمات عماد
نعمات عماد
تاريخ التسجيل: 03-08-2014
مجموع المشاركات: 11404
سلام لا أنفي أو أؤكد خروج مظاهرة ولكن أضيف حقيقة بسيطة هي: معظم الثوار الشباب الذين يخرجون مظاهرات الآن كانوا في الروضة أو لم يولدوا بعد عند بداية المذابح في دارفور. إعلام الإنقاذ كان يغرق البلد بالأخبار الكاذبة، يحرق القرى و يقتل المواطنين ثم يردد(المتمردين قتلوا و حرقوا). الوصول للمعلومة الصحيحة لم يكن سهلاً، الإنترنت لم تتوفر للغالبية. لاحقاً عرف الناس الحقيقية من الضحايا أنفسهم و بصورة فردية و كان الإعلام ما يزال ينشر الإكاذيب.
Quote: سلام أبوالريش انت قعدت في الخرطوم كم سنة وهل تعتبر خرطومي ولا من الشرق
سؤال عجيب جدا يا منتصر، وشوقتنى لمعرفة العلاقة بينه وبين موضوع البوست، وأعدك بالرد بس لو تكرمت تورينى العلاقة عشان لا أقول هو خارج الموضوع، وأكيد عندك رأى
12-07-2021, 07:40 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12483
Quote: محمد حسين هيكل لدية مقولة ان السودان جغرافيا اعتقد هذه العبارة الأقرب للصواب حيث غياب الوجدان المشترك خلق واقع مأزوم ودولة مأزومة فيها الانتماء للوطن انتماء ثانوي مقارنة بالجهة او القبيلة والمدينة والقرية هذا الواقع المأزوم.
للمرة ثانية اعيد هذه المداخلة
شكرا كثير حسن آدم العالم كلام في الصميم
شكرا أبريش حبيبنا .. عجبني جداً كلام الحبيب حسن لخص المشكلة بكل وضوح
12-07-2021, 07:42 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12483
Quote: هل قامت مظاهرة واحدة يتيمـة فى الخرطوم، طيلة هذه العقود، من المواطنين المدنيين فى الخرطوم، لإدانة هذه المذابح ضد أخوانهم السودانيين؟
وشكراً
يا ابوالريش يكفيك مثالاً الشعار العظيم الذى رددته الجموع فى كل مسيرات ثورة ديسمبر العظيمة فى العاصمة وفى كل الاعتصامات فى مدن السودان فى حينه وغيرها من المدن والقرى والحلاّل فى ربوع وطننا العزيز .
{ يا عنصري ومغرور كل البلد دارفور }
12-07-2021, 07:56 AM
Hatim Alhwary
Hatim Alhwary
تاريخ التسجيل: 01-23-2013
مجموع المشاركات: 2418
Quote: الســــؤال:هل قامت مظاهرة واحدة يتيمـة فى الخرطوم، طيلة هذه العقود، من المواطنين المدنيين فى الخرطوم، لإدانة هذه المذابح ضد أخوانهم السودانيين؟
لا اعتقد ان نضال الشعب السوداني بالمدن والحضر الطويل والمستمر منذ قيام الدولة الحديثة يقاس بمظاهرة واحدة او حراك تجاه سبب معين او غيره هو تراكم طويل يعني حكاية التلاوم ونفسية ما بنمشي لي ناس ما بجونا وما عزيتونا في موت ابونا لا عتقد انها صالحة هنا او Applicable
واذا كانت الاجابة علي سؤالك بالنفي او الايجاب تثير التساول او عندها علاقة بالحراك الضخم والثورة المستمرة بالشارع السوداني الان ممكن اقول لا يوجد تناقض بالعكس هى دليل على وعي الشارع والمواطن بكل جرائم الدولة تجاه المواطن التي حدثت والتي متوقع حدوثها للمواطنين السودانيين كلهم وبدون تمييز وحرية سلام وعدالة ومدنيااااااااا ليست فقط للمركز او الخرطوم بل لكل الدولة السودانية ونبظرة فاحصة تجد ان الثورة نفسها تشارك وتتبارى فيها كل المدن كبيرها وصغيرها بكل اصقاع السودان
Quote: سؤال عجيب جدا يا منتصر، وشوقتنى لمعرفة العلاقة بينه وبين موضوع البوست، وأعدك بالرد بس لو تكرمت تورينى العلاقة عشان لا أقول هو خارج الموضوع، وأكيد عندك رأى
