|
|
|
 Re: دكتور صديق اخو السفاح المخلوع (Re: عبدالحفيظ ابوسن)
|
في يونيو ٢٠٠٨ قامت السفارة الكيزانية في ذلك الوقت وبتعاون مع اخو عمر البشير دكتور صديق حسن احمد البشير بعمل احتفال كبير في منطقة برمنجهام التي تعتبر اكبر تجمع لسودانيين في بريطانيا الاحتفال جاء مباشرة بعد عملية الذراع الطويلة ومقتل خليل ابراهيم وكانت الحكومة منتشية ومعتبراه نصر ليها الاحتفال تم الصرف عليه ببذخ وسيرت بصات مجانية من جميع أنحاء بريطانيا وكان فيه عدد من الأسر اطفال ونساء وكبار السن وكان استفزاز كبير للمجموعات المسلحة وعضويتها المجودين في برمنجهام فقامو بالهجوم علي الاحتفال وكانت حادثة بشعة يتحمل وزرها أخ البشير الذي ساهم في الإعداد والتمويل وتسيير البصات
| |
 
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
شهادة في حق...
د. صديق حسن احمد البشير
جاورنا الاخ صديق حسن في ضاحية solihull لمدة طويلة تقارب العشرين عاما كان فيها مثالا للامانة وطهر اليد وعفة اللسان..بالرغم من اختلاف مشاربنا الفكرية وتوجهاتنا السياسية نشهد ب ان الرجل لم يكن مدافعا عن نظام القهر والظلم الذي عشناه طيلة ٣٠ سنة.
...علمت ان الاخ صديق اشتري قطعة الأرض في كافوري....قبل سنوات طويلة بعد عمله في أبوظبي وقبل قدومه اليuk...هذا قبل أن يسطو عليها بقية اقاربه.وقد استغرق بناء المنزل سنوات عديدة..أثناء وجوده معنا في uk...حيث كان وما زال يعمل
Agency consultant
في مناطق بعيدة تاركا اسرته في سوليهل ل جمع ما يمكنه من البناء.
...قبل سنوات حاول أن يلحق أبناءه ب أحد المدارس الخاصة في السودان....وبعد فترة قصيرة اعادهم الي uk لعدم تمكنه من دفع رسوم المدرسة الباهظة كما ذكر لي شخصيا....إذ كان إكمال منزله من أولوياته...
الاخ صديق يسكن بجوارنا في بيت ...اقل من عادي.....يمتلك سيارة....اهلكها من كثرة السفر لمكان عمله في اسكتلندا والأماكن البعيدة الاخري...حسبما تمليه ظروف العمل في الagency..
.ب اختصار....الاخ صديق ليس من هولاء الابالسة....و يجب ان لا يؤخذ بجريرة اخوانه وأقاربه..
..كل من عرف وجاور الاخ صديق من سكان
Solihull and Birmingham
يكاد يجزم بأن هذا المنزل من حر ماله...وكم تعب وشقي في اكماله...
اتمني من لجنة إزالة التمكين ان تتحري في هذا الأمر وتعيد النظر في قرارها في حق الاخ د.صديق....
هذه شهادة مني في حقه.....
وكتمان الحق ليس من شيم الشرفاء...
د التيجانى ابوقصيصة
إستشاري جراحة تجميل ببريطانيا
وحسب كلامها ابوقصيصة ما الكاتب بل
الكلام الاتكتب باسم دكتور ابوقصيصة كاتبو واحد اسمو عمار التجاني
| |
|
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
سلام اخ ابوسن
* استرداد الأموال المنهوبة ومواجهة أوكار الفساد والمحسوبية والثراء المشبوه وغسيل الأموال -حق وواجب مشروع !
* اذا حدث- وفي جبل حالات الفساد- ان وجدت ذرة غير مفسدة او حالة غير. محققة فيجب ان ان يعادابنظر في امر الحالة وإخضاعها لمزيدا من التحقق والتوثق ،،
* يجب التحقق والتوثق خصوصا في حالات اصحاب البيت الواحد وقطعة الأرض الواحدة- فان تخطئ في عدم مصادرة بيت قطعة لمشتبه - فهذا أعده اقل سوء من ان تصادر مسكن او قطعًة. لشخص لم يثبت عليه فساد ،،
+ المهم. هنا الشفافية والوضوح وتمليك الحقائق للجماهير فالشعب واعي وهو يملك حقائق قد يغيب بعضها عن اللجان !
* فالشعب لا يضع فاطمة خالد زوجة البشير في نفس كفة وداد بابكر الزوجة الثانية للسفاح من حيث الفساد واستغلال النفوذ ومظاهر الثراء الطارئة !
| |
|
|
|
|
|
|
|
|
|
Re: دكتور صديق اخو السفاح المخلوع (Re: كمال عباس)
|
نعم كمال اتفق
قال تعالي
يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ (8)
انا هنا مابتكلم عن فساد بل تسويقه انه لم يكن يدعم النظام السابق ويدافع عنه
وكان نائيا بنفسه عنه
| |
|
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
" ولا تزر وازرة وزر أخرى ""
لا يمكن تجريم شخص لعمل إجرامي ارتكبه شخص آخر حتى ولو كان هذا الشخص شقيقه أو والده أو ابنه ...د
بالنسبة لدكتور صديق شقيق المخلوع، اتصلنا هاتفيا بقريبة بسمات وهي تقيم في بريطانيا منذ مدة طويلة وسالناها
عن شقيق البشير فقالت ان الكل يعرفون أنه مثال للأخلاق الرفيعة والنزاهة والامانة والشرف وان الكثيرين لم يعرفوا أنه
كان شقيق الرئيس المخلوع لأنه أبدا لم يسوق نفسه خلال أوج سلطة البشير أنه شقيق الرئيس...وان لجنة إزالة التمكين إذا
صادرت فلس واحد من املاكه فإن هذا ظلم واضح ..واظن الثورة السودانية لم تأتي لظلم الناس بالشبهات وان هذا عيب كبير..
.....
ود ابو سن
سلامات ورمضان كريم..وارجو ان يكون هذا البوست سانحة لانصاف الرجل إذا حال به أي ظلم ..فمعظم السودانيين يشهدون له بالاستقامة والنزاهة ...واذا كان لأي شخص دليل يغاير هذه الشهادة ليقدم الدليل للجنة إزالة التمكين التي بدأت بالفعل في ظلم الكثيرين ...ونتمنى أن تراجع قراراتها
| |
|
|
|
|
|
|
|
|
|
Re: دكتور صديق اخو السفاح المخلوع (Re: امتثال عبدالله)
|
مرحبا امتثال
اكيد انا مع سبر غور الحقيقة
لا اعرف شيئا عنه . انا لست بصدد البحث عن حسن خلقه بل موقفه السياسي من النظام السابق
سؤال امتثال
هل تقصدين جملة ان اللجنة ظلمت الكثيرين حرفيا ؟
ظلمت من ؟ للعلم ليس الا
وفي بالي كثيرين تعني لي ظلمت اكثر من نصف المتهمين
| |
|
|
|
|
|
|
|
|
|
Re: دكتور صديق اخو السفاح المخلوع (Re: كمال عباس)
|
كمال عباس
اذا كان الصمت تواطؤ ، فإن الكثيرين جدا صمتوا ٣٠ عاما ،صمتوا ولم يكونوا مؤيدين
لنظام اللصوص والحرامية ،،،،واذا كان شقيق الرئيس المخلوع صمت ولم يؤيد فهذا يحسب له
وليس عليه ...
ورمضان كريم ...
وبعدين الحرامية والقتلة لحد الان مطلقو السراح ولم يتم اعتقالهم حتى الآن..فلماذا الكيل بمعيارين ...
| |
|
|
|
|
|
|
|
|
|
Re: دكتور صديق اخو السفاح المخلوع (Re: امتثال عبدالله)
|
حفيظ و المتداخلين ...
