|
|
|
 Re: تنبيه . لخطر نفخ خروف الضحية في زمن الكو� (Re: Osman Musa)
|
لقد أسمعت لو ناديت حيا
يا أخي من يقوم بذبح الأضحية أو من يدعي أنه جزار في هذا المولد تلقاهو أقذر من الشوال الشايل فيهو عدة الشغل فبعض (الضباحين) الكرونة أهون منهم
عيدك مبارك in advance
وخرفان تتعارك
وكل سنة وأنتو طيبين
وضفيرة كمونيتكم مترين
| |
  
|
|
|
|
|
|
|
|
Re: تنبيه . لخطر نفخ خروف الضحية في زمن الكو� (Re: walid taha)
|
أخونا وليد طه
سلام
ياخ هو نفخ قدام الأطفال ساكت؟
في ضباحين كمان بيتحرفنوا في النفخ.
في ضباح بينفخ على طريقة موسيقي الكيتا.
بينفخ اغنية . وين وين .. تلقوا زى دا .
تتذكر يا وليد آلة مزمار الكيتا .
..
وبعد دا كمان يشيل نص الكمونية والرأس وحقو
| |
|
|
|
|
|
|
|
|
|
Re: تنبيه . لخطر نفخ خروف الضحية في زمن الكو� (Re: Osman Musa)
|
سلام عثمان
طرحت المشكلة راجين الحل، غايتو أنا بخترح فكرة،
ناس فولكس واجين عندهم منفاخ حق الاطار الاحتياطي
حاجة صغيرونة وظريفة في شنطة يد مفروض يفرضوا
زيو للضباحين في زمن الكورونا. بالمناسبة انت ما وريتنا في
بروكلن وفرجينيا الخروف بنفخوا وبسلخوا بياتو تكنولوجبا؟
عيدكم مبارك مقدماً
| |
|
|
|
|
|
|
|
|
|
Re: تنبيه . لخطر نفخ خروف الضحية في زمن الكو� (Re: Fatima Alhaj)
|
Check Out the Six Steps to Skinning a Deer With An Air Compressor Process:
First, hang your deer up like usual. ...
Insert the nozzle of the air compressor into the hole you just made. ...
Turn the air compressor on and watch your deer expand. ...
After a minute or so, check and see if the deer is fully inflated.
| |
|
|
|
|
|
|
|
|
|
Re: تنبيه . لخطر نفخ خروف الضحية في زمن الكو� (Re: Fatima Alhaj)
|
بنتنا فاطمة سلام .
سلام ليه عطرابة.
عطرابة شية خالية من الكورونا.
يا فاطمة ياخ منظمة الصحة العالمية رطنت للعالم بجميع اللغات.
سبعة شهور والإعلام يهدر ويشرح في أهمية الكمامة
ونحنا لسع ننفخ .
اكتر من 30 مليون بين تيس و عنبلوك وخروف حيتنفخوا في هادي السنة
الكبيسة .
مفاريك سدر و سرو وطلح وسنط و طندب . كلها حتشتغل مساعد ياي للسلاخين.
السنة دي ربنا يعينك ويبعد عنك العدوة .
| |
|
|
|
|
|
|
|
|
|
Re: تنبيه . لخطر نفخ خروف الضحية في زمن الكو� (Re: Osman Musa)
|
نفخ الفشفاش ديلفرى للسل والكورونا وكل المصايب
وكل النفخ بيقوم به الجزار الما عرفين عنه حاجة ..
مسألة الضباحين دى دايرا مراجعة وكل ناس حى يشوفة ليهم كم واحد كدا يتعلم الضبح
الناس بتتفادى الذبح .. أها بعد داك لجان المقاومة بكل بيت يقوموا بالسلخ وما بعده
وتقديم نفس الخدمات لمن يحتاجها بالحى. حيدبعو فى الكمبسور وإدوات التعليق
وطرق التقطيع .. بالكتلوج ..
فى العجل فى قطعة اللحم الفلتو .. أها فى الخروف أيضا فى فليتو بس ضايعة مع
شغل قطيع الجربندية!
| |
|
|
|
|
|
|
|
|
|
Re: تنبيه . لخطر نفخ خروف الضحية في زمن الكو� (Re: نادر الفضلى)
|
أخونا أستاذ نادر الفضلى
سلامات
عندنا زمان في البلد ضباح الله يرحمو .
كان سريع في الضبح والسلخ و التقطيع .'وكان
اعور عينو واحدة بس سريع .
كنا اطفال نتابعوا وهو ينفخ . مره يا نادر
كان بينفخ بره الكراع . لاحدي ما نبهناهو انو مجلي.
وبكون سافي وهو بينفخ .
يعني كمونيتك تطلع بطعم العماري وارد الفاشر هههههه
والله يا نادر بس الساتر الله
| |
|
|
|
|
|
|
| |
Osman Musa
almulaomar
walid taha
Fatima Alhaj
فيس بوك
تويتر
انستقرام
يوتيوب
بنتيريست