Quote: #واقع_مؤلم💔 بيت في عطبرة سيده عايز مقدم شهرين بمليار و500 غرفتين وصالتين وحوش
شقة في شندي غرفتين ومطبخ وحمام بي مليار و200 مليون
شقة في مدني .. غرفة وصالة وحمام ب مليار و200 ..
صالون وحمام بدون عفش وبدون مطبخ في دنقلا ب 600
شقة استديو فيها كولر موية وبويلر شاي و4 سراير في دنقلا ب 600 ..
ايجار الغرفة الواحدة في بيت عادي مع حمام بلدي مشترك في حلفا للناس الراجين التأشيرات اليوم بي 40 الف يعني للشهر مليار و 200 وفي ناس شهر تأشيرتهم ما بتطلع
بيت ارضي في بوتسودان بدون موية وكهربا اليوم ب 35 لليوم
بيت تحت الإنشاء بدون بياض وشبابيك بدون قزاز في دنقلا الشهر ب200 وتمشي تحنس الجيران يدوك كهربا .. علي حسب طلب سيده
دا غير البيوت العايزين يفصلوها ومطالبين بايجار شهرين عشان يبنو المطبخ والحمام ويفصلها بحيطة
ليه دا كله بدون أسباب؟
ماحألوم زول في حقو .. ابداً والقال حقي غلب .. لكن .. نحن كان امنا مكر ربنا بينا .. في الخرطوم ونمنا في حال .. وصحينا في حال لانو لايأمن مكر ربك الا القوم الخاسرون ..
استغلونا كمان وكمان ... اصلو ما ترحمونا ولا ترأفوا بحالنا .. اختاروا تكونو غربان ورخم تقتات بالجيف .. علها تشبعكم . واسأل الله انو ربنا يلطف بيكم وقدر الدم البتمصوهو من اخوانكم دا .. ما تصرفوه علي علاج اطفالكم ...
واسأل الله انو اكفانكم تكون فيها جيوب ... عشان تقدروا تشترو من سوق المقابر موية تبل ريقكم لما ربنا يسألكم من نجدة الملهوف .. وتأمين الخايف ..
كفار قريش كانو في وادي غير ذي زرع .. وكانو بخلطو الموية بالذبيب في موسم الحج .. وحتي ذوات الرايات الحمر كانو طلبا للبركة بفتحو خيامهم للحجاج الاغراال مجان للمبيت والاكل والشرب
ما بنقول ابقو زي كفار قريش في النخوة .. لكن كمان ماتبقو قوم هود ...
مبروك عليكم غناكم😑
07-25-2023, 02:31 PM
بلدى يا حبوب بلدى يا حبوب
تاريخ التسجيل: 05-29-2003
مجموع المشاركات: 9878
دا الجانب القبيح والمظلم ما تنسي وما تنسوا ملايين من الخرطوميين إندفقوا علي الولايات وأقاموا بين أهاليهم وأصدقائهم وحتي أصدقاء جيرانهم وأبدي ناس الأقاليم قدر كبير من الكرم والمروءة
زي ما الحرب طلعت أقبح ما في ناس برضو طلعت أجمل ما في ناس تانيين
والحرب غير مرجب بها علي أيه حال لا للحرب التي أخرجت الناس من ديارهم ولعن الله كل المتسببين فيها
ونعم للسلام المستدام والتنمية المستدامة والرخاء العام الذي يستر ولا يفضح
07-25-2023, 06:59 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 11591
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بلدى يا حبوب
Nasr
صديق مهدى على
حيدر حسن ميرغني
فيس بوك
تويتر
انستقرام
يوتيوب
بنتيريست