|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: حميتي في الطريق ليكون ملك للسودان (Re: بكرى ابوبكر)
|
ما دام وقف مع المعلمين هذا يعني انه وصل الى نصف الطريق ليكون ملكا للسودان
وفضل ليه يقيف مع الاطباء والممرضين وعمال وعاملات وزارة الصحة عشان يكمل
النصف الثاني ليصبح الملك ..لانه عرف من اين تؤكل الكتف ....عرف ان عماد اي دولة
هو التعليم والصحة ....واذا وفر التعليم والصحة فسوف بتوفر كل شئ بعد ذلك ...
...الزول ده ما قاعد في الواطة ....
| |
 
|
|
|
|
|
|
|
|
Re: حميتي في الطريق ليكون ملك للسودان (Re: Biraima M Adam)
|
بكرى ابوبكر والعبار بريمة بلل
زحو مني
انا اعش هذه الايام علاقة
حب مع واحدة شبه غرابية
وشبه شرقاوية وشبه نوباوية
وشبه عربية جزيرة وشبه دنقلاوية
بس هى صعبت الامر قالت عشان نقعد
ونتزوح تجينى في كاودا
اطلب مشورتكم يا اصدقاء السؤ
| |
|
|
|
|
|
|
|
|
Re: حميتي في الطريق ليكون ملك للسودان (Re: بكرى ابوبكر)
|
Quote: بس هى صعبت الامر قالت عشان نقعد
ونتزوح تجينى في كاودا
اطلب مشورتكم يا اصدقاء السؤ |
أوعاك من كاودا .. كل المدينة في رأس جبل أكثر من 3000 قدم فوق سطح البحر ..
ومدخل المدينة مثل طريق بورتسودان قبل فتح طريق الشرق ..
أنا دخلت كاودا .. في عام 1983م قبل دخوات قوات القائد يوسف كوه مكي وعمل المنطقة قاعدة عسكرية ..
في العمر الذي نحن فيه إلا تركب حمار .. حتى تصل المدينة.
وبعدين "البيولوجي" .. له أحكام .. ركبتي حييع .. وضهري حييع .. وحاجات تانية حامياني! أنسي قصة عرس!
بريمة
| |
|
|
|
|
|
|
|
|
|
Re: حميتي في الطريق ليكون ملك للسودان (Re: بدر الدين الأمير)
|
Quote: شخصيا:
لو حميتي بقي ملك حا اعمل لي حركة مسلحة...يعني هناي احسن مني في شنو؟ |
تصدق لا تحتاج .. لن يصير حميدتي ملك أو حتي رئيس .. هو لا يطمح في لذلك ..
لسبب بسيط .. كل ما يعمل فيه حميدتي هو ضبط ميزان القوي ما بين الجيش والحركات .. فهو يحاول يرجح كفة القوات النظامية علي الحركات المسلحة ..
وحينما نصل لحكومة منتخبة .. ويحكم الجيش والقوات النظامية قبضتها علي مساءل الأمن .. ح يتخلي القائد عن كل شيئ ويعيش في قصوره وعلي مجده الذي بناه بشقائه.
كل ما في الأمر ..
بريمة
| |
|
|
|
|
|
|
|
|
|
Re: حميتي في الطريق ليكون ملك للسودان (Re: Biraima M Adam)
|
صاحبي بريمة
غايتو حميتي عامل عمايل في الاعلام مجند جيش ضخم من (...) تصدق قبل فترة ضموني في قروبين حميتي لجائرة نوبل و الاخر اسمو حميتي صانع السلام،معظمو من الصحفين و خلافه ...ما عارف ليه انت ما معاهم......واصل هنا بصلوك و بصلك ابو صلعة.......ههههههه
يا حبيب في قائد وصل حتة ما كان بحلم بيها تخلي عنها.....
حتي صديقي الثوري بيجو اصبح من اولاد حميتي و تفتح له صالة كبار الزوار.........
المهم
القروش لا تصنع الملوك....التعليم يصنع الملوك ...Bill Gates and Elon Musk صنعا مملكتهم بالتعليم....وليست بالنهب و البلطجة
| |
|
|
|
|
|
|
|
|
|
Re: حميتي في الطريق ليكون ملك للسودان (Re: بكرى ابوبكر)
|
يا بكري،
البيئة التى أنجبت حميدتي .. ومن قبله نحن .. بيئة فيها تحديات وجودية .. وضاعف من معاناتنا ضعف التنمية والتعليم ..
  
حسي لو الدولة ساعدتنا في تعليم مثل هؤلاء الجميلات .. ما كان الشعب السوداني يلهث خلف العرب ..
نحن بحكم خلاسيتنا نحن أجمل من العرب العاربة في جزيرتهم ..
ساعدونا بالأمن .. والتنمية .. ح تلقوا شاشات التلفيزيون القومي كله بنات بقارة ..
نحن نمثل Africa beauty ..
بالجد .. الحروب أخرت السودان سنين ضوئية ..
بريمة
| |
|
|
|
|
|
|
|
|
|
Re: حميتي في الطريق ليكون ملك للسودان (Re: Biraima M Adam)
|
رحم الله سيدي الامام القال:
أكلوا توركم وأدوا زولكم.
مبروك للمعلمين الحافز، يستاهلوه هم احق الفئات به، البعض تنمر عليهم واساء لهم ووصفهم بخيانة دم الشهيد احمد الخير.
المهم حميدتي دي ما اول مرة، زمان قبل توقيع الوثيقة عمل حملة شبيهة ولف على عدة جهات ومنح مرتبات تلاتة شهور منها الشرطة و منها الطيران المدني وغيرها ولم يصل لمبتغاه ولن يفعل بإذن الله.
| |
|
|
|
|
|
|
|
|
|
Re: حميتي في الطريق ليكون ملك للسودان (Re: Biraima M Adam)
|
| Quote: واصل هنا بصلوك و بصلك ابو صلعة.......ههههههه |
ليس لدي أي طموح شخصي في أي سلطة .. والله العظيم.
كل ما أفعله .. advocating أهل الهامش الذين عشت معاناتهم ..
بعد 17 عام في الغرب .. ورجعت السودان .. وذهبت عشت 26 يوم في مناطق الرعاة ..
وجدت نفس الحال الذي تركته ..
نفس الأكل والوجبات ..
رحل الناس من قراهم .. ومستقرين في مناطق ليس بها مدارس ولا شفخانات ولا أي نوع من الاسواق ..
أحصيت في قرية صغيرة 45 طفل في سن المدرسة .. ولم يدخل فيهم أحد المدرسة.
الغريبة راجعت معهم أهلنا في تلك القرية الذين توفوا في غيابي .. وأسباب الوفيات .. وإن كان ذهبوا بهم للمستشفي؟!
لا تصدقوا ..!!
كل الذين توفوا كان علاجهم بلدي .. إما أعشاب أو فقراء ..
الأمراض تراوحت بين الملاريا الخبيثة ..
الفشل الكلوي
إلتهاب الكبد الوبائي
اليرقان bile
وضغط الدم
وكذلك مضاعفات الولادة بالحبل ..
الطهور يتم بالموس وبدون بنج!
الناس الشايفنهم جوكم في الخرطوم .. أبناء تلك المناطق .. ضاق بهم الحال ..
وخرجوا لا يلوون علي شيئ .. أما يحيوا حياة كريمة أو يموتوا أفضل لهم ..
بريمة
..
| |
|
|
|
|
|
|
|
|
|
Re: حميتي في الطريق ليكون ملك للسودان (Re: Biraima M Adam)
|
محمد البشرى
حميدتي حيصل لمبتغاه بالمال والاغراء بالمال ،،،وشوف براك المعلمين بعد ما اخدوا
الحافز المالي بقوا يشكروهو كيفن ..وطبعا المعلمين ليهم تاثير كبير على تلاميذهم وهم
ممكن يروجوا لحميدتي في وسط تلاميذهم وشوية شوية حتلقاه ملك السودان.
وتروي كتب التاريخ ان الخليفة الاموي عبد الملك بن مروان كان يشتري الولاءات بالمال والاغراء
بالمال ...على عكس واليه في العراق الحجاج بن يوسف الذي يستخدم القتل والشدة في ازاحة الخصوم
وكان الخليفة عبد الملك بن مروان يصل الى مبتغاه بالمال بينما فشل الحجاج الذي كسب عداوة الكل
وتمرد عليه الكثيرون،،،
| |
|
|
|
|
|
|
|
|
|
Re: حميتي في الطريق ليكون ملك للسودان (Re: Biraima M Adam)
|
سلام بكرى ابو بكر
سيد الحوش
حبوبتنا الله يرحمها و يغفر لها .. و يبشبش الطوبة تحت رأسها .. قالت إن الملوك إذا دخلوا قرية جعلوا أعزة أهلها إزالة و كذالك يفعلون .. بريمة دا اول واحد يدقوا ليهو القيد فى رقبتوا .. ولكن الاشياء التى تظهر فجأة بدون سابق انذار تختفى فجاءه .. مسألة زمن لاغير .. فتكم بعافية .
| |
|
|
|
|
|
|
|
|
|
Re: حميتي في الطريق ليكون ملك للسودان (Re: أيمن نواى على)
|
| Quote: بريمة دا اول واحد يدقوا ليهو القيد فى رقبتوا .. |
ول خوالي أيمن نواي
والله الذي يدق قيد أو ساجورة في رقاب الناس بعد اليوم .. لم تلده أمه بعد.
كل الحاصل تحدي في التنمية ..
وفي حقيقة الأمر التحدي في كيفية إدارة موارد الدولة ..
ودا الصراع سواء في الشرق أو الشمال وفي دارفور ..
أهل الجبال هم الوحيدين في محاولة أثبات ذات .. (التراث النوباوي، أرض النوبة .. ووو) .. مربع للحرب دا تركناه خلفنا ..
تحدي خاسر .. بسبب أن الشعب السوداني بدأ يتقبل بعضه البعض ..
بريمة
| |
|
|
|
|
|
|
|
|
|
Re: حميتي في الطريق ليكون ملك للسودان (Re: Biraima M Adam)
|
لو القروش بتبقى الزول ملك كان عملا
أخونا في الدنيا اسامة داؤود ومنو ومنو
من الناس المقندلين ديل .. طبعا اكيد ما كان
بغلبم أبدا يوزعوا ناسم بالقرى وكل قرية يبنوا
فيها مدرسة ومستشفى وفرن آلي وميدان كورة
ويلتزموا برواتب المعلمين والأطباء وعمال الفرن
ومدربين الكورة..
ياخ خليهم ديل عندي بلدياتي متكفل بفريق الكورة في الحلة شورتات
وفنلات وكور وشباك وحافلة ترحيل ومديدة تمر
ومديدة حلبة وبدل تمرين وبدل رباط صليبي وبدل
قون فوز وبدل قون تعادل، وبدل أية حاجة في الكورة دي
عمل الفريق ولا برشلونة ، وفي النهاية مرة جاء في اجازة مشى
قال يتمرن معاهم شوية قالوا ليهو يا زول شوف شغلك
اتا زول عجوز بل وطلبوا منو يتخارج عشان دا تمرين مغلق
للمباراة الجاية والكوتش مانع حضور الجمهور
زولك براحة انسحب وسمع أضاني دي وهو راجع قاعد
يغنى ظلموني الكانوا حبايب خخخخخ
قروش شنو البتخلي زول ملك بلد كاملة ؟؟ وهي ملك
فريق كورة في قرية صغيرة ما خلتو ؟
| |
|
|
|
|
|
|
|
|
|
Re: حميتي في الطريق ليكون ملك للسودان (Re: adil amin)
|
انا شايف حميدتي لا داير يبقى رئيس أو ملك وكمان اتخيل لي
بيكره السياسة.
مشكلتو واحدة و دي سبب الجوطة دي كلها , حكاية دمج القوات و الهيكلة.
ببساطة عايز قواته تكون مستقلة و هو و اخوه على رأسها و شركاتهم بتاعة
الدهب شغالة و بس وما يعملوا ليهو هيديك.
معقول زول عمل ليهو مشروع زي دا يقوم يسلموا ساي كدا.
دي كل المشكلة الناس تشوف ليها حل
| |
|
|
|
|
|
|
|
|
|
Re: حميتي في الطريق ليكون ملك للسودان (Re: منتصر عبد الباسط)
|
ول ابا Nassir Amin
سلام ..
Quote: انا شايف حميدتي لا داير يبقى رئيس أو ملك وكمان اتخيل لي
بيكره السياسة.
مشكلتو واحدة و دي سبب الجوطة دي كلها , حكاية دمج القوات و الهيكلة.
ببساطة عايز قواته تكون مستقلة و هو و اخوه على رأسها و شركاتهم بتاعة
الدهب شغالة و بس وما يعملوا ليهو هيديك.
معقول زول عمل ليهو مشروع زي دا يقوم يسلموا ساي كدا.
دي كل المشكلة الناس تشوف ليها حل |
الهيديك .. أو وجع الرأس .. جايبنه ناس قحت .. وإذيالهم!
الدعم السريع مصدر من مصادر القوة للسودان أجمع ..
