|
كتب الكاتب الفاتح جبرا المتوفرة بمعرض الدوحة
|
|
 Re: حدث في السفارة السودانية بالدوحة (2020) (Re: محمد أبوالعزائم أبوالريش)
|
رجعت للموظف الأول ... سلمته الجوازات والصور ... ختم على الجوازين ووضع التاريخ، ثم طلب مني الذهاب لضابط الجوازات للتوقيع ... وقع عليها ورجعت للموظف الأول الذي قال لي: خلاص ... جوازاتك عندك مجددة ... إكتمل الإجراء.
لم أكن أتخيل أن زيارة السفارة وتجديد جوازات لم يكلفني غير بنزين السيارة.
طبعاً التجديد كان مجاني باعتبار إنه إجراء طارئ بسبب الكورونا ... لكن مثل هذا الشئ لم نعتاد عليه.
و ........
مدنيااااااااو
| |
 
|
|
|
|
|
|
|
|
Re: حدث في السفارة السودانية بالدوحة (2020) (Re: محمد أبوالعزائم أبوالريش)
|
الحقيقة، بعد كتابة بوست 2011 نشطت السفارة في السؤال عن كاتب البوست واستقصت عني ... السؤال كان من القنصل وقتها ... بمعنى إنه السفارة كانت (في أحسن الفروض) عارفة التجاوزات الحاصلة ... وقد تكون راعية للتجاوزات دي ... بدليل إنها بدل ما تتقصى عن الشي المنشور، قعدت تتقصى عن ناشر الكلام.
| |
|
|
|
|
|
|
|
|
|
Re: حدث في السفارة السودانية بالدوحة (2020) (Re: محمد أبوالعزائم أبوالريش)
|
ابو الريش يا دفعه ..
ايامي الفي السعودية آخر التمناينات اول التسعينات .. قبل الهجره لكندا ..
جددت جوازي في السفاره في الرياض و ادوني الوصل الما مفهوم داك لونه زي قلم الكوبيا ..
مكتوب بخط عشوائي جدا .. و كل سطر فيو مبلغ و قبالو شرح شايلين المبلغ ده نظير شنو و لا رسوم لي شنو ..
المهم في الاخير في سطر .. شايلين قصاده قروش و كاتبين ( أُخرى ) ..
اها انا لي يوم الليله دي ( أُخرى ) دي لي شنو و بتمش وين ما عرفته ..
| |
|
|
|
|
|
|
|
|
Re: حدث في السفارة السودانية بالدوحة (2020) (Re: يحي قباني)
|
هلا قباني،
| Quote: جددت جوازي في السفاره في الرياض و ادوني الوصل الما مفهوم داك لونه زي قلم الكوبيا .. |
ياخ إنت زول سعيد ...
الوصل الزي قلم الكوبيا ده (أورنيك 15) معناتا السفارة وردت المبلغ لخزينة الدولة مهما كان مكتوب فيهو شنو ... لكن قروشي الدفعتها الذكرتها في البوست القديم وحاتك ما كتبوها ولا في منديل ورق.
ده العملوهو معاي زمان وكتبت كتابة جابت لي الكفوة ... المرة دي عملوا حاجة نقيضة قلنا نديهم حقهم.
| |
|
|
|
|
|
|
| |
محمد أبوالعزائم أبوالريش
يحي قباني
فيس بوك
تويتر
انستقرام
يوتيوب
بنتيريست