|
|
|
 Re: حشيتونا حش بي موضوع القراي (Re: عبدالعظيم عثمان)
|
لو ده فهمك يبقى بلادتك يصدروا فائضها لى دول العالم
المنهج الدراسي بكل بساطة معناهو صناعة المستقبل
و شاغل ادارته اهم شخص فى البلد
ده بيصنع فى اجيال
بتلقى فيهم الرئيس و الوزير و الغفير و التمرجى و المدير
الاستاذ القرّاى على حق
____
نقة علماء الدين فى نفس الموضوع خبرا شنو
| |
 
|
|
|
|
|
|
|
|
Re: حشيتونا حش بي موضوع القراي (Re: muntasir)
|
وإنت بلادتك يودوها المطمورة
وهل تغيير المنهج واقف على زول واحد؟
ما يمشي يستقيل كان إستقال
حيجي زول غيره ويكمل تغيير المناهج (هل الكلام دا مستحيل؟)
في البلادة ما فايتك إلا جقود
| |
|
|
|
|
|
|
|
|
|
Re: حشيتونا حش بي موضوع القراي (Re: عبدالعظيم عثمان)
|
Quote: أقلاها أكرم كان وزير
القراي دا مدير (البلد فيها مليون مدير إدارة) |
هههههه
يا عظمه .. ما عندك حُجة ..
اسكت بس و اكلها في حنانك ..
شكلك ما فكرت تاريخك في مسألة أكرم ..
اعمل نايم من البوست ده .. لانه جلال قطعها ليك في راسك بي صراحة .. ههههه
| |
|
|
|
|
|
|
|
|
Re: حشيتونا حش بي موضوع القراي (Re: يحي قباني)
|
يا يحى انا باصم بالعشرة على اي تغيير عمله القراي في المناهج
مشكلة القراي بيحب المنضمة ونقل موضوع المناهج لي الإعلام بطريقة ما فيها
حصافة سياسية..
موضوع المناهج دا ما عاوز الجوطة القاعد يعمل فيها القراي
عشان كدا أفضل للحكومة والمناهج إنه يحي زول جديد غير القراي
يكمل مشروع المناهج..
| |
|
|
|
|
|
|
|
|
|
Re: حشيتونا حش بي موضوع القراي (Re: عماد الدين الطيب عمر)
|
كدي بطلوا هيجان
وفكروا في موضوع تغيير المناهج بهدوء
أحسن يمشي القراي وتتغيير المناهج ولا يقعد القراي
ويدي المهاويس ديل فرصة ويمعطونا كل جمعة وتهييج لمشاعر البسطاء
يمشي القراي وتستمر عملية تغيير المناهج
فكروا فيها بدون تشنج
| |
|
|
|
|
|
|
|
|
|
Re: حشيتونا حش بي موضوع القراي (Re: عبدالعظيم عثمان)
|
سيبك من الشباب و حركات الاستجداء
انت و انا بس فى عفنك ده
بوسنيك الزى عوّارة ال .... ده
لا ح تقدر تحكها و لا ج تقدر تريها الناس
مقامك مقام ما يخرج من بين السبيلين
حاولت اعمل ليك ريسايكلنق
لقيت اخير الظق الاصلى
فشنو
فوق لى المنفلة خت عليهم عمود طوالى و دبرياش و كرونة تروس
انا زول تعاشيق
بعشّقك هنا لامن تستغيث
| |
|
|
|
|
|
|
|
|
 Re: حشيتونا حش بي موضوع القراي (Re: عبدالعظيم عثمان)
|
سلام عليكم
مفروض ننتبه كلنا كان صاحب البوست او المتداخلين بوجهه نظر مخالفه .
قال تعالى: إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ [الرعد:11]
التغيير والثوره مفروض تخلينا نعزز ونروج لقيم المؤسسيه اولا فيما بيننا اولا
الكيزان بعد الثوره بيستهدفو الافراد اكرم وغيرو واخرهم القراى وكانو الناس ديل مهما كان فكرهم واعتقادهم
طالما كان البلد تدار بؤسسيه منضبطه باهداف ومطالب الثوره(اعلان الحريه والتغيير) ومحكومه ببالقانون والدستور(الوثيقه )
لكن للاسف الكيزان دائما يكونو فى خانه الفعل ويجرو الشعب وقوى الثوره لمعارك يختارو ظروفها هم ويخلو الشعب وقوى الثوره فى خانه رد الفعل دائما
هل نحنا قادرين على قطع الطريق عليهم والتركيز على التمسك بالمؤسسيه وبقيم الثوره تمسك قوى وحاد وايصال رساله واضحه ان حواء الثوره والده والده ومن حق كل مواطن ان يردى دورو فى خدمه الوطن من دون تمييز شيوعى او جمهورى او ..او...او ... الخ طالما هناك انضباط وتمسك والتفاف بما قدمته سابقا .
