يالحشرى منتصر انا متردد انزل فلم وحاسى ان هناك مؤامرة مدبرها انت وابوالحسين بالعبرية رسل ليك الفلم وطلب منك ترسلو للعريبى الداقس عشان ينشرو وهو يجى يطالبنى بحقوق الملكية الفكرية لان مخرج الفلم الشاعر على عبدالقيوم جد اولادو ويقوم يتلحنى ويكرهنى المنبر
11-11-2020, 04:23 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
معقولة بس ياودالمدير نحن من حميدتى لطرمب ومن طرمب للكباشى والتعايشى والقحاتا والمهنين وحردان الحزب الشيوعى والتطبيع والبرهان وفيصل محمد صالح وتاور والكرونة برضك جاى تستكسر على الظار
11-11-2020, 07:16 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
سلام و محبة بعد اسبوع شغل و تعب ركبت القطار و نزلت في محطة اوتريخت اكبر و اجمل محطة قطار في هولندا..و عندها في الصالة الرئيسية دائما فرق موسيقية مهم مع الضغوطات رميت شنطتي و نزلت الداره...بعد خلصت القى لقيك عصام وايمان ميتين من الضحك... انت يا بدر ظار يعني شنو
11-11-2020, 08:48 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
يقولوا الظار هو الأسم الذي يطلق على الحفل الذي يقام بغرض تهدئة الأرواح وان الظار ابتكرتة الحضارات السودانية القديمة للعلاج النفسي والناس تروح عن فسها بالموسيقي وهروب من الكبت الاجتماعي والضغوط النفسية ويقوموا الجماعة ياخدو راحتهم في الرقيص ويحتوا حت صاح دستتور ياود الامير طلباتك
11-11-2020, 11:53 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11829
هشام يادرديرى يعنى زيادت ألف وقفتك الف احمر مالك دايرنى اصنفك مع ابوالحسين بالعبرية كدى شاهد فلم الشاعر والمخرج الراحل على عبدالقيوم كى اعود معك للذاكرة الجمالية مع على واسرته بالدوحة
11-11-2020, 01:25 PM
هشام الدرديري
هشام الدرديري
تاريخ التسجيل: 04-11-2019
مجموع المشاركات: 128
تعرف يادرديرى انا بعتبر نفسى زول محظوظ جدا وغنى جدا تخيل تكون مقيم في دولة قطر ويكون فيها التشكيلى العالمى ابراهيم الصلحى ومؤسس مدرسة الغابة والصحراء ابى فى المعرفة الشاعر والمترجم النور عثمان ابكر ومن ثم فنان الفنانين مصطفى سيد احمد والشاعر الحالم على عبدالقيوم وعالم الانثر بلوجيا اى علم الاجناس دكتور اسماعيل الفحيل وغيرهم من رموز الابداع فى بلادنا وتكون صلتك بهم اباء وصدقاء و تلتقيهم بشكل شبه يومى تتلمذ وتتعلم وترى مالايورى اقف هنا واعود كي احدثك عن سلمى عبدالله ارملة الراحل على عبدالقيوم وماهو ثايت فى الذاكرة الجمالية
11-11-2020, 02:21 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
الاخت والصديقة سلمى عبدالله ام غسان ارملة على عبدالقيوم انسانة الخصال السمحة هاشة وباشة وبلغتنا نحن عرب الجزيرة امراة ضيوف اى مضايقة المهم وقتها كانت تقيم قبلها فى قطر بنت عمها وصديقتها طاهرة عبدالحميد زوجة استاذ اللغة الانجليزية بجامعة قطر وقتها مسعود محمد على قبل هجرتهم لامريكا وطاهرة دى شهادتي فيها مجروحة وكلامى عنها يطول بس خلونا في سلمى عبدالله بعود واحكى عن سلمى عبدالله
11-11-2020, 02:45 PM
Deng
Deng
تاريخ التسجيل: 11-28-2002
مجموع المشاركات: 52561
الاجنبى دينق اخصائي الجن والعفاريت عارف ناشد الحبوب بابكر قدورة حبابكم عشرة بلا تكشيرة قبل ان اوصل الكلام عن سلمى عبدالله اضيف انه بعد رحيل مصطفى سيد احمد انضم لكوكبة المبدعين السودانين المقيمين بقطر الكائن الشعرى محمد الحسن حسن سالم حميد وقبله كان الفنان هاشم ميرغني أحيانا لمن تلم بى زهجة وملل من طول الغربة اذهب لصديقتى الاكثر من عزيزة المعالجة النفسانية الكاتبة والاكاديمية القطرية دكتورة موزة المالكى وأخبرها بقرارى الحاسم انى انوى العودة للسودان بشكل نهائى كفانى غربة واغتراب ويجينى ردها الساخر الساحر يالخبل انت ويش خصك فى السودان انت في قطر صار عندك قبور كناية عن قبر عمى المربى الجليل على الامير الذى وفد لدولة قطر فى نهاية الستينيات وهو سبب وفادت ابى لدولة قطر ووفادتى المبكرة لها وبلمقابل قبرى الفنان هاشم ميرغنى والشاعر النور عثمان ابكر واعود منها بقرارى للعودة بخفى حنين
