|
كتب الكاتب الفاتح جبرا المتوفرة بمعرض الدوحة
|
|
 Re: السودان، ليبيا، سوريا، الصومال، اليمن (Re: عمر التاج)
|
نقول اولا سبحان الله ...
ثم دي اول مرة السودان، الصومال،سوريا، ليبيا، اليمن، تتلم في حاجة سمحة وهي خلوها من وباء الكورونا..
فهذه الدول تمزقها الحروب والفقر ...وتتلم دائما في السلبيات وليس الإيجابيات...
..ومرة ثانية ..سبحان الله
| |
 
|
|
|
|
|
|
|
|
Re: السودان، ليبيا، سوريا، الصومال، اليمن (Re: امتثال عبدالله)
|
| Quote: السودان، ليبيا، سوريا، الصومال، اليمن |
كورونا وباء بوييلجي امريكي لضرب الصين والدولة الغنية المنافسة لا امريكا
والدول التي ما فهيا كرونة يقتلوها بي جيل الحرب الرابعة =الحروب الاهلية ونهبون مواردها بواسطة وباء الاخوان المسلمين والسلفيين القاسم المشترك في تدمير كل هذه الدول وصراع النقائض المزيفة ناس علمانيو واسلامايو
وعبث الادوات المفضوحة مصر والسعودية والامارات وقطر وتركيا
https://top4top.io/
| |
|
|
|
|
|
|
|
|
Re: السودان، ليبيا، سوريا، الصومال، اليمن (Re: عمر التاج)
|
سلام عليكم
ناس قالو حقو السودانيين يخشو الجنه بلا حساب بعد الشايفنو دا
وناس يقولو حقو رمضان ينقصو للسودانيين من شده السخانه
ههههه
.
نتكلم جد
رغم كل الممعطيات البتكون سبب انتشار القيروس (بالمناسبه الليله غبار وكتاحه شديد ) يعنى زياده خطر الانتشار . لكن اظن رحمه ربنا بالاطفال والعجائز بهد كل الاحنا فيهو ولسه مسال الله يلطف بعبادو وينجينا .
| |
|
|
|
|
|
|
|
|
 Re: السودان، ليبيا، سوريا، الصومال، اليمن (Re: عمر التاج)
|
تحياتي عادل أمين
Quote: كورونا وباء بوييلجي امريكي لضرب الصين والدولة الغنية المنافسة لا امريكا
والدول التي ما فهيا كرونة يقتلوها بي جيل الحرب الرابعة =الحروب الاهلية ونهبون مواردها بواسطة وباء الاخوان المسلمين والسلفيين القاسم المشترك في تدمير كل هذه الدول وصراع النقائض المزيفة ناس علمانيو واسلامايو
وعبث الادوات المفضوحة مصر والسعودية والامارات وقطر وتركيا |
يعني يا كبيرنا نحن ميتين ميتين ومافي داعي يخسروا فينا حتة فيروساية بتاعة كورونا
الغريبة قبل سنين فكوا فينا فيروس الكوليرا وكان ربك ما سهل كان (زرقنا) كلنا
إلا الظاهر بتاع الكرونا ده غالي ، وبوزعوه للدول الغنية ما الكشا مشا زي السودان والصومال وجيبوتي ..
غايتو جنس سبحان الله والحمد لله.
| |
|
|
|
|
|
|
|
|
|
Re: السودان، ليبيا، سوريا، الصومال، اليمن (Re: عمر التاج)
|
جندي أمريكي بتفرج في صوماليين بيلعبو كوتشينة... مهم مره يكسب الأول.. وبنفس الورق في التوزيعة التانية يخسر.. الأمريكي طلع ١٠٠ دولار وقال ليهم علموني اللعبة دي... قالوا ليهم القانون هو البترك ضبانة اول في ورقة هو الفايز....
دحين السودان والصومال و دول الضبان دي ما عندهم حتى فحوصات
| |
|
|
|
|
|
|
|
|
|
Re: السودان، ليبيا، سوريا، الصومال، اليمن (Re: احمد حمودى)
|
ومن روائع الواتساب كذلك ::"
واحد مات في السعودية، وبعد صلاة الجنازة وقف الإمام وقال، : أتدرون إلى أين سيذهب الميت الآن، إنه ذاهب الى مكان لا يوجد به بترول ولا ماء ولا كهرباء ولا تأمين صحي ولا دواء ولا عمل ولا سكن ولا خبز ولا اي شئ من ملذات الدنيا ..
واحد سوداني كان حاضر الجنازة التفت إلى صاحبه وقال ليه : على الطلاق الميت ده ماشى السودان...
| |
|
|
|
|
|
|
|
|
|
Re: السودان، ليبيا، سوريا، الصومال، اليمن (Re: منتصر عبد الباسط)
|
أنما شايف السودان لا يحتاج لإغلاق مطاره
لقلة الوافدين إليه وهو في هذه المرحلة التي يحتاج فيها للدعم والمساعدة وتشجيع السياحة والتجارة
بينه وبين بلدان العالم فليس من المصلحة إغلاق المطارات ومنع الدول من دخول رعاياهل للسودان
فلا تنفعنا مجرد المحاكاة
فقط يكفي عمل احترازات واحطياطات.
| |
|
|
|
|
|
|
|
|
|
Re: السودان، ليبيا، سوريا، الصومال، اليمن (Re: منتصر عبد الباسط)
|
منظمة الصحة العالمية تعتمد في نشرتها على البيانات و الاحصاءات الرسمية التي تصدرها الدول عن عدد الحالات المؤكدة و الوفيات و التي تم لها الشفاء
ما بتمشي تبحبت وراك و تحسب لحالها وحتى إن فعلت فلن تنشر بشكل رسمي إلاّ ما تقوله الدولة العضو
الدول دي يجمعها بشكل أو بآخر الفشل
فا شنو... دو ذا ماث
| |
|
|
|
|
|
|
|
|
|
بين ليبيا والسودان والصومال واليمن (Re: محمد البشرى الخضر)
|
ناس الدرداقة ديل يا احمودي ناس مصفحين على الطبيعة
قبل سنتين لما انتشرت الاسهالات المائية
ناس الصحة قالوا ليهم استخدموا فلاش المراحيض في موية الشرب،
تتخيل الفلاش السام قتل الميكروب وما أثر فيهم ههههه
سبحان الله والله اكبر
| |
|
|
|
|
|
|
|
|
|
Re: بين ليبيا والسودان والصومال واليمن (Re: عمر التاج)
|
تحياتي عاصم علي
| Quote: رغم كل الممعطيات البتكون سبب انتشار القيروس (بالمناسبه الليله غبار وكتاحه شديد ) يعنى زياده خطر الانتشار . لكن اظن رحمه ربنا بالاطفال والعجائز بهد كل الاحنا فيهو ولسه مسال الله يلطف بعبادو وينجينا . |
الكتاحة دي بيقال انها مكافح الجراثيم والميكروبات
وربما جعلها الله وقاية السودانين في الأشهر الحمر (ام كبق السودان من شهر ٤ الي ٨)
ولكن لا ندري اثرها على هذا الفيروس الوافد؛
ولعل الصين تكتشف فيه العلاج فتبادر لاستيراد كم طن هبوب من السودان
أو تعمل على تحويل مجري الكتاحة إليها نظير رسوم تدفعها لنا..
| |
|
|
|
|
|
|
|
|
|
Re: بين ليبيا والسودان والصومال واليمن (Re: عمر التاج)
|
منظمات الصحة العالمية فعلا بتعتمد النشرات الرسمية فقط
ولكن هذا المرض يصعب دسه أو تكذيبه
لذا اتوقع ان تكون الأرقام الواردة أقرب إلى الواقع
وفيما يبدو يا ود البشرى أن السودان سيخرج اليوم من القائمة
ويترك محور الحرب (ليبيا، اليمن، سوريا، الصومال، جيبوتي)
تستمع بالهواء المعافى لوحدها.. والي حين.
| |
|
|
|
|
|
|
|
|
|
Re: بين ليبيا والسودان والصومال واليمن (Re: tabaldy)
|
Quote: أنما شايف السودان لا يحتاج لإغلاق مطاره
لقلة الوافدين إليه وهو في هذه المرحلة التي يحتاج فيها للدعم والمساعدة وتشجيع السياحة والتجارة
بينه وبين بلدان العالم فليس من المصلحة إغلاق المطارات ومنع الدول من دخول رعاياهل للسودان |
اهو الحالة جاتنا عبر المطار مباشرة يا عبد الصمد
ومرت عبر سلطاتنا الصحية مرور الكرام دون اكتشاف أو حجز
َبذلك سجل السودان نفسه كأول دولة تعلن حالة وفاة قبل الإصابة..
ودي بتشبه ظاهرة التسامي في الفيزياء ، وهي حالة المرور من مافي كرونا
الي حالة وفاة بالكرونه دون المرور بحالة تسجيل كرونا..
يعني اول ما كشفوا عن مصاب بالكرونا كان هو في عداد ضحاياها..
الا رحم الله الفقيد وجعل الجنة متقلبه ومثواه
انا لله وانا اليه راجعون..
| |
|
|
|
|
|
|
|
|
|
Re: بين ليبيا والسودان والصومال واليمن (Re: دفع الله ود الأصيل)
|
مرحبا ود الأصيل..