ياخوانا دي مجرد شهادة من جار لي جاره ...
يعني شهادة فرد سوداني لجاره بي طيابتنا ليس الا ...
كل ما رآه وصفه ... و لكن لا يعرف ابعد من ذلك ...
لجنة ازالة التمكين و التفكيك ... محل ثقة ... و ان اخطأوا فحتما المراجعة ستتم ...
انما نفرد صفحات للدفاع او التجريم لشخص لا نعلم اي شي عنه سوى شهادة جاره فهذا ليس من العدل ...
الارجح ان نترك اللجنة في عملها و قد تكون لديهم معلومات لا نعلمها ...
| |
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
| Quote: فالشعب لا يضع فاطمة خالد زوجة البشير في نفس كفة وداد بابكر |
كنت في زيارة لي شندي عام 2005 تقريباً وكانت في حفلة قاجة لحدي قريب الصباح بتكلموا عنها الناس كلهم
حفلة كانت بكل فنان متاح في البلد وفيها ما لذ وطاب
العامل الحفلة سواق فاطمة خالد بعد تبرئته وخروجه من السجن
بحكم عمله كسائق ليها كان بقوم بي جزء من اعمالها واغتنى شديد وتم اتهامه بإنه ضرب قروش واتسجن بعديها ما تم اثبات التهمة وطلع من السجن وعمل الحفلة دي
سألت مضيفي هي فاطمة خالد عندها أعمال قال لي عيييييييك يا زول دي مشترية البلد كلها من يوم عرسوا فيها اتفرغت للتجارة
| |
|
|
|
|
|
|
|
|
|
Re: دكتور صديق اخو السفاح المخلوع (Re: كمال عباس)
|
اب سن والشباب رمضان كريم
طبعا اي سوداني جاور اي واحد من لصوص الانقاذ ديل ممكن يديك عنهم شهادة ايجابية
ويقول ليك زول محترم وطيب وما عندو حاجة الخ الخ الخ ...
حسب علمي الاستشاري في بريطانيا دخلوا ممتاز جدا ، فحكاية انو تعب وما قدر يدفع
مصاريف الدراسة بتاعة اولادو في السودان دي م بتدخل راسي ابدا وبترجعنا تاني لحكاية
شهادة الجيران والمعارف .. اذا الاستشاري البياخد حوالي 200 استرليني في الساعة ما قدر يدفع
مصاريف اولادو في السودان منو البقدر؟
بعدين قصة انهم كلهم كده امتلكو قطع كتيرة في منطقة واحدة تم توزيع اغلبها في عهد البشير
ده براهو بيستدعي التحقيق .. تلقا البيت كلو عندو قطع ، والغريبة القطع بتاعتهم ذاتا ما زي
قطع البني ادمين البتلقاها بتنتهي بي صفر او صفرين ، ارقام غريبة جدا 719 متر
327 ، 637 الخ الخ الخ ، فكلها من الواضح تم توزيعها على اشخاص محددين بعلم مسبق
لانو الارقام الغريبة دي بتعبر عن حقائق محددة .. بعرفوها السماسرة ولصوص الاراضي كويس
| |
|
|
|
|
|
|
|
|
|
Re: دكتور صديق اخو السفاح المخلوع (Re: أحمد محمد عمر)
|
قبل كدة سكن في حينا التعبان تاجر بنقو
اشترى بيت كبير كدة سكن هو وأسرته في مقدمة البيت على الظلط وداخل البيت مخازن لتجارته
أنا هسة أؤكد للجميع إنه الراجل دة من أفضل الجيران اللاقوني ورغم إنه غريب في حي كلو أهل إلا إنه بقى واحد من الأهل ديل وبتلقاهو حاضر في كل المناسبات هو وأولاده قبل الناس كلهم
الشباب التلفانين بحنسوا أولاده تحانيش شديدة عشان يدوهم بنقو وهم ناكرين الموضوع ولأصحابهم اللصيقين بقولوا أبوهم بقول ليهم كان سمعتكم بعتو لزول من الحلة بكتلكم
كل يومين تلاتة بتجي عربات الشرطة وبتفتش البيت وبطلعوا فاضيين وكل الحلة متعاطفة معاهو بالذات النساوين الكبار وبقولوا لو أصلو زي ما ببهتوهو الناس كلاب الشرطة دي حفرت بيته حتة حتة ما لقت حاجة
أنا كزول جاره ما شفت منه إلا صينيته الحاضرة في الأفراح والأتراح وعربيته البتودي العيان المستشفى والميت المقابر .. أولاده ما شفت عليهم غير لعب الكورة مع أولاد الفريق وحفر الصيوان في المناسبات وبناته ما شفناهن حايمات بالحلال .. محتشمات ومثال للأدب
أي نعم هم ما كملوا معانا 3 سنوات لكن لحدي هسة الناس كلها بتذكرهم بالخير وإنهم أكتر غرباء اندمجوا مع ناس الحلة وفقدتهم الحلة بعد رحيلهم الخرطوم
ما أنا براي البشهد بي كرمهم وطيب أخلاقهم بل اعتقد إنه أي منطقة سكنوا فيه بتركوا ذات الانطباع
| |
|
|
|
|
|
|
|
|
|
Re: دكتور صديق اخو السفاح المخلوع (Re: Abdullah Idrees)
|
الحبيب أبوسن .. تحياتي
المجتمع السوداني مفتوح لا يمكن لأحد ان يختبيء
والناس تعرف كل شيء عن بعض حتى أدق التفاصيل
من محاسن هذه ميزة أنها تكون رادع لكل من ذهب في طريق الفساد
ملاحظ حبيبنا أبوسن في كل المجتمعات السودانية أكبرعيب يورث حتى للاحفاد
هي السرقة اكثر عيباً من القتل .. عندما يقال للشخص ( امشي ابوك أوجدك كان حرامي ) عيب
مثلا ( جدك كان قاتل ) أخف وطأة .. مثال نميري قتل الانصار وكثيرين لكن لم يسرق
احيانا يضرب به المثل في النزاهة
قانون العيب أقوى من القانون الوضعي ..
تحياتي الحبيب أبوسن ..
| |
|
|
|
|
|
|
|
|
|
Re: دكتور صديق اخو السفاح المخلوع (Re: Abdullah Idrees)
|
]دايما يا كمال الزوجة الاولى محل تعاطف باعتبارها ظلمت
يا ود اب سن, زولتك دي ما جرّمته كدا بقصة تنظيم الحفل بتاع بيرمنجهام, وهو لا يتحمل مسؤولية الهجوم عليه بل يتحملها المهاجمين
لكن عموما من ايجابيات قانون تفكيك التمكين انو اتاح فرصة الاستئناف ومن بعدها التقاضي, أمس الفكي في سودانية قال يوجد الان حوالي 80 استئناف مقدّم و جاري الفصل فيهم و بواسطة لجنة أخرى لا علاقة لأعضاء اللجنة الأولى بهم
يعني العدالة متوفرة و إذا اثبت صديق البشير ان المنزل دا تحصل عليه بحقه وجهده خير وبركة يرجع ليه زي الماحصل شي
لكن كل ما يطلع قرار نقرا المرافعات في الفيس و ونسمع التسجيلات في الواتس دي ما بتوصل ابو حمامة, كل متضرر يشيل ورقه و يمش على لجنة الاستئناف بس ولو حس انه ما تم انصافه عنده القضاء!
| |
|
|
|
|
|
|
|
|
|
Re: دكتور صديق اخو السفاح المخلوع (Re: نعمات عماد)
|
| Quote: كنت في زيارة لي شندي |
قاليك يا (محمد عمر) اي رقشة لافة في شندي تبع فاطمة خالد دي
...................
زمليتنا الكوزة مطلع التسعينات اشتغلت وهي الخريجة زي سكرتيرة ومرافقة لفاطمة دي
المهم زي ما تسرب في قروبات الجامعة ان الزميلة الكوزة ذهبت بحكم وظيفتها لبيت بكاء مرافقة لفاطمة...