لا حول ولا قوة الا بالله... معقولة الفنان هاشم مرغني والشاعر النور عثمان ابكر مدفونين في قطر!!!؟ والله كان مفروض ينقلوا الجثامين عند وفاتهم للسودان ودفنهم هناك في وطنهم الام فهما من رموز الفن والشعر في السودان.. اللهم ارحمهما واغفر لهما وادخلهما الجنة...واللهم ارحم عمك رحمة واسعة وادخله الجنة. وما هذه الدنيا الا رحلة قصيرة وما يتبقى الا الذكرى الطيبة العطرة...
11-12-2020, 01:04 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
طاهرة عبدالحميد وشخصى كنا نكنى سلمى عبدالله برهينة الشينات التلاتة وطاهرة كانت تحب ان تزور بنت عمها سلمى فى وقت الظهيرة اي قبل ان تبدا سلمى مناوبتها مع الشينات التلاتة وكنا حين نزور سلمى عبدالله فى بداية اقامتها بقطر وتسالها طاهرة مالك مرهقة ترد سلمى على طاهرة بسخرية المحب اعمل شنو يابت عمى انا لمن يطلعو الشايقية كناية عن اهل على عبدالقيوم بجو الشيوعين وبرضو كناية عن انتماء على للحزب الشيوعى وبعد مايطلع الشيوعيين بجو الشعراء كناية عن كون على شاعر النور عثمان ابكر وعبدالحمن مدنى والاخير ابن عمة واخالة على عبدالقيوم ونديده فى المراحل الدراسية وعبدالرحمن اقتصادى ومترجم تحريرى لايشق له غبار مازال مقيم بقطر غير انه حكاى من طراظ فريد عندو طيبة وتسامح انا شخصيا بضايقنى طيبته وتسامحه المهم النور ابكر وعبدالرحمن مدنى متفقين ان كل اشعار على عبدالقيوم مستلهما من ملهمته سلمى عبدالله على فكرة سلمى وطاهرة حفيدات الخليفة عبدالله التعايشى
11-12-2020, 01:41 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
امتثال عبدالله يابت ياراسية ورزينة أصدقائى دكتور اسماعيل الفحيل والكويتة امنة راشد الحمدان وكلامها علماء نثربلوجيا صدرو كتاب بعنوان رحلة الميلاد والموت فى الخليج اتمنى ان اجد متسع من الوقت كى اجلب شذرات منه الكتاب صدر عن مركز التراث الشعبى لدول الخليح العربى وكان مقره دولة قطر قبل ان يغلق وكل دولة تشيل تراثها الشعبى امنة عادت للكويت وعلى فكرة امنة كانت بتشرف على برفات حفلات مصطفى سيد احمد فى الدوحة دكتور اسماعيل الفحيل غادر الدوحة الى ابوظبى مدير وخبير فى التراث وبعدها نزل المعاش ولان هو مدير وصاحب
11-12-2020, 01:53 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
الحشرى الضلالى منتصر هل تعلم ان المنسق العام لشركة اوكسينت هى زوجتى الحالية دكتورة منال السر ام امير
امس جاتنى وقالت لى انا دايرة عقد عملين معك قلت عقد العمل الاول مفهوم ومن حقك بس عقد العمل التانى لزومو شنو قالت اسال ولدك امير ذو الخمسة سنوات هل اقطعها فى مصارينى ولا اسال امير
11-12-2020, 03:57 AM
ترهاقا
ترهاقا
تاريخ التسجيل: 07-04-2003
مجموع المشاركات: 8423
Quote: الشاعر والمترجم النور عثمان ابكر ومن ثم فنان الفنانين مصطفى سيد احمد والشاعر الحالم على عبدالقيوم وعالم الانثر بلوجيا اى علم الاجناس دكتور اسماعيل الفحيل
انت عارف ياود الامير انت زول شيخ يزوروا فوقك ...الناس الذكرتهم في السطرين ديل من انبل واجمل السودانيين ولنا حظ مع ابوثامر قبل هجرته قضينا معه اجمل الايام في المكتبةالقبطية وكذلك بالجماهيرية الليبية ( ايام لها ايقاع ) مش بتاعت طلعوا ميتينا زاتو .
