|
Re: خمسون برنامج غير مسبوق في قناة الشفافية ا� (Re: توفيق عيسى مكي)
|
ديل فقط اتنين من عشرة وسائل من والوسائل المعتمدين عليها تنجح برنامجنا الاقتصادي الطموح الاتحور اليوم وبقى بيناديك بالثورة الاقتصادية السودانية المكملة للثورة السودانية السياسية الحديثة الاطاحت بالنظام السابق الناس ما يكون توجه نظرها للمساوئ والمتاريس الواجهت ثورتنا الحصلت لابد نكون بالوعي البمكننا نرى بعض النجاحات الحصلت والتغيرات الفكرية السودانية الحديثة المصاحبة للحراك السوداني اليوم
| |
|
|
|
|
|
|
Re: خمسون برنامج غير مسبوق في قناة الشفافية ا� (Re: توفيق عيسى مكي)
|
بدفع بسخاء لكل الأعمال والأفعال دي اكيد برفض الشكر لانو الإنسان ما بيشكروه لواجب مستحق قام بيه تجاه بلده ووطنه ولو في طلب ورجاء للناس أنو كل زول سوداني يعمل زينا واكتر علينا عمل حقيقي تجاه بلادنا المحتاجة لينا جدا ما كلنا نشتغل بالسياسة ياريت نتقسم المهام الممكن نبني بيها بلدنا وننشر ثقافة حبنا لبعض كسودانيين ونرتقي بلغة خطابنا وحات الله ده البتمناه صادق
| |
|
|
|
|
|
|
Re: خمسون برنامج غير مسبوق في قناة الشفافية ا� (Re: توفيق عيسى مكي)
|
وعشان للمتابعين يعرفوا .... من وسائلنا العشرة ما باقي لينا إلا نرفع منصة بورصتنا السلعية والمعدنية أساسا بنمتلك سيرفر حقنا وأساسا قاعدين نتابع بورصاتنا في كل أنحاء السودان وعندنا مناديب من زمان داخل هذه البورصات بيمدونا بمستجدات حركة الأسعار وأغلبهم أهلنا وقرايبنا عشان دي شغلة أهلي كلهم (نحن ناس أبو قسي وقمبور في كردفان وكمان مزارعنا في دنقلا أكد والحفير ) وده الخلانا ساكين إحياء بورصة دنقلا المهمة جدا البتختلف نوعيا من كل البورصات السودانية اليد الواحدة ما بتصفق لكن الحوجة بتاعت البلد الناسها غافلين عمدا عن مصالحهم الحقيقية خلتنا نصفق بيها في حب يا ناس اكتر من كده
| |
|
|
|
|
|
|
Re: خمسون برنامج غير مسبوق في قناة الشفافية ا� (Re: توفيق عيسى مكي)
|
كان عندنا مشكلة استديو ملكنا بدلا من الاستضافات في استديوهات متفرقة وتكاليف إيجاراتها وعدم الخصوصية لكن الحمد لله تم حل المشكلة وتفكيرنا اليوم كيف نطلع فضائيا مع اقتناعنا بالانتشار الغير محدود في السوشال ميديا لينا رؤية وبرامج مختلفة تماما لما نطلع فضائيا استشفيناها من خلال تواجدنا لسنين طويلة في شرق آسيا وحقا سنكون وقتها مدهشين
| |
|
|
|
|
|
|
|