يا جعفر حضرت اللقاء لايف ، اعتقد زول موزون و عقلاني. العتب على مثقفي البجا و الناظر طلع اعرف و مثقف اكتر منهم و عاقل. شوف الكتابة الهنا بتاعة ديل ارتريين و بطاقات وهلم كرتا .... ما جاب سيرة و ما كان عنصري و طرح القضية بكل وضوح و شفافية المشكلة في البتحدثوا بأسم البجا وخصما من أسم الناظر. الحقيقة مقنع جدا بالنسبة لي
10-16-2021, 11:20 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
ياناصر، قتا لي الظلنطحي ده، اداة نظام القتلة، القبلي الجهوي، المتخلف ده، واعي؟ كيف قبلي يكون واعي؟ كيف اداة التهميش الاساسية يتكلم الان عن التهميش وقضايا الشرق؟ كان وين العمر ده كلو، عشان الان لماجاتو الاشارة من مخدميه ولعا بالوكالة؟
10-17-2021, 02:01 AM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
تابعت اللقاء، كأنه ترك آخر غير الذي يخطب امام جماهيره، وكلامه عقلاني ومبشر وتحدث عن الحكومة باحترام حتى من المختلف معهم في المسار، في رأيي هو تقدم نحو الحكومة - المدنية- خطوة على الحكومة ان تبادله بنفس الروح الايجابية وبإذن الله الأزمة إلى نهاية، والتحية للقمان على ادارة الحوار بشكل ايجابي
10-17-2021, 04:55 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
أنا علشان كدا بقول القحاتة والعسكر والثورية عملاء للمحاور الإقليمية والدولية. لأنهم هم والثورية وجدادهم..ويعاونهم الجداد الإريتري المدعوم من الإمارات.. متعمدين إستفزاز البجا..منذ بداية مولد جوبا.. وطبعا الاستفزاز والشتائم لينا علشان بندافع عن موانئ الوطن ضد الخصخصة..وبندافع عن أراضينا زي ناس دارفور الدافعنا عنهم.. وقلة أدبهم تجاه البجا المتعمدة..الهدف منها أن نستمر نحن في التصعيد .. حتى لو حاولنا نستجيب لنداءات المواطنين.
يا ترى لييييييه؟!
كتبت مقال عن هذا الأمر..👇
10-17-2021, 04:58 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
بحكم تخصصي في التاريخ وكذلك فرع آخر من العلوم الإجتماعية. فهوايتي هي رصد الأحداث..التاريخية القريبة والبعيدة.
بالذات حقبة ما بعد الاستعمار..وسياسة القوى الاستعمارية..وأذنابها في ضمان إجهاض أي محاولات حقيقية للإنعتاق من التبعية والدوران في فلك المحاور الدولية وأدواتها من المحاور الإقليمية التي تتطابق مصالحهم معها. .....
ويمكن للمتأمل مثلا أن يراجع مآلات الثورات والانتفاضات الوطنية السودانية..منذ دخول المستعمر ( أيا كان ) ..وعمله على سلب الإرادة الوطنية للسودانيين.. وبالطبع بمساعدة من ( طلاشة وصراعات) بعض قادة التنظيمات السودانية..التي تتسنم قيادة التغيير سواء بإرادة شعبية..أو إنتخابية..أو تفرض نفسها على الموقف ..
الأمر الذي جعلنا ندور في دائرة مفرغة وساقية جحا.. من فترات ديمقراطية قصيرة يجهضها إنقلاب عسكري شمولي.
وكذلك يمكن للمتأمل، متابعة ما يحدث للدول التي تحاول الانعتاق من التبعية الدولية.. بمختلف آيدلوجياتها..
وكذلك ينبغي التأمل في مآلات ثورات وانتفاضات ومحاولات تغيير وانعتاق معاصرة أخرى في الإقليم الإفريقي والعربي. .....
مسألة شرق السودان مثلا : كأزمة مصنوعة تم هندستها ورعايتها من قبل محاور كما هو واضح لكل مراقب ..والهدف طبعا موقع الإقليم الجيوسياسي. فالإصرار مثلا على ( المسار المصمم خارجيا )..سبب الأزمة. وعدم الإصغاء لأصوات جماهير الإقليم منذ البداية..من قبل الحكومة بشقيها العسكري والمدني.
لم يكن صدفة ..هذا العناد الغريب ..وغير العادل والمتجاهل للخيار الديمقراطي في رفض أغلبية جماهير الإقليم والتي تسيطر فعليا على الشرق الآن . وهذا بالطبع ينسف (إدعاء) أن هذا الحراك يقوم به (أقلية، أو فرد واحد ). فهذه هي نفس جماهير الإقليم التي شاركت في ثورة ديسمبر منذ بداية إرهاصاتها.. بل حاربت الإنقاذ وناضلت ضدها بوسائل الكفاح المسلح والمدني..وقدمت أرتالا من الشهداء.
* إذن، لماذا لا تريد الحكومة حل أزمة الشرق التي تخنق كل الوطن ..وتتمسك بمسار (أفراد) ثبت عدم إنتماء معظمهم للوطن أصلا ..إضافة إلى تاريخهم المخزي مع (الإنقاذ) كلصوص وأمنجية وإنتهازيين؟!!
ومن ثم ، بدلا عن حل مشكلة المسار الأزمة، تقوم أبواق الحكومة بهجوم منظم وتخوين لهذا الحراك.. وبطرق إستفزازية ..من تهديد وسخرية وعنجهية..وتعمد الاستغباء وعدم الفهم.. الأمر الذي يؤدي لمزيد من العناد من جماهير الشرق ومزيد من الإغلاق للإقليم ؟!
* لأن هذا هو الهدف أساسا ..فالتمسك بالمسار الأزمة..وكذلك إسلوب الاستفزاز والسخرية والتخوين والتهديد .. يخدم إستراتيجية معينة .. ألا وهي : لو تم فرض المسار المشبوه..فهو يخدم أجندة المحاور.. وكذلك العناد في عدم إلغاء المسار..وتخوين جماهير الشرق.. فهو أيضا يؤدي إلى مزيد من الإغلاق ..ومزيد من العناد في رفض المسار. .....
