سؤال برئ: 👈 هل أدى الامام الصادق فريضة الحج ؟ وفي أي عام...؟؟؟... ه ه ⚠ أخبار كورونا: 👈 قالت الإدارة العامة للطوارئ ومكافحة الأوبئة في تقريرٍ ليومي الأثنين والثلاثاء، أنّ ولاية الخرطوم سجّلت 066) حالة والجزيرة (3) والشمالية (9) فيما سجلت ولاية البحر الأحمر (4) حالات . هذا وقد بلغ إجمالي الإصابات بـ”كوفيد ـ19″ في السودان 12112 اصابة وبلغ عدد المتعافين 6305 فيما توفي (792).... ه ه ⚠ اللمام يفتح خشم البقرة: 👈 السياسي: كشف رئيس حزب الأمة القومي الصادق المهدي، الأربعاء، عن علم حزبه بالاجتماع الذي عقد في أديس أبابا بمشاركة مدير المخابرات السابق صلاح قوش ورجل الأعمال محمد إبراهيم “مو إبراهيم” بأديس أبابا قبل سقوط نظام الرئيس عمر البشير. وقال في حوار مع (السياسي) ينشر لاحقاً: “نحن كل التحركات التي تمت لإسقاط البشير كنا طرفاً فيها وصلاح مناع من كوادر حزب الأمة”. وأردف: “في ذلك الوقت كنا نعمل بفقه (المودر بفتح خشم البقرة)....... 📌 الحمدلله ما قام فتح لنا حاجة تانية غير الخشم كان صرنا مضحكة...... ه ه ⚠ هل سيتم بلّ شركات الاتصالات؟: 👈 تواترت الأنباء عن قرب دخول تلاتة شركات اتصالات جديدة وقعت عقودها لتقديم خدمات الانترنت بالبلاد وهي (شركة لؤلؤتك للتقنية المتطورة المحدودة) و (شركة فيجن فالي للتقنية والاستثمار المحدودة) و (شركة مرجان زون المحدودة)...... 📌 أنا شخصيا ما هاميني شركات الاتصالات لا القديمة ولا القادمة جديدة ، أنا المريحني في الموضوع انه (الفتة أم لحم) دي طارت من أخوان المخلوع.... ه ه 📰 الوطن: 👈 نيابة الفساد تستجوب بكرى حسن صالح 📌 ما عندكم نيابة أنفاس ؟ ه 📰 الوطن: 👈 والي البحر الأحمر:مواطنون استخدموا الذخيرة الحية 📌 كدي فتشوهم مواطنين والا كتائب ظل؟ ه 📰 الوطن: 👈 مجلس الأمن الدولي يطالب الحكومة بحماية المدنيين في دارفور 📌 بصراحة الحكومة دي نحن شايفين دليلها احتار كدي وروها انتو ه 📰 الوطن: 👈 الطاقة تصدر ضوابط لاستيراد القطاع الخاص للمواد البترولية 📌 الضوابط دي هي ال بي تجيب الفساد ، طالما فكيتوها خلوا السوق حر ه 📰 الوطن: 👈 تجمع المهنيين يرفض قانون النقابات المقدم من الحكومة 📌 عندنا واحد غيرو لكن صناعة صينية ينفع؟ ه 📰 الوطن: 👈 الجمارك تبيد سلع فاسدة بقيمة (٤) مليار جنيه 📌 شوف المخاسير دي ه 📰 آخر لحظة: 👈 ازالة التمكين: بلاغات في مواجهة مرتكبي تجاوزات 📌 والله قريتها (بلاعات) فرحت افتكرتهم عاوزين يرموهم في بلاعات ه 📰 آخر لحظة: 👈 الحكومة تفشل في استيراد الوقود لشهرين 📌 والله الحكومة دي تقول ناخدة دم من الليمبي ه 📰 آخر لحظة: 👈 حمدوك: سنعتمد على الشباب في رحلة التعمير 📌 الله يديهم عمر ه 📰 آخر لحظة: 👈 ايقاف بيع الاراضي بالقضارف وحصر السيارات في الفاشر 📌 وبينهما طازج ه 📰 آخر لحظة: 👈 السماح للبصات السفرية للتنقل بين الولايات 📌 بي وين مع الطين دا ؟ ه 📰 تاسيتي الاخبارية: 👈 القراي: لن نسمح لمجمع الفقه الإسلامي بالتدخل في المناهج 📌 دا ذاتو بتاع ختان ما بتاع مناهج ه 📰 تاسيتي الاخبارية: 👈 النيابة تُحقق مع علي عثمان في قضية المدينة الرياضية 📌 أبقوا قابلوني لو طلعتوا منه بي حق والا باطل ه 📰 النيل الدولية: 👈 حمدوك يصدر قرارات لاحتواء التوترات السياسية والأمنية بشرق السودان 📌 الزول دا لسع ما وصل لي قناعة انه القرارات دي ما قاعده تنزل ارض الواقع؟ ه 📰 النيل الدولية: 👈 رصد درجات لتلميذات لم يجلسن لامتحان الأساس بولاية شرق دارفور 📌 رزق ساقه الله لهن ه 📰 النيل الدولية: 👈 التربية: مُعالجات لطلاب الشهادة بالخارج حال تعثر فتح المطارات 📌 بندول مثلاً ؟ ه 📰 السوداني: 👈 تاكيداً لما انفردت به (السوداني): استئناف عمل البصات السفرية للولايات السبت المُقبل 📌 جبتوا الديب من ديله يعني ؟ ه 📰 السوداني: 👈 رئيس هيئة أركان القوات المسلحة: الثورة بخير وسنصل إلى ديمقراطية كاملة 📌 دا بي يتكلم من ياتو ركن ؟ ه 📰 السوداني: 👈 قال إن التنافس فيه سيكون بشفافية وكيل التعدين: سنطرح مربعات امتياز للشركات في مزاد علني 📌 نشيف ه 📰 السوداني: 👈 وصول كتائب من القوات المسلحة إلى مدينة بورتسودان 📌 وين الدفاع الجوي والبحرية ؟ ه 📰 السوداني: 👈 حمدوك لأصدقاء السودان: تحديات كثيرة تواجه الفترة الانتقالية 📌 انا غايتو ما مقتنع بانه السودان عنده اصدقاء ه 📰 السوداني: 👈 وزير الخارجية السعودي يعلن دعم المملكة الكامل للسودان 📌 كلام ساكت ، شوفنا دعمكم لينا وشوفنا دعمكم لي غيرنا ه 📰 أخبار اليوم: 👈 أمريكا : قيود العقوبات الاقتصادية ضد السودان لا زالت قائمة. 📌 تقوم قيامتكم قادر يا كريم ه 📰 أخبار اليوم: 👈 تأجيل محاكمة الحاج عطا المنان للأربعاء المقبل. 📌 ليه؟ عنده عذر شرعي ؟ ه 📰 أخبار اليوم: 👈 السفير احمد التجاني صالح: الميزانية محبطة لتوقعات وطموحات الشعب. 📌 هو في ميزانية يعني ؟ محبطة دا موضوع تاني ممكن نعالجو ه 📰 أخبار اليوم: 👈 غرفة صناعة الادوية تلوح بزيادة اسعار الدواء. 📌 الغرفة دي مسكونة والا شنو؟ ه 📰 وكالة "سونا": 👈 رئيس مجلس السيادة الإنتقالي يتلقى برقية تهنئة من الرئيس الجزائري 📌 أحسن له من الصنة دي ه 📰 وكالة "سونا": 👈 تاور يلتقي وفد قوى إعلان الحرية والتغيير بولاية كسلا 📌 أها اتعهد لهم بي شنو المرة دي ؟ ه 📰 وكالة "سونا": 👈 التعايشي يستعرض أمام مؤتمر أصدقاء السودان خطوات عملية السلام 📌 كويس ه 📰 وكالة "سونا": 👈 حمدوك:نقدر دعم "أصدقاء السودان" لرفع اسم السودان من قائمة الدول الراعية للإرهاب 📌 والله لا نقدر ولا شوفنا دعم ، وفترنا من كسير التلج لي ناس ما منهم فايدة ه 📰 وكالة "سونا": 👈 وزير الخارجية السعودي: سنعمل مافي وسعنا ليتبوأ السودان مكانه الطبيعي 📌 اسمع كلامك اصدقك اشوف ملياراتك تمشي مصر استعجب ه 📰 وكالة "سونا": 👈 قطر تشارك في الاجتماع الوزاري