جهات الاختصاص فى المالية -بنك السودان-ادارات الويسترن يونيون فى السودان وبنك الخرطوم

Quote: علاء امبس .. تحياتي .. كلامك ده مهم جداً في ناس مازال يعملون مع السوق الموازي طبعاً هنا في الجمعيات وخاصة ناس مناطقنا ليس لديهم معرفة تامة بتعقيدات البنوك والوعي الكامل للتعامل مع مثل هذه الحاولات العملية تحتاج الى وقت وممارسة فعلية وتنوير من البنوك لمعرفة هذه الطريقة كما ذكرت سابقاً لأن السماسرة خاصة عندنا في السعودية طبعاً من أولاد الحلة وكمثال : ترفع السماعة وتتصل ( سلم الوالدة ما قميته 500 ريال ) ممكن بعد ساعة تتصل في البلد المبلغ مع الوالدة .. حتى السداد للصرفي هنا ليس كاش في نفس الوقت ممكن يوم الجمعة أو الخميس في الجمعية تسلمه المبلغ .. وتعرف أن مبالغ المصاريف للاهل ليست كبيرة ومؤثرة .. حتى اذا كان السعر أقل من البنك ولكن الخدمة وطريقة توصيل المبلغ .. مباشرة للخال والعم والوالدة وغيرهم .. إلا معليش الحوالة للشباب لديهم حسابات بنكية .. الخ ممكن على راحته .. موضوع مازال في أول الطريق .. وموظفي البنوك في السودان يحتاجون الى تدريب مكثف جداً الخوف أن تظهر تسهيلات وأولويات للعملاء من موظفي البنوك لأننا يمكن نخترق أي منظومة ونمارس فيها نوع من التكسب .. موضوع ويسترن كان متداول في القروبات عن بنك الخرطوم في البرقيق شايف واحد من الشباب يقول ان هناك نافذة في بنك الخرطوم في البرقيق للحوالات الآن بحث في قروب الشباب لم اجد المداخلة .. تحياتي الحبيب علاء .. ننتظر حتى ينجلي الموضوع

Quote: الكلام ده ده مهم وخطوة من بنك الخرطوم ما نزل في صفحتهم ننزلو هنا للناس 👇👇👇👇👇👇👇 اعتبارا من السبت 6 مارس 2021 تم تعديل زمن عمل الفروع لتصبح من : العملاء من : الساعة 11.00 صباحا الى الساعة 4.30 مساء الاخوة و الاخوات و بخصوص الموضوع المذكور بعالية فقد تقرر عودة العمل بفروع السبت تماشيا مع احتياجات المرحلة الحالية وذلك لخدمة عملاء ويسترن يونيون و بيع و شراء العملات الاجنبية فقط (لايوجد اى خدمات اخرى تقدم ) (سيتم استخدام الاسعار على النظام ) الفروع هى : الجمهورية الرياض الواحة عفراء العمارات السجانة الكلاكلة اللفة البلدية الانقاذ الصناعية بحرى الموردة سوق لبيا اسواق امدرمان المحطة الوسطى العيلفون الحلفايا المئوى السوق العربى السوق المحلى الفتيحاب *الاقاليم* مدنى عطبرة بورسودان كسلا كوستى حصاحيصا سنجة القضارف مروى وادى حلفا الابيض الفاشر نيالا الجنينة الضعين الدمازين كادوجلى دنقلا الغولد البرقيق

