القروش كل حاجة #بلاش نرجسيه . ناس الشعر ، ونجوم الليل ، وقشة قشة ، اختوا البوست . #تتحصل عليه كيف ده موضوعك ومسئوليتك امام الله .. والناس . #شفتوكيف ردى على الاخ الغالى 00000 الاخ الغالى 00000 والله القروش مهمه ولكن مش كل حاجه ربما بيت مستور الحال فيه الجمال وفيه الاخلاق وفيه الادب وفيه الكفاح من اجل لقمه العيش وفيه ستره الحال والكل يعرف الحديث الشريف من قال رسول الله صلى الله عليه وسلم : ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها ) والله العظيم الكريم انا اعرف مليونيرات عشرات بل الاف عندهم ملاين الدولارات والمنازل الفاخره ولكن هناك جفاء ووحشه ومشاكل لاحصر لها فى حياتهم اليوميه مع الزوجات ومع الابناء ومع البنات وديل قروشهم حلال فما بال من كان ماله حرام ومال سرقه وسحت ونهب وظلم ورشاوى ومال نصب وواحتيال فما فائده القروش والمال اخى الغالى مجدى والسعاده والفروح والسرور \ فى كثير من الاحيان ما مربوط بالمال والبياكل عدس والبياكل خروف محشى كلوا اكل بشرط ان يكون اكل من مال حلال وما اسهل النصب والاحتيال وان تكون عندك قروش بالسرقه \ولكن اين القلب والضمير ووين تمشى من ربنا وكيف تربى اولادك من حرام ولما تسمع الولد طلع بتاع مخدرات والبنت انحرفت والزوجه اصبيت بمرض وانت نفسك ايها السارق اصبت بجلطه او شلل حاول تراجع حسابتك وتشوف ظلمت منو وسرقت من منو ونهبت قروش منو وسوف تجد السبب والله العظيم سنحت لى الفرص ان اكون اغنى انسان فى مصراته ومش سرقه والله ممكن تقول شاطره يعنى كنت شغال مع شركع بيع خرده وانا جبت الزبائن من كل انحاء العالم انا من قمت بعمل قسم التسويق الخارجى وقد وصلت مبيوعاتى فى 3 سنوات الى 180 مليون دولار وكان ممكن ابيع واشترى لاننى كنت من اقوم بالترجمه والبيع وكان اصحاب الشركه يعطونى سعر معين ولكن والله كنت ابيع عن طريق بورصه المعادن بسعر اعلى والله وفرق كبير يعنى ممكن فى فرق سعر فى ال180 مليون دولار امكن انا بعت بفرقه سعر اكثر من 8 مليون دولار ولكن لم افكر اى عمل اى كبرى او ازيد او ابيع بسعرهم والله لاننى كنت اتقاضى راتب ولا اريد ان ادخل فى حرمه وكذلك فى مكتبى فى الصين كنت اتقاضى عموله من الزبون فقط واحاول اضغط ليه فى السعر وكان ممكن اشيل من الزبون ومن المصانع ولكن المصانع عاده ماتضع عملتك فى السعر والحلال بين والحرام بين والغنى غناء النفس والقناعه كنز لايفنى والسعاده ليس فى المال والمال غايه وليس وسليه للسعاده حيث اعيش الان تجد الكثير من الناس على قدر الحال والفقر ولكن تجدهم فى سعاده راضين بما كتب الله لهم اخيرا اهديك قصيده جمليه تعبر عن البيوت قصيده داليا الياس مُناي في الدنيا سُترة وبيت.. وأصل البيت حنان وأمان.. مودة وريد محال البيت يكون بس طين.. وزنكي وحيط ولا ممكن يكون سكر وصلصة وزيت كلام البيت كلام تاني.. كلام إحساس مقدس وشرع رباني وريد إنسان عزم وإختار فتح باب قلبو لمّاني.. بنى العش الصغير طمّني آواني بيوت الدنيا مختلفات وما كل البيوت واحد في بيت داااافي.. وبيت باااارد وبيت عمران هوى وتحنان.. وبيت جامد بيوت مليانة فرحة وحب.. وخير وأمان بيوت عدمانة من الود.. زمن مسكونة بالأحزان بيوت زااااهية.. وبيوت وااااهية بيوت تديك سلام وأمان عشان فيها النفوس صافية.. وفيها التقوى والإيمان بيوت متروسة مال وإثاث وخالية من الأمل والناس بيوت لا لمبة ولا بوتجاز وناسا لُطاااااف.. حُنان ولُذاذ في بيت عاااالي وحوشو كبير وسيدو وزير.. خيرو وفير.. وليهو غفير .. وبيت من طين... في راكوبتو بس فد زير ورغم الساكنو زول مسكين بس حقاني عندو ضمير.. بيوت البهجة عنوانا.. وطول اليوم ضحك وهزار وبيوت طوالي حرقانة مولعة زي تقول من نار بيوت بتراعي حق الجار .. وفيها من الخيار أخيار بيوت لا بتعرف الجيران.. ولا بتستطلع الأخبار بيوت تمليك.. بيوت إيجار وماااابتلقاها بالهين .. ولازم تكرم السمسار وشوف في سكتك كم بيت .. وفي كل البيوت أسرار وفي بيت مسكون.. وبيت فاضي .. وبيت جاحد.. وبيت راضي وبيت مشكلتو معروفة ووصلت محكمة وقاضي.. عشان عُشرة سنين هانت وكل واحد بقى في وادي.. وفي بيت حدادي مدادي بس ما فيهو غير إتنين.. وبيت ملياااان تقول نادي وفي بيت سكانو متآلفين.. على الحلوة وعلى المُرة وبيت سكانو مختلفين.. ما بتفقوا بالمرّة وبيت ستو مرة ضيفان.. مرة سُترة ما بتستاهل الهجران.. ولا بتستاهل الضرة بيت ستو دوام.. بتباري في النسوان لا بتعرف تكرم الضيف.. ولا بتورِّق الخُدرة وفي بيت محروم من الأطفال من ضحكة عيون حلوين وكل يوم ناسو عند دكتور كبير.. أتعابو بالملايين وبيت أطفالو زي عشرين .. ومحتاجين حق كراسة ما لاقين وبس عايشين على الله.. ما قادرين يسدوا الدين وناس تانيين.. مرتاحين.. وهَم في الدنيا ما شايلين وياما وياما تلقى بيوت .. بيوت صاخبة وبيوت لا ليها حس ولا صوت .. وكل ناس البيوت بتموت ويبقى البيت شبر واحد.. وبكرة تكون بيوتنا قبور لا هم مويه لا هم نور .. ويبقى مُنانا في الجنة
مع تحياتى مصطفى نور
01-18-2023, 09:45 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
فيس بوك
تويتر
انستقرام
يوتيوب
بنتيريست