سلام أبوالريش قصدي الخرطوم كرش فيل يعني المظاهرات الهسي في السودان وإن كانت في الخرطوم إلا أنها لا جهة لها ولا قبيلة ممكن يكون أغلبها من ناس من دارفور والشرق والغرب والشمال وفي يوم من الأيام الجنوب والسبب التاني تلقى الزول عاش حياته كلها في الخرطوم ولو سألته الأخو من وين يقول ليك من الشمالية أو الشرق رغم إنه في بعض الأحيان يكون ما شافها فعندما نلوم ناس الخرطوم الما طلعوا مظاهرات للمذابح في دارفور فهل نستثنى منهم الضحايا الذين نزحوا وأصبحوا من سكان الخرطوم منذ عشرات السنين
12-07-2021, 09:06 AM
مهيرة
مهيرة
تاريخ التسجيل: 04-28-2002
مجموع المشاركات: 952
سؤال رديف يا ابو الريش هل اصدر الحزب الجمهوري او الاستاذ كتابا او منشورا يدين فيه اول ابادة جماعية في السودان في احداث الجزيرة ابا وودنوباوي او حرك مظاهرة احتجاج ، ام اكتفى بتأليف كراسته ( لماذا نؤيد مايو ) ؟؟؟ تحياتي
12-07-2021, 02:38 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
الاخ ابوريش. سؤال موجه لك.... وارجو ان تجيب عليه ببساطة دون تطويل وزعل والسؤال حول الموضوع يعني ما خارج الاطار..ولا يحتاج بوست منفصل
Quote: لقد قتلت الحكومات المركزية منذ الخمسينات
طبعا انت طوال الفترات التي ذكرتها كنت موجود (هل خرجت في مظاهرة ما او تنديد ما ؟) اذا كانت اجابتك انك خرجت منذ الثمانينات او التسعينات او بداية الالفية هل قمت باي احتجاج ؟ اتفضل
12-07-2021, 06:03 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: طبعا انت طوال الفترات التي ذكرتها كنت موجود (هل خرجت في مظاهرة ما او تنديد ما ؟) اذا كانت اجابتك انك خرجت منذ الثمانينات او التسعينات او بداية الالفية هل قمت باي احتجاج ؟ اتفضل
الأستاذ أحمد شكرا على الطلة والسؤال.. هل أبو الريش شخصيا لو طلع أو ما طلع حتفرق شئ؟ ما شايف دا سؤال شخصى والاجابة ممكن تكون أى شئ، من عيان الى مسافر الى.. اى شئ. الشخصنة لا تفيد شئ. أولا أنا خرجت من السودان عام 1989، لو لازم تعرف.. ولم أعد إلا فى ديسمبر 2018.. 30 سنة. وما قمت به من واجب لا أمتن به على أهلى فى الغرب او الشرق أو الجنوب أو الشمال ما كان لى أن أقوم ولا بجزء يسير منه وانا داخل السودان.. وقبل ذلك كان عهد النميرى ولم أمكث فى عهد الإنقاذ إلا اسبوع واحد. ولقد دخلت السجون فى عهد النميرى وتعرضت مثل كل الجمهوريين بسبب منشور لإضطهاد وترويع قبل وبعد إعدام الأستاذ محمود محمد طه. عمليا لم أحضر يوما فى الإنقاذ سوى الاسبوع وكان كله جريا وراء إجراءات السفر. أما مأساة دارفور فلم تكن موجودة أصلاً.. أقصد المجزرة والإبادة، ولكن طبعا التهميش والظلم كان موجودا دائمـاً.
ثم ماذا تفيد المنبر لو ابوالريش (شخصيا) عمل مظاهرة وحده.. وهل سوف تسميها مظاهرة لو كنت هتفت وحدى فى الشارع؟ الفهم شنو؟ على أى حال انا ما قلت شخص محدد ما قام بمظاهرة ولكن قلت ناس الخرطوم ما قاموا بمظاهرة ضد الإبادة فى الغرب. من يعتبر هذه عنصرية فإن حرية الرأى مكفولة للجميع.. ولكنى هنا استغربت للذين ينقلون عباراتى بالحرف من بوستات سابقة، سواء عن قصد أو توارد خواطر ثم ينتقدونى لأنى لم لا أعرف أن ناس الخرطوم ما قاموا ولا بمظاهرة واحدة.. :-) الرجاء يا شباب مراقبة حقوق النشر.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة