|
|
|
 Re: حميدتي :محمد سيد احمد الجاكومي لعب دورا كب (Re: خالد صهيبة)
|
سلام عليكم خالد
قالها قبل كدا عن ذو النون انو كان مدور الشغلة دي كلها - يقصد الثورة و المظاهرات - وديل طلعوه خاين يقصد الحرية و التغيير
حميدتي من اول يوم عقدته السند الجماهيري لم ينجح الحشد القبلي ولا الادارات الاهلية ولا موظفي راتب التلاتة شهور ولا معـــرصين حول حميدتي في ملئ هذا الفراغ الذي تهزه اول مليونية من الثوار
ودائما يبحث عن من يتوهم فيهم القدرة على شق الصف و الحشد, الجاكومي بكون خماه بانو انا من اقترح تحويل موكب 25 للقصر و شاف فيه رقشة ما
| |
  
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: محمد البشرى الخضر)
|
الجكومي الذي أعرف لعب دورا في إسقاط البشير
كبر ذلك الدور أم صغر أنا ما عارف
تحديد ذلك متروك للذين سيكتبون تاريخ هذه الثورة
حمدت للجكومي أنه سبح ضد تيار حزبه (الإتحادي الأصل) الذي صالح ديكتاتورية البشير
وبقي الجكومي ونفر قليل في معارضة الديكتاتورية الكيزانية
ولأشهر قبل إنتصار الثورة كان الجكومي معتقلا في معتقلات الديكتاتورية
أي زول يتنازل عن حريته ولو ليوم ليسقط الديكتاتورية
يجد مني عظيم الإحترام
(حبسة الكورونا لشهر كرهت الناس في بيوتهم خليك من كم شهر في ثلاجة موقف شندي)
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: نصر الدين عشر)
|
ما دي تعقيدات السياسة في السودان
الجكومي ختمي وإتحادي
ومع دلك عارض دخول الميرغني لسلطة الديكتاتور البشير
ودخل الجبهة الثورية مع حركات الكفاح المسلح
ناس الجبهة الثورية حفظوا له هذا الجميل
ولم يطالبوه يوما بالإنفصال عن حزبه
كان عليه وصحبه من ثوار الإتحاديين
إن يقنعوا باقي الحزب بالإنضمام للثورة
وقد نجحوا في ذلك في آحايين كثيرة
تعقيدات السياسة في السودان
تكون ختمي لازم تكون في حزب معين
تكون أنصاري برضو في حزب معين
تكون من قبيلة معينة لازم تكون في الحركة المعينة
سمعت أن هناك حركة كفاح مسلح كبيرة أفرادها من قبيلة واحدة في السودان
(وحركات صغيرة كدا أفرادها من خشم بيت واحد)
شفت كيف يا نصر الدين
سوداننا دا كبير ومتخلف ومعقد
أصبروا عليه وعلينا
بنعبر
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: muntasir)
|
شفت يا منتصر
قوش الدي عذب المعارضين وقتلهم وشردهم
برضو لعب دور في إسقاط البشير
رضينا أم أبينا
يمكن يكون عنده أسبابه الشخصية
أنا شخصيا أعتقد أنه لولا إقتراح قوش في الوقت المناسب
في إقتراحه لإنقلاب اللجنة الأمنية علي البشير
لقتلت الآلاف المؤلفة أمام القيادة العامة في 11 أبريل 2019
البشير كان ناوي يقتل تلت الشعب السودان
وفي ناس كتيرين من كتائب ظله ومن كيزان الجيش والأمن
كان سيساعدونه في هذه المجزرة
قوش الذي نكره ساهم في إسقاط البشير
وبرضو ننتظر مؤرخي الثورة عشان يورونا هو بالضبط عمل شنو
ودي برضو من تعقيدات السياسة في السودان
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
سلام نصر زي ما لعب عمر محمد الطيب دور في إسقاط نميري ، زول يكتل ويعذب من بدت الانقاذ ويجي في الساعة ٢٥ عشان يؤمن مكاسبه ويغادر السفينة الغرقانة نسبح بحمده يظل مجرم ولو فعل ما فعل فما فعلها لأنه اقتنع بفساد النظام في اخر اسابيع
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Hafiz Bashir)
|
ما دام دخل سجن نظام اللصوص والحرامية فهو ثوري
وساهم بصورة ما في اسقاط ذلك النظام القمئ الذي سرق
اموال الشعب...
فله منا التحية والاحترام والتقدير ..
لانه في ناس كانوا مرطبين في فنادق الخمس نجوم في دول
اوروبا والان بيستعدوا يمسكوا الوزارات ....والثوار والذين دخلوا
السجون يجلسون على مقاعد المتفرجين ويستغربوا ...
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: امتثال عبدالله)
|
يا منتصر
عمر محمد الطيب ما لعب أي دور في إسقاط النميري
كانوا بيحنسوا فيه لآخر لحظة وكان جبانا لأبعد الحدود
في عساكر تانين وعساكر كبار من ناس الجنرال نميري
لعبوا دورا مشهودا في إقصاء النميري
زي سوار الدهب وبرمة ناصر وعثمان عبد الله والجعلي وحسني فارس وعبد العزيز
أتمني أن يخلدهم التاريخ لحقنهم دماء الشعب في تلك الأياام العصيبة
لا أنا ولا ناس الثورة قاعديين نسبح بحمد قوش
وهسع لو جاء داير يدخل في السياسة بنقيف ضده
ولو إترشح في أي دايرة حأقيف ضده
قلنا كلمة حق للتاريخ
and that is all
وهذا كل ما هناك
يا إمتثال
أوافقك الرأي تماما
أي زول قضي ولو ليلة واحدة في معتقلات الأمن
بعتبره قدم نفسه أضحية وقربان في معبد الوطن
ويستحق مني كل إحترام وتقدير
ولا يعني هذا أنني لا أخالفه الرأي أو أن علي أن أتبعه في ما يري
كل الثوار
أخالف بعضكم الرأي وأتفق مع بعضكم
وكلكم محبي حبي وتقديري وإحترامي
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: اخلاص عبدالرحمن المشرف)
|
كلامك صاح يا إخلاص
لمادا حدث ما حدث للثورة وللمدنيين
للتاريخ نقول:
الوفد المدني المفاوض كان ضعيفا
وتعرضوا للغضوط من الأجاويد
وبتقديراتهم والتي أعتقتد بأنها فطيرة
ولانهم عمدوا للتصرف منفردين دون الرجوع للقاعدة التي جاءت بهم
أعطوا العسكر أكثر ما يستحقون
الثانية كانت تركييبة المجلس السيادي (المدنيين) كارثة
ناس عجايز ينوموا في الإجتماعات
تفوق العسكر عليهم وسرقوا منهم الشغل وكمان السلطة
الثالثة الوثيقة الدستورية معيبة من نقاط عدة أثرت علي موقف المدنيين في السلطة
الرابعة والأخيرة ما زال السودان يتعرض لإغراء وضغوط
دول مصر والسعودية والأمارات وحلفاءهم في المنطقة
في إتجاه تقوية العسكر وإضعاف المدنيين
بغرض تأخير قدوم الديمقراطية للسودان وللمنطقة عموما
طالما كانت السعودية والأمارات يحتاجون للمرتزقة في حروب اليمن واليبيا
فإن ه الدوذه ستصر علي وجود العسكر في السلطة في السودان
طموحات آل سعود وآل زايد، بل وحتي وجودهم
يعتمد علي هؤلاء المرتزقة السودانيين
وكلكم عارفيين مقاول المرتزقة منو
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
اضطراب مواقف اليسار وعدم
وضوح الرؤيا يحير، روسيا له
شركة فاجنر وكان يتدرب في السودان
ده غير استثمارات الذهب .
اظن سقطت الشيوعية وبقيت المصالح
العليا للدولة بعضها استراتيجي( امن
الممرات المائية) .
عمر البشير يستاهل تهمة الخيانة العظمي.
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
المناضل صلاح قوش تم اعتقاله ما يزيد على العام في زمن البشير ما بستحق التكريم؟
الجكومي ظاهرة صوتية .. مجرد زول بتاع مشاكل وتصريحات وبحب الشو والأضواء
زمان أحمد بتاع الساعة كرهنا الفيسبوك محل ما تقبل أحمد بتاع الساعة أحمد بتاع الساعة
لحدي ما ظهر في صورة مع البشير حتى ارتحنا منه
فدحين الجكومي دة لو ساعدها لينا بي صورة مع حميدتي بكون ريحنا
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: اخلاص عبدالرحمن المشرف)
|
العمل الثوري بدأ منذ انقلاب البشير ولمدة ثلاثون عاما متوالية
اسقاط البشير هو ما تم مؤخراً وليس العمل الثوري
خلال هذه الثلاثين عاما معروف مواقف وتاريخ المؤسسات والافراد
ليس هناك استحواذ او علامة تجارية مسجلة لجهة ما
اشترك الجميع في العمل ضد الجبهة
وكل من ساهم في اضعاف واسقاط الحكومة بمواقفه او عمله هو جزء من الثورة
داخل وخارج السودان
لكن ايضا اللي شاركوا الحكومة ودعموها معروفين
سواء سياسيين او ناشطين او غيره
مافي زول بحتكر النضال او العمل الثوري
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Gafar Bashir)
|
الله يرضي عليك يا جعفر
| Quote: وكل من ساهم في اضعاف واسقاط الحكومة بمواقفه او عمله هو جزء من الثورة |
أحكي ليك القصة دي
في يوم 6 أبريل 2018 وحين تدفقت أمواج الشعب السوداني في شوارع الخرطوم
وكل مدن وقري السودان
كانت بنت أخوي وصاحباتها الكنداكات يبكون
ليه ؟؟؟؟؟؟؟
قالوا لو أن كل هؤلاء طلعوا من زمان
ما كان كل الشباب ديل أستشهدوا
قلنا ليهم ديل الناس الطلعوا في آخر يوم ديل هم السقطوا الحكومة !!!
إنتو سايقين المظاهرات 6 شهور
من بري للعباسية لود نوباوي
برضو من سقطتوها
كيف الكلام دا؟؟؟؟
قلنا ليهم نحكي ليكم قصة القشة التي قصمت ظهر البعير
كان في راجل طماع وداير يحمل حماره أقصي ما يستطيع
كل مرة يخت شوية حطب
وشوية وشوية يزيد في الحطب
لجدي ما في الآخر خت ليه قشة
طوالي ظهر البعير أنكسر
يا شباب ويا كنداكات
في ناس الثورة دي إشتغلت ليها من يوم البشير أذاع بيانه بإستلام السلطة
وفي ناس طلعوا في صباح السادس من أبريل
كلهم ساهموا في إسقاط الديكتاتورية
ربما كان فيهم الحرامي والنشال وتاجر السوق الأسود
لكن الطلعوا لإسقاط الديكتاتورمحل حبي وإحترامي
كلامي دا مش غبن من الديكتاتورية وبس
لأن كل هؤلاء أفراد هذ الشعب البطل
أدونا الفرصة التاريخية عشان نعيد بناء بلدنا
عشان لأنهم كلهم قالوا وبلسان واحد
حرية سلام وعدالة والثورة خيار الشعب
الحرية الحلوة دي ما بتجي بالساهل
كل من ساهم في إسقاط الديكتاتورية محل حبي وإحترامي
السياسون
وهدا حالهم في كل زمان ومكان
فيهم بتاعين الشو وطلاب السلطة والظواهر الصوتية
وفيهم الجادين
تختلف مع بعضهم وتتفق مع بعض آخر
لكن ياها السياسة وحالها
لسنا بصدد توزيع ميداليات النضزال ولا شهادات التكريم
لكنا بصدد بناء أمة ومجتمع جديد
حرية سلام وعدالة
أليس من العدل أن نعترف بما قدمه الآخرون لهذه الثورة
برغم رأينا السالب فيهم؟؟؟؟؟؟؟؟؟؟
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
Quote: أليس من العدل أن نعترف بما قدمه الآخرون لهذه الثورة
برغم رأينا السالب فيهم؟؟؟؟؟؟؟؟؟؟ |
ألم يقل المولى سبحانه و تعالى:
«فمن يعمل مثقال ذرة خيراً يره.. ومن يعمل مثقال ذرة شراً يره»،
نعم من العدل ان تعترف، كما تفضلت ،شكراً لكم أ.نصر.