اها بعد العزاء فاطمة دايرة تتونس شوية كوعت وقالت للمرافقة:
ها بت هوي قومي غسلي العدة دي مع النسوان ديل
.........
القطعة موضوع النقاش كبيرة وجمب الحيطة بالحبطة للاسرة المالكة
| |
|
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
.. إستاذنك أخ أبوسن - سا أقوم بمحاولة توثيق المادة
........Quote: ..............
1/
7 يوليو 1989 - قال الفريق عمر حسن احمد البشير زعيم مجلس قيادة الثورة في السودان ان الفساد في عهد حكومة رئيس الوزراء المخلوع الصادق المهدي "كان هائلا بل وبصورة خرافية. كان فسادا مدمرا لا يمكن ان نغفره".
"ونحن ان غفرنا لهذه الجرائم وجعلناها تمر دون عقاب فسوف يكون ذلك عاملا..
2/"مشجعا على افسادنا وعلى افساد العناصر التي تتعاون معنا ومعنى ذلك أننا سنكرر نفس السياسات التي من أجلها قامت الثورة. نحن نريد أن نضع مبدأ يقوم على ان كل من يتولى السلطة ويفسد مهما كان حجم الفساد صغيرا فيجب أن يعاقب عقوبة رادعة.مهما كانت درجته ابتداء من أعضاء مجلس قيادة الثورة"
........ |
.......
(مجلة المصور)
https://twitter.com/Sudanhistory280/status/1094767470513192960https://twitter.com/Sudanhistory280/status/1094767470513192960
.....
| |
|
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
هههههه ده شنو يا ود اب سن
الحجاج بن يوسف ( السخفي ) ؟!!!
لأخذن البرئ بالمذنب ؟!!!!
مالي اشتم رائحة أهل الكوفة
العبط واضح ، انتو قايلين الغربة دي نزهة
لو حرامي كان جاء اتجدع زي عبدالله اخو
في السودان .
اللهم اعوذ بك من الحقد والحسد والغل
ولا تجعل امرنا بيد الموتورين وان تبعد عنا
ناس تأميم ومصادرة من دون وجه حق .
| |
|
|
|
|
|
|
|
|
|
Re: دكتور صديق اخو السفاح المخلوع (Re: محمد البشرى الخضر)
|
ابو بكر أحمد عباس، من الفيس :"
"سالت مضيفي دي حسستني انو انا بقرا لمثقف كبير " ..
الله يجازي محنك يا أبوبكر...ضحكتنا ونحن بالجوع قربنا نغمر ...والفطور لسع فضل ليه أكثر من ٣ ساعات ..
....
احمد محمد عمر
الكتب ليك الاقتباس الفوق ده ما عاطف ولكن أبوبكر أحمد عباس من الفيس بوك ..
ورمضان كريم ...
| |
|
|
|
|
|
|
|
|
|
Re: دكتور صديق اخو السفاح المخلوع (Re: امتثال عبدالله)
|
ابدا اخلاص
دايرين نستبين الحقيقة ما اكتر
كل الاراء مطروحة
وزي ماذكرت فوق . انا ماجاري ورا فسادو او نزاهتو . بس وراء موقفو السياسي تجاه حكم اخوهو . لأنو المعروف حكم الانقاذ نهاية الامر صار حكم اسري
والقصة ماقصة حسد ولا غيرو . 30 سنة هذه الاسرة اذاقتنا الويل الجوانا غضب وغبن والبينا وبينهم دم وارض مضاعة
وبالمناسبة في فاسدين كتار ماقاعدين جوة البلد وبرضو ماقاعدين برة مجدوعين
سؤالي هل كان يدعم الانقاذ ولا لا
وحكاية المصادرة دي من السهولة اثباتها او نفيها بالقانون
| |
|
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
يا عبد الحفيظ الجواب من عنوانه
زول ابي يرجع معناها شنو
حردان يعني لانه اخو ( النزيه ) ابي يعطيه مثلاً ؟!!!!
ببساطة ما لوث نفسه رغم ان الأبواب مفتوحة
وبعدين زول شغال في غربة صباح مساء
يا حفيظ الحق ابلج والباطل لجلج
يا حفيظ ( لا يجرمنكم شنآن قوم ان لا تعدلوا )
ابسط شئ تطالب باستئناف ومراجعة اما محاولة
الإسكات وأنه مجرم لأن أهله مجرمين ده ما بصح .
قصة صديق دي محك للعدالة ومسار الثورة .
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
سلام أخت إخلاص المشرف
بس عبد الحفيط إبسن
أصلا ما قال الزول دا حرامي واللا نزيه ما قطع باي شئ حول هذه النقطة
كلامو انحصرعن علاقة صديق البشير بالإنقاذ وفعاليتها وأنشطتها !
عادي ممكن اخو البشير يكون افتراضاً ما مفسد ولكنه مناصرللانقاذ او ساكت عن كوارثها - التأييد والمناصرة للإنقاذ لاتعني بالضرورة فساد مالي او انه بني منزلا بمال سحت !
اًو انو مجرد مناصرة الإنقاذ تستوجب مصادرة ممتلكات المناصر !
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
تفتيش ضمائر شنو -؟من يفتش في الضمائر هنا ؟ومن يحاسب علي الأفكار
اي شخص يتبني موقف او رؤية- تاييد للإنقاذ او صمت علي كوارثها او معارضة لها. عليه ان يتحمل نتاج مواقفه -!
اي صاحب موقف سياسي عرضة للنقد والاختلاف هذه بديهيات. العمل السياسي !
*
ابوسن اعلن هنا ان صديق البشير كان في قيادة تنظيم أنشطة الإنقاذ وفعالياتها ببرمنجهام بإنجلترا /-وهذا موقف سياسي يحسب عليه ويستوجب النقد ،
موضوع بيته-دي قضية تانية -ان افسد ماليا سيكون عرضة للقانون /وان لم يفسد ماليا فان مواقفه السياسية والفكرية وحتي مناصرته للإنقاذ ليست سببا مقنعا لمصادرة منزله !
*
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
لو أخطاءت هناك استئنافات للجنة وهناك سلطة القضاء!
- وبعدين. الناس دي كلها هنا حريصة علي استقلال القضاء والعدالة وعدم ادانة برئ بذنب مجرم وعلي عدم مصادرة اي ممتلكات بغيرحق !
مافي زول هناك اكثر غيرة علي ميزان العدل وحقوق الناس من غيرو- حريصين علي عدم المساس بحقوق اي شريف وحريصين علي استعادة. الحقوق المسلوبة وأموال الشعب المنهوبة
٠
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
الحبيبة إخلاص سلام
البيحصل لدكتور صديق سببه أخوانه بشة و عبدالله و باقي العائلة.
خاصة بعد مقولة (أذهب للقصر رئيساً و سأذهب للسجن حبيساً) و بعد
نهب آل البشير و اعوانهم للسودان. ما عندي علم بمسوغات نزع بيت
صديق، لكن أعتقد أن اقناع الرأي العام في الداخل ببراءة و عدم كوزنة صديق
يحتاج لأكثر من شهادة الجيران.
أتوقع يستأنف و يدفع بما يثبت براءته من الفساد.
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
سلامات ابسن وزواره رمضان كريم ..
بعيدا عن الشخص أكرر ضروي الناس تتمسك بالمعيار ..
كونو كان منظم أو كوز أو صامت الحالات دي عقوبتها واضحه العزل ..
امتلك أرض ، شركة ..الخ بطرق مشروعة من حقه كمواطن ولو كان شقيق البشير ..
أمتلك بطرق غير مشروعة يساءل ولو كان معارض ..
