|
|
|
 Re: بهدوء جدا ضد سقوط الحكومة (Re: عبدالحفيظ ابوسن)
|
نمشي خطوة لي قدام ونعتبرو انجاز رغم جدل البعض وانا منهم ان ماتم من انجاز كان حتميا وفقا للاحداث
انجاز الحكومة في الملفات الخارجية وفك العزلة العالمية وخطوات اعفاء الديون وهكذا . الهدف منها النهضة بالوطن وخلق استقرار سياسي لنهضة اقتصادية وتحسين معاش الناس
يعنى يفترض العمل الخارجى دة كلو عشان ينعكس داخل الوطن امن واستقرار واكل وشراب وموية وكهربا دون معاناة حد الموت
الملف الخارجى وسيلة وليس هدف
الهدف هو الوطن والمواطن وبالضرورة المواطن الهدف الاهم
| |
 
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
الحكومة فشلت تماما في ادارة البلد
تردي في كل النواحي وعجز
وبل تمكين لبعض الاحزاب والجماعات وانتصار لتيارات
في تقديري اول بوادر حل الازمة
ان تعترف الحكومة بفشلها
ان تبادر بإزالة التمكين الذي لا يخف علي الناس
وتحل هذه الحكومة وتشكيل حكومة جديدة بقيادة حمدوك
وهنا يبرز السؤال كيف نشكل حكومة جديدة وعلي اي اسس ؟؟
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
ما اظن في زول بنكر سؤ الاوضاع الداخلية
ضائقة معيشية
انفراط الامن
انعدام الدواء
سؤ التعليم
وغيرها
دولة تقرب للانهيار . انسداد الافق امام المواطن
وكل ذلك لسؤ ادارة البلد
ودة الهدف الاساسي لاي حكومة ان تحسن الحكم بتوفير حياة كريمة ومعقولة للمواطن
وان لا نكون متل ضل الدليب
اذا فشلت في الملف الداخلي فلا حمدا يذكر لانجازها الخارجي
ما نكون زي الزول الخلص رسومو من الدين وخلى الدين قاعد في محلو
| |
|
|
|
|
|
|
|
|
 Re: بهدوء جدا ضد سقوط الحكومة (Re: محمد البشرى الخضر)
|
سلام عليكم
الحقيقه الوضع معقد جدا وبقى الشعب امام خيارات كلها صعبه (_زى قصه المره واقفه السلم والرجل قال ليها طلقانه كان طبعتى وولانزلتى ولا وقفتى ..والحل رمت نفسها من السلم ..اها و نضيف طلقانه كان رميتى نفسك ) دا الحال
مسئولين فاقدين السيطره على هيكل الدوله بمعنى الكلمه لغايه ما افرز الوضع الحاصل
كلها حوامه وشحته ..وكان جابو مال قارون مابنفع فى وضع داخلى زلا دا
رفع الدعم ماسبقو نقاش مجتمعى ومتخصص جاد عشان يكون فى بحث عن حلول بديله غير جيب المواطن (الا بقدر محسوب اذا كان لابد)
رفع الدعم لايمكن يكون ناجح طالما الدوله ماقادره تحسم سوق اسود وتهريب وانفراط امن ....
واحده من البلاوى كميه تنابله السلطان المكومين فى مجلس الوزراء والقصر الجمهورى
.
الورطه الاكبر تقارب الكيزان والشيوعيين واتفاقهم على مقاومه الاجراءات واسقاط الحكومه
انا ما معاهم انشاء الله اطلع احتج براى بمطالبى
لكن تانى لايمكن تتكرر تجربه الثوره وغلكه الثوار يكون فى الحراك عناصر محسويه على الكيزان ويطالبوا فى مرحله قادمه بحقهم فى المشاركه والناس تتقبل الموضوع عادى
.
اعتقد اهم حاجهالتركيز على نزع فتيل اللغم المهدد للثوره وهو العسكر والحركات (العسكر يلمو الحركات ويدخلوا بيها الثكنات ويتفاهمو بطريقتهم بعد داك) لكن يجب كمطلب اساس انو مايكون فى دور سياسى للعسكر ويكون مجرد تشريفه فى القصر
------
العقليات الموجوده فى الساحه دى لو كان فيها خير كان ضغطت احزابها عشان تهمل شىء فى ظل التردى الحاصل
المجلس ما اعتقد يكون اكتر نكون عملناها فى نفسنا بلمثل (الفيله دايره ليها رفيقه)
ونبقى فى مشاهده المهاترات على الهواء وبحثهم عن امتيازات
.
ربنا يلطف
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
الاخطاء بائنة جدا يا عاصم
ترهل الدولة وضعف كوادرها وبالاخص في الاقاليم
الصرف غير المرشد والسفر يوم والتانى للخارج
قرأنا عن دعم بعض القوات النظامية للمتاريس بتصنيع الملوتوف للاطفال . وحوادث تخريب وعنف
ايضا في تقديري علي لجان المقاومة اعلان سحب المتاريس ولو لفترة مؤقتة . وذلك لمعرفة السلوك الذي لم نعهده عليها
واضح ان المقصود هو تشويه سمعتها وسحبها خارج الصراع
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
بعد ان كتبت رأي حول لجان المقاومة قرأت هذا البيان
⭕️ بيان : دامت الثورة صرحاً للعدالة وشمساً للحرية ونشيداً للسلام .. المجد للوطن والخلود للشهداء والعزة للشعب والخذي والعار للجبناء قتلة الثوار الوضع الراهن في البلاد لا يُخفى على الجميع ، ونحن على العهد باقوون بأننا سنظل الخنجر المسموم في صدور الطغاة دائماً . ولكن قد استجدت ظواهر سالبة مؤخراً قد تكون مُفتعلة ومُدارة بواسطة من تصب في مصلحتهم ، قد ظهرت جماعات مسلحة تخالط الثوار وتندس بينهم لإفتعال الفتن والمكايد ، نعيد ونكرر دائماً بأننا بدأناها سلمية وسنختمها بالسلمية . المتاريس الموجودة في الحلفاية أصبحت غير آمنة حتى لا نكذب على أنفسنا والقائمين بها أطفال ، نعم نشجع فيهم روح الثورة وحب الوطن ولكن في مثل هذه الايام قد يُساقون الى الفتن التي تفيد غيرهم . كذلك ظهرت ظاهرة التحرش والنهب والسرقات والعنف وكثُرت في المتاريس لذلك نحن في لجان المقاومة والتغيير حلفاية الملوك نؤكد بأننا ندرس طُرق أخرى فعالة لمواصلة سير الثورة ، وأن الذي يحدث في المتاريس حالياً لا يمثلنا لانه لا يشبه الثوار وأصبح يُساق لطرق أخرى . وننوه لضرورة الوعي وخاصة في الفترة القادمة لانها تحتاج لتخطيط سليم ، إذ أن أي خطوة مُتسرعة قد تعود سلباً علينا . حفظ الله البلاد والعباد . وطني لأجلك قادرون ... اللجنة الإعلامية لجان المقاومة والتغيير حلفاية الملوك
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
في اخطاء كارثية وفادحة ادت للوضع الخانق الان
تخبط وعشوائية في السياسة الداخلية
لو ما الحكومة اعترفت بيها صراحة وقامت بمناقشتها وايجاد الحلول المناسبة ستنهار هذه الدولة
الحل ليس فرديا في اسقاط او تثبيت حمدوك . القضية ليست هى شخصية حمدوك بل مجمل الحكومة بشقيها المدنى والعسكري
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
| Quote: وتحل هذه الحكومة وتشكيل حكومة جديدة بقيادة حمدوك |
برضو فكرة
مادام العربية ما ماشة كويس معناها المشكلة في الركاب
السواق خليهو في مكانه
_____________
لو غيرنا الشعب مرة واحدة وجبنا لي حمدوك شعب في مستواه موش بكون حل أفضل؟
| |
|
|
|
|
|
|
|
|
|
Re: بهدوء جدا ضد سقوط الحكومة (Re: أحمد محمد عمر)
|
لا يا احمد ديل ما الركاب
ديل المكنة زاتا والتروس والجربوكس والبلالي والشاسي وكلو
حمدوك دة الدركسون ياخ
المشكلة اصلا مافردية مشكلة تيم العمل الشغال
حمدوك عشان ما نوسع الشقة ونفاقم الخلاف
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
شوف
أنا بعد تدخل حمدوك المباشر في موضوع التعليم والمناهج بقيت ما مقتنع بي إنه الحكومة بتعمل في تناغم
حمدوك ما الدركسون .. حمدوك سيد العربية بغير فيها أي حاجة دايرها، وإن شاء ممكن يبيعها ذاتو
حمدوك الناس جابتو عشان هو اقتصادي ومشكلة السودان اقتصادية
الحصل إنه من قولة تيت جدع شهاداتو العليا وخبراته في الرف وسلم اللجنة الاقتصادية لي حميدتي الخبرته في القتل وتهريب الدهب!
الأسعار بترتفع بمتوالية هندسية وحمدوك الاقتصادي بتفرج
يعني التعليم الما بتفهم فيه تطلع فيه قرارات وتلغي مناهج وتركب قنابير للناس تقول ليهم عاوزين نطبق مهارات القرن الحادي والعشرين وانت ما عندك أي علاقة بالموضوع دة! وفي الاقتصاد اللي هو شغلك قاعد تتفرج في البحصل في البلد بدون تدخل؟!!
العلاقات الخارجية دي ما إنجاز ولا حاجة، أصلاً مشكلة المجتمع الدولي هي حكومة الكيزان. اتوضعنا في قائمة الدول الراعية للإرهاب بسبب الاسلاميين
بمجرد ذهابهم شئ طبيعي يزول الحظر بزوال المسبب. طالما البلد فيها حكومة ديمقراطية وانتخابات نزيهة المجتمع الدولي ما عندو معاك عداوة
وبي نظرة بسيطة لقوائم العقوبات حتلقانا كنا 6 دول بس تفتكر باقي المية كم وخمسين دولة في العالم ديل كلهم عندهم حكام مبدعين ومحبوبين عالمياً زي حمدوك كدة؟
وبالمناسبة حتى هذه اللحظة لم يتم إزالة السودان من قائمة الدول الراعية للإرهاب بشكل كامل! أيوة مافيش في القائمة لكن الترتيبات اللي تمت بناء على الوضع دة لازال أغلبها موجود لأنه حكومتك ما متابعة الموضوع
أنا هنا بتكلم عما يليني شخصياً، حتى الآن السودان محظور من الاستفادة من الخدمات التقنية المجانية والمدعومة المقدمة بواسطة الشركات الكبرى وصناديق الدعم العالمية في مجالي التعليم والعمل الطوعي.
3 وزراء مالية والحال ماشي أسوأ .. ولا واحد فيهم ما أدانا احساس إنه عندو خطة بتحسن الحال .. ورئيس الوزراء الاقتصادي الجهبذ قاعد يتفرج
حمدوك كان مطالب بمواقف قوية والشارع كان مساندو لكن هو كاتل حيله. بعين لينا وزراء وولاة بدون أي خطة عمل. البفهمو إنه عشان اعينك في وظيفة لازم اعرف انت حتفيد المؤسسة بتاعتي بشنو؟ حمدوك شغال عزال قرعة، يا إيدي شيليني وخلاص
والأسوأ من كدي شغل الجود بالمناصب. نفس طريقة البشير في استمالة المعارضين، إن أسلمت وحسن اسلامك نصبناك وزيراً أو مستشاراً في القصر
وما تقول لي إنه الموضوع دة ما في يد حمدوك لأنه هديك ليها وزارة التعليم فاضية بلا وزير ليها شهور
| |
|
|
|
|
|
|
|
|
|
Re: بهدوء جدا ضد سقوط الحكومة (Re: أحمد محمد عمر)
|
الحكومة ساقطة ساقطة.
الحياة في العاصمة الخرطوم تكاد تكون توقفت تماماً.
وسيزداد تفاقم حالة الشلل في كل المرافق مع تراكم آثار سياسات الحكومة الغير مدروسة.
لن تسطيع الحكومة الحالية الخروج بالسودان من ازمته لا السياسية وبالطبع لا من أزمته الإقتصادية.
أي قارئ للواقع اليوم سيعرف بكل يقين أن الفترة الإنتقالية تحت ظل الحكومة الحالية لن تنجح في خلق بيئة تنتج عنها إنتخابات تعبر عن إرادة المواطن.