وللاسف البدايه كانت خطا بالالتفاف العاطفى و اختيار حمدوك لانو خيار الكيزان فى فى مسرحيه الترشيح وزير ماليه وبعدها قصه (شكرا حمدوك) .....دا استدراج متواصل منغير ما الناس تقيف وتتخذ موقف
والناس زى ماتكون ادمنت انها تنجر لمعارك الكيزان (خاصه استهداف الافراد على خلفيه انتمائاتهم الفكريه) وخلق حاله تصور انها فشل او استغلال موقع بواسطه اعلام الكيزان زكتائبه الالكترونيه
.
طالما الكيزان نجحوا فى معركه اكرم والقراى وغيرهم وشايف بكره مفرح وعبدالبارى موعودين بحمله مشابهه لو ماغادرو مع التشكيل البقى زى (مواعيد عرقوب) لانودا قال ولانو دا فعل وحمله صراخ وبكاء مسرحى على المنابر
#لم يسقط_بعد_نظام_الكيزان
| |
|
|
|
|
|
|
|
|
|
Re: حشيتونا حش بي موضوع القراي (Re: جلالدونا)
|
يا عبد العظيم
Quote: أحسن يمشي القراي وتتغيير المناهج ولا يقعد القراي
ويدي المهاويس ديل فرصة ويمعطونا كل جمعة وتهييج لمشاعر البسطاء |
ما هدي الفكرة الغلط ذاتها
فكرة إنو القراي ممكن يمشي وتغيير المناهج زي الما حصل حاجة
آي الكيزان ديل عندهم مشكلة مع القراي
لكن مشكلتهم الكبيرة إنو المناهج العملوها دي ما تتغير
دايريين يحافظوا علي إرثهم الثقافي والتعليمي
لأنه دا ممكن يرجعهم تاني
تحرير العقول الحتعمله المناهج الجديدة ما شعال معاهم
المناهج القديمة هي مسمار حجا بتاعهم
أي مناهج أخري تحرر العقل والنفس
ستقضي عليهم وللأبد
الكيزان ديل ناس عندهم معركة بل قل إنها حرب مع الثورة
لكن خايضنها بالطريقة الإنت شايفها دي
حتة حتة وبحرفنة شديدة
وبيعرفوا يختاروا المعارك
المصية الكبري إنهم في كل مرة بيقدروا يقنعوا ناس حتي من قوي الثورة يقيفوا معاهم
المرة دي أقنعوا حزب الأمة والإتحاديين يقيفوا معاهم
ومارس هؤلاء ضغوط شديدة علي حمدوك
الإتحاديين وحزب الأمة
ما قادرين يقروا تجارب الماضي صاح
طوال تاريخهم الكيوان بيلعبوا بالعواطف الدينية
وبسببها يحشروا ليك الحزبين الكبيرين ديل في كونر صعب
(تمام كما حدث في معركة حل الحزب الشيوعي)
وعندك برضو معارك المزايدة علي الشريعة ورفع القرآن
في مظاهرات الدفاع عن العرض والارض
في الحكومات الديمقراطية
بعيد الإنتفاضة
ودا كان سبيلهم للإنقلاب علي سلطة الحزبين الكبيرين ديل وحلفاءهم
طبعا بعد ما أستلموا السلطة 30 سنة ما جابوا سيرة الشريعة
وتنازلوا عن الأرض للمتمردين كما كانوا يسمون الحركة الشعبية
روح يا زمان وتعال
ورغم كل ما فعله الكيزان في هذه الأحزاب
ورغم المغصة الضوقوها لهذه الاحزاب
ما زالو يستطيعون أن يهزوا الأرض من تحتهم
بل ويجيشوهم لصالحهم
فبأمل كما كان ملاسي يقول
فيا عبد العظيم لو قريت الموضوع دا صاح
حمدوك ما فصل القراي ولا حتي قبل إستقالته
حمدوك جمد حكاية المناهج
(وقال كمان تتعمل لجنة قومية للمناهج يدخلوا فيهم الكيزان ديل ذاتهم )
ودا في السودان يعني كتل الموضوع نهائيا
والقراي إستقال عشان التجميد دا
| |
|
|
|
|
|
|
|
|
|
Re: حشيتونا حش بي موضوع القراي (Re: علاء سيداحمد)
|
| Quote: يا منتصر انا بكتب في المنبر دا رأيي الشخصي[/QUOTE |
