|
|
|
 Re: حمدوك يكذب ويدعي الكذب.. (Re: Mutasim Idris)
|
بهدؤ يحسد عليه قام حمدوك بالدخول في حلف البحر الاحمر
ووقع اتفاقية الدفاع في الرياض بوزيرة الخارجية الوزيرة
اسماء. وبكدا سلم السودان للعمالة الاماراتية..
كذب حمدوك علي الملأ برفضه للتطبيع واصدر خطاب من
مكتبه بعدم التفويض ورجع (اكل كلامه) في محادثته
الاخيرة مع الكفيل الكبير دونالد ترامب.
| |
 
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
في اول (تغريدة) لقزم الثورة بعد التطبيع مع الدولة العبرية
وبتدليس وكذب يحسد عليه ضخّم من توقيع ترامب علي
القرار التنفيذي (مافي عقوبات رفعت) وبتدليس عجيب زكر
السيد الوزير الكبير ان (رفع العقوبات) حتعود علي البلد
بمنافع كبيرة منها شطب الديون من الدول المدينة!!!
يعني عقوبات ما اترفعت لسسسسسسسسة فيها جكات
في الكونغرس وديون حقت (دول) ما امريكا براها والسيد
الوزير يكذب بالرفع والشطب..
وضاعة لبضاعة ردت عليه..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: نادر الفضلى)
|
Quote: بمنافع كبيرة منها شطب الديون من الدول المدينة!!)
وتعريف الدولة المدنية شنو؟
الآن العسكر مشاركين فى الحكم ، ـ جزء من الدولة
يعنى لسة سنوات |
اتخيل!! قال كدا في التويتة بتاعته.. ح اجيبها هسي.
سلام يا نادر.
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
يلا نجي لرفع العقوبات زااااتها في عضمها ان تمت..
البسيط طبعا عارف انه ما في ااااي عقوبات تم رفعها وكل
اللي حصل هو قرار تنفيذي من ترامب قبل اسبوع تم فيه
(يوم غرد ولة ما غرد) التغريد بوعد الرفع وطالب فيه دفع
مبلغ التعويضات حااااااالا..
حتي قروش التعويضات للاسر الامريكية ما معروفة جات
من وين (المكلفتة) للمالية قالت كلام وبتاع الالية الاقتصادية
السيد فريق الخلا قال كلام وحمدوك هيمسلف قال برضو..
اندفعت القروش ووصلت والبيت الابيض قدم خطاب للكونغرس
(لمناقشة امر رفع العقوبات).. يعني ما في رفع تم..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
اعضاء الكونغرس في رووووحهم دي اليومين دي في تولا..
الانتخابات علي الابواب واحتمالية فقدان الجمهوريين لمقاعد
كبير جدا.. وفي حالة فوز الديمقراط بمقاعد الكونغرس فااا
دا قصة طوييييلة خاصة بايدن ح يكون في البيت الابيض
وعشان ما ننسي انه (توقيعاتنا) بتاعة الاخ النصري ايام
المظاهرات والمواكب ومناهضة الانقاذ (100000) توقيع انه
(الدعم السريع) منظمة ارهابية لسسة قااااعدة في درج
الرئاسة.. وحميدتي متناغم مع العسكر المتناغمين مع
السيد رئيس الوزراء..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
سلام معتصم و الزملاء
اعتقد يا نادر المقصود الدول المدينة - الديّانة - مش المدنيااااو
يا معتصم Quote: وكل
اللي حصل هو قرار تنفيذي من ترامب قبل اسبوع تم فيه
(يوم غرد ولة ما غرد) التغريد بوعد الرفع وطالب فيه دفع
مبلغ التعويضات حااااااالا.. |
مالك عايز تقلق بينا, الناس دي قبلت التطبيع المفروض و البلجطة على مضض بسبب رفع العقوبات و الانعتاق المنتظر, مالك لكنتها!
ومعقول بعد الكلام الرسمي من الادارة الامريكية يقولوا كانت معاكم الكاميرا الخفية!! ما ممكن طبعا
| |
|
|
|
|
|
|
|
|
Re: حمدوك يكذب ويدعي الكذب.. (Re: محمد البشرى الخضر)
|
ود البشري سلام..
فعلا ما في عقوبات اترفعت.. الكونغرس هو من وضعها وهو
فقط من يرفعها.. ترامب طلب من الكونغرس برفعها بخطاب
البيت الابيض من يومين ( Official) ما تغريدة يومداك..
الكونغرس ما ح يجتمع للنظر في اي حاجة قبل الانتخابات.
بعد الانتخابات لو اتغير الكونغرس وفازوا الديمقراط بالاغلبية
فااااا اطمنك الا العساكر يمشوا..
ولو حافظ الجمهوريين علي مقاعدهم يبقي الاحتمال وارد لوو
طبعا الجماعة اياهم دفعوا في اتجاه رفع العقوبات..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
جيب النجيضة يا معتصم.. خلى كلامك واضح.. اسف. غير مفهوم.
عاوز تقول شنة بالضبط؟ حمدوك طبع مع إسرائيل والقرار دا تأخر من عام 1967 (أحسب المدة براك)
عبدالناصر ساق العرب من هزيمة الى هزيمة نكراء، لأنه كان يتلقى الأوامر من السوفييت (عميل السوفييت). ولما الشهيد السادات خطط للعبور أول شئ عمله طرد (الخبراء السوفييت) لأنهم
كانوا جواسيس حتى لا تقوى مصر وتنتصر و تفشل مخططات السوفييت للإنتشار فى الشرق الأوسط. السادات حتى لم يخبر الأمريكان لأنه لم يضمن عدم بيعهم له للسوفييت، والرئيس نكسون
قال لو طلب منا أى شئ نظير طرد السوفييت لأعطيناه. رحم الله الشهيد أنور السادات. حركة التطبيع نوقشت حتى فى برلمان الإنقاذ وقبله والزعماء السياسيين من كل الأحزاب لم تكن لديهم
نية الإعتراض. حزب البعث غير محسوب لأنه يعتبر السودان محلية تابعة لدولة عربية رئاستها فى بغداد أو سوريا.. (إدارة القطر السودانى).. وهو حزب مثل الأممية الدولية التى كانت من الكرملين.
الغريبة اليومين ديل كل واحد صار يتحدث بإسم الشعب السودانى!! الشعب ضد التطبيع.. الشعب لا يريد علاقات مع الدولة الصهيونية.. الخ. من أعطاهم الحق فى التحدث بإسم الشعب السودانى. ؟
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Abureesh)
|
الاستاذ ابوالريش تحياتي..
النجيضة هي دغمسة حمدوك وكذبه عند زيارة بومبيو لما
قال ما عندنا (تفويض) للتطبيع.. ورجع وبلع كلامه وطبّع
وحاول (يتجمل) ويخفف من حدة الصدمة بانه في سبيل
رفع العقوبات لازم يمر ببوابة التطبيع اولا..
الدغمسة في انه العقوبات احتمال ما تترفع حسب لونية
الكونغرس بعد عودته من الانتخابات..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
حبيبنا معتصم .. تحياتي ..
يقال أن الوضوح والرأي المباشر لا يعتبر من الاشياء المطلوبة في ممارسة السياسة
المهم أن لا تعطي الخصم كل شيء بوضوح .. لا بد من بعض غموض للتبرير عند أي
عقبة .. وكذلك ايجاد مساحة للمناورة وخط الرجعة ..
واحدة من أهم مشاكل المخلوع هو اظهار موقفه للخصم بكل وضوح .. هنا يكون الوضع في صالح الخصم
يجهز كل ادواته للرد ..
تقريباً هي واحدة من مشاكل الترامب الخطاب المباشر الواضح .. لأن الكذب ولف ودوران من أدوات السياسة
وهناك مقولة تنسب لشارل ديقول ( السياسة لعبة قذرة أذا لم تستطع ممارستها إلتزم بالكنيسة )
تحياتي الحبيب معتصم .. لنصبر قليلاً لنرى ما سوف تؤول اليه الامور ..