لمجموعة أصدقاء السودان 📌 غزوني ما تنسوني ه 📰 وكالة "سونا": 👈 مانيس يتراس اجتماع الآلية الوطنية لحماية المدنيين 📌 غايتو الزول دا بي يعرف يونس نفسه ه 📰 وكالة "سونا": 👈 السودان يشدد على التمسك باتفاق ملزم لملء وتشغيل سد النهضة 📌 تخربوا علاقتكم ساكت مع اثيوبيا بعدين لا نلم في التور ولا في الطجين ه 📰 وكالة "سونا": 👈 مناوي: السودان بدأ يتعافى من العلل الماضية 📌 السودان ماعنده علل اكتر منكم ه 📰 وكالة "سونا": 👈 الثروة الحيوانية تؤكد الالتزام بالمواصفات والاشتراطات بشأن صادر الماشية الحية والمذبوحة 📌 ابعدوا من البواخر المصرية ، ابعدوا من البواخر المصرية ، ابعدوا من البواخر المصرية... أكررها ه 📰 وكالة "سونا": 👈 الورشة المشتركة بين حكومة السودان واليوناميد الخميس والجمعة بروتانا 📌 ومع روتانا موش حا تقدر تغمض عينيك ه 📰 وكالة "سونا": 👈 مفرح يلتقى وفد المجلس الاسلامى لجنوب السودان 📌 حاسب لا يكون مطعم من منظمة الدعوة بعدما انتقلت الى الجنوب ه 📰 وكالة "سونا": 👈 الغرف التجارية: تفتح افاق تواصل لرجال الأعمال مع كافة الدول الاوروبية 📌 نحن ما عندنا رجال اعمال عندنا سماسرة ه 📰 وكالة "سونا": 👈 مدير مركز جبرة للعزل: دخول وحدتين للعناية المكثفة بالمركز اضافة مقدرة 📌 الف مبروك ه 📰 وكالة "سونا": 👈 البوشي تؤكد دور الشباب المحوري في البناء والتغيير 📌 انت الشباب بتدوري وجوة القلوب بتعسكري ه 📰 وكالة "سونا": 👈 الإدارات الأهلية بشرق السودان تدين الأحداث المتكررة بولايات الشرق 📌 طيب الاحداث دي مستوردة والا قاموا بيها ناسكم؟ ه 📰 وكالة "سونا": 👈 الحرية والتغيير بولاية كسلا تؤكد وقوفها مع الوالي صالح عمار 📌 عنزة ولو طارت ه 📰 وكالة "سونا": 👈 والي الخرطوم يشهد حملة ازالة التراكمات بام درمان 📌 انتو كان اسهل لكم تزيلوا امدرمان وتسيبوا التراكمات ه 📰 وكالة "سونا": 👈 موجهات وقرارات لضبط السلع الاستراتيجية بنهر النيل 📌 سيصرخون ويتألمون يا آمنة ه 📰 وكالة "سونا": 👈 عادل فرح: خطة عاجلة لإنشاء محطتين لتحلية المياه ببورتسودان 📌 اسلم حل ه 📰 وكالة "سونا": 👈 البلاد تحتفل باليوم العالمي للسياحة في السابع والعشرين من سبتمبر 📌 ان شاءالله للزمن داك الواطة تنشف شوية ه ه 📌ابووضاح 📌
08-13-2020, 03:26 PM
عمر عيسى محمد أحمد عمر عيسى محمد أحمد
تاريخ التسجيل: 01-07-2015
مجموع المشاركات: 1825
( انتو كان اسهل لكم تزيلوا امدرمان وتسيبوا التراكمات )
من أطرف التعليقات التي قرأتها اليوم !!!!
والعجيب في الأمر أن عمال بلدية ( أم درمان ) الذين تكاسلوا عن إزالة التراكمات والنفايات والأوساخ استعدوا لإزالة المدينة وقالوا : ( إزالة المدينة أسهل كثيراً وفيها مسكة كويسة تصلح الميزانية وتعمر الجيوب !!!!!! ) .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
عمر عيسى محمد أحمد
فيس بوك
تويتر
انستقرام
يوتيوب
بنتيريست