سلام يا عظمة
طيب .. الناس البتكتب دفاعاً عن القراي برضو دا رأيهم الشخصي
انتا ليه تحرّم على الناس ابداء آرائهم الشخصية المدافعة عن القراي
وتبيح لنفسك اظهار رأيك الشخصى المخالف لهم
| |
|
|
|
|
|
|
|
|
|
Re: حشيتونا حش بي موضوع القراي (Re: جلالدونا)
|
الظهور الإعلامي الكثيف للقراي
وإصراره على تحويل الموضوع الفني لي موضوع سياسي
هو ما أضعف موقف الرجل وجعله عبئاً ثقيلاً على الحكومة
أتفق مع بروف محمد الأمين التوم بأن بيان حمدوك
هو مقصود لدفع القراي ليقدم إستقالته
السؤال المهم هل تغيير المناهج في السودان لن يتم في غياب القراي؟
إذا فكرتوا فيها بهدوء ستجدون ان الحكومة تخلصت
من القراي وهي تقصد إستعادة زمام المبادرة في موضوع
المناهج بعد أن حوله القراي بصراعاته عبر الإعلام الي موضوع سياسي
خسرت فيه الحكومة معركة القراي ولكنها سوف تستعيد المناهج وتغييرها
سيأتي شخص آخر ويكمل ما بدأهُ القراي بدون ضوضاء
| |
|
|
|
|
|
|
|
|
|
Re: حشيتونا حش بي موضوع القراي (Re: صديق مهدى على)
|
القراي شغوف بالإعلام
صدق (على بخيت الشريف)
مدير مكتب حمدوك
قلنا ليكم الكلام من أول يوم القراي خسر معركة
تغيير المناهج لانه شغوف بالإعلام
الرجل لا يستطيع أن يعمل في صمت
دي مشكلته الكبيرة في وظيفة لا علاقة لها بالإعلام
فخسر معركته بيديه
(يداك أوكتا وفاك نفخ)
ذهب القراي وسوف تستمر عملية تغيير المناهج
سوف يرتاح الناس وترتاح المناهج ويرتاح الإعلام
| |
|
|
|
|
|
|
|
|
|
Re: حشيتونا حش بي موضوع القراي (Re: عبدالعظيم عثمان)
|
تعرف يا عظمة فكرة الخوف من المهاويس دي هزيمة لفكرة الثورة
بمجرد اطلالة مفردة الخوف من الكيزان وغيرهم ده معناه علي الثورة
السلام لانو المثقف العضوي يخوض معاركه حتي النصر ولا يخشي
في الحق والإيمان بالفكرة حتي الموت
للأسف الأجيال التي صنعت الثورة تريد ان تري قوة الثورة
في الشكل والمضمون والفكرة
بالله عليكم لا تهزموا فكرة الثورة بالخوف من الثورة المضادة
ولا تهزموا شباب الثورة بسلوك الهزيمة
| |
|
|
|
|
|
|
|
|
|
Re: حشيتونا حش بي موضوع القراي (Re: حسن ادم محمد العالم)
|
القراي مشى مكتب المستشار الإعلامي لرئيس الوزراء
وسلمه نسخة من كتاب التاريخ
السليك طلب من القراي الإبتعاد عن الإعلام
وأن الحملة ضده منظمة فمن الأفضل أن تدار بطريقة علمية
لكن القراي ما بيقدر يبتعد من الإعلام
فالرجل شغوف بالإعلام
القراي صعب الموقف حتى لمناصريه
| |
|
|
|
|
|
|
|
|
|
Re: حشيتونا حش بي موضوع القراي (Re: عبدالعظيم عثمان)
|
سلامات عظمة.
كدي خليك من أيام كل يوم بوست عن وزير الصحة نسيت أيام اللصم هههههه
اللصم هو القرا البيان بتاع تجمع المهنيين كيف ما يفوز بالانتخابات :)
اللصم سجل البيان في بيت الاتحادي فلان كيف يجو يشيلوهو من التجمع
ياو ياو صاحب اللصم كان بكتب البيانات كيف يشيلو منو الباسوورد ههههه
| |
|
|
|
|
|
|
| |
عبدالعظيم عثمان
جلالدونا
يحي قباني
Asim Ali
Nasr
علاء سيداحمد
صديق مهدى على
فيس بوك
تويتر
انستقرام
يوتيوب
بنتيريست