11-15-2020, 01:02 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
تهارقا ياموسيقى ياعجوز هل الايقاعات النوبية فيها ايقاع ظار فى طفولتى شاهدت الظار ويقاعات الظار باربجى وفى بواكير الشباب والاغتراب شاهدت الظار بقطر وكان هناك حى النجمة بالدوحة فيهى بيوتات متخصصه فى الظار فى نهاية كل اسبوع كنا نذهب له والظار العندهم فى قطر قادم من سلطنة عمان ومن يقوم بطقس الظار هم عمانين تختلف الطقوس بس نفس الايقاع الذى ياخذك الى حيث تدرى ولاترى
11-15-2020, 01:24 AM
Abureesh
Abureesh
تاريخ التسجيل: 09-22-2003
مجموع المشاركات: 30182
الظار موسيقى سودانية تحتاج للتوثيق والتطوير.. لكن تقول لمنو.. إلا محمد الامين حفظه الله. وأرجو أن لا يفنى هذا الإرث قبل توثيقه وتطويره حتى يكون فى العلن ويستمتع به الجميع.. رجال ونساء، بعد أن نبقى على إيجابياته الموسيقة الإيقاعية ونترك سلبياته (إلا من باب الحفاظ على التراث)
11-15-2020, 02:11 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
ابو الريش تعال تعال ماتخمنا وتمشى انت زول من شرق السودان عندك تلاقح ثقافات وانا في تقديرى الظار وطقوس الظار جاتنا من الشرق حيث جيرانكم الاثيبوبين اى الأحباش واشهر ظار عندنا هو الظار الحبشى والرقيص الحبشى الذى يحرك ويمنح كل اعضاء الجسد كامل الحرية للتعبير بالرقص عبر الايقاع عن مكنونات الجسد وبلغة الجسد ماموجود عندنا على الاقل فى الوسط النيلى فى تقديرى هو كبت للمراة ان لاتعبر بالرقص اولغة جسدها لذا تتحايل وتلجا المرأة للظار كحل وسط بين ان تتهم بالجنون اوتفرغ طاقتها بهذا الرقص وتلك الايقاعات والطقوس
11-15-2020, 10:36 AM
عمار عبدالله عبدالرحمن
عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
Quote: فى تقديرى هو كبت للمراة ان لاتعبر بالرقص اولغة جسدها لذا تتحايل وتلجا المرأة للظار كحل وسط بين ان تتهم بالجنون اوتفرغ طاقتها بهذا الرقص وتلك الايقاعات والطقوس
اهلا بدر.. كلامك دا هو رأيى انا برضو.. كلام مظبوط. الحياة زى الموية .. إما تخليها تمشى على طبيعتها.. او تحجزها.. ولكن حجزها لا يمكن ان يكون للأبد. وإلا فسوف تدمر سد النهضة وتغرق السودان وتعدى على السد العالى وتدمر مصر. الظار هو نفس الموسيقى ولكن عن الرجال تسمى فن الرقص والموسيقى وعند النساء تسمى فض الكبت. لكن الحجر على المرأة (جاء بخيره) لهن.. يعنى المرأة بدل ترقص وتفرتك هى الان ترقص على كيفها وتنطط وترقص brakedance كمان وبعد داك تطلع ليها بدهب جديد وخروف ..الخ حسب الدستور بتاعها .. يعنى النسوان ضحكوا على الرجال.. وتانى يوم صاحباتها يقولوا الحمد لله فلانة بقت كويسة.. هههههه
11-16-2020, 05:58 PM
بابكر قدور
بابكر قدور
تاريخ التسجيل: 02-26-2013
مجموع المشاركات: 1561
Quote: وطقوس الظار جاتنا من الشرق حيث جيرانكم الاثيبوبين اى الأحباش واشهر ظار عندنا هو الظار الحبشى والرقيص الحبشى الذى يحرك ويمنح كل اعضاء الجسد كامل الحرية
