الحملة عملت مسح شامل يشمل امبده ودارالسلامات للحد من ظاهرة سرقة الحمير واستقلالها في مشاوي الاقاشي بالشطة . ههههها في لمة الناس لحظة القبض على متهم . وفي النقاشات واحد قاليم السرقة حرام ولحم الحمير حرام . نطة واحد قالو : أنت متفلسف ساكت . منو القاليك خرامممممم.
09-21-2022, 12:20 PM
Amira Hussien
Amira Hussien
تاريخ التسجيل: 11-26-2016
مجموع المشاركات: 1716
الاكلة جات من نيجيريا وانتشرت في الأول في منطقة سنار . وبعدها أصبحت في عموم السودان . لكن حكاية التلاعب في نوعية اللحوم دي جديدة . وكتير من الناس الآن ابتعدوا عن الاقاشي.
09-21-2022, 03:51 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
اخونا عارف سلام كنت قايل حكاية يقبضوليهم متهمين ومعاهم في المكان كم ضنب حمار وكم رأس دحش. كنت قايل عشاق الاقاشي حيقوموا بحملة مقاطعة الاقاشي. لكن يا أخ عارف حصل العكس. يعني زي في طلب زيادة على البتاع.
09-22-2022, 07:43 PM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
شخصيا حاولت كم تجربة اكل الاقاشي ولكن لم اوفق بسبب رفض مرافقي في الغالب وبيقول لي دي اكلها ما نافعة .. في السعودية في اكلة شبيه ليها اسمها سيريه.. بكسر السين .. سالت منها مرة واحد من اولاد ام روابة قال لي دي نفس الاقاشي .. قلت ليه انت قايلني انا حصل جربت اقاشي،، . .. مشكلة السودان انه حتى الفول المصري دا بقى ما عنده طعم بسبب استيراده من الهند.. فول لا طعم ولا لون ولا رائحة له .. تقول داير فول ب ٢٠٠ يملا ليك الجك لي عينو .. في منتصف التمانينات كان في فول في معهد المواصلات السلكية واللاسلكية فول لا حصل لا بقى ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة