|
Re: توقف تام لمصنع سكر عسلاية وانتشار أمني كث� (Re: زهير عثمان حمد)
|
أحكي ليك القصة أول أمس في راعي دخل بهايمو مزرعة القصب بتاعة المشروع وكالعادة تم التحفظ على البهايم لحدي ما يجي المدير الزراعي يقدر التلف ويدفعو سيد البهايم ويشيلها لكن الحصل إنه الراعي مشى جاب أهله وهاجموا العسكري وضربوهو .. كانوا زي 10 ملثمين. لكن قدر يطلع سلاحه وضرب عدة طلقات أصاب منهم نفرين بعديها جات حلة الراعي كلها بالأسلحة والسواطير وهاجموا بيوت المشروع وحرقوا زرائب البقر وعربية المدير الزراعي وقتلوا شرطي
طبعاً الموضوع محتاج تدخل أمني رادع لكن طالما المشكلة في يد وراق بتاع البرادو معناها ما حيحصل فيها أي شئ
| |
|
|
|
|
|
|
Re: توقف تام لمصنع سكر عسلاية وانتشار أمني كث� (Re: أحمد محمد عمر)
|
بالمناسبة الرعاة في منطقتنا اي وسط النيل الابيض ان صح التعبير بين الكوة حتى ربك يا اخي ديل الواحد عادي يدخل بهايمو في مزرعتك قبل الحصاد وبعد الحصاد وانت وحظك فقد اللحقوا اضرار كثيرة بكثير من اصحاب المزارع الخاصة ومنهم شخصي الضعيف وفي النهاية تجي الاجواد ويفكوا البهايم وانت عوضك على الله من قبل ومن بعد
| |
|
|
|
|
|
|
Re: توقف تام لمصنع سكر عسلاية وانتشار أمني كث� (Re: اخلاص عبدالرحمن المشرف)
|
Quote: أول أمس في راعي دخل بهايمو مزرعة القصب بتاعة المشروع وكالعادة تم التحفظ على البهايم لحدي ما يجي المدير الزراعي يقدر التلف ويدفعو سيد البهايم ويشيلها لكن الحصل إنه الراعي مشى جاب أهله وهاجموا العسكري وضربوهو .. كانوا زي 10 ملثمين. لكن قدر يطلع سلاحه وضرب عدة طلقات أصاب منهم نفرين بعديها جات حلة الراعي كلها بالأسلحة والسواطير وهاجموا بيوت المشروع وحرقوا زرائب البقر وعربية المدير الزراعي وقتلوا شرطي |
الفرق من دارفور بس ديل دخلو مزرعة الحكومة و لما الحكومة رفعت اصبعا, قطعو الاصبع ذاتو. في دارفور بعتدو علي مواطن مسكين لا حول له و لا قوة.
| |
|
|
|
|
|
|
|