الأغنية للفنانة الإثيوبية أمْسَالْ مَتَكِّي وهي مغنية تنتمي لقبيلة "الوُلُو" وهي هنا تتغنى بهذه الأغنية لإقليم "القُجَّامْ" ومنطقة القجام من أجمل المناطق في إثيوبيا حيث تكثر فيها الخضرة والمياه ومن مدنها "بحردار" حيث ينبع النيل الأزرق من بحيرة تانا وطقسها لا تتعدى درجة الحرارة فيه طول العام عن 17 درجة مئوية وكانت قبل الميلاد تعرف بمملكة قجام ويمتد ضلعها الغربي في شكل مثلث حتى يبلغ مدينة مروي القديمة فيما يعرف الآن بالسودان ولعل هذا هو السبب في انتقال الزار الحبشي للسودان وانتقال رقصة القجام إلى الزار في السودان أنظر إلى الرقص عند القجام في بداية الشريط وفي وسطه وآخره وإلى رقصة الزار في السودان فكلهم يرقص إيقاعاً على أربع .. ولا ننسى أن نشير إلى أن الرقصة في هذه الأغنية تختلط ببعض حركات الإسكستا التي يرقصها الأمهرا بالصدر ويرقصها الولو بالأكتاف .. بقي أن نقول المرأة القجامية كما يقول الإثيوبيين هي الأكثر جمالاً من بين نساء إثيوبيا وهذه تحتاج لشرح ليس مكانه هنا .. أرجو الإحتفاظ لي بالحق في هذه المعلومة الخاصة بانتقال الزار من القجام إلى السودان ....
11-16-2020, 07:49 PM
نزار عبد الوهاب
نزار عبد الوهاب
تاريخ التسجيل: 05-14-2014
مجموع المشاركات: 582
بوست دسم وجهجه باكاتنا من أربجي والعيكورة والعمارة طه وطابت الشيخ عبد المحمود والفريجاب وود بهاي ... ياخي الأيامات دي بوستات عن زمان وناس زمان وحاجات زمان بوست مايكل جاكسون وأسع الظار ... كونك قابلت الشخصيات دي يا ود الأمير إنت من القلائل المحظوظين في دنياهم ... يا الله حُسن الخاتمة ...
11-18-2020, 00:44 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
بابكر قدور ماقصرت تب اخونا الفنان المسرحى اوكما اكنيه بالكاين الدرامى محمد السنى دفع الله عندو مقولة لا يمل من ترديدها وهى انو اي سودانى عندو ظار حبشى تقوم تقول ليهو يعنى شنو يقوم يقوليك فسر براك
11-18-2020, 00:57 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
نزار عبدالوهاب بلا اربجي بلا ريفى الحصاحيصا بلا الجن الاحمر انا ظارى سعب سعب وسعب هل تصدق انو زوجتى موظفة عندى فى الشركة وزميلة فى منبر سودانيزاونلاين بتكتب بسم نجمة وهى وولدنا امير ساكنين معى فى نفس البيت ياخى انا ماقلت اعملو لى كشف انا طالب تدقو لى ظار وداير افتو افتو وافتو
11-18-2020, 02:01 AM
اْسامة اْباّرو
اْسامة اْباّرو
تاريخ التسجيل: 02-13-2008
مجموع المشاركات: 964
ههههه يا الامير جايب لينا خروف وتقول : زار دى الاّ تكون "عزومة وفرح " او زار عصري . الزار الزار بيكون بي ديك و اهم الشروط ان يكون ديك احمر والادخنة تكون ماليه المكان .
11-18-2020, 07:10 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22970
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة