إثر حادثة إرجاع مواطنة سودانية من مطار القاهرة الدولي يوم أمس 24 أبريل 2021م ، بعد رفض السلطات المحلية دخولها الى مصر نتيجة إيجابية فحصها لفيروس covid-19 وفق النظم واللوائح ، لتعود الى البلاد بمفردها على متن الطائرة في ذات اليوم ، برفقة بعض من طاقم الرحلة ، روجت بعض الجهات ان هذه المواطنة هي عضوة في حزب المؤتمر السوداني وزوجة رئيس الحزب السابق إبراهيم الشيخ .
عليه وجب توضيح ان المواطنة محل الواقعة ليست عضوة في الحزب ولا تربطها أي صلة برئيس الحزب السابق إبراهيم الشيخ .
ظللنا نتابع المحاولات المتكررة لبعض الجهات المعادية للحزب وهي تكرس جهودها نحو استهداف قياداتنا وعضويتنا بشكل ممنهج ، بتلفيق التهم تارة ، واختلاق الروايات المغلوطة وترويجها في وسائل التواصل الاجتماعي بكثافة ، تارة أخرى لإحداث الفتنة وخلق رأي عام سلبي حول الحزب وقياداته وعضويته ، إلا أننا دائما ما كنا نراهن على فطنة المواطنات والمواطنين الكرام ووعيهم الجم ، وإدراكهم العميق لسلوك قوى الظلام الهادف لزعزعة الثقة بين قوى الثورة الحية وجموع شعبنا العظيم ، للنيل من إستقرار الفترة الانتقالية في مجملها عشما في الردة والنكوص ، فهذه الحملات البغيضة لن تزيدنا إلا صلابة وتصميم على نهجنا الدائم في الالتحام بالجماهير حيث كنا ولا زلنا نعمل من أجل تنزيل رؤاها وآمالها رغم التحديات ، وصولاً الى تحقيق الهدف الإستراتيجي بإتمام التحول الديمقراطي من خلال الفترة الانتقالية الحالية .
نور الدين بابكر الناطق الرسمي باسم الحزب 25 ابريل 2021م
تودّ أسرة الأستاذ ابراهيم الشيخ وزير الصناعة أن تؤكد أن ما راج عبر وسائل التواصل الإجتماعي حول سفر الاستاذة أماني مالك القيادية بحزب المؤتمر السوداني وزوجة الأستاذ ابراهيم الشيخ الي القاهرة في رحلة طائرة الخطوط الجوية السودانية و من ثم إعادتها بواسطة السلطات المصرية بسبب حملها نتيجة إيجابية من كوفيد ١٩ ، ليس سوى ترويج ساذج و عارٍ من الصحة . و يحملُ في طياته ما يعدُ جريمة جنائية تتصل بالكذب الضار و إشانة السمعة ، و تنوه الأسرة الى ان الاستاذة أماني مالك أو أياً من أفراد الأسرة لم يقم بالسفر الي جمهورية مصر العربية في الرحلة المشار اليها أو أي رحلة أخرى طوال الشهور الفائتة . فالأستاذة أماني مالك المحامي موجودة بالخرطوم و ما زالت تتلقى التعازي في وفاة المغفور لها والدتها ، و تؤكد الأسرة انها سوف تقوم بالملاحقة القانونية للشخص الذي قام ببث الفيديو إفتراءاً و لكل من تسبب أو شارك أو حرض أو ساعد بالنشر أو الترويج قاصدًا الإضرار بالأسرة أو اياً من أفرادها ، و لا ينقصنا أن نقرأ هذا الترويج المشين الا في سياق الحرب المستعرة بمواجهة الفترة الانتقالية و محاولة إغتيال رموزها و صرفهم عن أداء مهامهم ، مؤكدين أن من لم تثنيهم سجون الظلاميات عن الكفاح من أجل قضايا شعبهم لن ترهبهم سجون التخرصات و متاريس الشائعات الرخيصة عن مواصلة البناء مهما طال السفر .
٢٦ أبريل ٢٠٢١م أسرة الأستاذ إبراهيم الشيخ
04-26-2021, 02:34 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
والله ياعمك فكرت في الموضوع لكن ابو الزوز مابقبل اي كلام في مصداقيته نصحته انا من حادثة موضوع استقالة هبة والشغالين مع حمدوك انو يريح شوية بس من المنبر ككاتب ويشوفه كقارئ لكن بعد تنصح زول تاني مافي حاجة
04-26-2021, 03:18 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8949
مازن سخاروف فتح عنو بوست. يقوم الريس بجلالة قدرو يجى يخت ليك مازن سخاروف في فتيل و يقول ليهو "زهير خط احمر". في لحظتها قلت بعد كدا زهير يا يخت مكنة رئيس او صلعة رئيس.
04-26-2021, 05:14 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
يا دكتورة اخلاص السودانيين ديل عادي الواحد بصل المطار وتكون طيارته قامت من امس او وصل المطار وجوازه منتهي او مافي تاشسرة خروج
الموضوع لو في عمل تزوير كان بكون في الشهادة تكون نيجاتيف واكتشفوا انها مصابة لكن زول شايل شهادة دي الا طلاشة ساي منهم ومن ناس المطار والمصريين دراما منهم ما اكتر الكورونا دي دخلت السودان عن طريقهم
04-26-2021, 10:17 PM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
يا جعفر بشير سلام أنا أقبل النقد والنصح وليس هناك من هو اكبر وفوق التوجيه والنصح والمحاسبة لو كان ضال المهم في الامر عليك وضع النفي في البوست هناك وانشالله المطار بتصلح بعد أن نعرض علي الجميع صورة كشف ركاب الطائرة ووجود اسم من اتهمت به قم بوضع النفي اين ما تود لك كل التقدير
04-26-2021, 10:28 PM
محمد أبوجودة محمد أبوجودة
تاريخ التسجيل: 08-10-2004
مجموع المشاركات: 5265
Quote: والمصريين دراما منهم ما اكتر الكورونا دي دخلت السودان عن طريقهم
سلام جميعاً ويا عزيزنا جعفر، مااااا فضــَل ليك إلّا تقول: وُ دي بضاعتم رُدّت إليهم ومفروض يقبلوبا بدون أيّ فَرفَرَة معروووفا أما وقد علت صراخات آل.كوز باتهامات جلفاء للعضوية القيادية بحزب المؤتمر السوداني، فلا يسعُني إلّا أقول لناس المؤتمر السوداني: لاتحسبوه شرّاً لكم، بل هو خيرٌ كثير .. وكان قد آذاني والله مقال لأحدهم (!!) يقول: إن الأخ وزير مجلس الوزراء، واللهو باشمنهدس خالد سِلِك، ساعٍ بجدِّه وَ قَــضــِّــه وظِلفه، أن يمرر " صفقة الإمارات" بإعطاء الإثيوبيين جزء من الفشقتَين اللّتنين ..! وكمان تحية ماكنة للزعيم، مالك عقار، في تصريحه ذاك بضد صفقة الإمارات حول الفشقاتنا (!): دي بلبصة ساي .. وزاد: دا سخف (عفيتْ منّك يا زعيم) ..
04-27-2021, 01:13 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
دا شنو دا يا جعفر؟ الزول دا جادي؟ ياخي أنا الهوين دا وبإعتباري مشروع صديق للحزب ما إهتميت نهائي بأن تكون المواطنة المسافرة بتاعة الكرونا تكون زوجة الوزير او ما متزوجة ذاتو. بقدر ما كان إهتمامي بالخطأ الذي حدث من السلطات في مطار الخرطوم ومن الخطوط الجوية السودانية. هسه عليكم الله دا حزب نرجى منو مساهمة جادة وتقديم حلول بمستوى مشاكل السودان، مساهمة ترقى لمستوى طموحات الثورة. حزب كل همو إنو ينفي أن المواطنة التي كانت جزءاً من المشكلة التي تسببت في إرجاع الطائرة هي ليست زوجة عضو في الحزب ولا هي عضو في الحزب. حزب مشارك في الحكومة وينسى او يتجاهل أن الخطأ الأساسي هو خطأ النظام في مطار الخرطوم وخطأ شركة الطيران الوطنية. هل دا كل دورك في الموضوع وفي النقاش الدائر حوله يا حزب يا كبير؟
04-27-2021, 08:03 PM
مازن سخاروف مازن سخاروف
تاريخ التسجيل: 03-10-2021
مجموع المشاركات: 738
Quote: Mahjob Abdalla مازن سخاروف فتح عنو بوست. يقوم الريس بجلالة قدرو يجى يخت ليك مازن سخاروف في فتيل و يقول ليهو "زهير خط احمر". في لحظتها قلت بعد كدا زهير يا يخت مكنة رئيس او صلعة رئيس.