باختصار هذا تنفيذ لإستراتيجية الفوضى الخلاقة..عبر شد الأطراف.. وعبر صناعة وتفريخ الأزمات ..في مناطق إستراتيجية كانت آمنة.. قبل تدخل وعبث أيادي مشبوهة.. عبثت ولا تزال بكل الثورات والإنتفاضات ومحاولات التغيير في المنطقة كلها.
فإما أن تعيد هذه المحاور الأمور إلى سابق عهدها ومربع واحد ..في الطاعة والعمالة.. وإما أن تهندس أزمات..وتنقل الصراع إلى أماكن أخرى ... خاصة أن هذه الأماكن تتمتع بمواقع إستراتيجية يمكن أن تخنق كل البلد .. وتجعل الشعب يقول ( يا حليييلك يا النظام السابق)...
ومن ثم يقفز العسكرتاريا إلى السلطة مرة أخرى ..ويقدموا أنفسهم في ثوب ( المنقذ).
وبذلك تضطر الدولة المستهدفة للدخول في بيت الطاعة الدولية..
مرة أخرى .
......
آمنة أحمد مختار إيرا 11 Oct 2021
10-17-2021, 05:26 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
بوستك دا شكلو بوست مهم وحيستعدل الحاجات عشان أقراهو صاح اسمح لي أسألك
Quote: اعتقد زول موزون و عقلاني.
هل هو زول موزون وعقلاني من الأول بس نحن ال ما سمعناهو بسبب الصوت العالي لكوراكنا كقطيع "ترك كوز" ام الإستضافة في تلفزيزن السودان والبوست يُقرأآن تحت مظلة الإستجابة لطلب حمدوك في الوقف الفوري لكافة أشكال التصعيد بين جميع الأطراف؟
10-17-2021, 05:40 AM
Bashasha Bashasha
تاريخ التسجيل: 10-08-2003
مجموع المشاركات: 25803
ماعندنا كبح او كابح في قول مانظن انو حق، او ده الواجب.
الحدود الفاصلة هي، تبقي عندنا مسؤولية!!
نعم المسؤولية!!!
ليه؟
لانو كل زول يحمل رسالة، امينة صادقة، بعيد مداها، بيعرف التاريخ، بيحسب كل خطواتو المشاها!!!
مش ده هو خطاب ثورتنا؟
باختصار شديد، ده زواحفي، فلولي، قبلي، فاسد، وامثالو هم المسؤولين من انزال مشروع التهميش بالوكالة للشارع، بحكم طريقة تفكيرو المجولب، القبلي المتخلف.
كما كل قبلي العوقة ده قضيتو كلها البني عامر، وبذات الطريقة قبلي البني عامر مشكلتم الهدندوة، وهكذا!!!
هكذا هرار وعي قبلي هو سبب العفن العايشين فيهو منذ استعادة احتلال السودان في القرن ال19 بواسطة امثال بشاشا في الشمال، رواد هكذا ايبولا وعي قبلي، يعيدو انتاجو امثال الهطلة ده، اداة لجنة امن القشير بزعامة اله دارفور اللي الان اضحي اله الشرق ايضا!
ولولا طريقة تفكيرو لماتمكن 5% من سكان السودان، اي امثال الجلابي بشاشا اخضاع ال 95% الباقين، لمصلحة دويلة الجلابة القبلية الجهوية، النازية، اللي صاغها الاستعمار كبديل للسودان الاجدوهو امثال الفارس الجحجاح دقنة، ضرغام السودان، بلاش "الرجال"!
فعلا، النار تخرا الرماد!!!
10-17-2021, 05:48 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلامات مولانا بعد اذن ناصر الموجه ليه السؤال, المقارنة بين الخطاب الجماهيري لترك أمام الحشود و خطابه في التلفزيون هي البتديك الإجابة لو كان خطاب ترك في الغرف المغلقة ومع الاطراف المسؤولة هو نفس خطابه في التلفزيون إذن المشكلة ليست منه, لكن من يستمع لعباراته امام الحشود ومطالبه التي يعلنها حسب النشوة الجماهيرية زي موضوع الرسوم الجمركية و زي حل الحكومة وتشكيل مجلس عسكري من ستة ضباط و حل لجنة ازالة التمكين ولو ضرب لي برهان بفتح الشارع وما الى ذلك يضع اللوم عليه بالطبع! عموما دي مشكلة الخطاب الجماهيري, زي قصة برهان يرغي و يزبد أمام ضباطه و عساكره و حنسوق البلد دي نوديها محل ما دايرين و ما حنسلمها لشلة غير منتخبة وشنو وشنو و يرجع المكتب يوقع على خطاب التزامه بالتحول الديمقراطي و الوثيقة ويرسله للأمم المتحدة! اعتقد حمدوك فاهم القصة دي و بتعامل مع الخطاب الحقيقي لا الجماهيري, الجماهيري دا خليه للناشطين يردوا عليه. تاني شي في أزمة الشرق, اعتقد الجماعة المع ترك محتاجين لتوحيد الخطاب معه وربما اتخاذ القرارات كذلك.
10-17-2021, 05:54 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
ياها دي فلاحتكم يا قحاتة يا شركاء قتلة الثوار .. من شارك القتلة..بالطبع عبد للكفيل..ويطبق أوامر العميل طه الحسين صاحب الجنسية السعودية لبيع موانئ الوطن للمحور ..
الإنقاذ 2 تبا لكم . عايزننا ننفصل..فاهماكم. شتائم جدادكم قسما بالله نطرشها ليكم.. وسلم لي على إبراهيم السيخ.. حليف الكيزان في التجارة .
عواليق.
10-17-2021, 06:11 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
العزيزة امونة، عليكي امون، خصمتك خليني ابعد، لاني مصدوم شديد من طريقة تفكيرك. تكرارك الممل لي مفردات ارتريين اثيوبيين، وقسما عار، عار، ياامنة محتار!!!
هؤلاء اهلنا، أو ما اجانب زي مافاهمة، بحكم وعيك القبلي، كمستعربة للاسف!
ياعزيزة، ككوشيين، أو لما أقول كوشيين أعني كل سود الكرة الارضية، أو مش فقط الافارقة، دعكي من السودان، ماكان عندنا خبوب هكذا وعي قبلي، جهوي!
نعم ماكانت هناك بينا حدود اطلاقا، والبجينا كضيف من مكان اخر، كان شيخ المنطقة شخصيا البتولي عملية الاستضافة في بيت مخصص في الحي، حصريا للضيوف فقط، مش فنادق!
نعم "راس الدولة" المحلية كان شخصيا هو البتولي عملية استقبال وخدمة البجو عابرين، وهذا عايشتو وانا طفل في دنقلا، دعكي من عصر الاهرامات!
في اوربا كمثال كان العكس!!
كونك تجي عابر كانسان غريب، فده كان جريمة، عقبوبتا العبودية!!
نعم في تاريخ اوربا، المستعبدين كانو هم عابري الطريق، اي الضيوف بي فهمنا، ولهذا عادي كانو بقبضوك أو يبيعوك كالاقة كمسترق، لانك اولا غريب أو جيت عابر سكة ماري، خارج منطقتك، وهذه كانت جريمة!!!
ليه؟
نظام الفرذ القبلي!!!
نعم ده كان اساس البنية الاجتماعية الاقتصادية السياسية لدي القوقاذ بصفة عامة، لانهم كانو بدو، رعاة!
لهذا نظام التاشيرات، الجوازات، البطاقات، الارقام الوطنية، اطلاقا ماصدفة، في الثقافة الارية!
عشان كده بنو حيطة عديل في الحدود مع المكسيك، بيض امريكا، الجو امريكا دي من دون جوازات، أو قلعوها بالابادة!!!!
احنا، ماكان عندنا نازية كهذه اطلاقا، ولهذا نحن وليس هم من اخترع نظام الدولة الأممية الغير قومية، أو عرقية، مفتوحة للكل، من دون تاشيرة، جوازات، أو اقامة!!
البجينا طوالي وتلقايبا بصبح مواطن من دون اي اجراءات أو سيد بلد، بالفهم الحالي!
اذن مسميات سودان ارتريا اثيوبيا وما اليه، ده إرث استعمار، لامعني له اطلاقا في وعينا، في ارثنا، ياامنة مختار!!!
ياللعار ياعزيزة!!!!
تفكيرك شي مخجل، وافد، اجنبي دخيل!
هذا لايعني اننا تدعو للفوضي، ولكن ندعو، للتخلص من كرور الوعي القبلي، اساس كل بلاوينا، حايميين بيهو أو نشروهو امثال بشاشا، ياامنة، شيوخ غفر تركة الاحتلال، من حيث طريقة التفكير، اي الجلابة!!!
عشان الواحد يفهم مشكلة ترك لازم يعمل سكرول داون لمداخلات آمنة مختار نوع تفكير آمنة وكتاباتها دي هي الخلتنا نظلم الراجل الوطني الحقاني دة
أخيراً بعد الحوار دة قدرت أدرك أصل المشكلة مع الأسف هي خالد سلك والناس المشوا يحاوروهو الأدروبات بشكل عام حساسين جداً تجاه الاستفزاز وما برضو الحقارة نهائياً المدنيين اتعاملوا معاهم بفوقية وهددوهم بالقانون بينما العساكر زي ناس كباشي اتعاملوا معاهم باحترام وحسسوهم بإنهم منحازين لمطالبهم
في أزمة في مسار الشرق خلاص يتحل مسار الشرق أو يتوسع ويعاد تكوينه من جديد دي حاجة مفروض تتم من زمان الناظر ترك زعيم قبلي يجب التعامل معه باحترام يليق بمكانته لأنه عن طريقه انت بتحصل على تأييد أغلب الشرق حمدوك لو اتنازل من قصره العاجي دة وغبر كرعينه بمشوار للشرق وجلس مع نظارة البجا المشكلة دي بتتحل في نصف ساعة لأنه الناظر الشايفه قدامي دة راجل محترم وواعي وقابل لإنه يكون داعم كبير للانتقال الديمقراطي ومساهم في نهضة الشرق
أخيراً أي مدني اتحاور مع ترك في السابق مفروض يحصروا مهامه جوة الخرطوم
10-17-2021, 10:25 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أبدا يا أحمد انت بس شامي سلك ساي الراجل مشكلته الحقيقة في رئيس المجلس الاعلى للسلام القال ما بجمد المسار ولا في منابر تفاوض تانية ودا لا يعفي ترك من تعسفه ايضا في بداية المشكلة, و غضه النظر عن الجانب العسكري الفي ايده موضوع المسارات دا و حمله على الجانب المدني! ياخي خليه الجانب العسكري هسي مجموعة قحت الخلوة البدعمها دي هي واقفة الف أحمر في موضوع المسارات و الجاكومي قالها عديل قفل الطرق عمل عدواني لا يجب السماح به, ترك البتفرغ للرد على رشا عوض و جعفر حسن ليه غض النظر عن الجاكومي ياخي قحت الخلوة دي فيها اسياد المشكلة زاتهم ناس المسار! يؤيدهم معقول بس! كلامه الاخير دا واضح انه عرف انه لا طائل من خدمة اجندة الغير و يجب التركيز على اجندة اهله الحقيقية, بالاضافة طبعا لكلام حمدوك بتاع مؤتمر المائدة المستديرة و مؤتمر تنمية الشرق العالمي هو عارف انه حمدوك بمقدوره انجاز الاتنين عكس الآخرين. عموما هو سيد وسط أهله مهما كان واحترامه واجب لأنه احترام لهم, طالما قدم الكلام الطيب و ابدى الاستعداد وتناسى الشروط الخيالية و المطالب التي لا تخدم اهله, بعد دا الحكومة لا عذر لها يجب مقابلة تحيته بأحسن منها.
