دياشة

Quote: شايفين الجيش ما نافع طوالى تقولوا الجيش ما نافع وسجم طالما بيصرف من جيب المواطن دا من حق المواطن يقول رأيه مهما كان حاد تشوفوا متواطئ تقول متواطئ تشوفوا متخاذل ومنبرش تقول متخاذل ومنبرش دا حقك تقول حمدوك ذاتو سجم لو ما نافع معاك تقول الحكومه سجم وتقول المواصلات سجم وتقول ناس الكهرباء سجم وتقول ناس الصحة سجم وتقول عمال النضافه سجم وتقول الاساتذة سجم الجيش ما عندهم ريشه فوق راسم ولا أحسن من ايي مؤسسه ولا افضل من اي وظيفه ما فيهم واحد السودان مشى شحدو عشان يبقى عسكرى ولا ضابط ولا فى زول قال ليك تعال موت عشانى عشان تركب فوق راس الناس و عاوز تتميز وهي وينا الحروب ذاتا الخضتوها عشان الناس؟؟ جنبكم الناس اتضربت ومقفلين بواباتكم وعاملين ماشايفين واكتر مؤسسة استفادت من الانقاذ وثبتت الدكتاتورية.. شايلين امتيازات وعربات وشقق واستثناءات وسلطات فى الفاضى.. المهنه ما عاجباك قدم استقالتك وشوف ليك وظيفه تانيه طالما الشعب دا سيد البلد ينتقد العاوز ينتقدو ويقول العاوزو فوق راس اكبر دبورة وحكاية فيه رتب صغيرة كويسين ومجبورين.. مجبورين يساندوا الظالم ويحموا اللص والفاسد ويمتنعوا عن حماية المواطن..دا ياهو ذاتو اطعنا ساداتنا وكبرائنا وساهمنا فى استمرار الفساد ودعمه ودا بياكد فساد المنظومه كلها وانها مبنية على فهم غلط