يا رب تفرجها على أهلنا الكادحين .. هناك معاناة شديدة ربنا يفرجها
| |
|
|
|
|
|
|
|
|
|
Re: حمدوك يكذب ويدعي الكذب.. (Re: علي عبدالوهاب عثمان)
|
Engel Statement on Delisting Sudan as a State Sponsor of Terrorism
October 26, 2020
Washington—Representative Eliot L. Engel, Chairman of the House Committee on Foreign Affairs, today released the following statement on the decision for the United States to formally rescind Sudan’s designation as a State Sponsor of Terrorism:
“I welcome the Administration’s notification to Congress, which was transmitted today, that it intends to remove Sudan from the State Sponsor of Terrorism List. This historic development ends a dark chapter in U.S.-Sudan relations, and opens up a new era in the bilateral relationship. To that end, I hope that the Sudan Democratic Transition, Accountability, and Fiscal Transparency Act, which passed the House as part of the Defense Authorization Act, makes it across the finish line and becomes law. I also hope a fair and equitable settlement is reached between the Government of Sudan and the previous regime’s victims of terrorism.”
Background:
The Sudan Democratic Transition, Accountability, and Fiscal Transparency Act provides robust support for the civilian-led transitional government by:
authorizing assistance for democratic governance, rule of law, and human rights, including support for free, fair, and credible elections;
authorizing support for development programs, including those focused on providing economic opportunities for youth and previously marginalized populations;
supporting long-term peace and stability in Sudan by authorizing support for conflict mitigation, including efforts to strengthen civilian oversight of the Sudanese security and intelligence services;
promoting accountability for war crimes, crimes against humanity, and genocide by authorizing support to build Sudan’s judicial capacity to pursue prosecutions in domestic or hybrid international courts;
supporting multilateral financing to respond to the COVID-19 pandemic and debt relief from international financial institutions provided that certain governance and fiscal transparency benchmarks are met;
advancing the effort to assist the Government of Sudan in recovering stolen assets; and
requiring the Administration to submit to Congress a strategy for supporting the civilian-led Government of Sudan during the transition period.
لي عودة..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
اتلمو الرجرجة مستكعين وحكامات حمدوك
طيب لو اصلو التطبيع كويس واسرائيل تمام
ليه اقالو الناطق باسم الخارجية حيدر بدوي
علي الاقل عنده فكر
وليه خلو الساقط مدني عباس مدني درويل المصريين في السودان حتي بعد فضيحة رسالة ابراهيم منعم منصور
حمدوك منافق وبقوم بي دور البرادعي بس في السودان ودي من الاساس ما ثورة
https://top4top.io/
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
وهنا مربط قزم الثورة واقصر هاماتها..
Quote:
requiring the Administration to submit to Congress a strategy for supporting the civilian-led Government of Sudan during the transition period.
|
الفقرة دي فيها كل شئ مفروض يتفهم..
فاز بايدن بالانتخابات والرئاسة علي حكومة (حمدوج) يفك
ارتباطه بالعسكر ويبني دولة مؤسسات ويكمل هياكل
السلطة ليمهد للتحول الديمقراطي والانتخابات..
ولو فاز ترامب حيفضل حمدوك في تناغمه وفي نموذجه
مع العسكر وح نضيع في رحم العمالة والارتزاق والتمحور
والدخول في حروب الوكالة (اثيوبيا فتحت)..
دي خياراتنا..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
ود البشري سلام..
Quote:
اها كدا الوضع كيف يا معتصم؟ |
الاجابة لقيتها هنا لكن بسؤال برضو يا محمد في صحيفة
الواشنطون بوست..
Quote: Sudan is the third Arab country in recent weeks to establish ties with Israel under U.S. auspices. But the conversation took a turn when Trump pivoted from the day’s diplomatic development to ask Netanyahu if “Sleepy Joe” — the president’s nickname for his Democratic rival Joe Biden — would have achieved a similar result.
Judging by Trump’s reaction, he may not have received the response he expected from Netanyahu, one of the president’s most fervent global allies, less than two weeks ahead of the presidential election.
“Do you think Sleepy Joe could have made this deal, Bibi, Sleepy Joe,” the president asked from his desk in the Oval Office. He inched forward to lean over the phone receiver. “Do you think he would have made this deal؟ Somehow I don’t thi |
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
من المتوقع تغيير كبير في السياسة الامريكية في المنطقة و
بالتالي الغاء قرارات تنفيذية لاتخدم توجهات الديمقراطيين
وقضاياهم.
طبعا بعد كلام السيد وزير خارجيتنا الموكل اللي قال فيه
(تم لي زراعنا) للتطبيع مقابل رفع العقوبات ح يكون ليه
رد فعل سلبي من حكومة بايدن..
الامنيات والاحلام ودفن الرؤوس في الرمال وتوقع نتائج
ايجابية حاجة وسياسة الدول والتحالفات وخدمة قضاياها
حاجة تاني..
تهنئة حمدوك لبايدن بالفوز كل حرف فيها يحمل طن
احباط واعتراف مغلف برغبة لن تحقق.
| |
|
|
|
|
|
|
|
|
|
Re: حمدوك يكذب ويدعي الكذب.. (Re: محمد البشرى الخضر)
|
من صفحة الصديق هشام عباس :
Quote: يوم الجمعة 11/ ديسمبر اى بعد عشرة ايام تنتهى فترة ال45 يوما المتاحة امام الكونغرس الامريكي للاعتراض على القرار التنفيذى الذى اصدره الرئيس الامريكي دونالد ترامب بخصوص رفع اسم السودان من قائمة الارهاب وتحصينه امام اى قضايا اخرى قد تنظر متسقبلا بهذا الخصوص .
ان لم يجتمع شمل مجلسي الشيوخ والنواب خلال العشرة ايام القادمة للاعتراض على هذا القرار يدخل القرار حيز التنفيذ رسميا وبشكل تلقائي دون الحوجة لاى اعلان او مرسوم اخر .
علما انه وحتى اللحظة ليس هناك اى جدولة لجلسات الكونغرس حتى تاريخ 3 يناير حينها ستعقد جلسة اداء اليمين الدستورية للنواب الجدد المنتخبين ثم الجلسة الثانية يوم 6 يناير لاعتماد نتائج الانتخابات الامريكية رسميا واعلان الفائز بمنصب الرئيس وهو الرئيس جو بايدن .
عشرة ايام فاصلة لواقع جديد باذن الله ونحمد الله انه لا توجد اى مؤشرات تعرقل هذه الخطوة وحينها نستطيع القول مبروك لسودان جديد ومبروك لشعب دفع الثمن سنوات من المعاناة والظلم لجريمة لم يكن طرفا فيها سوى ان اوباش سرقوا ارادته ثلاثين سنة وضيعوا حقوقه واماله ودمروا البلاد .
ملحوظة :
اعرف ان هذا المنشور سيجلب الكثير من صراخ المراكيب وهذا تحديدا ما قصدته
هشام عباس |
| |
|
|
|
|
|
|
|
|
|
Re: حمدوك يكذب ويدعي الكذب.. (Re: علاء سيداحمد)
|
شهرا عندنا فيه نفقة مفروووووض نعد ايامه.. مش؟ ههههههه.
ود البشري قال لحدي يوم 12/14 وهشام عباس قال 12/11.
غايتو الا اكون غلطان ومغالط سااااي لكن ترامب لم يصدر ااااي امر
تنفيذي بخصوص رفع العقوبات عن السودان.. اللهم غير طلب
(شهادة) منه للكونغرس لذات الغرض..
لو في زول عنده الامر التنفيذي دا يا ريت يكرمنا بيه.. فعلا في
حالة صدور امر تنفيذي علي الكونغرس الاعتراض او القبول في
مدة ال ٤٥ يوم..
دا الامر التنفيذي شكلا ولغة:
ودا (شهادة) حسن سير وسلوك.
ودا الطلب للجان الكونغرس.
ورد اللجنة فوووووق..
وللعاوز يقرأ الكلام دا كان امس..
يعني موضوع الحصانة ما اتفتح حتي و هم بالمناسبة بقيّموا شهداءهم جداااااااا
ما زي ناسنا.. شهدائنا ما معروف زااااتو الاغتالهم منو..