بالعكس خالد سلك زولي شديد لكن الناظر ترك ذكره بالإسم بداية المشكلة ما كانت بالإغلاق الحالي، وكما قال هو أغلقوا عدة مرات قبل كدة. المشكلة ظهرت من بداية مباحثات جوبا وحكومة حمدوك كانت بتراهن على عامل الزمن أظنها بصراحة كمان موضوع التهديد عشان التتريس دة ما حلو ، كل الناس ترست ولسة بتترس، الإسبوع الفات طلاب جامعة الخرطوم مترسين شارع الجامعة عشان الداخليات وسخانة! طريق التحدي وظلط الخرطوم مدني انترسوا عدة مرات ما سمعنا بي زول هددوهو بعض النظر عن حجم الضرر يظل من حقهم ممارسة التتريس كسلوك ثوري زي باقي الشعب السوداني أو يتمنع التتريس في كل البلد. لكن ما ممكن تقول لي ناس الخرطوم يترسوا زي ما عاوزين بس ناس الشرق كان عملوها نحاكمهم!
كل تصريحاته السابقة كانت ردود أفعال ودي أول مرة أسمعه بتكلم بدون انفعال أو رد على استفزاز، والفضل طبعاً برجع لاحترافية لقمان وطريقة حواره المتناسبة مع عنوان البرنامج، تحس بيه جاي مبعوث حكومي لحل الإشكال ما مجرد مذيع بستطلع الآراء. عشان كدة غاب الانفعال البصاحب التراشق اللفظي لما يلقى كل الناس مصنفاهو كوز
في الحوار دة ظهر ترك منحاز لمشكلته وما أبدى أي تأييد لجماعة الانشقاق ولا وقع معاهم أمس
10-17-2021, 01:15 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
دي خلفية مهمة يااحمد عمر لفهم اسباب الهدوء وتهدئية الحوار.. ودور المثقفين والمتعلمين من ابناء الشرق في إحتواء الحاصل .. ومساعيهم من وقت مفاوضات جوبا.. إضافة لسبب تسجيل لقمان للحلقة من الشرق بعد ان تم طرد القناة ... الغريبة ود البشرى كان معلق على حوار د. اوشيك..!
10-17-2021, 01:27 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: Hashim Elhassan ١٥ أكتوبر، الساعة ٢:٢٩ م · لمن لا يتابع تفاصيل #المسألة_الشرقية فههنا حكاية.. وأمل. قبل أيام قليلة وفي حديثه لإحدى الإذاعات فقد اشتكى البروفسور أوشيك أبوعائشة سيدي - العضو في #المجلس_الاستشاري_لشرق_السودان وهو جسم استشاري مترع بالأكاديميين والتكنوقراط المتخصصين من كافة انتماءات الشرق بطول جغرافيته- اشتكى البروفسور من إهمال التلفزيون لقضايا الشرق ومن إفراط بعض ضيوفه في الإنحياز ضد طرف مؤثر فيها. يبدو أنه إحساس طاغ في الشرق، وهكذا مباشرة في اليوم التالي، فقد دعا متحدث باسم المجلس الأعلى للبجا إلى مقاطعة التلفزيون القومي في كل الشرق. ولكن.. فخلال يومين من حديث دكتور أوشيك للإذاعة فقد قام الأستاذ لقمان أحمد باستضافته في برنامجه (حوار البناء الوطني) ثم سارع إلى زيارة الشرق مع فريق عمله ومن ثم نشر الآن هذا البوست الملحقه به مجموعة صور عن اوضاع ا(لتنمية/البشر) لم تمنع أخرى تكاد تنضح بالترحاب. الشاهد: ما قام به لقمان شغل سوداني النكهة والأثر وفي وقته الصحيح. ولأن الأفعال أوقع من الأقوال عند الناس فقلد ذهب حديث مقاطعة التلفزيون كما زفرة حرى مع أدراج الرياح. فالآن، وهو مكرر كما يليق بصاحب الحاجة أن يلحف بالسؤال، ماذا لو أن السيد رئيس الوزراء يبادر من على صهوة خطابه الأخير ويسارع إلى سنكات في معية عارفين بأول القضية كموظفه السابق عبدالله ديدان* وفيما لا يزال بطوع يده غالب زمام الموقف السياسي. لو حدث، فهي فرصة لا تعوض لأن يتحدث هو بصراحة وليسمع بوضوح عن أزمة (مسار الشرق) وعن علاقته بأصول المسألة في (تقاسم السلطة) كما وردت الجملة متأخرة في خطابه عن استمرار طرحه (للمنظور الشامل في التعاطي مع الأزمة)! ربما لو فعل لعرف أن المحاصصات ليست حلا.. لا كانت ولن تكون.. وأن هناك ضرورة حاسمة لنموذج سياسي شجاع ومفارق.. وربما، لو أمكن أن تصل همستي، فسأهمس في أذن السيد حمدوك؛ "خليك واقعي عشان تكون فعّال، منظورك الشامل ملحوق"! الأرجح أن مثل هذه المبادرة ستحدث اختراقا سياسيا مؤثرا في أكثر من جدار وعلى أكثر من مستوى ليس أقلها أن ستسهم في تمهيد الأرض لهذا المؤتمر الشرقي الجامع (المائدة المستديرة) الذي دعا له السيد رئيس الوزاء في خطابه عن المسألة.. وكذا فسوف لن ينحسر أثرها قبل أن يحيط بمؤامرات الانقلاب. ----و---- *لا أعرف السيد عبد الله ديدان. فقط سمعته مرة وهو يتحدث في التلفزيون عن فضّ النزاعات وأصولها، ثم قرأت لقاء صحفيا معه وفهمت منه أنه قد استقال من العمل بمجلس الوزراء.. ارجو انه لا يزال موجودا ولم يغترب.