Quote: معلومات تهمك لو كنت في السـعودية في أنظمة البنوك في نوعين من التحويلات 1- تحويلات من بنك لبنك ودي أصلا مخصصة للعمليات التجارية لكن ممكن تستخدمها كقناة للتحويل الشخصي رسومها دائما فوق الـ50ريال -2 تحويلات سريعة دي مخصصة للأفراد والدعم الأسري .. يلا التحويلات دي كمان هي زاتها نوعين :- أ- نوع علاقة مصرفية مباشرة زي فوري بنك الجزيرة وكويك باي الأهلي وتلي موني العربي ب- نوع ماخد توكيلات حوالات دولية زي الوسترن يونيون منها أنجاز واسي تي سي بأي وارسال الخ أو موني جرام حقت الراجحي .. ....................... * الملعومة التاخدها من هنا ما بالضروري يكون البنك فاتح للسودان كل القنوات .. ممكن فاتح السريع وما فاتح بنك لبنك .. وممكن فاتح بنك لبنك وما عندو علاقة مصرفية سريعة.. أو فاتحهم الأتنين ... معلومة مهمة لو حولت من بنك لبنك الأولى بعد 2:30 أنت أتجاوزت المقاصة الدولية بتاعت مؤسسة النقد (ساما ) اليوم ده تاني ما بتحسب تبدأ تحسب 24 أو 48 ساعة من اليوم البعده بشرط ايام الأجازة ما محسوبه التحويل السريع التانية ما ليهو علاقة بكون اسرع في النزول .................. يلا لوضع كالتالي : - بنك الجزيرة فاتح تحويل سريع فوري لبنك الخرطوم لكن ما فاتح علاقة مصرفية من بنك لبنك (ما تحول ابو 57 ريال بترجع .. حول التانية حقت فوري أم 25 ريال من الفرع أو 5 ريال التطبيق - بنك الخرطوم ما عندو علاقة مصرفية تحويل سريع (كويك بأي ) لكن عندو بانك تو بانك مع البنك الأهلي .. عشان كده بيتحول أبو 57 ريال .. لكن ما موجود في كويك بأي - بنك البلاد بتحول من بنك لبنك بي 57 ريال لبنك الخرطوم .. لكن ما عندي تاكيد للحوالة السريعة أنجاز بالسوفت بتنزل بالحساب ..شايف سكرينات بي 14 ريال وتاني بي 25 ريال ( لو نزلت في الحساب بنعدل البوست ) ............... ده تريب الوضع حتى اللحظة من الأسهل والارخص للأصعب : الأول : فوري بنك الجزيرة لبنك الخرطوم هو الارخص 25 ريال من الفرع 5 ريال من التطبيق وكمان لأنو بينزل سريع الثاني : كويك بأي البنك الأهلي لبنك فيصل كاش سهل جداً ومتعاونين .. وممكن ينزل في حساب بنك فيصل أو البنوك الثانية (إلأ بنك الخرطوم بنفصل في بوست تاني لأنو مهم ) الرسوم من الفرع بي 28 ريال من النت بي 18 - الثالث بنك البلاد بالسوفت (57ريال ) - الأخير هي الوسترن ليست في صعوبة الخدمة في السعودية وأنما في صعوبة الأستلام في السودان لأنها نقدي حتى الآن، وترتيب الوسترن كده حسب الرخص - أنجاز وسترن مجاني - من تطبيق أس تي سي بآي بي 15 ريال - من تطبيق وسترن نفسه (أرسال ) بي 18 ريال - من بنك الرياض ومن بنك سامبا موجود ايضا

Quote: انفراج كبير حدث في البنوك في أستلام وصرف العملات الصعبة الكاش .. واضح ناس بنك السودان والمصارف الكانو في غيبوبة وبيرسمو في صورة ملحمة وطنية ومش عارف شنو وضح من مخرجات أجتماع اللجنة العليا للمتابعة أمس وقع ليهم أنو ما في تحويلات من الخارج : ..... مطلوب متابعة عاجلة لنوافذ الوسترن لأنها الكارثة حاليا سواء في بنك الخرطوم أوكلاء الوسترن.. و بكل اسف هي نافذتنا الوحيدة المتاحة من كل العالم باستثناء بعض نفاجات السعودية مفروض اللجنة الآن الآن تتحرك في الحتة دي وتبدأ تعلن بشكل دوري في الأعلام للناس لمنع التكدس :- -1 معرفة السبب الذي بجعل بنك التضامن لا يسـلم الوسترن رغم أعلانهم السابق أنهم أخدو توكيلهم - بنك النيل الأزرق و المشرق يسلم الوسترن أحسن من زحمة الوكلاء التانين نتمنى يعلنوا المناطق المتاح فيها تسليم الوسترن - طلب عاجل لبنك الخرطوم لتوسيع فروعه المستقبله للوسترن وزيادة النوافذ في الفرع الواحد لستلامات الوسترن >>>>>: عشان ما ننسى بنك الخرطوم وسترن تأكدنا في البرقيق الولاية الشمالية شغال بالإضافة لفروع أمس .. مازالت كل دارفور النيل الأزرق وسنار لا يوجد فيها .................. قلنا الوكلات وبنك الخرطوم هي الكارثة :- - ما تمشي عفرا مول تستلم وسترن لانو حا تسجل في الورقة رقم 7 - بتاع بنك الخرطوم الوسترن في الحصاحيصا الاسواء على الاطلاق لأنو نافذة واحدة تخدم كل شمال الجزير والمناقل .. وما فاهم الموضوع لو طلبت سوداني بشيل ورقتك يحاسبك عليها (بسعر الجنيه في الورقة وده خطأ) - يليه الوسترن بنك الخرطوم كوستي برضو نافذة واحدة أسبوع ما يسلمك و وحسب شكوى عادي ممكن بي تلفون يجيب ليك اصحابو ويودوك السجن -بنك الخرطوم الوسترن في مول الواحة ما بهببو ليك لو رفعت صوتك الحرس قاعد بطلعك برة شعب الكلاكلة العظيم محشور في نافذة صغير للوسترن ما تجازف بهناك ... السـادة لجنة المتابعة : مفروض الضغط يتركز لتوسيع مواعين الوسترن من صباح اليوم .. حتى بعدين نشوف مسالة المراسلات