محجوب, أولا رمضان كريم.
إنت زول بتاع شبك. شكلها كدة بكري بيسمّن في أبو الزهور, وسايقو للضبيحة.
البورد ده يوم بعوق ليهو زول
:)
04-27-2021, 09:45 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: ويا عزيزنا جعفر، مااااا فضــَل ليك إلّا تقول: وُ دي بضاعتم رُدّت إليهم ومفروض يقبلوبا بدون أيّ فَرفَرَة معروووفا
حبيبنا ابو جودة رمضان كريم
ابدا والله ما بضاعتكم ردت اليكم، لكن في رايي انه موضوع وصول راكب مصاب بكورونا لاي دولة ممكن يتعالج باكثر من طريقة ، الطريقة المتطرفة جدا هي ارجاعه بطائرة منفردا الي دولة السفر ، وكمان معاها تبرير انو في قانون اصدر في مصر يطبق علي المصريين والاجانب ، كدي خليهم يجيهم سعودي من السعودية مصاب بكورونا يرجعوهو بطيارته ... ولا مصري جاي من السعودية يرجعوهو بطيارته ، خلي امريكا واسرائيل اذا فرضنا جدلاً انو كلامهم صحيح وبينطبق علي الجميع ، وجود مصاب بكورونا في طائرة يجعل جميع الركاب عرضة للمرض ، ليه ما رجعوا كل الركاب مرة واحدة مثلاً ، ليه ما اخذوا الشخص المريض لحجر صحي وعلاج ... دي كل الفكرة خصوصا ونحن بنحارب في الفشقة نيابه عنهم وبنقاتل في سد النهضة نيابة عنهم المصريين ديل السعودية بتقفل الحدود والطيران منهم بيجوا السودان الهامل ده بكرونتهم وبدونها ويسافروا من عندنا مجرد احترام في موقف زي ده كان ممكن يعالج باكثر من طريقة بدل الدرماا دي كلها
04-27-2021, 09:58 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: أنا أقبل النقد والنصح وليس هناك من هو اكبر وفوق التوجيه والنصح والمحاسبة لو كان ضال المهم في الامر عليك وضع النفي في البوست هناك وانشالله المطار بتصلح بعد أن نعرض علي الجميع صورة كشف ركاب الطائرة ووجود اسم من اتهمت به
معظم المتداخلين معاك يا زهير في الموضوع ده كان من باب النصح اكثر منه ، تهجم عليك ، ونعم قد يكون بعض منهم صوته اعلي من الثاني او اكثر حدة وانا فضلت نشره هنا منفصل عشان ما تفسره برضه انه القصد تكذيبك او الهجوم عليك زي ما ذكر ليك اخونا كمال عباس انت ما العدو عموما كشف الفساد مطلوب ، وماقدمنا تضحيات عشان نستبدل فساد بي فساد ، الله يوفقك في المسعي
04-27-2021, 10:03 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: و تؤكد الأسرة انها سوف تقوم بالملاحقة القانونية للشخص الذي قام ببث الفيديو إفتراءاً و لكل من تسبب أو شارك أو حرض أو ساعد بالنشر أو الترويج قاصدًا الإضرار بالأسرة أو اياً من أفرادها
يا ريت يا جعفر الملاحقة القانونية دي تصل لي حدها وما تنتهي بي باركوها عشان تكون سابقة وعبرة وعظة لناس الإشاعات المضرة بالآخرين.
04-28-2021, 11:26 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: 100% معاك يا مولانا ده موضوع شخصي واسرة ابراهيم الشيخ ردها كان كافي.
شكراً جزيلاً يا باشمهندس على الإتفاق. وأنا أيضاً أتفق معك في أن بيان الأسرة مناسب وكافي لتوصيل المعلومة. وأتفق معك ومحمد قاضي في أن الأسرة من حقها ومن الأفضل لنا أن تقوم بمقاضاة كل من ساهم في نشر الشائعة .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
HAIDER ALZAIN
Mahjob Abdalla
زهير عثمان حمد
محمد أبوجودة
Hafiz Bashir
مازن سخاروف
محمد محمد قاضي
فيس بوك
تويتر
انستقرام
يوتيوب
بنتيريست