الطرق الغير مشروعة معرفة في القوانين ولا تحتاج لاجتهادات أو مجاملات.
| |
|
|
|
|
|
|
|
|
|
Re: دكتور صديق اخو السفاح المخلوع (Re: محمد على طه الملك)
|
الناس الماعندها فكرة عن فساد الاراضي في السودان ، عادي جدا تجيك قطعة وانت قاعد في بيتك
او برة السودان او في اي حتة .. فقصة انو ما جا السودان عشان كده ما بكون فاسد دي ما سليمة
الناس ذاتا من كترة القساد الكان معشش في البلد استحلت حاجات كتيرة جدا ، فقصة هات صورة
من الجواز ورسوم التسجيل واطلع ليك قطعة ، دي بقت من الحاجات الحلال تماما في السودان .
| |
|
|
|
|
|
|
|
|
|
Re: دكتور صديق اخو السفاح المخلوع (Re: عبدالحفيظ ابوسن)
|
الأخ عبد الحفيظ والآخرين
هذه الشهادة لا ادانة ولا تبرئة لصديق البشير لان هناك ما لا استطيع إثباته...
* أنا عشت في بيرمنغهام في الفترة منذ بداية 2004- وتركتها للعمل خارج بريطانيا في بداية يناير 2012 م ...
وقد كانت هناك توترات بين مؤيدي (المؤتمر الوطني) والمعارضين وابناء دار فور وخاصة العدل والمساواة ...
* في نهاية 2008 (غير متأكد من الشهر) تم الاعلان عن حضور فنانين من السودان ومعهم التجاني حاج موسى لاقامة حفل للجالية بتظيم (الكيزان)...
في هذا الحفل تم الاعتداء على الشاعر التجاني حاج موسى حينما آتي للمشاركة في الاحتفال وبدأ بقصيدة (هجاء) لدخول العدل والمساواة لأم درمان في تلك السنة.
* في نهاية ديسمبر 2011 م (الكريسماس) تم إغتيال خليل ابراهيم رئيس حركة العدل والمساواة بواسطة الحكومة السودانية وكانت الاجواء (السياسية) متوترة في
مدينة بيرمنغهام وخاصة بين مؤيدي المؤتمر (هم لاجؤون اساساً) ووأعضاء العدل والمساواة...
* في 5 يناير 2012م تم الصاق دعاية بشعار المؤتمر الوكني (الشجرة) على المتاجر والدكاكين السودانية بالشوارع التجارية وذلك
لاعلان عن قيام فعالية للاحتفال بعيد الاستقلال في 14 يناير 2012.
* اصدر مجموعة تسمي نفسها (ابناء الهامش) بيان تحذر فيه من قيام الاحتفال وإعتباره احتفال بمقتل خليل ابراهيم وليس احتفال بعيد الاستقلال
لانهم لم يتم اي احتفال بعيد الاستقلال قبل ذلك على الاقل منذ حضوري لبرمنغهام ...
* كان الجو متوتراً وكان هناك اجماع من الجالية (غير الكيزان) على المقاطعة وعدم الحضور ، مما جعل الجماعة المنظمة للحفل ببيرمنغهام ان
يستدعوا مؤيديهم وغيرهم من المدن الاخرى (لندن/ مانشستر) وجالية مانشستر اصدرت بيان بعد الحفل تؤكد فيه خداعهم من جالية بيرمنغهام بأن
هذا الاحتفال لا علاقة للمؤتمر الوطني به.
* قام الاحتفال وفي هذا الاحتفال تم تقديم (صديق حسن البشير) لالقاء كلمة عيد الاستقلال وحسب الافادة (لم احضر الاحتفال) انه تم مهاجمة الاحتفال
من بعض من نعرفهم في بيرمنغهام وحدث عنف واصابات ادت لتدخل الشرطة ...
* حسب بوست إفترعه الأخ/ نزار يوسف في 18 يناير 2018م بعنوان (https://sudaneseonline.com/board/380/msg/1326894704.html)
(خطاب جالية مانشستر إلى مكتب الجالية السودانية ببيرمنغهام ) في هذا البوست ورد الآتي :_
.Quote: امعانا في الخبث والدناءة ادعي انصار الحزب الحاكم انهم محايدون في السياسة ولا توجد لديهم اي توجهات ايدولوجيه وانهم بعيدون عن اي مرتكزات
حزبية وسيكون خطاب الافتتاح ذو طابع قومي وسيرضي كل الاطراف.
وتحت هذه التاكيدات حضر ضيوف من عدة مدن. لكنهم حين رؤوا شعارات تشيد بالمؤتمر الوطني صدموا, واقتنعوا بان انصار الحزب الحاكم ووكلاؤه غدروا بهم وخدعوهم.
لم يقف الامر عند هذا الحد فقد اطل عليهم شقيق رئيس الجمهورية صديق البشير, مما ادي الي استفزاز شعور الحضور الا عملاء النظام. ثم حين القيت كلمة الاحتفال وجاءت
هي ايضا تشيد بالمؤتمر الوطني وتناست كل الاحزاب الوطنية التي حقت الاستقلال كان السيل قد بلغ الزبي وكان لابد من وضع حد لهذا الاستفزاز المتواصل.
وهنا نهض ابناء الهامش واحزاب المعارضة يعلنون عن استيائهم وقرروا بوضع حد لهذه الاستفزازات المواصلة, فوقعت المواجهة بالكراسي, حينه رفع انصار المؤتمر الجلاليب
و نطوا الحيط وهاك يا جري.. وتنافسوا في الجري, كانهم في سباق مائة ياردة.. جروا وتركوا خلفهم عوائلهم واطفالهم. |
* لم يقف الامر عند هذا الحد فقد اطل عليهم شقيق رئيس الجمهورية صديق البشير, هذه العبارة الواردة في النص لا استطيع نفيها او تأكيدها لانني حين الاحتفال كنت
خارج بريطانيا ... ونسبة لعدم معرفتي الشخصية بصديق البشير ولكن بحكم التواجد ببيرمنغهام فقد علمت في بداية حضوري انه لا علاقة له بالسياسة او الحزب الحاكم .
* ولكن حسب معلوماتي البسيطة بعد 2008 م قد تم استدراجه وإغراءه من بعض محركي (الكيزان) ببيرمنغهام للقيام بدور فاعل واستغلوا اسمه وتقديمه لإلقاء الخطابات في
مناسباتهم واحتفالاتهم الخاصة .
| |
|
|
|
|
|
|
|
|
|
Re: دكتور صديق اخو السفاح المخلوع (Re: Mohamed Elboshra)
|
محمد البشرى
فعلا شهادتك لا تدينه ولا تبرئه ...ولكن أيضا شهادتك ليس فيها اي دليل على انه كان فاسدا أو لصا
سرق من مال الشعب ليبني منزله ...واقول أيضا أن في شهادتك دليل براءة أكثر من ادانة ...
ونقول مرة ثانية ولا تزر وازرة وزر أخرى...
| |
|
|
|
|
|
|
|
|
|
Re: دكتور صديق اخو السفاح المخلوع (Re: امتثال عبدالله)
|
وبعدين عندي سؤال واحد ما لاقي ليه إجابة..
هل لجنة إزالة التمكين والتفكيك والتي تصادر الممتلكات ، هل قدمت ايا من المتهمين الذين أصدرت ممتلكاتهم إلى القضاء بتهمة الفساد والثراء الحرام!؟؟ ولا هي بتصادر الممتلكات فقط بالشبهات وبدون أدلة وبدون
اية سلطات مخولة ليها من النائب العام ...هل هناك قضايا وأمام المحاكم الآن تخص هؤلاء الذين صادرت اللجنة ممتلكاتهم ...
واذا الجواب نعم ..من هم هؤلاء المتهمين..!!؟؟؟هذه اللجنة خصم على الثورة كما هو الحال بالنسبة إلى لجان المقاومة ،فهي أيضا
خصم على الثورة وتشويه لوجه الثورة والثوار ، ويجب وضع النقاط على الحروف حتى لا نغضب الشعب ويحن لنظام اللصوص والحرامية ...ونرجع مرة أخرى للمربع الأول...
| |
|
|
|
|
|
|
|
|
|
Re: دكتور صديق اخو السفاح المخلوع (Re: امتثال عبدالله)
|
أخت امتثال
لجنة ازالة او تصفية التمكين
تأسست ونشأت وفق القانون والتشريعات وهي تعمل وفق صلاحياتها !
