عمّت موجة من الحزن والحسرة في أوساط المثقفين والنشطاء السودانيين عقب إغلاق ساحة أتني الشهيرة بالخرطوم بأمرٍ من مُلاكها.
التغيير: عبدالله برير
عبّر مرتادو ساحة أتني عن سخطهم جراء قرار إغلاق الساحة بأمر من ملاكها، في وقتٍ تباينت وجهات النظر القانونية بشأن الخطوة.
وقال الناشط في مجال حقوق الإنسان عبدالمتعال صابون لـ(التغيير) إن بعض مظاهر التفلت الاخيرة في أتني ربما قد تكون دفعت مالكيها إلى إغلاقها.
غير أن صابون استدرك بالقول: لا أرى التفلت مبرراً للقرار.
وكشف عبد المتعال عن تواصلهم مع محامين بشأن منعهم من إقامة النشاط بالساحة.
وأكد أن الرأي القانوني الذي حصلوا عليه يقول إن أي مساحة لا يستخدمها صاحبها لسنوات طويلة ليس من حقه أن يطالب بإغلاقها إلا لأغراض البناء.
وتابع صابون: هذا المحل لديه رمزية تأريخية منذ الخمسينيات والستينيات وهو مكان للتثاقف والتدارس ولا يمكن إغلاقه بلافتة.
أما الكاتب القصصي والروائي خالد نورين فقد عبّر عن تضامنه مع المثقفين والنشطاء المناهضين لإغلاق الساحة.
وقال نورين: لا ننكر ان أتني مؤخراً حادت قليلا عن دورها ومورست فيها بعض الممارسات السالبة، لكن هذا لا يمكن تعميمه على جميع النشطاء.
وأضاف خالد: منع النشاطات بالساحة يمكن أن يساهم في تحويل العمل الثقافي ومعارض الكتب واللوحات إلى الأحياء والمناطق الطرفية وكل انحاء الخرطوم بدلاً من أن يكون في مكان واحد.
الكتيابي في أتني
الناشط محمد أحمد الكتيابي وصف إغلاق الساحة بأنه (هزيمة للمثقفين) وعبّر عن عميق حزنه وأسفه جراء القرار.
وقال كتيابي: منطقياً وقانونياً الساحة ملك لأسرة أبو العلا ولا يمكن مناهضة القرار، هذا من ناحية المنطق.
أما من ناحية العاطفة فالساحة ارتبطت بالمثقفين وأرثهم وأضحت مكانا للتلاقي والتفاكر.
وتابع: لا يمكن لساحة أتني أن تكون شيئا آخر، هكذا عرفناها، ولا يمكن أن تنجح تحت أي مسمى حتى لو حولت لناطحة سحاب، أنا شخصياً مرتبط بها منذ عشرين عاماً.
رأي قانوني
وبشأن وجهة النظر القانونية، قال المحامي ياسر الريح مصطفى قال إن اللافتة المعلقة ليست اشعاراً قانونياً ما لم يصدر من السلطات القانونية أو النظامية.
وأضاف: لا يمكن منع إقامة النشاطات بالساحة طالما أنها ليست مسورة بسور واضح يشير إلى أنها مكان ذا خصوصية لملاكها.
وزاد: بما انها ساحة مفتوحة فلا يوجد مسوغ قانوني يمنع إقامة النشاط فيها.
من جهته، اعتبر الطيب جاد السيد أن أسرة أبو العلا إذا كانت تمتلك شهادة بحث للساحة فليس هنالك أي جهة تستطيع إقامة نشاط دون موافقة المُلاك.
وزاد قائلا: يمكن لهذه الأسرة ان تفتح بلاغات تعدي على ممتلكاتها وهذه مسألة جنائية تعرض المخالفين للعقوبة والمساءلة.
قرار مفاجئ
وكانت أسرة أبو العلا الشهيرة بالخرطوم قد علقت لافتة، يوم الأحد حذرت فيها من إقامة أي نشاط بالساحة.
وتعتبر منطقة أتني بشارع الجمهورية بالخرطوم ملتقى للمثقفين والشعراء والرسامين والنحاتين والنشطاء.
ولم يتسن لـ(التغيير) الوصول إلى مُلاك الساحة وهم أسرة أبو العلا لمعرفة الأسباب التي دفعتهم لمنع النشاط بالساحة بعد أكثر من خمسين عاماً من النشاط.
06-15-2021, 00:40 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
Quote: هذا المحل لديه رمزية تأريخية منذ الخمسينيات والستينيات وهو مكان للتثاقف والتدارس ولا يمكن إغلاقه بلافتة.
سلام زهير ..
لو في شي فايتني بالله وريني ..
متين كانت ساحة اتني مكان للتثاقف و التدارس ؟ و لا ده تزييف جديد للتاريخ ؟
لغاية ما خليت السودان في 88 .. ساحة اتني دي ما فوقها غير الاسياخ المارقه فوق الاعمده الخرسانية .. و كنا نتكل فوقها و نعملها ترابيز و انحنا بنضرب سندويتشات الكبده و اللسان و المخ .. او ناكل صحن الفول من محل الفول التحت الضرايب .. و مرات نكون منتظرين مامون الترزي يفتح او يمرق زبون و يخش زبون .. او مرات تكون مجكس واحده من شركات الطيران و الوكالات البي غادي .. غير كده ما سمعنا بالتثاقف و التدارس ده .. للمعلومية .. الساحة دي منطقة رابطة فقط بين عمارات اعمامنا آل ابو العلا العمارات الاربعه الهناك .. . فقول لي ناسك فكونا بلا تثاقف بلا تدارس من الخمسينات و الستينات .. ما ياكلو الناس حنك ..
اللهم لو كانوا قاصدين التباوس و التحاضن و التلاقح .. فده موضوع تاني ..
انت يا ود امدر مالك و مال اتني .. خليك في برمبل و احمد سعد ..
و للتثقيف العام ..
( التثاقف و التدارس ) الرياضي كان في ميدان الامم المتحده امام سوق الخدار .. في زاوية البنك الصناعي امام ترزي الجلاليب الشهير عمك شبيرقله .. اما (التثاقف و التدارس) السياسي فكان ركن الجمهورين في شارع الجمهورية امام سودانير بالتحديد برندات عمارة عمك محمد علي عباس .. كان ركن نقاش و بيع كتب الاستاذ ..
06-15-2021, 01:18 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
Quote: متين كانت ساحة اتني مكان للتثاقف و التدارس ؟ و لا ده تزييف جديد للتاريخ ؟
أخونا يحيى على مهلك دى قهوة أتنى (أثينا) الواقعة بين شارع القصر وشارع الجمهورية، مقابل فندق أكسلسيور والسفارة الأمريكية القديمة وعمارة الشيخ مصطفى الأمين؟ منذ الستينات والخمسينات وحتى السبعينات، المثقفون واساتذة الجامعات والفنانون كان لهم وجهتان رئيسيتان فى الخرطوم.. قهوة أتنى وقهوة المحطة الوسطة التى كان موقف مواصلات العاصمة قريبا منها والتى كانت فاتحة على ميدان ناصر مقابل أجزخانة أبو نخلة. كانت أتنى من أنظف المقاهى وأحدثها، والترابيز موزعة فى الساحة والجرسونات يخدمون الزبائن. ربما تدهورت فيما بعد وختوا فيها السيخ والخرسانة.. لو القهوة عمرها 100 سنة أو أكثر فإن الملاك لا يستطيعون تغيير أى شئ فيها وتكون خاضعة لقانون اليونسكو. ولو كان عمرها أقل فإن الحل الوحيد هو تقديم رجاء للملاك بتركها كما كانت، او تتحرك الدولة لحمايتها وصيانتها ودعم الملاك ماديا للمحافظة عليها بهيئتها التأريخية
06-15-2021, 01:47 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
يحدها شمالا شارع البرلمان و وزارة الخارجية و هي العمارة الاصليه الفيها مكاتب ابو العلا و السفاره البريطانية و فاتح على الساحة مامون الترزي .. يحدها غربا شارع القصر .. و بها مطعم اتني و كالة اوليمبيا يحدها جنوبا عمارة الضايب الفيها الخطوط الاثيوبية .. و شرقا شارع صغير نسيت اسمه ..