للعندو مزاج يقرأ ويعرف.
https://abcnews.go.com/Politics/bid-save-sudan-deal-state-dept-offers-compensate/story؟id=74588871https://abcnews.go.com/Politics/bid-save-sudan-deal-state-dept-offers-compensate/story؟id=74588871
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
الترابي الكضاب جاب البشير الكضاب الجاب اللجنة الامنية الكضابة
قحت الكضابة خدم المخابرات المصرية والخليجية جابت حمدوك المكضاب
وكلنا منتظرين بايدين ونقلي ليه سودانيين نظيفين من وين زي اللقاهم كتشنر في السودان زمان قبل الكرونا وعفن المشاريع المصرية
https://top4top.io/
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
كدي ادينا رايك في press release دا يا معتصم و تفسيره شنو على وضع السودان في القائمة
Quote: Statement from the Press Secretary on Sudan
FOREIGN POLICY
Issued on: October 23, 2020
SHARE:
ALL NEWS
President Donald J. Trump has informed Congress of his intent to formally rescind Sudan’s designation as a State Sponsor of Terrorism. This follows on Sudan’s recent agreement to resolve certain claims of United States victims of terror and their families. Yesterday, in fulfillment of that agreement, the transitional government of Sudan transferred $335 million into an escrow account for these victims and their families.
By finally serving justice for the American people, President Trump was able to achieve what previous presidents could not – the resolution of longstanding claims of victims of the East Africa embassy bombings, the attack on the USS Cole, and the murder of USAID employee John Granville. This is a significant achievement for the President and his Administration and brings a measure of closure to many to whom it has long been out of reach.
Today represents a momentous step forward in the United States-Sudan bilateral relationship and marks a pivotal turning point for Sudan, allowing for a new future of collaboration and support for its ongoing and historic democratic transition. We commend the transitional government of Sudan for its work to chart a new course and stand ready to support the people of Sudan as they work to build a better future for themselves and future generations. It is essential that Congress act now to pass the legislation required to ensure that the American people rapidly realize the full benefits of this policy breakthrough. |
formally rescind Sudan’s designation as a State Sponsor of Terrorism.
العبارة دي مش كفاية كإخطار رسمي للكونغرس و يحق للكونغرس الاعتراض عليها خلال الخمسة واربعين يوم؟
لكن برضو كويس فتحت الموضوع عشان الناس تفرق بين قرار الرفع من القائمة وبين تمرير الكونغرس لتشريع الحصانة السيادية. امس ولا اول امس الكونغرس اسقط تشريع يعارض بيع طائرات F35 للإمارات, فا بنفس الطريقة اتوقع - للأحرى اتمنى - ان يمرر الكونغرس بالاغلبية تشريع استعادة الحصانة على الرغم من معارصة سيناتوري ولايتي نيويورك و نيوجيرسي له لأنه داخل في الموضوع ضحايا السفارتين الجزء من صفقة نيلهم التعويضات هو تمرير تشريع الحصانة السيادية كذلك بعض الوكالات اوردت اخبار عن ضغوط اسرائيلية على النواب المعارضين!
| |
|
|
|
|
|
|
|
|
|
Re: حمدوك يكذب ويدعي الكذب.. (Re: محمد البشرى الخضر)
|
Quote: لسة يا معتصم يوم 14 ديسمبر
انت بس باركها |
يا هندسة
خليهو معتصم انا بباركا ليك
و يوم الاتنين 14 ديسمبر قريييييب
الشي العارفو يا هندسة انو ناس الكونغرس ما أظن يتلمّوا قريب
و عدم لمّهم دا ما معناه تمرير القانون
| |
|
|
|
|
|
|
|
|
|
Re: حمدوك يكذب ويدعي الكذب.. (Re: عماد الدين الطيب عمر)
|
ودالبشري سلامات..
لو كان فعلا ترامب اصدر امر تنفيذي كان علي الكونغرس الرد بالموافقة
(سكوت) او (تصويت) اعتراض علي القرار في فترة المهلة المحددة و
معروفة بال45 يوم. لكن للاسف حتي حمدوكنا ما عارف انه دا كان
مجرد طلب من ترامب وشهادة منه بانه السودان اوفي الشروط واستحق
رفع العقوبات وبالتالي الحصانة السيادية.
بالمناسبة اليوم وفي مجلس النواب كان في قرار منهم بايلولة كل شركات
العسكر للمدنيين ووضع المالية يدها عليهم.. دا بيعني انه لسة الناس
ديل شاكين في نوايا العسكر وعدم رغبتهم في التحول الديمقراطي رغما
عن تطمينات حمدوك وادعاءه التناغم وتسويقه للنموذج. مجلس النواب
الاغلبية ديمقراط والرئيس ديمقراط واحتمال الكونغرس بعد انتخابات
جورجيا وفوزهم بالمقعدين وبالتالي الاغلبية وارد وكبير.
حمدوك وقوي الاعلان كانت فرصتهم كبيرة جداااا عند زيارة بومبيو
للخرطوم بالموافقة للتطبيع مقايضة برفع العقوبات.. (أبوها مملحة وح
يأكلوها قرووض). الزمن ضيق والمشهد تماما ح يتغير بعد فترة.
يوم 12/14 ح يعلن بايدن رسميا رئيسا للولايات المتحدة لدورة رئاسية
بعد رفع كل الولايات شهادات توثيق الفوز وبالتالي اجتماع الكلية
الانتخابية للتصويت واعلانه.. يعني بالعربي ما فاضين ههههههه.
حتي لو لقو وقت للمناقشة الاعتراض حيكون حليفها من النواب
الديمقراط وترامب ما اظن حيكون عنده نفس يوم الاتنين ههههه.
والاهم للكونغرس في باقي ايام الاسبوع هو مناقشة والاتفاق علي
حزمة المساعدات الاقتصادية (الدعم) المختلفين عليها في سباق
ماراثوني قبل سفرهم لاجازاة اعياد الكريسماس.
يعني ما نتوقع حاجة للاسف قبل الكونغرس الجديد في يناير.
اما قصة اسرائيل ضاااغطة عشان العقوبات تترفع ما ظنيته اولا
حقيقة, وثانيا اسرائيل نالت مرادها بالتطبيع وماعندها مصلحة,
ولو اخدنا في اعتبارنا انه في ناس تانيييييين ماعاوزين العقوبات
تترفع ونفضل في (جلبابهم). ناسهم هههههههاي.
نبعد العاطفة يا ودالبشري ونتعامل مع الحقيقة.. نحن بنخدع في
نفسنا ما العالم.. اللجنة الامنية للبشير وجنرالات الحرب هم
الحاكمين المشهد. لم تكتمل عندنا هياكل السلطة وما جادين حتي
في قيامها.. امسك في قرار مجلس النواب امس قوووووووي.
اخيرا.. ما عارف هل الكونغرس اللي حيقرر بمنح الحصانة
قبل ام بعد موافقة اسر الضحايا امام المحكمة بعدم ملاحقة
السودان مستقبلا.. لانه لقيت الكلام دا:
لو لاحظت في خطاب ترامب مافي اااي اشارة للحصانة!!
| |
|
|
|
|
|
|
|
|
|
Re: حمدوك يكذب ويدعي الكذب.. (Re: بهاء بكري)
|
مليون مبرووووك لينا كحكومة دفعت من لقمتنا وقرارنا وسيادتنا قربان
لمحو عار لازمها و اجيال شبّت عليه من شعبنا او عاصرته احتقار كان
وسبة او تصغير ما عندنا فيها ذنب غير (انا سوداني)..
مبرووووك لكل (سوداني) حر غيور دافع عن وطنيته قول وفعل..
لعنة الله علي الكيزان ومن لف لفهم ليوم الدين..
بلي وانجلي..
Quote:
مبروك يا معتصم, ما قلنا ليك يوم 14 بس انت باركها |
يا ودالبشري والله من اللقلب ترليووووون مبروك لينا ياااااخ..
يا ما ادفقت مننا (عبرات) وياما اتفتشت فينا (لباسات).