والسودان لا يمكن أن يفت عضده بيده .. وأي تشتيت لهذه القوة أو إضعافها في صالح أعداء السودان ..
من الحكمة أن لا يكون الصراع حول هذه القوات سواء في منظومتها الحالية أو قياداتها .. لأنها أثبتت فاعليتها .. وبالتالي الحفاظ عليها حفاظ علي قوة السودان ..
الحل في بحث طموحات القائمين عليها .. ومحاولة جعلها طموحات مشروعة ..
نفس الوصفة هى التي تجعلنى أقف مع الناظر ترك .. وهى أن طموحات أي أبن من أبناء الشعب السوداني طموحات مشروعة ..
وكل اللعبة في كيفية تحويلها إلي طموحات تصب في مصلحة الوطن ..
بس علينا أن نقنع أنفسنا جميعاً .. بأن ليس هناك أحد منا تعلو طموحاته فوق طموحات الأخرين ..
نخت كل الطموحات في طاولة الشعب السوداني .. برنامج أنتخابي واضح المعالم ..
ومن يختاره الشعب يكون هو قائد الأمة السودانية .. ويحاول أن يحقق لها طموحها ..
ولا شنو يا أخوي!
بريمة
| |
|
|
|
|
|
|
|
|
|
Re: حميتي في الطريق ليكون ملك للسودان (Re: بكرى ابوبكر)
|
سلام سيد الحوش بكري البوس وضيوفك الكرام
طبعا قبل أيام قام وفد سوداني بزيارة تل أبيب برئاسة صاحب السمو الأمير
عبد الرحيم دقللو شقيق حضرة صاحب السمو الملك حميدتي حفظه الله
ونحن في إنتظار بيانات وخطب يوم غدٍ الجمعة من علي منابر مساجد المملكة
ونرجو الله أن يوفق علمائنا وشيوخنا الأجلاء في قول الحق المبين وأن لا يخافوا
لومة لائم كما عودونا دائما وأبدا والوقوف ضد العدو حتي تحرير القدس الشريف.
تري من من هؤلاء يستطيع قول الحق؟
| |
|
|
|
|
|
|
|
|
|
Re: حميتي في الطريق ليكون ملك للسودان (Re: بكرى ابوبكر)
|
| Quote: ول أبا محمد قاضي .. أربأ بنفسك من المديدة حرقتني ! |
ول آبا بريمة خليك من أربأت نفسي الأمارة بالسوء 😅 وأطلع مع شيوخنا الأجلاء
ديل في نفس المنبر وورينا رأيك السديد وقولك الحق في الزيارة التي قام بها سمو
الأمير عبد الرحيم دقللو إلي دولة العدو 🤔 وبمباركة صاحب السمو الملك حميدتي 😅
ولا تنسي أن تستصحب معاك موقفك القديم من مجلس الصداقة الشعبية السودانية
الإسرائيلية التي سعت المناضلة تراجي تكوينها وما فلحت 😄
| |
|
|
|
|
|
|
|
|
|
Re: حميتي في الطريق ليكون ملك للسودان (Re: محمد محمد قاضي)
|
يا محمد القاضي يا عزيز
لا تنتظر فتاوى ضد السلطان من متشيخي هذا الزمان
البغيض..
لو قام (الريس ) ود الفكي أو مالك عقار بزيارة لأسرائيل
لشبعت من الفتاوى المنجورة ولتصدع رأسك بالكواريك
والشعارات الحنجورية الكذابة.
...............
الله يلعن كل منافق عارض ديننا الحنيف في
فترينات البيع والشراء.
| |
|
|
|
|
|
|
|
|
|
Re: حميتي في الطريق ليكون ملك للسودان (Re: بكرى ابوبكر)
|
((لخطوة الملعونة التي قام بها البرهان
في اتجاه التطبيع مع اسرائيل باركوها قحاطة
السجم اجمعين الا المرحوم الصادق المهدي
ولولا ذلك لما مضت للأمام
هسع الجلبة والكضب لزومو شنو؟!))
-----------------------------------------------------
افو افو.... تكضب يا منتصر وتقول الكضب لزومو شنو؟؟؟
| |
|
|
|
|
|
|
| |
بكرى ابوبكر
بدر الدين الأمير
بسمات الشيخ
Biraima M Adam
محمد البشرى الخضر
أيمن نواى على
adil amin
Nasser Amin
منتصر عبد الباسط
محمد محمد قاضي
Hassan Farah
فيس بوك
تويتر
انستقرام
يوتيوب
بنتيريست