مطعم اتني كان للاكل و الشرب فقط ..
و كان يرتاده جميع افراد الشعب و لم يحدث يوما واحدا ان كان هناك تثاقف او تدارس ..
اجزخانة ابو نخلة في المحطة الوسطى جنب سودانير .. ما عندها اي علاقة بي اتني ..
للمعلومية .. ما كان في اي ترابيز مفروشة في الساحة اطلاقا ..
الساحة كانت مساحة مرور مزدحمة و وقوف للناس لاكل لقمة سريعة ..
فقط ..
06-15-2021, 01:55 AM
Abureesh Abureesh
تاريخ التسجيل: 09-22-2003
مجموع المشاركات: 30182
اعتقد الساحه هى تحديدا الساحه سقف موقف سيارات العماره (تحت الارض- البدرون) (من الانشطه) فى الساحه انتقال معرض مفروش للكتب-كتب مفروشه على الارض - اللى كان بدا خلال شهور رمضان واغلاق المطاعم والكافتيريات كمعرض فى احد المطاعم/الكافتيريات جوار الجامع الكبير حيث بيع الكتب جوار سور المسجد
06-15-2021, 02:27 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
يا يحى بالله عليك نحافظ على مساحة من الإحترام.. أنا ما قاعد اتكلم معاك باللغة دى.. طيب أتوقع تعامل الناس بالمثل. متين شفتنى أتونس فى المنبر دا خلال نقاش موضوع جاد.؟ أجزخانة أبونخلة جبت سيرتها لتحديد موقع قهوة المحطة الوسطى، التى أنا قلت كانت قبلة المثقفين إضافة الى قهوة أتنى.. كيف صعب عليك فهم هذه العبارة البسيطة؟ أنا حددت موقع أتنى بشارع الجمهورية وشارع القصر وعمارة الشيخ مصطفى الأمين.. المواقع هذه كانت قريبة منها.. ثم حددت موقع قهوة المحطة الوسطى بميدان ناصر ومحطة البصات واجزخانة أبونخلة.. بالمناسبة ليه ما برضو سألتنى عن عن علاقة موقف بصات مواصلات العاصمة بقهوة أتنى؟!! أو علاقة ميدان ناصر بأتنى؟
وبرضو جاييك.. لكن ما عارف مع إنزعاجك وسرعتك بدون أن تقرأ ما أكتب ونفسك المتسارع دا، هل النقاش سيفيد أم لا.
06-15-2021, 02:53 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ما حيفيد .. لو داير تغالط في موضوع التدارس و التثاقف موضوع البوست ..
اما لو داير نتونس ساي .. برضو ما حيفيد
ما حيفيد منو؟ عندك 3 جهات حدد 1. ما حيفيدك انت 2. ما حيفيدنى أنا 3. ما حيفيد القراء (بإفتراض انك تتحدث بإسمهم)..
ملحوظة: لو تفتكر ما حيفيدنى أنا لا تهتم.. ما طالب فائدة من زول. ومداخلاتى موجهة لكل الناس وليس لشخص بعينه.. والناس عندها عقول وتقرأ وتفهم وأحترم رأيهم سوى اتفقوا معى أو أختلفوا.. أنت قفزت على نقطة أجزخانة أبو نخلة بدل تذكر انك فهمت خطأ نتيجة استعجال.. شفت كيف؟ ولا عرجت عليها.. طنشتها. يناقشوك كيف بالصورة دى.. مداخلاتى مزجهة لكل الناس، وأى زول موضوعى ونفسه هادى ولا يسئ مرحب بيه.
06-15-2021, 03:15 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
شكرا للأخ عاصـم على.. صورة قديمة من الزمن الجميل لقهوة أتنى.. وتظهر الترابيز بدون كراسى بالنهار.. وتوضع الكراسى ليلاً.. اللافتة كانت Athene فقط بدون مطعم أو قهوة.. ولكن اشتهرت بقهوة أتنى. فى المداخلة الجاية سأتى بقصة تجربتى الشخصية مع قهوة أتنى وجهاز أمن النميـرى.
06-15-2021, 04:37 AM
ترهاقا ترهاقا
تاريخ التسجيل: 07-04-2003
مجموع المشاركات: 8423
Quote: وبرضو كان فيهو شري أبوكديس، ابوجمل، وبعد تسعة، الموضوع كان شامل
نعم ترهاقــا، والناس كانت تشرب بكل حرية برة فى الساحة المعدة بالترابيز والكراسى.. جلاليب ناصعة البياض وبناطلين وقمصان.. كانت مكانا للمتعلمين والمثقفين.
06-15-2021, 05:00 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
يا ترهاقا كان مطعم و شربه و خلصنا الموظفين و الناس الشغاله في السوق وجهتهم اتني اشتهر بي سندويتشاتهم و كانت سبب اقبال الناس عليهم القعده البره دي ما سمعنا بيها .
و السودان ده كله ما فيو زول قعد في مطعم في الشارع و الساحة دي عامة لا اتني لا كوباكوبانا لا مطعم الفول كانو عاملين قعده في ال Patio
قال المثقفين جلاليبهم ناصعة البياض .. و الما مثقفين كيف كانت جلاليبهم ؟
غايته قل اليضحك.. ههههههههه
انت صحي يا محمد مشيت اتني ده كم مره و سنة كم ؟
و لو مشيت .. اتني عنده كم باب و شكله شنو من جوه و الكاشير قاعد وين ؟
للمنفعه العامة:
لم تكن هناك اي ندوات او لقاءات سياسية و لا حتى اركان نقاش في الساحة
06-15-2021, 05:18 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
منو من المثقفين او الكتاب كان دائم التواجد هناك؟ بعد المحامية منال قصة محامي يفتي والناس تصدق كلامه بقت صعبة.
في قانون بيحكم الحقوق وفي موجهات عامة او اصحاب المحلات تضرروا من نشاط في المنطقة ( حسب ما فهمت ) ف من حقهم يطالبوا باحترام المحل ولو اصحاب الارض ارتاوا ان هذا الوضع سبب ربكة او حتي ارادوا الانتفاع منه فهذا حقهم . ان تكون للبعض ذكريات جميلة برضو الناس بتراعي لها الا ان الملكية الخاصة هنا مقدمة. واصحاب الحق هم من يقدروا كيفية ادارة ارضهم
06-15-2021, 05:32 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: وتابع صابون: هذا المحل لديه رمزية تأريخية منذ الخمسينيات والستينيات وهو مكان للتثاقف والتدارس ولا يمكن إغلاقه بلافتة.
يا دكتورة اصل القصة غير صحيح ..
قال من الخمسينات و الستينات كان مكان للتثاقف و التدارس و ده كلام فارغ .. لو كده .. صالة غردون و كازينو حماد العايم اكونوا احق بموضوع التثاقف و التدارس ..
انا اتربيت في العمارات دي .. من شافع مع اعمامي هناك .. مافي يوم واحد كان في تجمع و لا لمه و لا ندوه .. اللهم لو دي حاجة حصلت في عهد الكيزان ..
اما احقية استخدام المكان بحكم استباحته لسنوات فده برضه كلام فاضي لانه ده ملك خاص ..
06-15-2021, 05:38 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
في القاهرة كنت اذهب خصيصاً لمقاهي ريش قرب ميدان التحرير ، الدور الثاني ، فقط لان نجيب محفوظ كان يرتاده، الفيشاوي ورمزيته ( نابليون جلس فيه ) ، اسع لو قالو يحي فضل الله كان بتسكع هناك ولا الزول الجميل علي المك ح يكون له قيمة. علي المك من محبي بنابر ام در وياله من عبقري. قهوة ود الفكي الي قريب كانت محل تجمع لنخبة المجتمع ، مرات كنت بنزل عمي والد زوجي في و( اتثقف في السوق ) ، ياها دي فلاحتنا من العدني ودكاكين ام در .