كل عام و أنتم ، صاحب البوست ،ضيوفه و السودان بألف خير .
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
لايستوى من انفق قبل الفتح وقاتل مع فئران السفينه الغارقه...هذا فى العموم
وإلا يجب العدل والانصاف مع زعيم المليشا حمديتى ف الرجل كذلك ساهم فى الثوره وإذا استمر التفسير البارد للنضال والمناضلين سينتهى الامر ب محبه عظيمه وربما شكرنا عمر البشير على تجاهله الفتوى القاتله ورقص الذئب مع الحمل وفرح اهل البلد
يا اخونا انتو حس العداله العالى دا مالو ما شايف الامهات محروقات الحشا وكأن قوش او حميدتى هبط بلا تاريخ دموى وبشاعه لا شبيه لها ...فى ليله الثوره ولعلها ليله القدر التى تمحى رجس سنوات الإنقاذ
بوست عجيب وغريب اللهم ثبت قلوبنا على رايه نضال نقيه توزن( الحق) وتعدل الميزان
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Abdelrahim Mohmed Salih)
|
سلام د.عبد الرحيم
الأعتراف لا يعني غض النظر عن النوايا ولا تجاوز ما تبعها من
عمل إنتهازي أو جرائم توجب الحساب و العقاب.
يمكن القول مثلاً إن خطة حميدتي الماكرة لسرقة الثورة هي في الأساس
تسخير من الله لم يصل نهاياته بعد.و هذا الإعتراف لن يجعل
منه بطل ولا يدين له الثوار لشئ.هو فقط مرحلة ستعبر الثورة
من خلالها و تتجاوزها.
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Abdelrahim Mohmed Salih)
|
يا عبد الرحيم
Quote: إذا استمر التفسير البارد للنضال والمناضلين سينتهى الامر ب محبه عظيمه
وربما شكرنا عمر البشير على تجاهله الفتوى القاتله |
في حقيقة الأمر عمر البشير لم يتجاهل الفتوي القائلة
لكنه لم يجد من ينفذها له
منو الرفضو؟؟؟؟؟
يا هم حميدتي وصلاح قوش بذات أنفسهم
عاين لكلامك دا
Quote: يا اخونا انتو حس العداله العالى دا مالو ما شايف الامهات محروقات الحشا
وكأن قوش او حميدتى هبط بلا تاريخ دموى وبشاعه لا شبيه لها ...
فى ليله الثوره ولعلها ليله القدر التى تمحى رجس سنوات الإنقاذ |
لولا رفض قوش وحميدتي واللجنة الامنية لفض الإعتصام بالقوة في السادس من أبريل
لكانت أعداد الأمهات محروقات الحشا قد تجاوز الآلاف إن لم يك مئات الآلاف
أول حاجة نقرأ التاريخ بعدالة
وبعدا وزعوا ميداليات النضال لمن ترغبون
زعماء أمتنا السودانية
الدين رحلوا عن هذه الدنيا
بعد أن أفنوا عمرا في منافحة الديكتاتورية
الصادق المهدي وعلي محمود حسنين وسيد أحمد الحسين ونقد والتجاني الطيب ويوسف كوة وبولاد
حتي لو وزعنا لهم أنواط النضال
حتفيدهم بشنو ويعلقوها وين؟؟؟؟؟
فعلوا ما أملتهم عليهم ضمائرهم وماتوا راضيين ومرضيين إن شاء الله
من أجل الحقييقة والتاريخ
كل من ساهم في إسقاط الديكتاتور محل حبي وتقديري
من الذين قدموا أرواحهم فداء
والذين إزدانت بهم المعتقلات والسجون
والذين عذبوا في بيوت الأشباح
والذين فصلوا من أعمالهم وحوربوا في الرزق وشردوا في الارض
حتي متظاهري الساعة الخامسة والعشرين في السادس من أبريل
كلهم محل حبي وتقديري
بعد ذلك ولترفعوا من شئتم من المناضلين درجات فوق درحات
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
تحياتى دكتوره نعمات
اثق تماما فى تدبير الله وحكمته بما يجعل العدو حليف مناصر من غير قصد كما حدث فى ليله الثوره