Quote: سلام ومحبة أعلاء أمبس وأستاذنا علي وضيوف البوست الكرام أنا طولت من التحويلات للبلد قريب سنة بس كنت طوالي بحول عن طريق البنك الإسلامي السوداني أو البنك الزراعي فرع البرقيق وكذلك البنك الزراعي أو بنك الشمال فرع الحفير والإستلام في نفس اليوم فقط بالبطاقة الشخصية أو جواز السفر وما حصل حولت عن طريق تجار العملة بس ما عارف هسه الحاصل شنو؟

Quote: سلام عليكم يبدو انو فى بوادر لازمه سيزله بسبب تعويم الجنيه وتعامل البنوك فى شراء العمله الصعبه وذكرت مثالوقفت عليه شخصيا انو يكون فى مشكله للعملاء العايزين يسحبو مرتباتهم او من ارصده اخرى اتى عليها شراء العمله بواسطه البنوك مما يشكل ضغط علىكتله العمله المحليه واعتقد انو حتحاج القصه شويه زمن لغايه ما ما كل البنوك مش بنك الخرطوم تتمكن من تنظيم واستقرار استقبال اوشراء لتحويلات من الخارج دون تاثير على معاملات العملاء الاخرين اصحاب الحسابات المحليه مرتبات ومعاشات وجاريه ...الخ

Quote: الكلام ده ده مهم وخطوة من بنك الخرطوم ما نزل في صفحتهم ننزلو هنا للناس 👇👇👇👇👇👇👇 اعتبارا من السبت 6 مارس 2021 تم تعديل زمن عمل الفروع لتصبح من : العملاء من : الساعة 11.00 صباحا الى الساعة 4.30 مساء الاخوة و الاخوات و بخصوص الموضوع المذكور بعالية فقد تقرر عودة العمل بفروع السبت تماشيا مع احتياجات المرحلة الحالية وذلك لخدمة عملاء ويسترن يونيون و بيع و شراء العملات الاجنبية فقط (لايوجد اى خدمات اخرى تقدم ) (سيتم استخدام الاسعار على النظام ) الفروع هى : الجمهورية الرياض الواحة عفراء العمارات السجانة الكلاكلة اللفة البلدية الانقاذ الصناعية بحرى الموردة سوق لبيا اسواق امدرمان المحطة الوسطى العيلفون الحلفايا المئوى السوق العربى السوق المحلى الفتيحاب *الاقاليم* مدنى عطبرة بورسودان كسلا كوستى حصاحيصا سنجة القضارف مروى وادى حلفا الابيض الفاشر نيالا الجنينة الضعين الدمازين كادوجلى دنقلا الغولد البرقيق

Quote: الأخير هي الوسترن ليست في صعوبة الخدمة في السعودية

Quote: فرع سنجة / فرع القضارف / فرع مروي / فرع وادي حلفا/ فرع دنقلا/ فرع البرقيق.

Quote: يعني مثلا حساب في بنك الرياض عندهم تحويل ويسترن يونيون لكن العملة فقط جنيه سوداني

Quote: وكان من جملة ما تمت مناقشته مسألة السيولة النقدية وكان هناك عدد من المسئولين فى بعض البنوك وكانت اجاباتهم بأنهم متحسبون لمثل هذه المسائل .