تعليقاً على بوست لقمان التالي :/
Lukman Ahmed ١٥ أكتوبر، الساعة ١:٣٧ م · قدر لى فى ست ساعات أن أطوف خمس مدن فى شرق السودان ( سواكن، جبيت، سنكات، صمد وأركويت) مرورا بالعقبة كنت خلال الساعات الستة أتعمق فيما أرى بلاد حباها الله وأكرمتها الطبيعة بجمال لا يضاهى، جبالها الشامخة تحتوى الإنسان والحيوان الكائن فى تلك الرقعة الجغرافية وتشكل سكنا آمنا وموطنا لإنسان الشرق، غير أن الإنسان هناك يمسى ويصبح فقيرا عليلا والأرض تعطى والجبال تعطى والطبيعة تعطى والنتيجة فقر ومرض رأيت تناقضات عصية على الفهم، منفذ بحرى يتحكم فى صادرات وواردات البلاد وأطفال يرتدون ملابس رثة بالية لايجدون طريقا إلى المدارس بل لا توجد مدارس تكفى إستيعابهم إن تخلف الشرق عن ركب الحدود الدنيا للتنمية عملية لا يمكن إدراكها إلا بتلمسها عن قرب والنظر إليها بعمق يحتاج الشرق تحركا سريعا وإتخاذ قرارات جريئة حتى يتمكن الأطفال هنالك من الذهاب إلى المدارس فى أقل تقدير..
المهم
10-17-2021, 01:31 PM
كمال عباس كمال عباس
تاريخ التسجيل: 03-06-2009
مجموع المشاركات: 17154
تهدئية شنو؟ مافي زول هنا بتكلم بإسم الحكومة ولافي زول بتكلم بإسم قحت كل زول هنا بعبر عن رأيه أورؤيته الشخصية ويتحمل مسؤليته
الحكومة المدنية ماقالت بشكل رسمي إنو ترك كوز أو تابع للمكون العسكري ولارفضت التفاوض معه أهاديك الحكومة وداك ترك ال يمشو يشفو شغلهم وتفاوضهم
ـ أما الكتابة الحرة والنقد فدا ميدان براهو
عاوزيين يطورو ويغيرو في مسار الشرق فليكن 'يركزو علي أجندة وهموم الشرق عين العقل ـ عاوزين يديرو حوار شرقي شرقي خير وبركة ـ أما حقيقة إنو في مظالم ـوالمطالبة بها مشروعة فدي أصلا ماقضية خلافية - إذا ماتم التركيز علي هموم الشرق بعيدا عن أجندة الآخريين ـ فبعدها لايهم إن كان ترك أو كوز أو حزب أمةـ طالما إحتفظ بإنتمائيه السياسي لنفسه وغلب هم ولافتة الإقليم علي القبيلة فليقود الشرق وليكن له دور قومي كمان ـ
10-17-2021, 02:05 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: فبعدها لايهم إن كان ترك أو كوز أو حزب أمةـ طالما إحتفظ بإنتمائيه السياسي لنفسه
ومتين في كل خطابات ترك في منبر تصعيده لقضية الشرق قال ليك انا كوز او واقف بعبر عن حزب سياسي ؟؟!
الكتيرين هنا قولب قضية الشرق بين كيزان وفلول وبين ثوار وسودانيين !
ترك تكلم من موقع إدارة اهلية وعبر مؤسساتها.. .
الصراع مع ترك اذا اردت ان تقصيه بناء على خلفيته السياسية انه ما يتزعم او يقود مطالب اهل الشرق وليكون في حده الادني من العدالة وعدم ر خلط القضايا والأوراق يتم عبر آليات الإدارة الاهلية .. وتمت محاولة صراعه عبر الآليات دي .. والرجل طلع فعلاً مرق وجندل خصومه... انت كاحزاب فقدت أي قدرة فاعلة ليك بالأقليم الشرقي.. وفقدت المبادرة في الحل واستلمتها منك الإدارة الاهلية .. لكنك كحزبي لا تفهم في آليات الغدارة الاهلية فبتتعامل معاها بعقليتك الحزبية والتي تتمركز في التصنيف السياسي والأيدلوجي وإغتيال الشخصية وغيرها.. ودي حركات ما بتأكلك عيش.. فبتمشي وتجي وتلجأ للمنع والقهر والتصنيف والتوصيف بالتمرد.. ثم تتخذ القرار بالانابة عن المسيكينن اللي هو راعي الضان في الخلاء في ذهنيتك المتعلمة المستنيرة ... بالتاكيد لاقصدك ياكمال عباس في شخصك ولكن لحتة معارضتنا لتصعيد أهل الشرق فقط لكون انه ترك كان عضو مؤتمر وطني وكوز ومدفوع من الكيزان.. او فقط لانه جاهل ماعنده بكلاريوس :)
مع انه هناي .. ولا خلاص ما في داعي بريمة واقف مع ترك قنا يقوم يحرن :)
10-17-2021, 02:16 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: إذا ماتم التركيز علي هموم الشرق بعيدا عن أجندة الآخريين ـ فبعدها لايهم إن كان ترك أو كوز أو حزب أمةـ طالما إحتفظ بإنتمائيه السياسي لنفسه وغلب هم ولافتة الإقليم علي القبيلة فليقود الشرق وليكن له دور قومي كمان ـ
النقطة التانية لأكمل اقتباس جملتك العلقت عليها آنفاً هي:
منذ اعتراض ابناء الشرق في جوبا.. وإلي قفل القبل أيام.. ماهي مطالب ترك المرفوعة للحكومة الانتقالية فوقها القبيلة فوق الأقليم الشرقي؟ وياتها عن حزب سياسي!
اهم شئ يا كمال ما تشمل لي مطالب الحبيبة امنة مختار لقبيلتها في مطالب ترك :)
10-17-2021, 02:24 PM
كمال عباس كمال عباس
تاريخ التسجيل: 03-06-2009
مجموع المشاركات: 17154
Quote: ومتين في كل خطابات ترك في منبر تصعيده لقضية الشرق قال ليك انا كوز او واقف بعبر عن حزب سياسي ؟؟!
......... لا ماقال ولكنه تبني أجندتهم التي لاعلاقة بهموم الشرق ومطالبه العادلة وإنما أقحمت إقحاما وهو الأخطر ـموسي هلال لم يقول إنه كوز ولكنه نفذ أجندتهم ـ ولما يتبني هذا الأجندة ـ ويقترب من المكون العسكر ـ ترك كان في مؤسسات المؤتمر الوطني ـ ماقلنا حاجة دا ياهو حال كافة رجالات الإدارة الأهلية مع المؤسسات الحاكمة منذ وفد زعماء السودان1919 لتهنيئة ملك أنجلتراوالجمعية التشريعية الي عهد الإنقاذ " ولكن ماذا عن الإستنصار بهم وهم خارج السلطة منبوذين بإرادة الشعب؟ ترك ذهب قبل بضعة أشهر لتأبين الزبير محمد الحسن زعيم الحركة الإسلامية وشوفو قال شنو ......
10-17-2021, 02:34 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: يا جعفر حضرت اللقاء لايف ، اعتقد زول موزون و عقلاني. العتب على مثقفي البجا و الناظر طلع اعرف و مثقف اكتر منهم و عاقل.
سلمات يا ناصر
الزول دا لا موزون ولا عقلاني ولا مثقف ولا يحزنون الزول حرقوه فى مناطق كتيره فى شرق السودان وطردوه رجماً بالحجارة وبعد ان عرف وزنه الحقيقي رجع الى التهدئة وكسب بعض النقاط بعد ان تأكد انه فى طريقه ان يكون كرتاً محروقا حتى وسط قبائله : الزول دا عرف حاجة :
وامثلة بسيطة للدلالة على طرد الرجل من مناطق كتيرة فى الشرق رجماً بالحجارة :
- شعب ولاية القضارف رسالة لي الناظر ترك ناظر الهدندوة نحن(القضارف فيها خير تأكل السودان كلو ما محتاجين ليك)
- طرد الكوز ترك ورجمه بالحجارة بمدينة الشوك ولاية القضارف شاهد.. مدينة #الشوك بولاية #القضارف تطرد الكوز ترك والجماهير ترجم موكبه بالحجارة، وفرار الموكب و سط هتاف الجماهير، #ترك_حرق حمدوك مرق.. #ترك_امل_الكيزان #الكوز_منبوز
10-17-2021, 04:10 PM
Abureesh Abureesh
تاريخ التسجيل: 09-22-2003
مجموع المشاركات: 30182
القاله في تأبين الزبير سمعته قبل كدة .. ودا كلام في اطار تامين لاعضاء في حزب وفكرة واحدة - يعني لي نفسه زي ما قلت .. ما قاله في ترس او مؤتمر سنكات..
عشان ما امسك بيك يا كمال او ببوست ناصر زمن.. مقولة لدكتور اوكير في الرسم الهندسي بيقول قبل الرسم اتخيل شكل الفراغ ..
بفهم تراثي قبلي طالما الموضوع في مجالها فحاول اتخيل تـرك دا طوطم . والقبائل كانت بتقدم طوطمها تحشد خلفه الرحيل والسبي والغزو .. الطوطم قد مرات ممكن حجر ومرات عضم وأحياناً حسناء وقد يتمظهر في المحمل الذي تتهادي خلفه قوافل الحجيج للكعبة ..
فما تقول لي كيزان وعسكر وبتاع أجندات تخيل ترك طوطم لقضية اهل الشرق المعترفين كلنا بمظلوميتهم.. خلف الطوطم وكما اي حراك حانلقى المساكين والحيارى وشفع العرب الفتارى وحاتلقى بين الحشود صاحب القضية والغرضو أذية .. اوحاتلقى المتوصلين بالقافلة ساي والمتشعبطين العاوزين يغيروا اتجاهها بحيث تصل محلهم هم وبيركب فيها العاوزها تضهب او تضل .. لكن طالما خلف الطوطم في قيادة جماعية واعية توجه قادرة تمييز الركاب الاصلاء من الدخلاء.. وتفرز اصحاب القضية من المصلحجية بتصل مرادها بكل سلاسة..
المشكلة تكون لو جيت فريق اعتبروا الطوطم صنم وقاموا رجموهو وحرقوهو.. ضلت القافلة واتشتت وهرجت ومرجت وكل ذو حاجة نال مراده ..
نرجع لسبب انه الناس دقت نوبة وعلقت طوطم لي شنو وما تحرقه لكن وصله محله ووقت قعوده يبرك القراد براه بيدردق
10-17-2021, 03:31 PM
كمال عباس كمال عباس
تاريخ التسجيل: 03-06-2009
مجموع المشاركات: 17154
المشكلة انو الشرق ليس قبيلة واحدة وانما هو اقليم يعج بالتنوع العرقي والقبلي والثقافي
والهدندوة -ناظرهم ترك - الان أقلية فيه - بالرغم من عمقهم التاريخي. فيه -وارتباط الإقليم بهم تاريخيا فليكن ترك طوطم وزعيم مسموع الكلمة فيهم وهو صاحب الشأن فيهم - بالرغم من خلفيته. السياسية والقبلية أياها فيها الختمية والانصار ومع هذا فلنقل انها تدين لبيت ترك بالولاء القبلي يبقي ماذا عن مكونات الشرق الآخري هناك قبائل اخري. لايمثل ترك لها طوطما او رمزا قبليا
وهو الان يقف تحت لافتة رئاسة نظارات البجا والعموديات المستقلة ويتحدث باسمها اكثر من تمثيله لتمسيقية الشرق وهناك قبائل كبيرة. لاتدين لترك بولاء قبلي او تخضع لزعامته في المسميات الآخري وعشان كدة قلنا انو الافضل لو ان ترك عمل تمتين النسيج الاجتماعي للشرق ووحد كلمته تحت راية الإقليم لا القبيلة هنا سيجد التفاف اوسع حوله لان مظالم الشرق لاتقتصر علي قبيلة وحده ولا تكتل عرقي بعينه عندها فليتزعم الشرق وليكن له حضور في المشهد القومي فهو اسوا من حميدتي ومناوئ وجبريل
10-17-2021, 04:03 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: والهدندوة -ناظرهم ترك - الان أقلية فيه - بالرغم من عمقهم التاريخي. فيه -وارتباط الإقليم بهم تاريخيا