دكتورة إخلاص، "منو من المثقفين او الكتاب كان دائم التواجد هناك؟"
سمعتى بالنكتة بتاعة الإنترفيو لوظيفة؟ واحد سألوه عن عدد الصينيين قال ليهم 1.4 بليون.. قالوا ليه يللا قول لينا اسماءهم
تصدقى لا أعرف ولا واحد فيهم؟!! ما أظن فى زول يقول موقف جاكسون ما فيه ناس، لأنه لا يعرف أى واحد فيهم .. هذا مكان عام. وأخونا يحى لسة يقول عنزة وهو شايفها طايرة.. حتى صور الساحة بترابيزاتها قدامه وبرضه ما عاوز يصدق إلا الكلام القالوا فى الاول Ego بعدين الساحة محصورة بين عمارات ما عدا شارع صغير ميت وليست على الشارع. رغم أن قهوة المحطة الوسطى كانت على الشارع. وهذا ليس موضوع اساسى. الغريبة أنا أتحدث عن الساحة التابعة للقهوة ويحيى يسألنى عن الكاشير جوة والمداخل والمخارج.. فى زول قال ليك الكاشير كان برة؟ وهل الساحة كانت داخل القهوة حتى اراها؟
باقى كلامك يا دكتورة لا إعتراض لى عليه. بل أتفق معه.
06-15-2021, 05:59 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
نحن احساسنا بقيمة القمم والاعلام الثقافية تكاد تكون معدومة والتوثيق ضعيف، هدفي هو التوثيق . اكثر من اود التوثيق لهم يحي فضل الله وبركة ساكن وعلي المك ، هؤلاء قمم يا ريت نعرف عنهم او ان يكتب من يعرفهم صلتي باتني وكل تلك المنطقة ليست وثيقة ، شراء سريع من المحلات واتخارج اكثر محل كان لسيدة اغريقية ( اناتيك و وخبز مخصص لمرضي السكري)
سلامات يا شباب . زي ما قال قباني . ما كانت قبلة للمثقفين والفنانين . و لقلة الفنادق في داك الزمن كان كل أسبوع بكون في فنان يرسم لوحة يعرضها وبعض الفنانين والمهتمين يجوا يتناقشوا حول اللوحة. وفي صور قديمة جدا عن اتني قديمة جدا . صور عن إنها كان يرتادها خليط من الأسر من الخرطوم القديم . للترفيه وتناول الوجبات والشراب . كل أشكال الشراب . وكانت تشبه محلات الديلي في الغرب بار ومطعم وقهوة . احتمال من جملة الزبائن كان بيجو زباين من الفنانين والمثقفين . لكن ما كانت مخصصة للمثقفين ولا حاجة . و لاحدي قبل تاميم نميري للشركات الغربية سنة 1970 . زي شركة بورت لاند الليزبيس في عطبرة . وجراتلي هانك في الخرطوم وباتا في الخرطوم . وكتربيلر وفيليبس. قبل رحيل الناس الفيهم فائدة من السودان. اتني والسودان كلو كان حافل بالمدينة الحقيقية وبالقروش والبزينس. الزبونات الشاميات و بنات الخواجيات الانيقات كانن يتجدان زي الفراشات في شوارع الخرطوم . لا جنجويد لا دشمان. والأدب والأصالة والقانون كان في كل مكان . وحقيقة في داك السودان الخرطوم كلها كانت اتني. وكانت كلها مثقفة وما كانت الثقافة في مكان واحد فيها . برضو اتني كانت ما بعيدة شديد من مبني الأقطان. وطبعا سماسرة الشركات الغربية ومناديب ومندوبات شراء القطن كانوا بيجوا يلبعوا البيرة و ساندويتشات المارتيديلا. وطبعا بالنسبة للغربيين طعم البيرة في حر الخرطوم بكون عندو طعم تاني . طعم يحببك المكان . ويبقي المكان ما بيمرق من ذاكرتك. انا عندي جاري وزوجتو امريكان محترمين كبار في السن . الرجل كان القنصل الأمريكي في السفارة الامريكية في الخرطوم سنة 1958 عندو كمية من الصور القديمة لاصدقاء وصديقات واماكن في السودان . زي جامعة الخرطوم . وبناية معمل استاك. وبوابة فكتوريا. وصورة القطار في مدخل جسر الخرطوم. وبعض المساجد والكنائس . ورياض الأطفال. الزول دا وزوجتو من المحبين المتيمين بالخرطوم . تحكي قالت قضوا سنتين في السفارة في الخرطوم . قالت لمان جاهم خطاب نقل للسفارة الأمريكية في القاهرة تجرست وبكت . قالت زوجها النهار في السفارة وهي متطوعة في تعمل في مستشفي الخرطوم . وقبل السفر عملوا ليهم حفل وداع .
في رأي الناس الكبار يعني العواجيز والقدام يحكوا عن الخرطوم احسن ودي فرصة يصبح البوست توثيقي.
اما بالنسبة للمكان ده ما اظن كان محل تثاقف ولا تدراس لا قريباً ولا بعيداً، ولكن كنت أرى الرمتالة يتجهون صوب المكان ذات ايام خلونا كنت في الخرطوم الأفرنجي وما وحوله وكان اظنهم يجوا عشان يهيصوا بي هناك بعد ما الحرس الجامعي يقفل الجامعة ويقفل الابواب ويمشوا هناك عشان اما يجكسوا او يكملوا باقي ونستهم الما كملت في بينشات الجامعة، بس ده البعرفه عن المكان ده، وكمان المكان ولا سياحي ولا اي حاجة. واظن حديقة الشهيد اللي قريب منه هي افضل منه. ومن حق الملاك اغلاقه والاستفاد منه فيما أُسس لاجله بتأجيره او توفيره كمنطقة خدمات للمتسأجرين، وربما تضرر المستأجرين من تواجد الناس فيه وزحام المكان فيما لا طائل منه للتجار المستخدمين الموقع وهذا من حفهم.
06-15-2021, 03:12 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: سمعتى بالنكتة بتاعة الإنترفيو لوظيفة؟ واحد سألوه عن عدد الصينيين قال ليهم 1.4 بليون.. قالوا ليه يللا قول لينا اسماءهم
تصدقى لا أعرف ولا واحد فيهم؟!! ما أظن فى زول يقول موقف جاكسون ما فيه ناس، لأنه لا يعرف أى واحد فيهم .. هذا مكان عام. وأخونا يحى لسة يقول عنزة وهو شايفها طايرة.. حتى صور الساحة بترابيزاتها قدامه وبرضه ما عاوز يصدق إلا الكلام القالوا فى الاول Ego بعدين الساحة محصورة بين عمارات ما عدا شارع صغير ميت وليست على الشارع. رغم أن قهوة المحطة الوسطى كانت على الشارع. وهذا ليس موضوع اساسى. الغريبة أنا أتحدث عن الساحة التابعة للقهوة ويحيى يسألنى عن الكاشير جوة والمداخل والمخارج.. فى زول قال ليك الكاشير كان برة؟ وهل الساحة كانت داخل القهوة حتى اراها؟
صحي الجمل ما بشوف عوجة رقبته .. انت يا زول عيان عديل بالإيجو .. هههههه يا شيخنا ..انت ما بتفهم انه ما في قانون بقول الزول لو بفهم في شي معناتها بعرف اي شي .. ويك أب ..
اهديك ابيات من قصيدة كتاب مفتوح الى حضرة الإمام ..
امكن تفهم شي ..
يا حضرة الأمام .. يا حضرة الإمام يا أيها الدرويش والرئيس والمُلهِم والمُلهًم والمشير والوزير والغضنفر الضرغام يا دارسا وفاهما وعالماً في الفقه والتشريع والقضاء والفكر والتاريخ والجغرافيا والشعر والترتيل والغناء والحرب والسلام والفضاء والطهي والبلهارسيا والحب والبكاء يا أيها الوحي السماوي الذي كرمنا وجاء لينقذ الإنسان والدنيا من الفناء يا حضرة الأمام يا جعفر المنصور بإذن الله يا أيها المهدي والقرشي والمكي والكوفي والصوفي والأممي يا مفجر الصحوة يا مبارك الطلعة يا محرر الإنسان والإسلام من كيد إبليس ومن شيطان أوربا وأمريكا ومن إلحاد روسيا الحمراء يا حضرة الإمام يا قاهر الكفار و التتار والأحبار و القوقاز يا فاتح الأمصار من مصرٍ وأندلسٍ ومن واغٍ ومن أهواز يا ناصر الأنصار من هند ومن سند ومن نجد ومن حجاز
06-15-2021, 03:16 PM
Abureesh Abureesh
تاريخ التسجيل: 09-22-2003
مجموع المشاركات: 30182
كتيرين مننـا نحن السودانيين نميل للشطط ال extreme لا أعرف لماذا.. يعنى لو واحد قال أتنى كانت مكان للمثقفين ليتناقشوا، طوالى يفهموا أنك تقصد ان القهوة كانت حصريـاً لنقاشات المثقفين. ويردون من هذا المنطلق. أخونا يحيى قال مافى سودانيين كانوا يقعدوا فى الشارع.. ثم أتى بمثال قهوة يوسف الفكى التى اساسا الناس يقعدون فى أزحم شارع فى امدرمان وهو بداية شارع الموردة.. رغم أن ساحة أتنى ما كانت على شارع رئيسى. هسى ثبت أن طلبة الجامعة كانوا يأتون ليواصلوا نقاشاتهم فى أتنى.. فهل كانوا يجلسون داخل القهوة أم فى الترابيز على الساحة.. والفنانون الذين كانوا يناقشون أحدى اللوحات اسبوعياً هل كانوا يناقشونها داخل أتنى؟
06-15-2021, 04:17 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
Quote: كتيرين مننـا نحن السودانيين نميل للشطط ال extreme لا أعرف لماذا..يعنى لو واحد قال أتنى كانت مكان للمثقفين ليتناقشوا، طوالى يفهموا أنك تقصد ان القهوة كانت حصريـاً لنقاشات المثقفين. ويردون من هذا المنطلق
خلي اللولوه و يوم واحد قول انا جيت اتفلسف في شي ما فاهمو و لا بعرفه ..
ده موضوع البوست :
Quote: حزن واحباط لاغلاق ساحة اتني بالخرطوم
و ده سبب النقاش الاتفتح :
Quote: وتابع صابون: هذا المحل لديه رمزية تأريخية منذ الخمسينيات والستينيات وهو مكان للتثاقف والتدارس ولا يمكن إغلاقه بلافتة.
فخلي اللولوه و انعدل .. و قول غلبني ..
06-15-2021, 04:05 PM
عمار عبدالله عبدالرحمن عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
يسعد أوقاتكم دورة ماكوك الخرطوم الكانت جميلة في راسي ,, اتني لم تكن مكان مثقافة ,,, او تجمع مثقفين لم اسمع بقيام منتدى في اتنى او طاولة مخصص لفنان او اديب اتنى كانت قلب السوق الافرتجي نهاريا يرتادها كبار الافندية الفي البنوك وموظفي التوكيلات العالمية ببدلهم وكرفتاتهم التى تنام على الكروش في الامسيات كانت منتفس وملتقى لاسر الطبق البرجوازية و الخواجات خاصة البكون في فندق اكربول واكسلسيور ,, __________________ انتقل اليها تجمعات الطلبات و مورس فيها نشاط ثقافي في زمن القحط الكيزاني بعد التضييق في دخول الجامعات الا بالبطاقات خاصة جامعة القاهرة فرع الخرطوم وجدت الناس متنفس في أتني وقبلها كان في الكافتريا الدوان تاون جنب البنك الفرنسي وكافتريا اخرى جوار مروى بوكشوب ولكن لارتفاع الاسعار والزامية ان تطلب شي من الكافتريا اتجوا لاتني (بعد ان قلة بها مظاهر الخدمات البرجوازية) وازداد الكثافة بعد تفعيل نشاط معهد جوته والمركز الفرنسي ,,,,
يعنى مثقفين الخرطوم (الخرطوم 3 و 2 والعمارات والسكة حديد) ما سمعنا بان احدهم كان من رواد اتني او له مكان جلوس مخصوص فيه لا فاسماعيل عبدالمعين بعوده جلس فيه ولا الياس فتح الرحمن قراء فيه شعرا او تثقاف فيه ولا محمد ميرغني عبره بكمنجته ,,, ولا حتى الواثق كمير من الجيل الاخير جلس فيه ,,,
06-15-2021, 03:42 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
موقع اتني في الزاوية الشمالية الشرقية لتقاطع شارع القصر مع شارع الجمهورية
وفندق اكسلسيور القلتو دا في شارع الجمهورية برضو وملاصق فندق صحارى وبكون غربو تماما
لكن بعيد جدا من موقع اتني
المطعم الكان في الطابق الأرضي في اكسلسيور هو مطعم الغار واصحابو من بري الدراسة وزمان كان جنبو محلات منصفون مع انه محل منصفون في عمارة صحارى ومطعم الغار في اكسلسيور لكم جنبو مباشرة لانو مباني الفندقين لصق بعض
06-15-2021, 03:57 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
مستغرب ليه مصرين يستولو على ملكيه خاصه ويفرضو وجودهم ؟ فى حديقه الشهدا المواجهه للقصر الجمهورى بجناحيها (ماشفتها قريب) لكن مكان بيستخدمو طلبه الجامعات للمذاكره الجماعيه واعتقد مناسبه وكم منطقه فى السوق الافرنجى صالحه لتكون مهى ثقافى
06-15-2021, 04:20 PM
Abureesh Abureesh
تاريخ التسجيل: 09-22-2003
مجموع المشاركات: 30182
يا زول احتفظوا بالذكريات الفي راسكم انا مشيت اول امس محل اتني ولمن دخلت مروي بوكشوب بس زي ناس قفا نبك وبوركت من طلل وعمارة ابوالعلا القديمة بقت قديمة جد جد وشفت طعم الخرطوم في العصر زمان لمن تفضى من الناس بقت لا بتفضى لا شي زحمة ووسخ والله السخانة ذاتها ما سخانة زمان بقت أم 🔥
06-15-2021, 05:59 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
Quote: موقع اتني في الزاوية الشمالية الشرقية لتقاطع شارع القصر مع شارع الجمهورية
وفندق اكسلسيور القلتو دا في شارع الجمهورية برضو وملاصق فندق صحارى وبكون غربو تماما
لكن بعيد جدا من موقع اتني
يا أخوانا أبوذر عشان نستفيد بالله نصصوا كلامى قبل الرد عليه زى ما أنا قاعد أعمل..
الحين أكسلسيور على شارع الجمهورية تقريبا مع تقاطع القصر.. شرق شوية.. وقهوة اتنى برضها تقريبا فى التقاطع.. وهما على جانبى شارع الجمهورية.. طيب انت قلت أكسلسيور بعيد (جدا) من أتنى.. كم كيلومتر؟ لأى زول ما عنده فكرة عبارة بعيد جدا تعنى على الأقل عشرة مربعات.. أعرف المنطقة وكنت دائما أزور مكتبة بانوراما اشترى كتب كارل ماركس وماوتسىتونج الخ.
أخونا يحيى عنده رأى مسبق لذلك ما محايد ولن يأتى بكلم موزون أوموضوعى..
06-15-2021, 06:07 PM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
اشتهرت مقاهي ومطاعم في السودان بمميزات عددية جعلت منها أسماء مشهورة منذ عهد الحكم الثنائي الإنجليزي المصري عام 1899 ودخول الأجانب من اليونانيين والقبارصة والشوام والهنود وكذلك اليهود إلى السودان.
ومن هذه المقاهي أتني والزئبق في الخرطوم وفي أم درمان مقهى يوسف الفكي التي زارها الأديب عباس محمود العقاد والآغا، ومقهى أم الحسن على الطريق المؤدي للولاية الشمالية والتي كان من روادها الرئيس الراحل جعفر النميري.
كانت تلك القهاوي منتدى لأهل الفكر والثقافة والفن والرياضة والسياسة، واستمرت تقدّم خدماتها حتى مطلع الألفية الثالثة ثم تحوّلت بفعل العولمة والتطوّر إلى كافتيريات ومطاعم تقدّم المشروبات الساخنة والباردة والأطعمة السريعة فيما اندثر بعضها.