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
يا ما ادفقت مننا (عبرات) وياما اتفتشت فينا (لباسات).
----------------------------------------------------------------
وجب عليك الاعتذار لحمدوك وللقراء يا معتصم وتغيير عنوان منشورك دا
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Hassan Farah)
|
الاخ حسن سلامات..
علي شنو الاعتذار.. علي كذب حمدوك وتضليله وعدم شفافيته
ولة شنو بالضبط؟؟ وللقراء او زملاء المنبر علي شنو برضو يا
حسن؟؟
لو علي مقتبسك دا فعلا بكينا علي تهمة الارهاب وسبة لازمتنا
زمن وتفتيش اللبسات قسما حصل في المطارات..
Quote:
يا ما ادفقت مننا (عبرات) وياما اتفتشت فينا (لباسات).
----------------------------------------------------------------
وجب عليك الاعتذار لحمدوك وللقراء يا معتصم وتغيير عنوان منشورك دا |
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
| Quote: يدعي الكذب دي مافهمتها |
طيب .... ما دام غيرت العنوان من (حمدوك يكذب ويدعي الكذب) لي (حمدوك يكذب ويدعو للكذب) ... ممكن أسأل سؤال؟
حمدوك كذب دي ما عايز أناقشك فيها ... لكن دعى منو للكذب؟
| |
|
|
|
|
|
|
|
|
|
Re: حمدوك يكذب ويدعي الكذب.. (Re: محمد أبوالعزائم أبوالريش)
|
من الذوق قالوا السلام سنة لا ريدة لا محنة.. ما علينا..
ازيك اولا استاذ ابوالريش.. وان شاءالله انت كويس..
يدعي الكذب يعني حتي في كضبه ادعاء.. يعني ما بعرف
زااااته يكضب زي الناس..كنت عاوز اشكلها (بالشدة) لكن
قلت يااااخ مافي داعي اجتهد واغير العنوان.. وقد اكون غلطان
والله في (القواعد) لاني طولت من مداومة الكتابة بالعربي.
بس بخصوص موضوع التطبيع دا استاذ ابوالريش طلع
بيان طويل عريض من مكتب (رئيس الوزراء) قال ما عندنا
تفويض شعبي او حتي بالوثيقة.. واكيد الاستاذ فيصل طلع
وكضب في بيان برضو موش؟ اجيب ليك الباقي ولة اكتفيت؟؟
دا غير قروش التعويض للضحايا زاااتها.
يعني بالعربي لما رئيس الوزراء يكضب وانت اعترفت بيها
اكيد وزارته بتتبعه بالكضب ودي ما ااااظن عاوزة درس عصر..
من كتبت اول حرف في المنبر دا لا نقلت خبر كاذب لا اتبليت
علي زول.. ودي افتكر اول مداخلة ليك معاي بعد بوستات كتيرة
عن حمدوك وكذبه وعدم شفافيته اللي قالها بنفسه. ولو عاوز بم
تحياتي وشاكر جدا علي المرور..
Quote:
طيب .... ما دام غيرت العنوان من (حمدوك يكذب ويدعي الكذب) لي (حمدوك يكذب ويدعو للكذب) ... ممكن أسأل سؤال؟
حمدوك كذب دي ما عايز أناقشك فيها ... لكن دعى منو للكذب؟ |
| |
|
|
|
|
|
|
|
|
|
Re: حمدوك يكذب ويدعي الكذب.. (Re: Mutasim Idris)
|
| Quote: ازيك اولا استاذ ابوالريش.. وان شاءالله انت كويس.. |
مرحب بيك ... وانا كويس أحمد الله.
ما سلمت دي ... ممكن تشطبها لي مع تغييرك للعنوان بعد تعليقي بدون ما تقول إنه كان غلط والا صاح .... يعني جيت برااااحة غيرت العنوات ،،، يمكن الداقسين ديل ما ينتبهوا.
بالنسبة لي موضوع العنوان، ياخ الحمد لله الما شكّلتها بالشدة، لأنو كده بتكون في مرّاقة إنك ما قاصد الإدّعاء ... لأنو (يدّعي الكذب) بتعني زي ما قال أخونا بهاء بكري إنه ما كضاب لكن عامل فيها كضاب.
غايتو بالنسبة لي (يدّعي) ما لافقة و(يدعو) ما لافقة .... لكن على كيفك في بوستيك.
| |
|
|
|
|
|
|
|
|
|
Re: حمدوك يكذب ويدعي الكذب.. (Re: محمد أبوالعزائم أبوالريش)
|
يدّعي شرحتها ليك ويدعوا برضو شرحتها ليك.. ماسك ليك
في ضرعا ميت.. غااايتو..
بعدين انا ما غيرت العنوان لمداخلاتكم يا اخوي والله جد عشان
اجي واقول ليك مثلا عشان تسلم ولة لا..
Quote:
ما سلمت دي ... ممكن تشطبها لي مع تغييرك للعنوان بعد تعليقي بدون ما تقول إنه كان غلط والا صاح .... يعني جيت برااااحة غيرت العنوات ،،، يمكن الداقسين ديل ما ينتبهوا.
بالنسبة لي موضوع العنوان، ياخ الحمد لله الما شكّلتها بالشدة، لأنو كده بتكون في مرّاقة إنك ما قاصد الإدّعاء ... لأنو (يدّعي الكذب) بتعني زي ما قال أخونا بهاء بكري إنه ما كضاب لكن عامل فيها كضاب.
غايتو بالنسبة لي (يدّعي) ما لافقة و(يدعو) ما لافقة .... لكن على كيفك في بوستيك. |
سمح..
| |
|
|
|
|
|
|
|
|
|
Re: حمدوك يكذب ويدعي الكذب.. (Re: محمد البشرى الخضر)
|
ودالبشري سلامات..
المشكلة في حمدوك نفسه يا محمد.. بتكلم بالجمبتين من خشمه!!
بجهة متناغم مع العسكر في النموذج وبجهة تاني شغل العسكر
دا ما ببقي!! معقولة بس؟ دولة عسكرية جوة دولة مدنية!!
في اول لقائه الشهير مع عثمان ميرغني جات سيرة هيمنة الجيش
حتي علي بنك السودان وفيها كلام الوزير البدوي عن سيطرة العسكر
علي الاقتصاد (2 مليار) شركات خاصة بالمنظومة بالاضافة الي
سيطرة الجنجويدي علي الذهب والتهريب.. عمل شنو من الزمن
داك؟ هل قرار مجلس النواب الاخير كان بمثابة افاقة حقيقية ليه
وبداية فك ارتباطه مع العسكر؟؟ لانه مافي زول ح يمنحك ااااااااي
قروض ودولتك مسيطرين عليها العسكر والجنجويد (دكتاتورية).
حمدوك لقي الوضع علي ما هو بامر الوثيقة الدستورية وكان عليه
تطبيق بنودها بالحرف بإعتباره ممثل الشارع ومعين ما منتخب
يطبق في برنامج (حزبي لقوي الاعلان)..
العقوبات الاقتصادية مرفوعة من زمااااان الالمان زارونا وزاغوا
لما قال ليهم (النموذج) والفرنسيين زاغوا وقالوا الا يرفعوا اسمنا
من القائمة السوداء..
في رد لي فوق قلت ليك امسك في قرار مجلس النواب الامريكي
قوووووي.. حمدوك واجب عليه يستقيم لانه الضل معوج.
اتمني فعلا دي تكون بداية حقيقية للعبور الجدجد..
دا بوست حذرت فيه زماااااااان.. غاااايتو
إنفاذ القانون.. الوثيقة الدستوريةإنفاذ القانون.. الوثيقة الدستورية
| |
|
|
|
|
|
|
| |
Mutasim Idris
نادر الفضلى
جلالدونا
محمد البشرى الخضر
Abureesh
علي عبدالوهاب عثمان
adil amin
علاء سيداحمد
محمد أبوالعزائم أبوالريش
بهاء بكري
Hassan Farah
عبداللطيف حسن علي
فيس بوك
تويتر
انستقرام
يوتيوب
بنتيريست