|
Re: بشرى سارة: تم فتح التحويلات الدولارية لبن (Re: الزبير بشير)
|
سلامات يا شباب البلف اتفتح ومن مصدري هسي الان اسم السودان منور القائمة العندوا نت بانك او اقرب بنك لي محل سكنك امشي وحتلقى السودان منور
تجار العملة في فتيييييل
الخبر ده لسه ما اتنشر في الميديا الخبر كان حصري ليكم هنا في البورد قبل اكثر من اسبوع معليش الرابط الفوق قديم ما انتبهت، السبب في التاخير انه الميديا ما كتبت عنه لسه،، لكن مؤكد زي ما قولت ليكم خوش في صفحة التحويلات العالمية في قسم الايبان في بنكك وحتلقى اسم بلدنا الغالية
كتر خيرك يا حمدوك تجار العملة في فتييل
| |
|
|
|
|
|
|
Re: بشرى سارة: تم فتح التحويلات الدولارية لبن (Re: Ali Alkanzi)
|
احمد محمد بشير قصدي لعندي حساسية ضد المصدر... لمن كنت بجيب لي أي خبر، في ناس كتار يسألوني وين المصدر..وين المصدر...ومن هنا جاءت حساسيتي من أي واحد يسألني عن المصدر.... وانا اتاكدت أنه الخبر صحيح ... ويمكن بعدونقول ليك: انبهلت ..زي ما كان بيقول ود الباوقة، الله يطراهو بالخير .. وخلي بعد كده تجار الدولارات ياكلوا النيم ...النيم ذاتو كتير عليهم ...صفق النيم ....هههههههه
| |
|
|
|
|
|
|
Re: بشرى سارة: تم فتح التحويلات الدولارية لبن (Re: امتثال عبدالله)
|
اقروا كلام الكنزي الفوق دا وما ترمهوا البحر يا استاذة امتثال اذا تم فتح التحويلات فسيتصاعد سعر الدولار لانو الطلب والاقبال عليه سيكون مرتفعا وهنا كثير من الاموال الورقية (اعني الجنيه السوداني) مكدسة عند اصحاب رؤوس الاموال والشركات الاجنبية ينتظر اصحابها اخراجها لمرافئ اخرى اكثر امانا لهذا سيكون الانفتاح على حساب الجنيه السوداني وما الاقتصاد المصري ببعيد فقد تدهورت قيمة الجنيه المصري في السنوات الثلاث الاخيرة رغم ان المعاملات البنكية مفتوحة
| |
|
|
|
|
|
|
Re: بشرى سارة: تم فتح التحويلات الدولارية لبن (Re: عمر التاج)
|
تسلمو كتير شباب على المرور وبودي ان ارد عليكم فردا فراد لكن المشغوليات
التحويل مفتوح وتأكدت من ابن عمي ارسل... ومعه صورة من الحوالة بس انا ما بعرف انزل الصور هنا. الحصل انه بعض المصارف لم تحدث السيستم لذلك حصل التضارب لكن الغالبية فتحت الان. بنك الخرطوم وبعض البنوك اكدت ان بنوكهم استوفت شروط شركات فيزا وماستر ، وقريبا ستبدأ العمل في السودان.
| |
|
|
|
|
|
|
Re: بشرى سارة: تم فتح التحويلات الدولارية لبن (Re: الحاج حمد الحاج)
|
انتو في السعودية عندكم بعض البنوم حدثت السستم وفتحت يا حاج حمد... بس الناس ما بتحول بسعر بنك السودان.
عندي حل جذري لمشكلة العملة الاجنبية وتجار العملة ، حل ما خطر على أي وزير ولا أي تاجر عملة.. وحيوفر مليارات الدولارات..
ان شاء الله حأفتح منشور أو أرد هنا.
| |
|
|
|
|
|
|
Re: بشرى سارة: تم فتح التحويلات الدولارية لبن (Re: احمد محمد بشير)
|
حصلت عدد من المصارف السودانية على تراخيص من شركة "فيزا" لإصدار بطاقات الدفع الائتماني للسودانيين ، وبحسب موقع "سودان تريبيون" أصبح من الممكن لبنوك الخرطوم، قطر الوطني، بنك المال المتحد، إصدار بطاقات "فيزا كارد" للسودانيين ليتم تغذيتها بالنقد الأجنبي والإستفادة منها في عمليات الدفع داخل وخارج السودان .
من قناة العربية: #الحدث_السوداني
| |
|
|
|
|
|
|
|