الختف زاتو أصبح بالاختيار. يعني بالمزاج. يعني ابو طويلة يقوليك ليلة الليلة لازم ال iPhone 14 pro يكون جهبوز . ولازم يكون 48 ميجا بكسل. اسود ولا ذهبي. 2023 . يا سيداتي وسادتي القادمين من بلاد الجليد . هنا السخانة اصبحت دبل ما ديك السخانة الزمان . طبعا اكتر حاجة حتنرفذك في جيتك سرقة تلفونك الوديع. هبشة كراعك للخمسة أمتار الأولي لصالة الخروج حتنضرب. اعمل حسابك جد انت ما عند اهلك الزمان . والف حمد بسلامة العودة .
03-02-2023, 07:36 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا أيها المستهدف. لمان تفيق من 3 دقايق الدهشة من سرعة الختفة ومحنة ايه تعمل. يكون تلفونك اتباع للمشتري الفي الأساس هو صاحب فكرة ( انهب من زول فتران من طول الرحلة ) يعني زي ناس اخونا ناس ترهاقا والخوض البيجو راكبين من آخر الدنيا اليشيلوا شيلتهم .
03-02-2023, 06:22 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
Quote: ناس اخونا ناس ترهاقا والخوض البيجو راكبين من آخر الدنيا اليشيلوا شيلتهم .
كان بقت على التليفون بس ما مشكلة ، أنا مرة مشيت بالاثيوبية الشنطة إتاخرت عندهم يوم استلمتها تاني يوم مشلعة غير صالحة للاستعمال، والاشياء المفقودة حدث ولا حرج ، غايتو تاني الاثيوبية توبة يا حبوبة
03-03-2023, 06:47 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
زعلنا المبدع أحمد ساطور سلام خطين ابدا ما احبهم في السفر . الإثيوبية والمصريه في الإثيوبية لو عفشك تأخر بس الله يعوضك والمصريه يتلاتخوا عليك لتاخة عجيبة وطبعا ما ممكن تعمل مشكلة والطيارة في الجو . الإماراتية القطرية التركية السعودية ديل خطوط متعة واحترام . غايتو اعمل حساب انو بعد وصولك دي ما تكون المكالمة الأخيرة. داير تتصل اتصل داخل الصالة قبال طلوعك منها .
03-03-2023, 11:00 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
سوري متجنس سوداني صاحب مصنع بلاط في الخرطوم . مافي دقيقة بعد طلوعو من المطار . كان ماسك جرار الشنطة بيد وبيتكلم مع واحد من جماعتو يجي ياخدو من المطار وقبل ما يتم المكالمة كان التلفون اتباع وشبع بيع . وفضل يصيح (ليش هيييييك )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
ترهاقا
فيس بوك
تويتر
انستقرام
يوتيوب
بنتيريست