إذا نظرنا لمواقف بعض اعداء الشعب مثل قوش وحميدتى وهى صفه من رأى اشمل واعم... من ناحيه اكاديميه توثيقيه فى (إنحيازهم) مجبرين للخيار الشارع بكل تأكيد هو إنحياز ماكر لقدره بعضهم على قرائه الاحداث وربما هناك إتفاقيات مع قوى اقليميه على نزع البشير فكما نعلم ظل السودان فى سنوات الانقاذ منتهك السياده ولن تكون حادثه مخلب القط طه مدير مكتب البشير الاخيره فى مسلسل الاختراق المستمر...لذلك يجب النظر بحذر لموقف اركان النظام الاساسيه فى تحولاتها الدراماتكيه
خطوره ابراز مواقفهم ك بطوله تجعلنا نسوق لهم الى كراسى حكم مازالت شهوتها مستعره فى نفوسهم وكذلك ربطهم لاستمرار حكمهم لتجنب محاسبات قانونيه قادمه وايضا للحفاظ على ثروات ونفوذ تجاوز حدود السودان لايمكنهم متابعته إذا خرجوا من منظومه الحكم
يا هلا Nasr
تفسير إنحيازهم للشعب الغير محفز بموقف اخلاقى او إنسانى ليكتب فيه المؤرخين لاحقا لكن طالما النار مستعره فمن رأى الاولويات ان اصنف العدو ك عدو واترك المبهم من تصرفه الى تفسير قادم دون منحه شبه البطوله والشرف لان موقفه اصلا اتى كرد فعل صنعه عظماء فاضت دمائهم ومضوا
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Abdelrahim Mohmed Salih)
|
بالضبط يا عبد الرحيم
فليكتب المؤرخون تاريخ الثورة
أما ننحن فعلينا التحديد الصائب لجبهة الأعداء والأصدقاء
يعني حتي لو أحتفينا بإنحياز حميدتي للثورة
لا يعني هذا أن نطلق اليد لقواته لإعتقال وتعذيب بل وقتل أفراد الشعب السوذاني
في رأي أن التحديد الصائب للأعداء والأصدقاء
أصوب ما يكون حينما ننظر للقضايا ونتفاعل معها
مثلا سيادة حكم القانون وإحترام حقوق الإنسان
كل من دعمها فهو زولنا وفي جبهة الإصدقاء
كل من أنتقص من حقوق السودانيين في حياة كريمة فهو عدونا
السلام
كل من بارك وشارك في أن يعم السلام ربوع البلاد
فهو من قوي الثورة
كل من شجع علي العنف والفوضي فهو عدونا
المجلس التشريعي
كل من عمل علي قيام مجلس تشريعي يراقب السلطة التنفيدية
ويكون ممثلا إن لم يك لكل قوي الشعب يمثل غالبها
دا زولنا
كل من يعاكس قيام التشريعي عدو
حتي لو كان في الحرية والتغيير
الديمقراطية
كل الأحزاب التي تعيد بناء نفسها في ديمقراطية حقيقية
ومؤتمرات ينتخب لها المشاركين من قبل القواعد
ديل ناسنا الذين يبنون مستقبل ا لبلاد علي اسس متينة
العمل النقاب
كل من يعمل علي عودة نقابات ديمقراطية حقيقية
تمثل القطاعات المختلفة تمثيلا حقيقيا
فهو في جبهة الاصدقاء
وهكذا
فالقضايا كثيرة
وقد أستبان خيطها الأبيض من الأسود
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: muntasir)
|
يا منتصر
| Quote: يا نصر سيظل قوش هو قوش ولو أنزل لنا المن والسلوى |
لو قاصد قوش رئيس جهاز الأمن والذي عذب وسجن وقتل كثير من المناضلين المعارضي للبشير
ما عندي مشكلة أين ولا كيف سيظل
فأنا لا أطالبك أن تشطبته من خانة "الشيطان" وتخته في خانة "البطل "
لكن أنا شخصيا لو لاقيته لشكرته لحقن دماء السودانيين في ذلك اليوم
(بما فيهم دمي أنا شخصيا فقد كنت هناك في ذلك اليوم)
نقول أن قوش حقن دماء الآلاف من السودانيين
برفضه فض الإعتصام بالقوة في السادس من أبريل 2019
بل وعمل علي إزاحة الديكتاتور من السلطة
يقولوا ليك برضو منحط وتافهة و"شيطان"
طيب والعسكر الذين فضوا الإعتصام بالقوة قييل العيد
وقتلوا آلاف من الشباب
واغتصبوا الكندكات في أمام بوابات القوات المسلحة
وما زالوا في السلطة !!!
يقولوا أصبروا شوية لسه ما قلنا فيهم رأي !!!!!
(عشان ما تفهموني غلط هدا كما هو واضح حوار تخيلي ولم يقل به احد هنا)
الطلعت بيهو من البوست
والذي كان موضوعه الجكومي وتشعب كثيرا بعدها
لم يجادل أحد ولا حتي مبتدر البوست
في أن للجكومي دور في إسقاط البشير
ولكن سمعنا رأيا سلبيا عن سلوك الجكومي
وفهمه
دي ما مشكلة
عندنا رأي سلبي في كثير من القادة والسياسيين
ودي فضيلة الحرية والديمقراطية
تقول رأيك في أجعص جعيص وتمشي تنوم دون أن يرتادك هاجس :
يا ربي أولاد الحرام ديل حيجوني نص الليل يسوقوني لمكاتب الأمن !!!!
جل ما أتمناه أن يتصدي مؤرخونا الشباب لكتابة تاريخ ثورة ديمسبر
ومن الآن والشهود جلهم أحياء
الثورة أكبر من كل الأفراد الذين شاركوا فيها
ما أظن حيجينا شخص بشهادة بحث بملكية الثورة في يوم من الأيام
ومع ذلك لا نريد أن نغمط أحدا حقا
ساهم ولو بخردلة في إسقاط الديكتاتورية
سيكون ذلك ظلم لا يشبه ثورتنا ولا شعاراتها
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
يا مرحبا...نصر
ربما لا نختلف فى جوهر الفكره من جهه التأربخ وما سيكتب لاحقا
لكن التوقيت هنا قاتل لنشر احداث إنتقائية يسوقها الاعداء ومرتزقتهم كمواقف مشرفه فى سجل خال من الشرف ... ليس مفسدا للتناغم النضالى بل يمد طوق نجاه يلتقطه مرتزقه حميدتى وقوش فى فرع الاعلام ليصنعوا منه امجاد تمهد للرجلين استمراريه مأموله
مافعله قوش ليس حبا فى الشعب يجب ان نتفق على هذه لتضح الصوره وبعدها ليكتب التاريخ ان قوش كان ضد فض الاعتصام ليكسب حلفاء فى صف المدنيين فى معركه طويله النفس ضد اخوانه فى معسكر الحكم بهذا التوضيح سيتضاءل احساس الامتنان تجاه شخص دموى يستخدم ذكاء شرير ليطوع الاحداث لمصلحته
شعورى الشخصى ان قوش إنتهازى كان يتعشم ان يلعب دور ما بعد الثوره وهناك تحليل اخر احتفظ به حتى لانفتح مجال لتأويلات وتخمينات لاحوجه لها
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Abdelrahim Mohmed Salih)
|
يا عبد الرحيم
اصلا ما فايتة علي محاولات تسويق قوش أو حميدتي
كرؤساء محتملين للسودان
والحكاية دي ما غريبة
ومتوقعة في بلد زي السودان وفي مثل هذه الظروف
حميدتي مثله مثل قوش له قدر مهول من المال
والحنكة والذكاء
(وحميدتي له جيشه كمان )
ما يجعل طموحاتهم لإعتلاء كرسي السلطة
مفهومة
يملك قوش بالإضافة للمال والذكاء حصيلة من المعلومات
عن الناس والتنظيمات السياسية والحاصل في السودان عموما
ويقال أنه علي علاقة وثيقة بالمخابرات المصرية
وهي تريد أن تستخدمه في الوقت المناسب
ويبدو لي أن إحتكاك قوش المباشر بقيادات الحركة الإسلامية
قد أبان له كمية العوار فيهم
وعرف كم يفوقهم جميعا في الحنكة والمعرفة بالسياسة والقدرة علي التآمر
وأنا لا أستبعد أن رفضه مهاجمة المعتصمين
كان في الغالب لأسباب تخصه شخصيا
وأعتقد أنه ثأر لنفسه من البشير
فقد أعتقل وضرب وأهين وحرم من التدخين
وهو مدخن مدمن كما يشاع
(ربما كان إعتقاله ذاك رحمة من المولي للشعب السوداني)
عشان كدا الثوار لازم يفتحوا عيونهم كويس
ويتوحدوا شديد
لأن زي ما واضح الطامعين في السلطة كتر
وخطيرين
عندهم إمكانيات مالية وذكاء وحنكة تأهلهم لمثل هذه المطامع
متي ما إستيقظنا لقدرات الناس ديل
بما بتجينا عوجة
أما أن نقضي وقتنا في المناكفات والمفاققة
(كتلك التي تحدث هنا بين الشيوعيين والإتحاديين علي سبيل المثال)
فالإنتكاسة قادمة
وتوقعوا أن يحكمكم حميدتي ولا قوش ولا برهان ولا الكباشي
ولا أي عسكري مغامر وطموح
| |
|
|
|
|
|
|
|
|
|
Re: حميدتي :محمد سيد احمد الجاكومي لعب دورا كب (Re: Nasr)
|
Quote: وتوقعوا أن يحكمكم حميدتي ولا قوش ولا برهان ولا الكباشي
ولا أي عسكري مغامر وطموح |
سلام يا نصر
بعض التقديرات تقول أن عدد المعتصمين في ميدان القيادة في ليلة 11 أبريل قد بلغ اربغة ملايين بينما تقول تقديرات أخرى أنه وصل الستة ملايين.
أضافة لملايين أخرى من المتظاهرين في أقاليم السودان المختلفة.
نظام الثلاثين من يونيو أسقطته ثورة بمسيرة طوبلة بدأت مع بداية النظام نفسه وفي خلالها بذل العديد من الثوار ارواحهم أذكاءً لجذوة الثورة، أعتقل الآلاف وتم تعذيبهم في بيوت الأشباح،
تم تشريد الملايين بسبب نشاطهم ضد النظام.
تغيير النظام جاء بعد تضجيات كبيرة وكثيرة ساهم فيها ربما أكثر من ثلاثا الشعب السوداني.
لذلك لا أحد ينكر مساهمة أي فرد آخر في إسقاط النظام
ولكن أيضاً لا أحد يستطيع أن يَمُن على الشعب السوداني بما قدمه من عطاء في درب ثورة أنجزتها مساهمات وتضحيات الملايين.
موضوع البوست هو مقولة حميدتي بأن محمد سيد احمد الجاكومي لعب دورا كبيرا في إسقاط البشير.
وهو قول لا يهذف لتوثيق معلومة تأريخة بل هو قول هذفه تسويق الجكومي لكي يتال نصيباً من القسمة الضيزى.
وهي نفس القسمة التي يحكمنا بها البرهان وحميدتي الآن بدعوى أنهم شركاء في الثورة بما لعبوه من دور كبير في إسقاط البشير.
| |
|
|
|
|
|
|
| |
خالد صهيبة
محمد البشرى الخضر
Nasr
عبدالعظيم عثمان
نصر الدين عشر
Hafiz Bashir
Mahjob Abdalla
نعمات عماد
Abdelrahim Mohmed Salih
Mohammed Alhasan Mohammed
فيس بوك
تويتر
انستقرام
يوتيوب
بنتيريست