ومقهى أتني التي اندثرت كانت أشهر مقاهي السودان حيث شكّلت ملتقى للسودانيين وكان يجتمع فيها الأجانب والمثقفون والشعراء والسياسيون وتميّزت عن غيرها من المقاهي، بسبب الطابع الأرستقراطي الذي اشتهرت به، والطريقة الخاصة التي تتم خدمة الزوار فيها، كانت تقدّم مأكولات غربية، وأنواعاً جديدة من الطعام وسندويشات لم يعرفها الشارع السوداني حينها، مثل المرتديلا والهوت دوج.
سُمّيَت بقهوة “أتني”، تيمّناً بالعاصمة اليونانية أثينا، وكان يملكها ويديرها مواطن يوناني يدعى جورج فالفس أنشأها في عهد الاستعمار الإنجليزي، وصمدت في مكانها إلى ما بعد الاستقلال لما يقارب الأربعين عاماً وتقع في قلب الخرطوم في منطقة السوق الإفرنجي، وقد اندثرت ولم يتبق منها سوى الاسم والشهرة السابقة وأنشئت مكانها كافتيريا حديثة يملكها أحد السودانيين.
الراية التقت عبد الماجد عثمان الجابري أحمد صاحب الكافتيريا الجديدة، وقال: إن المقهى أسّسها فالفس قبل 80 عاماً وأسماها “اثني” وتنطق بالعامية السودانية “اتني” تخليداً لعاصمة بلاده أثينا وكان يومذاك رئيس الجالية اليونانية بالسودان وكان من أكبر تجار الطواحين، وبعد عشر سنوات انتقلت لقبطي يدعى فكتور عبدالمسيح ثم اشتريتها في أواخر عام 1976.
كانت الخرطوم في عقود الخمسينيات والستينيات والسبعينيات، وحتى أوائل ثمانينيات القرن الماضي قد شهدت انفتاحاً ملحوظاً، يتزاحم عليها السيّاح من الخارج بين شهري أكتوبر ومارس من كلّ عام، للاستمتاع بالطبيعة الساحرة في السودان. وكانوا يرتادون قهوه اتني، كما كان يرتادها أيضاً أهل الثقافة وموظفو الدولة والفنانون، منهم من يأتي لاحتساء القهوة وقراءه الصحف ومنهم من يأتي مستمعاً إلى الحوارات الأدبية التي يعقدها الأدباء ومن بينهم الأديب ورئيس الوزراء الأسبق محمد أحمد محجوب والأديب أحمد محمد صالح.
ويعتبر الراحل سيد خليفة نقيب الفنانين أحمد المصطفى من أشهر مرتادي المقهى في تلك الحقبة الذهبية وفي السبعينيات كان يجلس عليها الفنان أبوعركى البخيت والشاعر الغنائي إسماعيل حسن وبعض أهل الكرة وكبار تجار الخرطوم.
بعدما تحوّلت إلى كافتيريا فإنها تقدّم خدماتها لروادها الجدد من الشباب من السودانيين والأجانب حيث تقدّم الوجبات السريعة والمشروبات الساخنة والباردة.
06-15-2021, 06:36 PM
Abureesh Abureesh
تاريخ التسجيل: 09-22-2003
مجموع المشاركات: 30182
ويا دكتورة إخلاص أقرى عندك أسماء المشاهير الذى زاروا أتنى. لكن مع الأسف مافى طريقة تتبع اثارهم وزيارتها الان لأنها لم تكن كما كانت
Quote: وكانوا يرتادون قهوه اتني، كما كان يرتادها أيضاً أهل الثقافة وموظفو الدولة والفنانون، منهم من يأتي لاحتساء القهوة وقراءه الصحف ومنهم من يأتي مستمعاً إلى الحوارات الأدبية التي يعقدها الأدباء ومن بينهم الأديب ورئيس الوزراء الأسبق محمد أحمد محجوب والأديب أحمد محمد صالح.
ويعتبر الراحل سيد خليفة نقيب الفنانين أحمد المصطفى من أشهر مرتادي المقهى في تلك الحقبة الذهبية وفي السبعينيات كان يجلس عليها الفنان أبوعركى البخيت والشاعر الغنائي إسماعيل حسن وبعض أهل الكرة وكبار تجار الخرطوم.
المقال كاملاً
Quote: الخرطوم – عادل أحمد صديق:
اشتهرت مقاهي ومطاعم في السودان بمميزات عددية جعلت منها أسماء مشهورة منذ عهد الحكم الثنائي الإنجليزي المصري عام 1899 ودخول الأجانب من اليونانيين والقبارصة والشوام والهنود وكذلك اليهود إلى السودان.
ومن هذه المقاهي أتني والزئبق في الخرطوم وفي أم درمان مقهى يوسف الفكي التي زارها الأديب عباس محمود العقاد والآغا، ومقهى أم الحسن على الطريق المؤدي للولاية الشمالية والتي كان من روادها الرئيس الراحل جعفر النميري.
كانت تلك القهاوي منتدى لأهل الفكر والثقافة والفن والرياضة والسياسة، واستمرت تقدّم خدماتها حتى مطلع الألفية الثالثة ثم تحوّلت بفعل العولمة والتطوّر إلى كافتيريات ومطاعم تقدّم المشروبات الساخنة والباردة والأطعمة السريعة فيما اندثر بعضها.
ومقهى أتني التي اندثرت كانت أشهر مقاهي السودان حيث شكّلت ملتقى للسودانيين وكان يجتمع فيها الأجانب والمثقفون والشعراء والسياسيون وتميّزت عن غيرها من المقاهي، بسبب الطابع الأرستقراطي الذي اشتهرت به، والطريقة الخاصة التي تتم خدمة الزوار فيها، كانت تقدّم مأكولات غربية، وأنواعاً جديدة من الطعام وسندويشات لم يعرفها الشارع السوداني حينها، مثل المرتديلا والهوت دوج.
سُمّيَت بقهوة “أتني”، تيمّناً بالعاصمة اليونانية أثينا، وكان يملكها ويديرها مواطن يوناني يدعى جورج فالفس أنشأها في عهد الاستعمار الإنجليزي، وصمدت في مكانها إلى ما بعد الاستقلال لما يقارب الأربعين عاماً وتقع في قلب الخرطوم في منطقة السوق الإفرنجي، وقد اندثرت ولم يتبق منها سوى الاسم والشهرة السابقة وأنشئت مكانها كافتيريا حديثة يملكها أحد السودانيين.
الراية التقت عبد الماجد عثمان الجابري أحمد صاحب الكافتيريا الجديدة، وقال: إن المقهى أسّسها فالفس قبل 80 عاماً وأسماها “اثني” وتنطق بالعامية السودانية “اتني” تخليداً لعاصمة بلاده أثينا وكان يومذاك رئيس الجالية اليونانية بالسودان وكان من أكبر تجار الطواحين، وبعد عشر سنوات انتقلت لقبطي يدعى فكتور عبدالمسيح ثم اشتريتها في أواخر عام 1976.
كانت الخرطوم في عقود الخمسينيات والستينيات والسبعينيات، وحتى أوائل ثمانينيات القرن الماضي قد شهدت انفتاحاً ملحوظاً، يتزاحم عليها السيّاح من الخارج بين شهري أكتوبر ومارس من كلّ عام، للاستمتاع بالطبيعة الساحرة في السودان. وكانوا يرتادون قهوه اتني، كما كان يرتادها أيضاً أهل الثقافة وموظفو الدولة والفنانون، منهم من يأتي لاحتساء القهوة وقراءه الصحف ومنهم من يأتي مستمعاً إلى الحوارات الأدبية التي يعقدها الأدباء ومن بينهم الأديب ورئيس الوزراء الأسبق محمد أحمد محجوب والأديب أحمد محمد صالح.
ويعتبر الراحل سيد خليفة نقيب الفنانين أحمد المصطفى من أشهر مرتادي المقهى في تلك الحقبة الذهبية وفي السبعينيات كان يجلس عليها الفنان أبوعركى البخيت والشاعر الغنائي إسماعيل حسن وبعض أهل الكرة وكبار تجار الخرطوم.
بعدما تحوّلت إلى كافتيريا فإنها تقدّم خدماتها لروادها الجدد من الشباب من السودانيين والأجانب حيث تقدّم الوجبات السريعة والمشروبات الساخنة والباردة.
جار الخرطوم.
06-15-2021, 06:30 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
انا علي الكنزي في السبعينات ترددت كثيرا على اتيني برفقة اصدقائي وكان مكان لقاءنا للانطلاق من هناك وكثيرا ما نأتيه بعد مغيب الشمس مباشرة ولا انسى سندوتش السمك والطوحال والدجاج المصنوع على الطريقة الحبشية (شطة شديدة) فعلا كان هناك بعض من يعرض لوحاته المائية وهم يفترشون شارع الجمهورية واغلبهم من الكنغو كنشاسا واشتريت بعض اللوحات زينت بها غرفتي في الثورة الحارة الثامنة لم يكن هناك نشاط ثقافي واضح ولكن اغلب من يرتاد المكان مساءً هم من صحاب القمصان البيضاء وفعلا كانت هناك ترابيز صغيرة مستديرة مع كراسي خفيفة توضع في الغالب في الناحية الشرقية للمدخل والمدخل ان لم تخني الذاكرة كان عند الكورنة الجنوبية الشرقية والكاشير بعدها طوالي والسندوشتات علي يسارك عند الدخول تحياتي للجميع ومافي داعي للزعل علما بأن اصحاب الحق لهم مطلق الحرية في اتخاذ القرار الذي يرونه مناسبا ولهم الشكر في انهم سمحوا لجينا بمتنفس نلجأ اليه مرة فمرة
06-15-2021, 07:50 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: اتني مطعم أو تحديدا كافتيريا زي ما بقولو واصحابه كانو من أهلنا ناس العيلفون
يا أبا ذر ..
ما بعرف اهلك اشتروه متين ..
اتني كان اصحابه بتين اقاريق .. من اليونان عديل ..
و سنة 70 بعد ما سيئ الذكر مسك .. اشتراهو منهم فكتور عيسى .. عم رجاء نيكولا الفي المجلس هسي و متزوجه ولده .. و فكتور عيسى اخوه سليم عيسى المحامي الدافع عن اشتاينر ..
و طول عمره مشهور بالساندوتشات .. و في الفطور كان عندهم سندوتشات سمك ..
06-15-2021, 07:41 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ( التثاقف و التدارس ) الرياضي كان في ميدان الامم المتحده امام سوق الخدار .. في زاوية البنك الصناعي امام ترزي الجلاليب الشهير عمك شبيرقله ..
سلام للجميع
يحي يا عمك برضو ما تنسى فى نفس صف البنك الصناعي كان فى مكتب سودانير وقدام ميدان الامم المتحدة كان فى اشجار كانوا بيقعدوا تحتها العرضحالجية وبتوعين الودع وهلالاب ومريخاب بيتناقشوا فى الكورة وباعة صحف ومجلات . وبرضو من معالم تلك المنطقة قهوة زيبق عند برج الدهب .
Quote: Quote: وكشف عبد المتعال عن تواصلهم مع محامين بشأن منعهم من إقامة النشاط بالساحة.
دا كلام غريب جداً ياخ الساحة دى ساحة خاصة حتى ولو رفعوا قضية من اول جلسة القاضى ح يحكم لصالح ملاكها
06-15-2021, 08:05 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
الراية التقت عبد الماجد عثمان الجابري أحمد صاحب الكافتيريا الجديدة، وقال: إن المقهى أسّسها فالفس قبل 80 عاماً وأسماها “اثني” وتنطق بالعامية السودانية “اتني” تخليداً لعاصمة بلاده أثينا وكان يومذاك رئيس الجالية اليونانية بالسودان وكان من أكبر تجار الطواحين، وبعد عشر سنوات انتقلت لقبطي يدعى فكتور عبدالمسيح ثم اشتريتها في أواخر عام 1976.😂😂
06-15-2021, 08:15 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: انتقلت لقبطي يدعى فكتور عبدالمسيح ثم اشتريتها في أواخر عام 1976.😂😂
غلط يا منتصر ..
فكتور عيسى و ليس فكتور عبد المسيح ..
فكتور عبد المسيح كان جارنا في نمرة اتنين .. كان عندهم بيت طابقين في زاوية شارعنل بالضبط مع محطة العداد .. كان ساكن هو و امه في طابق لانه ما اتزوج .. و كان حنا اخوه ساكن في طابق مع اولاده ..
فكتور عبد المسيح كان صاحب وكالة فكتوريا و فندق فكتوريا في شارع القصر في ضهر مدرسة الخرطوم شرق الابتدائيه و ليس لهم علاقة بي أتني ..
06-15-2021, 08:32 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
الترابيز الجابها (عاصم) كانت بتطلع وتنزل زي (البستم) لأنو ممنوع الزحمة في الحتة دي. تأكل وتشرب وقافي -ياخي لمن نفسك تتقفل من الأكل خصوصا إذا كان الجو مخستك.
Quote: او مرات تكون مجكس واحده من شركات الطيران و الوكالات البي غادي ..
انت يا قبة أمدرمان مافيها وكالات ولا ما فيها (قرمبوز- جكس)- جايي مهاجر من امدرمان عشان بنات الوكالات:). الحمد لله ماجيتنا في بحري كان فلقناك بالتفاح الني :)
06-15-2021, 08:42 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: انا علي الكنزي في السبعينات ترددت كثيرا على اتيني برفقة اصدقائي وكان مكان لقاءنا للانطلاق من هناك وكثيرا ما نأتيه بعد مغيب الشمس مباشرة
مافوقها تكحيله مع الطحال و السمك يا شيخ علي .. ههههه
ياخ ايام بديعة ..
انا غايته سندوتشات اللسان و المخ كانوا اول اللستة لو في الليل ..
و بالنهار السمك ..
في السبعينات القنصلية الانجليزية كانت هناك في العماره القديمة .. كنا ( نجدع ) الجواز في الشباك في الطابق التاني و ننزل ناكل في اتني و نطلع ليهم نلقى الفيزا جاهزة مدقوقة في الجواز ..
06-15-2021, 08:46 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
بالله وانت بتحكي عرج لينا على (شش كباب) لأنو انا هسه منتظر صينية العشا. وبعداك امشي لي على (إشراقة)- طبعا يا قبة اشراقة دي مابتكون حضرتها لأنها حديقة في العصر الحديث:) - انت وابو الريش من عهد السبعينات قاعدين تتناقشو. لسه يا قبة ما جيتك على (الصمدي) والقعدة مع الشباب انت والربع- ياخي لمن تسأل من الحساب كم - تلقى نفسك ممكن تفتح طبلية في السوق العربي :)
Quote: يا زول احتفظوا بالذكريات الفي راسكم انا مشيت اول امس محل اتني ولمن دخلت مروي بوكشوب بس زي ناس قفا نبك وبوركت من طلل وعمارة ابوالعلا القديمة بقت قديمة جد جد
الشيخ سيد احمد: حياك الله ابوالريش فعلا كلام يحيى صحيح.
ْعثمان موسى: سلامات يا شباب . زي ما قال قباني . ما كانت قبلة للمثقفين والفنانين .
احمد عمر: في رأي الناس الكبار يعني العواجيز والقدام يحكوا عن الخرطوم احسن ودي فرصة يصبح البوست توثيقي. اما بالنسبة للمكان ده ما اظن كان محل تثاقف ولا تدراس لا قريباً ولا بعيداً
ابوذر بابكر: تحياتي كلام يحي قباني صحيح مية المية
عمار عبد الله: اتني لم تكن مكان مثقافة ,,, او تجمع مثقفين لم اسمع بقيام منتدى في اتنى او طاولة مخصص لفنان او اديب
علي الكنزي: لم يكن هناك نشاط ثقافي واضح ولكن اغلب من يرتاد المكان مساءً هم من صحاب القمصان البيضاء
و الله بعد ده الا نجيب بسطونة امكن افهم ..
06-16-2021, 05:45 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
اتني بين عصرين كدي نمشي في محاولة التوثيق خطوة العهد الاول لأتيني عهد الياقات البيضاء من مدراء البنوك والارستقراطية الخرطومية حتي الوزراء ورؤساء الوزارات و طبعاً الاجانب. العهد الثاني اواخر التمانينات وانت طالع هل كان يرتادها ) المغنيين المطاليق والبنيات النسيمات كما قال القدال؟) هل كان عاطف خيري مثلاً او ناس عقد الجلاد يرتادون اتني ؟ من هم روادها بعد العهد الاول ، العهد الاول به المحجوب واحمد المصطفي ليس للمثاقفة ولكن لقربها من العمل ولصلة احمد المصطفي بأهل المكان وقد يكون من ضمنهم هواة مشاهدة المشاهير.
غالباً الرواد الان هم شباب يروح عن نفسه فقط.
الخرطوم كما قال muntasir لم تعد في جمال ماضيها .
06-16-2021, 09:15 AM
Abureesh Abureesh
تاريخ التسجيل: 09-22-2003
مجموع المشاركات: 30182
لماذا تنفوا التثالتثاقف ؟ لو اجتمع المثقفون والفنانون والسياسيون. فى مقهى راقى.. تفتكروا حيتكلموا عن شنو؟ عن الساندوتشات .
بس رجاء لماذا تنفون نقاشاتهم فى مجالاتهم .. انا لا اتحدث عن فعاليات او معارض..الخ. هذه حسمها الاخ ابوذر وقال هو الذى قال ذلك. ولكن لو الطبقة المذكورة اجتمعت فعن ماذا ستتحدث أثناء شراب القهوة او الشاى.. او اى شئ اخر؟
06-16-2021, 10:48 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
نعم سيكون حديثهم ينصب حول امور بالضرورة مرتبطة بمجالهم ولكن لم يخصص لها مثل ندوة الاربعاء . هو حديث اثناء تناول فنجان قهوة ومحدد بوقت العمل او ما توفر لهم من زمن . وقد لا يتطرق لامر الثقافة كذلك ، المؤكد الان معرض الصور ، لا يمكن ان تأتي بالصور صدفة ولا يمكن ان يكون من تعرضه لها الا من طبقة ونوعية معينة. هو مكان التقاء لنخبة.
06-16-2021, 10:54 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الجميل في النقاش بالنسبة أنني عرفت المقصود من اتني كنا نسمع اغاني في ضواحي الدنيا تأتي إلينا من العاصمة مثال : في اتني يابابور جاز الحريق متني يا بابور جاز
متنيه أفتكر كان نوع من السجائر كنا نعرفه ولكن اتني كنت متخيل انها في أديس ابابا
جميل التوثيق لمثل هذه الامكنة لأنها تجلب حب المكان والوطن
Quote: والأدب والأصالة والقانون كان في كل مكان . وحقيقة في داك السودان الخرطوم كلها كانت اتني.
والنفوس راضية والقلوب صافية والجمال في كل مكان حتي نهاية التمانينات ونحن في المرحلة المتوسطة والثانوية معاي الأصحاب وأولاد الحلة كنا أعضاء فرق السباحة في نادي النيل والنادي الأهلي عندنا تمارين سباحة يومين في حوض الثقافة (وزارة الثقافة) ويومين في حوض الجامعة (الخرطوم) بنات علي أولاد في حوض واااااحد بدون حرج سباحة وكرة ماء - نخلص التمرين وحسب الجيب يا ضربنا سندويشات سمك (فيليه) ومعاه عصير برتقال في كافتيريا اتني وحلويات سلا ومطعم الحرمين قرب الأهلية وكتيرا في فول أبو العباس - زمن جميل أحيانا كنت بمشي اتني بالنهار عندما إستلم مصااريفي من إبن عمي في بنك الشعب التعاوني سابقا وكل رواد اتني تقريبا موظفين البنوك والخارجية والثقافة والعاملين والمتسوقين في السوق الإفرنجي بس بصراحة ما شفت فيه ناس التثاقف ديل.
أنا لو صاحب مطعم اتني كان سميته كوش كافيه كيتا في نخب المركز الجلابة هههههههه
06-16-2021, 01:21 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: وكل رواد اتني تقريبا موظفين البنوك والخارجية والثقافة والعاملين والمتسوقين في السوق الإفرنجي بس بصراحة ما شفت فيه ناس التثاقف ديل.
الاخ محمد.. هل تعتقد فى قبيلة اسمها ناس التثاقف؟ الم يكن الذين ذكرتهم مثقفون؟ طيب بالله كمل جميلك وقول لينا كانوا يتكلموا عن شنو وهم فى القهوة.. وينوبك ثواب. لو لم تتمكن من الاستماع اليهم ففى اى موضوع تعتقد ناس "الخارجية والثقافة".. يمكن ان يتحدثون وهل الحديث عن الثقافة ممنوع ان يخوضوا فيه.؟
06-16-2021, 01:45 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
Quote: طيب بالله كمل جميلك وقول لينا كانوا يتكلموا عن شنو وهم فى القهوة.. وينوبك ثواب.
يا أبو الريش الناس دي (موظفين مثقفين ولا درجة تانية) بيجوا المطعم بصفة فردية أو إتنين اتنين أو تلاتة تلاتة بياكلوا سندويشتاتهم ويدخنوا ويتونسوا في مواضيع عادية وبيرجعوا لي شغلهم لكن ما بتلقوا مثلا مجموعة يعني أكتر من عشرة بيتاقشوا في مثلا ندوة أو خطبة لي محمود محمد طه ولا الصادق المهدي ولا بيحللوا ويناقشوا في كتاب لي الطيب صالح ولا أغنية لي محمد وردي ولا قصيدة لي محمد قؤاد نجم الخ والجماهير أو الصفوة قاعدين يصفقوا ويهللوا - الموضوع بسيط جدا مطعم عادي بس أكله مختلف وموقع ممتاز وداخلين ومارقين في اليوم عشرات البشر من موظفين وخلافهم.
06-16-2021, 03:14 PM
Abureesh Abureesh
تاريخ التسجيل: 09-22-2003
مجموع المشاركات: 30182
طيب يا محمد.. فى جهات ومجموعات ثقافية الان تطالب بعدم إغلاق الساحة..هل تعتقد انهم فقدوا السندويشات على الطاير وهم فى فسحة الفطور؟ القهوة عمرها 80 سنة وليس لهم الحق فى الاحتجاج على تغيير معالمها لانها لم تكمل شرط اليونسكو 100 سنة.. لكن دا موضوع مختلف.. لماذا تحتج هذه الجهات الثقافية؟
06-16-2021, 03:46 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: طيب يا محمد.. فى جهات ومجموعات ثقافية الان تطالب بعدم إغلاق الساحة..هل تعتقد انهم فقدوا السندويشات على الطاير وهم فى فسحة الفطور؟ القهوة عمرها 80 سنة وليس لهم الحق فى الاحتجاج على تغيير معالمها لانها لم تكمل شرط اليونسكو 100 سنة.. لكن دا موضوع مختلف.. لماذا تحتج هذه الجهات الثقافية؟
يا محمد منو الجماعات و الجهات الثقافية المطالبة بعدم اغلاق الساحة ؟
عندك ليها اسماء ؟
06-16-2021, 04:03 PM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
ما في جماعة ثقافية بالتحديد كدا لكن هنالك شباب وطلاب وبعض المارة مرات بيكون في واحد بيعزف علي عودوأصدقاءه أو زملاءه بغنوا معه ودي قليلة وبعدين في باعة كتب قديمة واو جرايد علي مدخل شركة شل القديمة هناك وكمان في رسام قاعد يعني قصة الناشط الثقافي ضعيف و كلهم يجمعم استغلال المكان منذ بدايات الثورة الي صدور قرار الملاك هذا والعهد بتواجد الشباب ديل قريب جدا المهم الان بدات كل الناس تمشي حديقة قرب وزارة التجارة وأخرين بقوا قاعدين في فناء فندق قديم كدا قريب شلرع لبرلمان حسب افادة كاتب التقرير وقصة التثقاف دي زيادة كتبت في التقرير وما هي القضية الاساسية ولكن للمكان في ذكرة المدنية والناس بالخردوم مقام *خلاص يا صديقي أبوالريش دا الحاصل
06-16-2021, 05:06 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
يا محمد منو الجماعات و الجهات الثقافية المطالبة بعدم اغلاق الساحة ؟ عندك ليها اسماء ؟
رجعت لي أول مداخلة وحتي آخر مداخلة ما في ولا جهة ولا جماعة ثقافية معتبرة رفعت شكوي ولا طالبت بعدم إغلاق الساحة إلا من بعض النشطاء المثقفين وحتي رأي القانوني أو وجهة نظره القانونية يبدو كلام في كلام وما عنده إعتبار والملاك ليهم الحق يفعلوا بملكينهم ما شاءوا . وربما المكان تواجد فيه كما ذكر زهير بعض النشطاء في الفترة الأخيرة لكن لحد سنة 1990 المكان ده مطعم ما فيه أي نشاط ثقافي أو سياسي أو غيره.