أيش رأيك البني عامر نفسهم بيعتبروا هدندوة .. ؟ ا عموماً بخصوص كلامك عن مفترض انه يمثل الاقليم وليس القبيلة.. هو أساساً رافه قضيته ومنذ مؤتمر سنكات باسم الاقليم وليس القبيلة المسمي نظارات البجا والعموديات هو مسمي إارة اهلية وليس قبيلة.. وتحته القبائل الانت بحثت عن حقها وحق تمثيلها من غير الهدندوة .. ... دي في المجلس دا.. وقبيل قلت ليك حاولت الحكومة ومن زمن الكيزان وصولاً لحكومة الثورة انها تصارعه باليات الإدارة وهزمها وفاز عليها .. لو رجعت لقصة البلدوزر زاني رمضان كما اشتهر حا تفهم شكل الصراع دا والأدوات الحاولت تستخدمها حكومة الكيزان مع ترك... ومن ضمنها دعم البيوت الدينية لمنافسة بيت الزعامة التقليدي او شراء العمد والوجهاء .. او تهميش دوره ببساطة
10-17-2021, 03:39 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8949
قضية الشرق -مظالما وعدالة للمطالبة بها دي ولحسن الحظ ما قضية خلافية - مافي زول عاقل من مركز او من اقليم تاني اختلف مع هذا
ويمكن قضية الجنوب وجبال النوبة ودارفور ولأسباب ما وجدت نفس الاجماع الذي حظيت به قضية الشرق كان هناك. توجس وحذر وربما رفض مبطن حيال قضايا المناطق الآخري من قطاع سودني هسي دا مافي - وعشان كدة حقو الناس تفهم انو الكلام عن ترك ما استهداف للشرق ولا نكران لقضيته
الناس عاوزة قادة الشرق تركز علي قضيتهم بعيدا عن اقحام اجندة الفلول والعسكر
وعاوز انو القضية تكون قضية اقليم لا قبيلة معينة -لا ضد او مع الناس عاًوزة متانة نسيج الشرق وتماسكه بعد دا فليقود ترك الشرق كله مافي مشكلة
10-17-2021, 04:34 PM
Abureesh Abureesh
تاريخ التسجيل: 09-22-2003
مجموع المشاركات: 30182
مخرج امن للحكومة يا جعفر ما ليه هو.. بعدين يخرج من وين.. هو قاعد فى ارضه ووسط شعبه. زول قاعد فى بيته تقول داير مخرج!!
الناظر ترك كلامه رصين من رجل حكيم. لم يغير موقفه إلا لأصحاب التمنيات ولكنه كان دبلوماسيا أكثر من أدعياء التعليم والثقافة. قال لو الحكومة ما استجابت الشباب سيتولون الأمر ويحملون السلاح.. سبحان الله والتأريخ يعيد نفسه.. سمعت نفس العبارة من رجل مسن وحكيم من دارفور عام 2003 حين قال لو فلت الأمر من الحكماء سيتولاه السفهاء.. وهذا ما حدث لدارفور. ترك وارث الحكمة أبا عن جد لا يمكن مقارنته بمستجدى السياسة الذين لا يفقهون عنها شيئا.. كل ما قاله فى هذا اللقاء أبصم عليه بالعشــرة وقد أثبت بالفعل انه قائد كفؤ بمعنى الكلمة. هو ما قال للحكومة خلوا مصر وتعالوا حلوا مشكلة الميناء إستجداءً.. بالعكس قال مبروك عليكم وعلى المصريين ونحن نخلى الميناء مكان لصيد السمك.. ولكن البعض يستمع بإذن التمنى. هو فقط وصف موقف الحكومة بالإسلوب الصبينانى فى المكاواة ، وانهم لا يستطيعون إبدال بورتسودان بمعبر أرقين.. ولكنه الهروب للأمام والحركات الصبيانية.. وما ذا تنتظر من (صبيان السياسـة)؟ الرجل الناضج والسياسى الحصيف يواجه المشكلة ولا يهرب منها لأن الهروب لا يفيده ولن يحل مشكلته. على الحكومة حل مسار الشرق فورا والإذعان لإرادة أهل الشرق. زمن التسلط المركزى قد ولى الى غير رجعة.
10-17-2021, 04:54 PM
Bashasha Bashasha
تاريخ التسجيل: 10-08-2003
مجموع المشاركات: 25803
قرقرقرقرقرقر!! فجعاة، جريقيس نظام القتلة، اضحي بطل، القبلي الجهوي المتخلف، أداة اله دارفور وزعيم الجنجويد! ليه؟ لانو غير اللحن، لما الايقاع اتغير، بواسطة المايسترو، البحرك فيهو بالاشارة، أو ده كان دورو، كما اي قبلي من ادوات نظام القتلة!! هكذا انجز مشروع التهميش! نعم هكذا تمكنو 5% من الهيمنة علي ال95% الباقين! نعم هكذا صانعي هكذا سودان مصري انجليزي، قالو للعميل الميرغني اذهب الي الشرق، لاخضاعو، وعبدالرحمن المهدي الي الغرب! أو بعد ده ادوات مشروع تركيع الشرق يسوو تهميش أو بتيخ حسب الطلب من المخدم في المركز!!!
10-18-2021, 03:00 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: وطردوه رجماً بالحجارة وبعد ان عرف وزنه الحقيقي رجع الى التهدئة وكسب بعض النقاط بعد ان تأكد انه فى طريقه ان يكون كرتاً محروقا حتى وسط قبائله : الزول دا عرف حاجة : وامثلة بسيطة للدلالة على طرد الرجل من مناطق كتيرة فى الشرق رجماً بالحجارة :
هههههه يا زووول...
فيديوهاتك الجبتها دي نحنا عارفين مصدرها.. وشفنا من روجوا لها.
على سبيل المثال. الشواك اللي هي فيها أكبر معسكر لاجئين. قدم ترق فيها أكبر لقاء جماهيري.
.....
يا سودانيين..لو عايزين تستبدلونا باللاجئين كلمونا.. على قول واحد أخونا من الشكرية.
( مافي زول يقدر يطرد ترق أو أي زعيم من زعماء البجا والشرق بالحجارة وللا حتى دبابات وللا أنتينوف).
فأحسن تخلو العباطة دي . وما تنقلوا فبركات اللاجئين الأرتريين العيانين نفسيا.
....
وإلا، حا ننفصل من هذا البلد الغبي والظالم أهله.
