|
Re: سخاريف مازن سخاروف. (Re: سيف النصر محي الدين)
|
براحة شوية علي مازن يا سيف طول مكوث في هذا البورد (والحرد من الوسائط الأخري "البدع" ) علمني أن البورد يحتاج لنقل دم ثقافي في كل مرة ولأنه ما في زول بريح للآخر في هذا الدنيا فلنرحب به صوتا جديدا علنا نستعيد بعضا من حيوية البورد التي كانت
لقد إفتقدنا الكثير من الأصوات والمساهمين الجادين
إذن دعنا نرحب به ونحاوره بقدر من نستطيع
| |
|
|
|
|
|
|
Re: سخاريف مازن سخاروف. (Re: سيف النصر محي الدين)
|
ازيك يا سيف كيف الحال وتحية للزملاء
اعتقد- شبه جازم- انه اخونا سخاروف هو نفس العضو في موقع سودان دوت نت موقع اخونا معاذ عطا السيد اول موقع حوار وتلاقي الفيفي
الموقع الموؤد
نفس العضو المكتب ب اسم الشارد وبرضو ب اسم الثعلب نفس المواضيع ونفس النكهة والاسلوب
| |
|
|
|
|
|
|
Re: سخاريف مازن سخاروف. (Re: أحمد محمد عمر)
|
وحاة الله يا سيف بعد قريتها قلت الدكتور دا مطول من البورد اسي يفتكرها ليه ولو كانت "اللياقة" زي زمان كان كتبت مداخلة تانية للتنبيه لكن كالعادة راعيت ليها واكتفيت ب مخير الله 😀
| |
|
|
|
|
|
|
Re: سخاريف مازن سخاروف. (Re: محمد البشرى الخضر)
|
أها طلعك داير تشتهر على حسابه يا دكتور :) طبعاً جاتني رغبة ملحّة أرقد ليكم بيه في زقاق الأيام دي الزمن ممحوق بس الوعد في الذمة :)
بمناسبة الزقاق النحكي ليكم القصة الحقيقية دي عندنا حكم في الجزيرة اسمه عمر .. عمك كبير في العمر وقلبه كبير :) اليوم داك طرد ليك محمد ولد من حلة جمبهم بالكرت الأحمر الولد شباب وعضلات الناس ماسكينو وههم محمر ليك في عمر وشغال ليه من الميدان دة أنا بطلع لكن انت إلا تطير من الحلة والله ألاقيك في زقاق إلا أشربك دمك واكسر ليك كرعيك أها عمك عمر طلع من الاستاد قلبه طاير وماشي يتلفت لحدي ما وصل أبو الولد وقعد يقول ليه انت عارف الشباب ديل متهورين ودي كورة الطرد فيها عادي لكن الولد دة عليك الله عقّله ما يعمل حاجة تضره وخليه يتجاوز الموضوع دة أبو الولد قال خلاص ما تشيل هم أنا بكلمو ما يتعرض ليك بعديها بي يومين عمك عمر ماشي في زقاق من زقاقات حلتهم والشارع فاضي وفجأة يظهر ليك محمد في طرف الزقاق سادي عليه الطريق عمك وقف في نص الزقاق وكورك ليه يااااا محمد .. أبوك أبوك كلمك؟
| |
|
|
|
|
|
|
Re: سخاريف مازن سخاروف. (Re: Ahmed Yassin)
|
Quote: بالله نحن وصلنا المرحلة دي !!!!! |
سلامات يا ابوحميد في ناس بدخلوا المنبر وفي بالهم انهم جايين هنا لانهم عندهم حاجة بقية الناس هنا ما عندها وهم غالبا بكونوا جايين من مكان اتعودوا فيه ان يكونوا متحدثين لجمهور من المستمعين لا يتفاعل معهم الا مصفقا وباصما بالعشرة على ما يقولون ايا كان ذلك.
| |
|
|
|
|
|
|
Re: سخاريف مازن سخاروف. (Re: سيف النصر محي الدين)
|
تحياتي يا سيف
في سودانت برضو في عضو غامض جدا وعجيب اسمه رضا البطاوي وبنشر اشياء غريبة وعجيبة
ومعظم شكوك الاعضاء شبه الأكسدة هناك حسب ما عرفت انه موست بروببلي يكون نفس العضو صاحب الأسماء الاتنين برضو
| |
|
|
|
|
|
|
Re: سخاريف مازن سخاروف. (Re: أبوذر بابكر)
|
Quote: وحاة الله يا سيف بعد قريتها قلت الدكتور دا مطول من البورد اسي يفتكرها ليه ولو كانت "اللياقة" زي زمان كان كتبت مداخلة تانية للتنبيه لكن كالعادة راعيت ليها واكتفيت ب مخير الله 😀 |
بارك الله في احمد عمر وراني مصدر "الاحدهم" دي 😊 وبيني بينك اللياقة بالجد بقت تعبانة.. حقو نعمل معسكر ياخ.
| |
|
|
|
|
|
|
Re: سخاريف مازن سخاروف. (Re: سيف النصر محي الدين)
|
Quote: في سودانت برضو في عضو غامض جدا وعجيب اسمه رضا البطاوي وبنشر اشياء غريبة وعجيبة
ومعظم شكوك الاعضاء شبه الأكسدة هناك حسب ما عرفت انه موست بروببلي يكون نفس العضو صاحب الأسماء الاتنين برضو |
الغريبة انو بكري من زمااان قرر انه يلغي حكاية الالقاب والاسماء الحركية والnicknames دي ويسجل الاعضاء الجدد باسمائهم الحقيقية المدعومة بالوثائق الثبوتية. غايتو سخاروف دي بكون سخر ليهو جان وللا حاجة عشان يجينا كشخص مجهول في منبرنا العام ليمارس فيه سخاريفه بكل برطعة. 😀
| |
|
|
|
|
|
|
Re: سخاريف مازن سخاروف. (Re: mohmmed said ahmed)
|
تحياتي الأخ سيف و ضيوفك الكرام
الأخ محمد
Quote: اخونا بكري مفترض يحسم القصة دى ولا يسجل اى عضو الا باسمه الحقيقي لا ادري ما الحكمة من الاختفاء خلف اسماء مبهمة حاجة مريبة |
قبل كم سنة كتبت بوست عن الذين يتخفون وراء الأسماء الحركية و الألقاب و تساءلت مماذا يخافون و لماذا يتسترون خلف أسماء حركية
وقد تداخل الكثيرين رافضين الفكرة في ذلك الوقت..و لكن قليلاً قليلا شايف أصبحت هناك مطالبات بذلك.
الحقيقة المنبر اجتماعي في المقام الأول لا أدري السبب في جعله حفلة تنكرية لدى البعض.
| |
|
|
|
|
|
|
Re: سخاريف مازن سخاروف. (Re: محمد عبد الله الحسين)
|
سلام اخ محمد
اتفق معك المنبر منبر اجتماعي علنى لا يوجد سبب للتخفي
كيف لنا مخاطبة شخصيات مجهولة
بعد ثورة الاتصالات وضعت قوانيين للنشر والحماية لذا لابد من ان يكتب كل شخص باسمه الحقيقي ويتحمل التبعات القانونية لما يكتب
| |
|
|
|
|
|
|
|