06-16-2021, 05:22 PM
Abureesh Abureesh
تاريخ التسجيل: 09-22-2003
مجموع المشاركات: 30182
يا محمد انت لو قاعد تتكلم عن (جماعة) أو (هيئة ثقافية) أو أى نشاط ثقافى(منظم) كان موجود فى أى وقت، إذا شوف القال الكلام دا منو ورد عليه.. وأنت قلت مريت على كل المداخلات، وأكيد ما قرأت لى أقول ذلك.
06-16-2021, 05:26 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: و كلهم يجمعم استغلال المكان منذ بدايات الثورة
يا استاذ زهير، لو النضمى دا كله والحزن والأحباط عشان فى ناس فقدوا ساحة كان عندهم فيها أى نوع من النشاط أيام ثورة 2018-2019، (الأمبارح دى) فقد أضعت وقتى سدى.
06-16-2021, 05:38 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
يا أبو الريش إنت قلت : لماذا تحتج هذه الجهات الثقافية؟ والسؤال ده كان موجه لي ورد ليك قباني بسؤال عكسي وقال ليك سمي لينا الجماعات والجهات الثقافية؟ وأنا عقبت وأكدت علي كلام قباني ورديت ليك داخل التعقيب - تاني شنو؟ كل المتداخلين كلامهم وااااااضح إلا إنت كل مداخلة جاي بسؤال غير. بصراحة يا إنت رايح ليك جدال وغلاط يا عايز تتونس وتمسك بينا زمن!
06-16-2021, 06:10 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: يا أبو الريش إنت قلت : لماذا تحتج هذه الجهات الثقافية؟ والسؤال ده كان موجه لي ورد ليك قباني بسؤال عكسي وقال ليك سمي لينا الجماعات والجهات الثقافية؟
لم ترد على سؤالى.. متى قلت أن هناك جهات ثقافية؟ ارجع للمداخلات تانى وجاوب على السؤال دا .. السؤال بتاعى الفوق الانت نصصته كان تعليق على ما قاله زهير ان جهات سوف ترفع دعوى وربما محامين. نفس الكلام دا موجه للباشمهندس يحيى.. وبالمنسبة ليحيى فإن الرأى المسبق الذى أعلنه يحجبه من الوصول للمعنى الموضوعى لأى شئ يقرأه.
المهم يا سادة يا كرام وبعد زهير أوضح أن البوست كان عن أتنى 2018 فسأترك النقاش هنا لأنى كنت أتحدث عن أتنى الستينات والسبعينات التى أعرفها، رغم أنف يحى (مزحة يا هندسة)
06-16-2021, 06:47 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: لغاية ما خليت السودان في 88 .. ساحة اتني دي ما فوقها غير الاسياخ المارقه فوق الاعمده الخرسانية
وأنا كنت أعلق على كلامك فقط.. أنا لا شفت سيخ لا خرسانة.. الله يصبرك يا روح.. طيب سؤال، لو السيخ دا كان مارق من الخرسانة لغاية ما غادرت انت السودان عام 1988، غطوا الخرسانة متين؟
06-16-2021, 08:04 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: وأنا كنت أعلق على كلامك فقط.. أنا لا شفت سيخ لا خرسانة.. الله يصبرك يا روح.. طيب سؤال، لو السيخ دا كان مارق من الخرسانة لغاية ما غادرت انت السودان عام 1988، غطوا الخرسانة متين؟
هههههههههههههههههههه
جنس عكلته ..
انت ما شفت السيخ .. صاح ؟ و السيخ قاعد من ما بنو العماره .. و انت ما عارف السيخ اتغطى متين ؟ صاح ؟
اذا انت ما بتعرف اتني الخمسينات و الستينات و السبعينات .. ( موضوع البوست )
ما حصل سمعت بنشاط ثقافي من نوع ندوة او محاضرة او جلسة شعرية في أتنيه. لكن النصيحة كمان الناس البتجي أتنيه بكونوا مشنطين البنطلون وبعضهم كمان لابسين كرفتات وبياكلوا سندوتشات، هي الثقافة دي أكان ما كدا كفنها؟ 😜
06-16-2021, 11:46 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: انت ما شفت السيخ .. صاح ؟ و السيخ قاعد من ما بنو العماره .. و انت ما عارف السيخ اتغطى متين ؟ صاح ؟
اذا انت ما بتعرف اتني الخمسينات و الستينات و السبعينات .. ( موضوع البوست )
فشل ذريع فى التعليق.. أهو زى ما شيفين الباشمهندس يحيى لا يجاوب حين يعجز إلا بعبارات لا علاقة لها.. أو بأسئلة جديدة. يا هندسة سؤالى محدد.. قلت انت خرجت من السودان عام 88 وكانت الأسياخ موجودة.. طيب متين تغطت الخرسانة، وكيف عرفت أنت بذلك؟ برضو شايفك طنشت من صور دكتورة إخلاص.. شفت أجمل لوحات فنية فى تلك الساحة.. الفن المنفتح على الجمهور كما فى باريس.. يعنى حتى أمس النشاط الثقافى للأفراد كان موجود.
طيب خلينا نكون إيجابيين شوية.. أعتقد قرار الملاك بالإغلاق كان قرار سيئ حتى بحساب الإقتصاد والتجارة. فى الغرب هنا، وأنت تعلم ذلك. المؤسسات تدفع دم قلبها لإستقطاب هذه الفئات. شهرة المكان نفسها وإقامة نشاطات فنية عالية القيمة بدون المؤسسة أو الشركة (الملاك) أن يدفعوا مليماً واحدا.. هذا كنز نزل عليهم من السماء ولم يستغلوه الإستغلال الأمثل، ولو فعلوا لكسبوا الملايين، ولإكتسبوا وإكتسبت عقاراتهم سمعة ترفع قيمتها أضعافاً مضاعفـة. ولقدموا خدمات مختلفة عالية القيمة والسعر دون أن ينافسهم أحد.. ولكسبوا الشهرة ولوضعوا لافتة تقول Athene, Since 1940es .. بالمقابل كان بإمكانهم كملاك أن يحافظوا على الأمن ويضعوا الإجراءات الأمنية لضمان سمعة الساحة وأمن الزوار.
06-17-2021, 05:12 AM
جلالدونا جلالدونا
تاريخ التسجيل: 04-26-2014
مجموع المشاركات: 9390
Quote: جلادونا تحياتي بالله خليك زول جادي الناس هنا بنقاش هل المكان كان مكان للتثاقف ولاغير اكتب في الامر دا بس خلي الدروشه
يبقى البونسوك ديل كلّهم يا ما عارفنها ولّ ما عارفين الملوص اتنى محاطة تقريبا بى عمارات من تلاتة جهات كل عمارة عندها برندات الملوص كان فى البرندات دى و كذلك الزيبق ماب تعرفو دى حاجة ما لعبتو فى الحتات دى ... دى حاجة تانية يا ولدنا لى قريب ده تاريخك الاجتماعي ردا كاكي و قميص ابيض و ملوص و الشراب اسكوب و كورية بقنية و تكية بى مزاج فى حوش مريسة ياخى ناظر محطة عطبرة شفناهو لابس ردا
06-17-2021, 10:01 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
يحي قباني
Abureesh
Asim Ali
ترهاقا
Osman Musa
علي عبدالوهاب عثمان
احمد عمر محمد
أبوذر بابكر
عمار عبدالله عبدالرحمن
جلالدونا
Ali Alkanzi
علاء سيداحمد
الشيخ سيد أحمد
Hani Arabi Mohamed
محمد محمد قاضي
Hafiz Bashir
فيس بوك
تويتر
انستقرام
يوتيوب
بنتيريست