السيناريوهات المتوقعة للسقوط ولما بعد السقوط متعددة وبعضها كارثي.
تقوقع الناشطين وداعمي المدنية والديمقراطية خلف حكومة فاشلة وعدم أخذهم زمام المبادرة في إحداث تغيير إيجابي سيفسح الطريق لحدوث أسوأ السيناريوهات.
| |
|
|
|
|
|
|
|
|
|
Re: بهدوء جدا ضد سقوط الحكومة (Re: Hafiz Bashir)
|
Quote:
أي قارئ للواقع اليوم سيعرف بكل يقين أن الفترة الإنتقالية تحت ظل الحكومة الحالية لن تنجح في خلق بيئة تنتج عنها إنتخابات تعبر عن إرادة المواطن.
السيناريوهات المتوقعة للسقوط ولما بعد السقوط متعددة وبعضها كارثي.
|
فى جهات منمصلحتها انها تدفع بخيار الانتحابات المبكره وايهام الناس انها العلاج
اذا دا حصل حتكون كارثه وانتخابات لاتعبر عن الشعب وفئه حتتشبث بالحكم -مثال ليبيا وتركيا- بدعوى انها جات عبر الصندوق وتتلاعب ببرلمان اغلبيه ميكانيكيه
-----
بمناسبه لجان المقاومه والمتاريس
شفت فيديو لقلاب يفرغ جمولت فى الشارع لتصبح ترس
من بدفع لمثل هؤلاء ؟؟
| |
|
|
|
|
|
|
|
|
|
Re: بهدوء جدا ضد سقوط الحكومة (Re: Asim Ali)
|
يا احمد انا ما برأت حمدوك ابدا
ولكن لا اظن هو فقط المسؤول عن الفشل . هو يتحمل الفشل أكيد بمشاركة آخرين وظروف أخرى
لو اعتبرتو هو فقط المسؤول بكون الحل بتنحيه .
انا بقول كلامى دة وخايف من الانفلات والانهيار
الحكومة عندها اهداف ليس من ضمنها الوطن والمواطن
لذا فلنجبرها علي اتخاذ خيار وطنى
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
يا حافظ مافى خلاف في فشل الحكومة
الحكومة بشقيها العسكري والمدنى
ونحن مزرورين في النص
لامن نتكلم عن حل الحكومة لازم نتكلم عن مجلس السيادة ذات نفسو
مجلس السيادة الاستلم بعض الملفات الهامة بضعف المكون المدنى
ومزرورين بمناصري حمدوك
ومزرورين باحزاب نداء السودان المشاركة فى السلطة وهسة بتطلع بيانات تدين الاجراءات الاقتصادية
لابد ان نتنازل عن سقف مطالبنا للحد المعقول
| |
|
|
|
|
|
|
|
|
|
Re: بهدوء جدا ضد سقوط الحكومة (Re: عبدالحفيظ ابوسن)
|
فرق كبير بين فشل الحكومة و تفشيل الحكومة يا سنّو
اللعب واضح و ظاهر على مستوى القطاعين الامني و الاقتصادي
اعادة كتابة الوثيقة ليكون الامن بيد رئاسة الوزراء
الترهّل فى المجلس السيادي لازم يتحسم
| |
|
|
|
|
|
|
|
|
|
Re: بهدوء جدا ضد سقوط الحكومة (Re: جلالدونا)
|
مافى خلاف يا اجلال انو في جهات عديدة من ضمنها العساكر بكل مسمياتهم يسعون بجد لافشال الحكومة
وهذا هو التحدى الذي كان يجب ان تجابهه الحكومة ان لا تجعلهم ينجحون
التحدي كبير وبلاشك وهكذا يصنع الابطال القوميين
يصنع الزعماء
انهم نجحوا رغم كل العراقيل الموضوعة
اصلا مافي زول متخيل انو الحكومة حتنجح بسهولة
ماممكن تنجح بسهولة لانو جزء منها ضدها
| |
|
|
|
|
|
|
| |
عبدالحفيظ ابوسن
محمد البشرى الخضر
Asim Ali
Hafiz Bashir
علاء سيداحمد
جلالدونا
فيس بوك
تويتر
انستقرام
يوتيوب
بنتيريست