Quote: قف تأمل : الخبر صحيح مية مية ؟!!تم تدشين العلاج أول امس
و انه تم الإعلان عنه اليوم :فايروس كورونا تمت السيطرة عليه بعد ٤٨
ساعة من اكتشاف العلاج ناموا وارتاحوا . الفضل بعد الله سبحانه وتعالى
ثم إلى مركز البحوث في السودان |
قادر الله وسبحان الله، يضع سره في أضعف دوله
لو ملاحظ فإن الاسافير تضج من امس بخبر تكذيب وزير الصحة..
المنشورات والتغريدات تقول مافي اي حالة كرونا والمرحوم مات بالقلب وليس بالكرونا..
بعض المشاهد قد ترجح ذلك اذا عرفنا ان المرحوم تم عمل اختبارين له قبل وفاته وكانت النتائج سلبية
فكيف يظهر المرض ويعلن بعد وفاته..
الشئ المؤكد ان الحالة اذا كانت فعلا كورونا
فمن المؤكد ان العدوى ستكون انتقلت لعدة أشخاص من أقاربه ومعارفه والمحتكين به..
فإذا وردت حالات لاحقة، وتتمنى ان تكون خفيفة، صدقنا الحكومة..
وإذا لم تظهر إصابات في محيط المغفور له كذبناها وسفهنا بيانها واعلانها..
| |
|
|
|
|
|
|
|
|
|
Re: بين ليبيا والسودان والصومال واليمن (Re: HAIDER ALZAIN)
|
غلطان المرحوم
"ثم ان الفيلسوف بيدبا اعرض عن سرد بقية الحكاية لما تأكد له انها ربما تغضب سيده الملك دبشليم وبرزويه الطيب
سواءً بسواء ، لكنه في قرارة نفسه ما زال يعتقد بسلامتها وملائمتها لما يجب ان تنتهي اليه اي حكاية غايتها الحكمة الابدية ،
إن الذي يعمل بالشبهة يكون قد صدق ما ينبغي أن يشك فيه. "
وبس .. حيدر الزين انت بتنكت مالك ياخ ؟
| |
|
|
|
|
|
|
|
|
|
Re: بين ليبيا والسودان والصومال و اليمن (Re: عمر التاج)
|
د. عمر ما فاضي هسع عندو نبطشي في حتة تانية هههه
د. منتصر قال أصلا الكورونا سببها السواح ونحن في السودان
ما عندنا سواح فالمفروض نفتح المطار للسواح والتجار عشان
الاقتصاد ينعش وكده ونرفع حظر التجوال وأحسن الغلابة يموتوا
بالكورونا وما يموتوا بالجوع ...
وبعد يموتوا خلاص نعمل الإحترازات والإحطياطات .. أيوة كتبها كده
| |
|
|
|
|
|
|
|
|
|
Re: بين ليبيا والسودان والصومال و اليمن (Re: محمد محمد قاضي)
|
وصلنا ويبين؟
شكرا حيدر علي النكت والسؤال،
أعتقد مازال حلفنا في بداية الطريق..
اليمن تكتشف اول حالة كورونا اليوم
الصومال وليبيا ما زالتا في ذيل القائمة
السودان بدأ بحالة مشكوك فيها،
وختم بحالة مشكوك فيها أعلنها ونفاها وزير الإعلام
والحمد لله وبفضل الله فإن الكورونا مركزة على الدول الكبرى
دمرت اكبر قوتين اقتصاديين في العالم (الصين، امريكا)
وبهدلت أكثر الدول تقدما وحضارة ..
يبدو أنها فايروس سلام،
ولو لا ان الرسالة ربانية للجميع لما زارت مناطق يلعلع فيها السلاح وتجوبها المجاعات نهائيا..
فهل؛
| |
|
|
|
|
|
|
|
|
|
Re: بين ليبيا والسودان والصومال و اليمن (Re: Asim Ali)
|
Quote:
شوارع #مقديشؤ اليوم بعد فرض الحكومة الصومالية حضر التجوال بسبب وباء كرونا
|
كنت ماسك تعليق انو الصومال مازى مانحنا متصورين فالصومال اصبحت من الدول الاصبحت احسن حالا من السودان (رغم الحرب والارهاب)
اعتبارات الموقع الجغرافى-كدوله ساحليه وعلى معبر دولى واقليمى هام- تجعلها اكثر عرضه للوباء
ملحوظه :مشهد نضيف ومريح للعين زى دا ماتشوفو فى ارقى مناطق وسط الخرطوم
| |
|
|
|
|
|
|
| |
عمر التاج
adil amin
Asim Ali
عمر نملة
علي عبدالوهاب عثمان
احمد حمودى
منتصر عبد الباسط
محمد البشرى الخضر
دفع الله ود الأصيل
HAIDER ALZAIN
Abdullah Idrees
محمد محمد قاضي
فيس بوك
تويتر
انستقرام
يوتيوب
بنتيريست