*لجان المقاومة لم تشوه الثورة وانماهي جذوة ثورية وهي التي كانت تنظم وتصارع وتقارم والان هي تقدم الخدمات -وترصد وتراقب وتفضح وتعري تحركات الفلول
هذه هي طبيعة وعمل لجان المقاومة وأغلبها ايجابيةً تسير في خط الثورة وتحمي مكتسباتها !
ان حدث نشاذ او تجاوز فردي ممن ينسبون لبعض هذه اللجان فيجب حسمه بالقانون !فلجان المقاومة ايست شرطة او قضاء او نيابة ولا يجب ان تكون كذلك وانما كان. شعبي ثوري !
_ الفلول وتوابعهم يواصلون الحشد والتآمر والاجتماعات فمن غير لجان المقاومة له القدرة. علي المتابعة والرصدو تبليغ الجهات الرسمية ؟
*
للأسف فان بعض السذج بلعوا طعم الكيزان. وتبنوا مفردات خطابهم ومطاعنهم الخبيثة ومحاولاتهم الحثيثة لتجريد الثورة من عمقها الشعبي -طعنا في لجان المقاومة بالجملة وفي مشروعية لجنة تفكيك التمكين !
* يفعلون هذا ادعاء لموضوعية او حقانية وما دروا انهم مجرد (م ن) مغفل نافع !
*واصبح يقف بوعي او دونه في خندق الثورة المضادة يردد خطابها المستهلك !
*
نعم للأدوار الإيجابية للجان المقاومة ونعم لضرورة وجودها كترياق مضاد لسموم. الفلول وكراصد ومراقب او كنواة ثورية تقف جاهزة لمقاومة اي انقلاب وردة !
ولا لأي تجاوز او خروج عن القانون من أيا من أفرادها !
ونعم لدور لجنة تفكيك الإنقاذ - وان حدثت ان أخطأت في امر ما فهناك فرص الاستئناف اداريا وقضائيا !
| |
|
|
|
|
|
|
|
|
|
Re: دكتور صديق اخو السفاح المخلوع (Re: كمال عباس)
|
سلام
هجوم كيزان الدولة العميقة على لجان المقاومة يعني ان اللجان تقف
عقبة في طريقهم و تمنع سرقة الثورة. لذلك يحاولون تشويهها بالبروباغندا
المغرضة و بمحاولات إختراق اللجان و ربما تكوين لجان موازية.
الوصية للجان بمزيد من اليقظة و الصمود و بالإنتباه لما يحدث حولهم
داخل الأحياء من فلول النظام البائد. و يا مواطن أدعم اللجان الحقيقية
حتى لا نعود القهقرى لعهد الكيزان القتلة الفاسدين و حتى لا نفاجأ بإنقلاب عسكري.
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
Quote: لجنة ازالة التمكين لم تحقق مع دكتور صديق
ولم تسأله بالتالي عليها هي مراجعة ما لديها
وكما صدر النزع بقرار ( فوق ) يتم الارجاع
بقرار فوقي ولا كبير علي الحق |
اذا وجدت ادلة كافية لا داعي للتحقيق ...
يعني يا دكتورة ... لو اي واحد من حرامية الانقاذ كان شارد من السودان و استحال التحقيق معه يقوموا يردوا ليو حاجاته ؟
لا بد من وضع الثقة في اللجنة و عدم الوقوع في فخ التشكيك ... لانه ده امل الكيزان ...
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
يا باشمهندس قباني الاسافير مليانه بتظلماتهم و لم ينخدع بها
احد ، من خالج السودانيون ذرة شك به لم يابهوا له.
تجمع لدي من الشهادات
( ومن ضمنهم شهادة دكتور نجاني ابو قصيصة )
ما يجعلني اطالب برد الظلم عنه .
لا كبير علي الحق
| |
|
|
|
|
|
|
|
|
|
Re: دكتور صديق اخو السفاح المخلوع (Re: منتصر عبد الباسط)
|
Quote: تجمع لدي من الشهادات
( ومن ضمنهم شهادة دكتور نجاني ابو قصيصة )
ما يجعلني اطالب برد الظلم عنه . |
التحية للصديق استاذنا د. التجاني ابو قصيصة
و لكن الشهادة حسبما مكتوب في اول البوست من عمار التجاني .. و لا اعرف من هو عمار التجاني ... قد يكون ابن البروف تجاني و لكن الشهادة ليست لدكتور تجاني يا د.اخلاص
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
أخت إخلاص تحية
Quote: شهادة دكتور نجاني ابوقصية ايضاً موجودة
وكذلك شهادة اكثر من دكتور ولا تختلف كثيراً في مضمونها
عما اورده اب سن |
هذا البوست للرأي والرأي الآخر حول صديق البشير
أوكي ممكن ترفدي البوست بشهادة التيجاني أبو قصيصة وشهادة الدكاترة الآخريين؟
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
الحبيبة دكتورة اخلاص
ما اظن في خلاف بين المتداخلين في مسألة إنصاف أي مظلوم.
المسألة فقط غياب التفاصيل عن موقف اللجنة من دكتور صديق.
نحن جميعاً لا نعلم ان كانت اللجنة ستستثني بيت دكتور صديق
رغم وجوده وسط بيوت اشقائه و عائلته، أم أن اللجنة تحتاج
لمن ينبهها للتحقق من وضع صديق. لذا مهم ان يتواصل الدكتور
و زملاؤه و جيرانه مع اللجنة للتأكيد على وجهة نظرهم.
| |
|
|
|
|
|
|
|
|
|
Re: دكتور صديق اخو السفاح المخلوع (Re: نعمات عماد)
|
,,Quote: *
محاكمة النوايا
اسع في زول طالب عبدالحفيظ باسم شاهدته
لمًا يمشوا المحكمة كلهم ح يظهروا
,, |
محاكمة النوايا؟ نوايا منو والحاكمة منو؟
إنت ذكرتي أن التيجاني أبو قصيصة شهد إيجابا في حق صديق البشير !
ونحنا أو أنا إلتمست منك رفد البوست بتلك الشهادة التي إطلعت إنتي عليها!
أقول هذا لفائدة الحوار أما رأي الشخص فقد أوردته في أول مداخلة بعد صاحب البوست
,,Quote: * استرداد الأموال المنهوبة ومواجهة أوكار الفساد والمحسوبية والثراء المشبوه وغسيل الأموال -حق وواجب مشروع !
* اذا حدث- وفي جبل حالات الفساد- ان وجدت ذرة غير مفسدة او حالة غير. محققة فيجب ان ان يعادابنظر في امر الحالة وإخضاعها لمزيدا من التحقق والتوثق ،،
* يجب التحقق والتوثق خصوصا في حالات اصحاب البيت الواحد وقطعة الأرض الواحدة- فان تخطئ في عدم مصادرة بيت قطعة لمشتبه - فهذا أعده اقل سوء من ان تصادر مسكن او قطعًة. لشخص لم يثبت عليه فساد ،،
+ المهم. هنا الشفافية والوضوح وتمليك الحقائق للجماهير فالشعب واعي وهو يملك حقائق قد يغيب بعضها عن اللجان !
,, |
| |
|
|
|
|
|
|
|
|
|
Re: دكتور صديق اخو السفاح المخلوع (Re: نعمات عماد)
|
الحبيبة دكتورة نعمات
لم اكن اود الدخول في تفاصيل ، القانون شئ مهم
القوانين الاستثنائية مضيعة للحقوق . للثورة شرعيتها
ويجب ان يكون لديها إليات تصحيح الاخطأ .
مثلاً اراضي كافوري كم كان ثمنها ، الحقيقة التي يعرفها
الجميع ان كافوري لم تكن مرغوبة لوجود المصانع في بحري
ومخلفاتها وللان في مربعات في كافوري سعرها متدني لوجود
عوائق .
الاخ منتصر عبدالباسط كان منصف .
اللهم لا تجعلنا مظلومين ولا ظالمين .
| |
|
|
|
|
|
|
|
|
|
Re: دكتور صديق اخو السفاح المخلوع (Re: اخلاص عبدالرحمن المشرف)
|
| Quote: شهادة دكتور نجاني ابوقصية ايضاً موجودة |
د. اخلاص ...
وين شهادة د. تجاني ابو قصيصة؟
البوست مبني على شهادة د. عمار التجاني ؟
يبدو يا دكتورة انتي اخدتي خط دفاعي ... و مصرة انك ما تسمعي الصوت الآخر ...
انا شخصيا قلت في اول البوست :
Quote: لجنة ازالة التمكين و التفكيك ... محل ثقة ... و ان اخطأوا فحتما المراجعة ستتم ...
انما نفرد صفحات للدفاع او التجريم لشخص لا نعلم اي شي عنه سوى شهادة جاره فهذا ليس من العدل ...
الارجح ان نترك اللجنة في عملها و قد تكون لديهم معلومات لا نعلمها ... |
فرجاء لو ما عندك شهادات آخرين ( وهي ايضا لا تعني شي لان الثقة في اللجنة )
و افترضتي وجودهم ... فمعناتها بتتمسكي برأيك و خلاص ...
| |
|
|
|
|
|
|
|
|
|
Re: دكتور صديق اخو السفاح المخلوع (Re: Zakaria Fadel)
|
والقول هو ما قاله زكريا فضل وهو أن المتهم مدان حتى يثبت براءته ،بل أن اللجنة تتصرف وفق الشائعات وليست الأدلة...
وحتى الآن لم نسمع أن اللجنة أحالت متهم إلى القضاء ...بل إن النائب العام نفسه انكر انه منح أي سلطات تشريعية أو تنفيذية إلى
هذه اللجنة ...
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
سلام ومحبة
3ـ في حال كانت قطعة الأرض حاز عليها من وجه غير الشراء من ماله الخاص
ودون استحقاق وأنه بنى البيت من حر ماله فهنا إما أن يدفع قيمة الأرض
للدولة أو تدفع له الدولة تكلفة البناء
غايتو يا منتصر لو اي شخص بنى من غير وجه
شرا والدولة تدفع له تكلفة البناء. تقوم الدولة تدفع
ل عبد الباسط حمزة كل ما تملك
عجبي. من الصدف من دون اهل السودان
حصل قطعة أرض مع الأسرة المالكة وبصورة
نزيهة...
| |
|
|
|
|
|
|
|
|
|
Re: دكتور صديق اخو السفاح المخلوع (Re: عمر نملة)
|
Quote: والقول هو ما قاله زكريا فضل وهو أن المتهم مدان حتى يثبت براءته ،بل أن اللجنة تتصرف وفق الشائعات وليست الأدلة...
وحتى الآن لم نسمع أن اللجنة أحالت متهم إلى القضاء ...بل إن النائب العام نفسه انكر انه منح أي سلطات تشريعية أو تنفيذية إلى
هذه اللجنة ... |
يا امتثال ... برضك متخده خط و متمسكة بيهو ...
انتي عندك ما يثبت او ينفي انه اللجنة عنده اي ادله او اثباتات انه متهم ؟
منو هنا عارف اللجنة في يدها في شنو ؟
اللغط في ادانة اللجنة دون ادله هو ما يتمناه الكيزان ... ارجوكي اقري كل الكلام و ما تمشي ورا خطانتي اخدتيهو و تصري عليهو
كلنا قلنا لو اللجنة اخطأت لازم تراجع قرارها ...
لكن اتهام اللجنة و تبرئة الدكتور بدون اثباتات ما عنده اساس منكم ...
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
الاخ الكريم قباني
شخصيا و بعيدا عن أي غمز و لمز ليس لدي اي مصلحة في إثارة أي لغط حول اللجنة
ولكن الديمقراطية ( التي اعلمها) حتمت علي قول ما قلته
دكتور صديق حسن لم يعلم عنه أي صلة بنظام الإنقاذ سوى أنه شقيق رئيس النظام
وحتى هذه الصفة لم يستغلها صديق لمصلحته
فيما يليني انا اقول الاتي
لقد قابلت دكتور صديق لأول مرة في عام ١٩٩١
عندما زرت مدينة برمنجهام لتحية أستاذي في الجامعة دكتور مصطفى نواري
وجدت معه شخصا قدم نفسه لي باسم صديق حسن
مكث معنا لبضع دقائق ثم غادر
بعدها اخبرني أستاذي بحقيقة الرجل و الكثير عنه
قابلته بعدها لمرة واحدة وكان كما هو نفس الشخص ، السيارة نفسها، المعاناة نفسها
وليس كل ما يعرف يقال
بعد عام ١٩٩٦ لم أسمع شيئا عن الرجل و لم اقابله اطلاقا
اظنني سأكتفي بهذا القدر واعطي نفسي حق الرد لكل غمز و لمز
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
المختصر المفيد
تصفية حسابات مع افراد مع بقاء نص الانقاذ المؤتمر الشعبي خارج الدائرة ونصهم الاقبح الجنرالات والامن داخل النظام الانتقالي وبواسطة مؤسسات غير دستورية واطلاق الشباب المعباء والموتور في الاقاليم وفي المركز للتنكيل بكل ما هو ديني بصرع النظر عن
انو تابع للكيزان او لا ده الطريق للفوضي الخلافة
تصفية الانقاذ من 30 يونيو 1989 ولحدي الليلة عايز مؤسسات دستورية اول شيء تكون قائمة وعايزة اسقاط كامل لهياكل الدولة الانقاذية
لمن جرا بن عوف مصر صاحب الانقلاب وجدع الدستور 2005 والمحكمة الدستورية عارفكم رعاع يا ناس مايو 1969 وخلي البلد ام فكو وجهزا لي الفصل السابع وقعد معاكم جنرالات الابادة واللجنة الامنية 5+18 والزواحف في 18 ولاية
هل قح ت دي ما بتعرف الاوليات مثلا ؟؟
اوا حاجة نعمل شنو التي حاجة نعمل شنو ثالث حاجة نعمل شنو
وهل العدالة الانتقالية تحققا المحاصصة واللجان غير الدستورية والاعلان الدستوري الفطير المجوبك
مش قلنا ليكم من الاول انتو فاشلين ومت عندكم رؤية ولا مشروع تحول ديمقراطي حقيقي افضل من بتاع الحركة الشعبية بتاع 2005-2010 الذى افسده البشير وبدرية سليمان والاصم والرجرجة السياسية وهسة لا في البشير ولا الاصم ولا بدرية سليمان
مش قلنا ليكم جيب الدكلارشن بتاع 1990 وخليهم يعلنو براهم حيزتم للعملة الحرة كم ووين ؟؟؟ وتنزل طوالي في حسابات في البنم المركزي
مش قلنا ليكم يا بعاعيت مايو 1969
اطلقو عملة جديدة عشان عملة رب رب رب رب المكدسنها في بيوتهم دي يمصوها ويشربو مويتا ووزير المالية البليد بتاع الامارات ده كان في ستة شهور بس ملا البنك المركزي دولات ودهب وكان الجنيه السوداني الجديد بقى 10 دولار
مرت سنة
ونحن نطارد في منتنسي المؤتمر الوطني بحكومة نصها موية
طيب عشان نوريكم منتظرين كم سنة ضؤية منتسبي المؤتمر الوطني 3 مليون زي ما قال نافع علي نافع في انتخابات 2010
بالاضافة للجيش المشوه والامن المشوه والشرطة المشوهة والدعم السريع ,,,وديل كلهم دستور 2005 والمحكمة الدستورية والاعلام الحر والمسؤال كان بوديهم الكوشة
ياااخ عمركم سمعتو بي قمامة سفحها انقى من القمة ؟
البلد ماشا لي الفصل السابع والامم التي ما تحدث يوما وحيجو التتار للحسانية الجدد الاسمهم ق حت التي ضل سعيها في الحياة الدنيا وناس المخ السغيير ...فلان وعلان
والزمن بيناا
القومة ليك يا وطن وصلت وين يا كمال مايو 1969؟؟
انتو لو رجال رجعو الدولارت دي ؟؟
https://top4top.io/
البيوت ملحوقة
نحن الخرطوم دي عودنا فيها عود مرة
ما عايزين نجي نسكن فوقا بيوت الحكومة احسن لينا عمرنا كلو سكانين فيها وبعد داك بي سلفيات البنك العقاري بتاعة ما قبل الانقاذ بنت لينا بيت في الدرجة الاولي عطبرة
والله فعلا ق حت دي لمة بلا مشروع وتتجلي في البورد بصورة سافرة
بعاعيت مايو 1969 ضد ايتام الترابي 1989
مباراة مملة
يتابعا الشعب السوداني في الحجر الصحي قبل مجيء التتار والعدة وصلت لبييا مع نفس الضباع مصر السعودية والامارات وكل الاماكن التي يهرول لها حمدوك
| |
|
|
|
|
|
|
|
|
|
Re: دكتور صديق اخو السفاح المخلوع (Re: عمر نملة)
|
Quote: نحن جميعاً لا نعلم ان كانت اللجنة ستستثني بيت دكتور صديق
رغم وجوده وسط بيوت اشقائه و عائلته، أم أن اللجنة تحتاج |
معقول ؟؟؟!!!