10-18-2021, 03:12 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
البني عامر ما هدندوة يا حيدر الزين. وهم الأقلية في الشرق وما عندهم لا أرض ولا نظارة. ناظرهم لغاية الآن مستضيفنه الختمية في بيت ليهم في كسلا. وهو أصلا وكيل ناظرهم الأصلي في أغوردات الإريترية.
....
أما كمال عباس الشابكنا إنه ترق لا يمثل كل الشرق .. وإنه الهدندوة أقلية..هههههه فغايتو دي أكبر نكتة..خاصة لو جاية من زول ختمي.
الهدندوة تاني أكبر قبيلة في شرق السودان. هذا بعد البشاريين الذين ثقلهم الأكبر في مصر هم والعبابدة.
بعدين يا شاطر..البجا ما قبيلة واحدة ..ههههه
وكذلك التنسيقية العليا لشرق السودان..تمثل كل مكونات الإقليم الشرقي من غير البجا.
فأحسن الناس تلم قلة أدبها عليها. لأنه لو عايزين تدفعونا للإنفصال..ممكن نحنا النفصلكم..وليس العكس.
يا جهلة يا عالة على الوطن والشعب.
10-18-2021, 03:23 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: كلام شنو دا يا امنة.. يعنى نشوف لينا صرفة ونسلم جوازاتنا، واللا الفهم شنو؟
لما تسكتوا يا أبو الريش على الشتائم والأكاذيب العجيبة وإدعاء الأرض والتاريخ..من قبل المجنسين الإتجنسوا تحت مظلة البني عامر السودانيين.. وخدعوا الشعب السوداني.
فما تطلبوا مننا نصمت عن الحقيقة. وندافع عن أنفسنا ضد هذا الحقد والأكاذيب التي ليس لها تبرير سوى الطمع والكراهية والطعن في الضهر ..!!
الناس ديل ما ضاربهم حجر دغش في البلد دي ..لذلك عايزين يشعللوها حرب . وشغالين أكاذيب وفتن وتفجيرات ويتبجحوا بسلاح مطمور داسنه قالوا.. وشفتوهم بنفسكم قالوا شنو في مطار الخرطوم لما جو من جوبا، وكذلك في ندوتهم في كسلا.
فهل إنتو كبني عامر سودانيين..مستعدين تكونوا وقود حرب لهؤلاء المجنسين وللتنظيمات السودانية التي لا يهمها سوى مصالحها ومصالح كفلائها من المحاور الأجنبية؟
هل مستعدين تكونوا وقود حرب مع أهلكم البجا من أجل هؤلاء؟!
الموضوع في حد ذاته مؤلم الكتابة والحديث عنه ..والجرح كبير كبير.
10-18-2021, 12:28 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: أ أما كمال عباس الشابكنا إنه ترق لا يمثل كل الشرق .. وإنه الهدندوة أقلية..هههههه فغايتو دي أكبر نكتة..خاصة لو جاية من زول ختمي.
الهدندوة تاني أكبر قبيلة في شرق السودان. هذا بعد البشاريين الذين ثقلهم الأكبر في مصر هم والعبابدة. ........
............
براك إعترفتي إنهم أقلية ! أقلية وبشكل أوضح إذا كان المعيار هدندوة بسيطة مقابل بقية المكونات الأخري إذا نظارة الهدندوة بالرغم من الثقل الثقافي والتاريخي لا تمنحه حق إدعاء تمثيل الشرق ولا حتي رئاسة نظارات البجا والعموديات المستقلة
ولكنه إذا عبر عن هموم ومطالب الإقليم بكافة تنوعه ومتن نسيجه الإجتماعي وإحتمي بلافتة الشرق العريض لامكون عرقي محدد ـ فإنه قد يقود وقد يكون له حضور في المشهد القومي
ثانيا بصراحة إن أراد ترك الإنفصال كما تلوح آمنة فإنه مطالب بالحصول علي الأغلبية في التصويت علي الإنفصال وهو مالايملكه وربما يكون أول منطقة ترفض الإنفصال بأغلبية كبيرة وإن حصل علي خيار الإنفصال فإنه لايملك موارد لإقامة دولة لأن الميناء سيكون قاصرا علي صادر الشرق ووارده وستتحول المدينة لبيوت أشباح .... الهياج والتشنج والسباب لن يفيد آمنة وهو خصم علي قضيتها ـ وهو تعبير عن عجز وإفلاس إن لم يكن تزمت وتحجر عرقي ـ أنا ماختمي ـ ولاقحتي مع إن إنو التصنيفات متناقضة فالختمية خارج قحت ومؤسسات الثورة وقت أنأ أختلفت معها قبل توقيع الوثيقة ـ وكمان مامع محاصصات السلطة المركزية ولا تسوية جوبا
10-18-2021, 03:42 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: لما تسكتوا يا أبو الريش على الشتائم والأكاذيب العجيبة وإدعاء الأرض والتاريخ.
إدعاء الجنسية تحسمـه الوثائق، حالة بحالة.. يعنى ما ممكن ترمى بطانية فوق مجموعة كاملة وتقولى ديل ارتريين عشان لغتهم أو لهجتهم. هذا موضوع قانونى وليس سياسى؟ إدعاء الأرض يحسمه المؤرخون فى نقاش أكاديمى وليس نشاط سسياسى.. لسبب بسيط، هو مافى زول مسك قطعة أرض وقال يسجلوها بإسمه ، حتى لو طلع زول زى دا يطالبوه بشهادة بحث أو يجيب شيخ المنطقة أو شيخ القبيلة.. الحاجات دى كلها ما خاضعة لحكم المواطنين العادى. الكلام الذى قاله داؤود فى بورتسودان لو متابعة المنبر أنا رديت عليه بصورة أقوى من ناس كتيرين وممكن ترجعى للمنبر فى تلك الأيام.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Nasser Amin
Bashasha
محمد البشرى الخضر
AMNA MUKHTAR
Hafiz Bashir
HAIDER ALZAIN
كمال عباس
علاء سيداحمد
Abureesh
Mahjob Abdalla
فيس بوك
تويتر
انستقرام
يوتيوب
بنتيريست