يعني الشغلة كوار ساكت
يعني البيعة كانت زي الدلالة البيعة في الشغلانة كلها بدون تفصيل
من أدنى ضوابط وبديهيات التحري العادل أن ينظروا لهم كل واحد على حدى
وكل قطعة على حدي وتدرس ويتحقق منها منفصلة
أنا لا أعرف كيف كانت تعمل اللجنة ولا اتهمها لكن كلامك يا أخت إنعام هو الذي يشكك
في دقة عمل اللجنة !
| |
|
|
|
|
|
|
|
|
|
Re: دكتور صديق اخو السفاح المخلوع (Re: منتصر عبد الباسط)
|
Quote: غايتو يا منتصر لو اي شخص بنى من غير وجه
شرا والدولة تدفع له تكلفة البناء. تقوم الدولة تدفع
ل عبد الباسط حمزة كل ما تملك |
كلامي في حال تكون القطعة واحدة والبناء واحد
لا يملك صاحبه غيره وهو بيته الذي سيكن فيه أو يريد السكنى فيه
ولا تأخذ كلامي وتجعله قاعدة افتراضية عامة .
| |
|
|
|
|
|
|
|
|
|
Re: دكتور صديق اخو السفاح المخلوع (Re: منتصر عبد الباسط)
|
منتصر يا عمك انا هنا اتساءل و اخمن كافة الإحتمالات فقط لا غير
لأني لا أعرف عن عمل اللجنة اكتر مما تعرف انت. هل انت شايف
آن عمل اللجنة كوار ساكت؟ انا لا أوافقك في دي اذا دا رأيك.
اما اذا فهمتني غلط، فمعليش مسامحاك 😁
| |
|
|
|
|
|
|
|
|
|
Re: دكتور صديق اخو السفاح المخلوع (Re: نعمات عماد)
|
Quote: الاخ الكريم قباني
شخصيا و بعيدا عن أي غمز و لمز ليس لدي اي مصلحة في إثارة أي لغط حول اللجنة
ولكن الديمقراطية ( التي اعلمها) حتمت علي قول ما قلته
دكتور صديق حسن لم يعلم عنه أي صلة بنظام الإنقاذ سوى أنه شقيق رئيس النظام
وحتى هذه الصفة لم يستغلها صديق لمصلحته
فيما يليني انا اقول الاتي
لقد قابلت دكتور صديق لأول مرة في عام ١٩٩١
عندما زرت مدينة برمنجهام لتحية أستاذي في الجامعة دكتور مصطفى نواري
وجدت معه شخصا قدم نفسه لي باسم صديق حسن
مكث معنا لبضع دقائق ثم غادر
بعدها اخبرني أستاذي بحقيقة الرجل و الكثير عنه
قابلته بعدها لمرة واحدة وكان كما هو نفس الشخص ، السيارة نفسها، المعاناة نفسها
وليس كل ما يعرف يقال
بعد عام ١٩٩٦ لم أسمع شيئا عن الرجل و لم اقابله اطلاقا
اظنني سأكتفي بهذا القدر واعطي نفسي حق الرد لكل غمز و لمز |
اخ زكريا
عن اي همز و اي لمز تتحدث ؟
انا زول دوغري و انا لم أوجه لك اي حديث !!!
ثانيا يا اخي شهادة مصطفى نواري مجروحة
انا نشأت مع ال نواري و أكلت و شربت وًنمت في منزلهم في حلة حمد
مصطفى نواري اكن له كل احترام و لكنه كوز منظم و تقلد مناصب حساسة مع الإنقاذ
فمن الطبيعي ان تكون شهادته هكذا
ثم نحن ليس بصدد التحدث عن كون د صديق شخص محترم ام لا
و لكن هل استفاد من وجود اخوته اللصوص في سدة الحكم ام لا فلا انت و لا انا لدينا علم
إذا. الثقة ثم الثقة في اللجنة ..
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
نعم دكتور نواري منظم و اظن ان دكتور صديق أيضا كذلك
ولكن وقتها لم يتقلد نواري أي منصب انقاذي بل كان أستاذا بجامعة في مدينة هل ويسكن بيرمنجهام
كان صديق يسكن قريبا منهم
تخيل معي أخ قباني
أن شقيق رئيس نظام عسكري غير ديمقراطي يعيش لعدة سنوات في حي بسيط
ليس له أي اتصال و تواصل مع سفارة بلد يحكمها شقيقه
لا يستلم منها مالا و لا توفر له جاها
كان فينا من المبعوثين من يقود سيارة أفضل من سيارته
و من يسكن مسكنا أرقى من مسكنه
ثم يأتي شخصا محترما مثل نواري ليخبرك عن مزايا الرجل و معاناته
و تعيش انت في نفس القطر لمدة ٥ سنوات يظل فيها الرجل نفسه
لم تسمع أن السفارة قدمت له اعانة أو طلب منها حماية
في الوقت الذي تسمع فيه عن أقرباء رؤساء بعض الدول كيف يعيشون و كيف تعاملهم سفارات بلادهم
طيلة نظام الإنقاذ لم يسمع عن صديق انه تقلد منصبا
أو آلت إليه شركة أو مؤسسة
ثم فجأة تسمع أن قطعة ارض واحدة باسمه وسط عشرات القطع تمتلكها أسرته قد تمت مصادرتها
وعندما يناقش الأمر يكون الرد بأن عليه هو إثبات أن هذه القطعة لم تأت بطريق غير شرعي؟
لو كنت مكان اللجنة
لكنت افردت لقطعة صديق تفاصيل اكثر فالبينة على من ادعى خاصة أن صديق لا علاقة له الإنقاذ.
كونه شقيق الرئيس ليس كافيا لادانته مثل بقية اشقاءه الذين تولوا مناصب و امتلكوا شركات
كون أن اللجنة تعامله كبقية اشقاءه في هذا ظلم له في اعتقادي
ولذا كتبت أن اللجنة ادانته اولا ثم طلبت منه إثبات براءته وحتى هذه الجملة قلت فيها والله أعلم
| |
|
|
|
|
|
|
|
|
|
Re: دكتور صديق اخو السفاح المخلوع (Re: Zakaria Fadel)
|
Quote: ثم فجأة تسمع أن قطعة ارض واحدة باسمه وسط عشرات القطع تمتلكها أسرته قد تمت مصادرتها
وعندما يناقش الأمر يكون الرد بأن عليه هو إثبات أن هذه القطعة لم تأت بطريق غير شرعي؟
|
السؤال يا زكريا
مين قال انه اللجنة صادرتها لانها فقط وسط عشرات القطع الخاصة باللصوص اخوته
و منو الناقش الأمر و مين الرد و قال انه د صديق لازم يثبت ؟
هل في شخص هنا عنده علم بما تملكه اللجنة من معلومات ؟
هل تحدث احد مع اللجنة ؟
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
قباني اللجنة هي التي يفترض فيها أن تقول
لأنها هي من صادرات أملاك شخص ليس له علاقة بنظام الإنقاذ
كونه شقيق الرئيس ليس سببا كافيا
اذا امتلكت اللجنة شيئا ضد الرجل كان عليها توضيح ذلك
كان تقول أن الرجل له أعمال سرية في النظام
أو أن الرجل تلقى مالا من سفارة بريطانيا مثلا
أو أن قطعة الارض لم يدفع فيها مليما.....الخ
لان الرجل ليس مثل باقي اللصوص كما أسلفت انت
الشفافية و الديمقراطية تحتم علينا التساؤل
و تفرض على اللجنة كشف ما هو مستور
| |
|
|
|
|
|
|
|
|
|
Re: دكتور صديق اخو السفاح المخلوع (Re: Zakaria Fadel)
|
Quote: قباني اللجنة هي التي يفترض فيها أن تقول
لأنها هي من صادرات أملاك شخص ليس له علاقة بنظام الإنقاذ
كونه شقيق الرئيس ليس سببا كافيا
اذا امتلكت اللجنة شيئا ضد الرجل كان عليها توضيح ذلك
كان تقول أن الرجل له أعمال سرية في النظام
أو أن الرجل تلقى مالا من سفارة بريطانيا مثلا
أو أن قطعة الارض لم يدفع فيها مليما.....الخ
لان الرجل ليس مثل باقي اللصوص كما أسلفت انت
الشفافية و الديمقراطية تحتم علينا التساؤل
و تفرض على اللجنة كشف ما هو مستور |
تقول لي منو يا زكريا ؟
هل كان الاتفاق ان لجنة ازالة التمكين و التفكيك ان تعلن لكل الناس كل ما لديها من ادلة ؟
و هل ( قالت ) اللجنة عن اي شخص صادرت منه امواله سوى ما تمت مصادرته؟
يا زكريا .. لو الرجل قبل من اخوته اللصوص طوبة واحده او ربع متر فهو مثلهم ...
و لا احد منا يعلم ...
يا رجل الا تذكر قصة صفيحة العسل التي اهدت للبشير التي حكاها شقيق البشير الذي كان يعمل اداري مكتبات في الامارات ؟
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
ههههههههههه
انت ما بتنوم يا قباني؟ افتكرتك الان في سابع نومة حسب توقيت كندا
صدقني يا يحي انا لست مدافعا عن شقيق البشير (الذي لا أعلم عنه شيئا منذ عام 1996 )
ولكني هنا اتحدث عن مبدأ ديمقراطي (بحت)...
مبلغ علمي ان اللجنة منوط بها إزالة (مظاهر) تمكين ( وفساد) النظام السابق
يبقى من واجب اللجنة إن مست شخصا لا يمت للنظام السابق....ان توضح لماذا هذا المساس
لا احد كان سينطق بأي حرف ان كان للشخص المتضرر اي علاقة بالنظام السابق
علاقة معروفة وواضحة للجميع
اذا لم تكن للشخص علاقة واضحة فمن واجب اللجنة ان توضح الامر لعامة الشعب (اصول الشفافية تحتم ذلك)
| |
|
|
|
|
|
|
|
|
|
Re: دكتور صديق اخو السفاح المخلوع (Re: Zakaria Fadel)
|
Quote: مبلغ علمي ان اللجنة منوط بها إزالة (مظاهر) تمكين ( وفساد) النظام السابق
يبقى من واجب اللجنة إن مست شخصا لا يمت للنظام السابق. |
صحيت للفجر هههه
إن مست شخص لا يمت للنظام السابق؟
الرجل شقيق مجموعة من الحرامية ... هم اساس النظام السابق ...
و لا احد منا يعلم ماذا وجدت اللجنة من ادلة ...
و اللجنة غير مطالبة بالشفافية طالما لم يسألها احد او يشكك في ادلتها ...
الاكيد يا زكريا لو وجد خطأ سيتم اصلاحه ...
و الرجل قد يكون رجل مهذب ... و لكنه ايضاً كوز منظم و ادار فعاليات باسم النظام ... اما عفة يده فده شغل اللجنة ...
يا زكريا ... باشمهندس مصطفى نواري هل انا اشك في تهذيبه و انه رجل محترم ... اطلاقاً ... بل احلف على كتاب الله بذلك ...
و لكنه كوز .. و منظم ... و لا اعرف هل تكسب من النظام ام لا ... و لكن لو سألت ساقول في الاغلب لا ... و لكن ليس لدي علم ...
دعوا اللجنة عمل ... قليلا من الثقة ...
الشفافية منعدمة من البلد منذ الخمسينات ...
| |
|
|
|
|
|
|
|
|
|
Re: دكتور صديق اخو السفاح المخلوع (Re: يحي قباني)
|
كل الكلام نجر وبدون أدلة ،،،،،
لماذا نصدق جار الدكتور وننعت اللجنة بالكذب ،،،،
كثير من المعلومات التي إرتكزت عليها الردود هنا هي معلومات من الخيال فقط وليست موثقة وفي كثير من الأحيات غير منطقية ،،،،،
قالت اللجنة في آخر مؤتمر صحفي بأنه قد تم تعديل قانون لجنة التمكين لتتمكن من التصرف بحسب القانون وأن تستعيد ما نهب من أموال السودان ،،،
ذكر السيد وجدي بالحرف الواحد بأن كل التجاوزات قد تم إعداد قضايا ورفعها للنائب العام
وذكر أيضاً بأنه سيتاح لكل المتهمين ولكل من تم نزع ملكيته من التقاضي والدفاع عن نفسه بكامل العدالة والتي لم يمنحها الكيزان لأحد طوال 30 عاماً ومن له حق سيجده ،،،
في رأيي
تأخر نزع الممتلكات والأراضي لمدة عام كامل أدى لضياع المنهوب ،،،، أموال كثيرة تم تحويلها الى دولار حتى أدى الطلب الكبير الى إرتفاع سعر الدولار بطريقة غير مسبوقة ،،،
وكذلك أدى التأخير الى التصرف في الأراضي بالبيع أو الرهن أو التوزيع وتغيير الملكية و و و و و
وكذلك أدى إبقاء الدولة العميقة في وظائفهم الى تعويق الإنتاج وخلق المشاكل والحفر للوزراء ولكل المدراء الذين تم تعيينهم وكذلك تمكينهم لزملائهم من أعضاء المؤتمر المقبور في تسهيل عمليات تهريب الأموال وإخفاء الممتلكات وإزالة آثار النهب من خلال وجودهم بين المستندات وتحت أيديهم ،،،،،
| |
|
|
|
|
|
|
| |
عبدالحفيظ ابوسن
كمال عباس
يحي قباني
Abdullah Idrees
علي عبدالوهاب عثمان
محمد البشرى الخضر
نعمات عماد
عبدالمنعم الطيب حسن
محمد على طه الملك
منتصر عبد الباسط
Zakaria Fadel
عمر نملة
adil amin
حسام الدين حمودة
فيس بوك
تويتر
انستقرام
يوتيوب
بنتيريست