|
|
|
 Re: بشاشة يابشاشة هل تسمعنى ياخى نحن طبعنا ون� (Re: بدر الدين الأمير)
|
Quote: بمناسبة رفع السودان من قائمة الإرهاب و التطبيع مع إسرائيل أعيد نشر هذا المقال الذي نشر في الأول فبراير: 2020
👇👇👇👇👇
/ كتب
د احمد الطيب ابراهيم استشاري جراحة الكلي والمسالك
4/2/2020
🙉أهل البكاء غفروا والجيران كفروا 🙈
رغم الإلحاح من داخلي للكتابة عن مقابلة البرهان ونتنياهو في اوغندا إلا أنني سوف اتخلص عن هذه الرغبة المدمرة بكتابة حقائق تاريخية فقط ..
__ اذكر الجميع ان كل الدول العربية والإسلامية لديها علاقات مع اسرائيل بعضها علني وبعضها سري...
__ بلغت قيمة التبادلات التجارية بين تركيا وإسرائيل عام 2016 ستة مليار جنيه وهو العام الذي شهد قمة الصدامات بيت تركيا وإسرائيل...
__ قطر قامت بتطبيع علاقتها مع اسرائيل من زمان و الماعاجبو يشرب من الخليج العربي....
__ الإمارات العربية المتحدة تتبادل الشركات و التجارة مع اسرائيل و هناك شركات أمنية يهودية تعمل في دبي و نحن مالنا...
__ الأردن ومصر أكثر دولتين لديهم علاقات تجارية و سياسية مع اسرائيل..
__ ملك الأردن هو حفيد سيدنا علي ابن ابي طالب طوااااالي بدون لف و دوران بتاعة جدنا العباس وجدنا حمزة و حبوبتنا فاطمة بنت النبي التي لا يوجد اي اثبات جيني أو سند تاريخي غير ادعاءاتنا التاريخية الكاذبة....الملك عبدالله بن الحسين بن طلال الهاشمي...
خلونا من الدول ..
__ انتوا يا جماعة إسرائيل ده زاتو منو موش هو سيدنا يعقوب بن إسحاق بن سيدنا ابراهيم..
اولاد سيدنا يعقوب أو إسرائيل هم كتار منهم يوسف و يهوذا...
__ سيدنا يعقوب ده (( طبعا ما ح اقول سيدنا اسرائيل )) عشان ما تلحقونا بكرة د علي بلدو توفي سيدنا يعقوب في مصر و دفن في المسجد الابراهيمي في الخليل.... المسجد الابراهيمي ده يعني مسجد جده طوالي ابو ابوهو وهو سيدنا ابراهيم عليه السلام....
__ طيب يا جماعة لو قلنا برهان ده كفر لانه قابل يهودي موش حقو ننصفوا شوية لما نتزكر انه الرسول مات و درعه مرهون ليهودي... يعني التعامل التجاري و العلاقات بين المسلمين واليهود لا هي عيب ولا حرام ...
__ يا جماعة الرسول ده اتزوج صفية بنت حيي ابن اخطب زعيم بني قريظة و هي كانت علي دين اليهود و خيرها بين عتقها و بقائها علي دينها وارجاعها الي اهلها أو الزواج منها والبقاء مع رسول الله والاسلام.
يعني اخونا البرهان ده لو جانا راجع معاهو بنت نتنياهو في عصمته يفترض ما في زول يفتح خشمو....
__ ما تطلعوا ميتينا ذي ما قال حسين خوجلي ....
__ القضية الفلسطينية اصلا الجماعة الطيبين ديل بتجاروا بيها من زماااااان....
وبحركوا بيها عواطف الناس لاهداف سياسية....
__ قبل كم سنة لما إسرائيل ضربت غزة المساير في السودان طلعت تندد بالغزو اليهودي لأهل غزة و كان حصيلة الغارات دي مات الف مواطن فلسطيني و في نفس الوقت نحن في حرب الجنوب فقدنا مليون مواطن سوداني .. و حرب دارفور الموتي فيها تلاتمائة الف مواطن و خلونا ناخد بي كلام عمر البشير بس (( مات تلاتين الف مواطن في دار فور لا غير ))..
__ اخوات نسيبة طلعن الغوايش الفالصو و تلفزيون السودان يصور لجمع التبرعات تحت نفرة ((( جبل دهب من أجل نصرة
اهل غزة ))....
في سيدات كتاااار انفعلن و طلعن سلاسلهن و خواتم الدهب الأصلية و ياريتها وصلت غزة وللا غزة اتحررت..
__د سامي ارباب زميلنا وأنصار سنة هو و معاهو مجموعة من الأطباء السودانيين سافروا غزة ايام الغزو الإسرائيلي لما رجع قلت ليه اها يا حبيب غزة كيف بعد الدمار ده..
ضحك وقال لي والله البيوت في غزة أجمل من بيوتنا في الرياض و كافوري و مستشفي غزة الحكومي افضل من مستشفي رويال كير الخاص ... والناس ديل ماكلين شاربين مرتاحين و الغزو ده استمر تلاتة شهور ما عندهم كهرباء قطعت...
__ خالد مشعل بتاع حماس جاء وخاطب المسيرة من مسجد النور في كافوري وشكر السودانيين و قال ليهم :
نشكر اخوانا السودانيين فهم اصحاب نخوة ومشهود ليهم من جدهم بلال بن رباح بنصرة الإسلام...
__ نحن علي القسم بلال ابن رباح ده بنعتز بيهو كسودانين لكن بنعاتب اخونا ناس الإنقاذ ما عملوا شارع سموهو باسم بلال ابن رباح....
_ مسجد واحد في جبرة تم بناءه بالعون الذاتي باسم بلال بن رباح..
__ ويا سلام علي اخوانا الاتراك لأنهم اقاموا مجمع اسلامي شامل في المانيا في ضاحية اشتودقارت(( هايلبرون )) باسم مجمع بلال الإسلامي و كتب لنا أن نصلي فيه كل جمعة ونلتقي بقية المسلمين..
__ الغريب في الأمر علي بعد كيلومتر واحد من هذا المجمع تدرب سبعة استشاريين سودانين ومسلمين علي يد بروفسور يهودي اسمه (( راسفالار )) و بروفسور آخر مسلم اسمه علي سردار غوزين.... فلا يهودي اسلم ولا المسلمين ديل جونا راجعين حاخامات...
__ لن اقول كبقية الناس أن البرهان أخطأ أو أصاب ولكن وددت فقط أن انثر للجميع بعض الحقائق التاريخية والإسلامية ولم اأتي باي جديد لانني اعتقد ان معظم من يقرأ هذا المقال يعرف هذه الحقائق ويمكنه التأكد منها بضغط زر البحث في غوغل أو الذهاب لأقرب مكتبة عامة...
__ يا اخوانا نحن ما عندنا غبينة مع اسرائيل ذي ما قالوا ناس الهجانة...
وقالوا العهدة علي الراوي الجيش السوداني المعسكر في كردفان كان يسمي فرقة الهجانة...ولأنهم كانوا ليركبوا الجمال في المعارك في الحرب العالمية التانية... الهجانة معروفين جدا بالشجاعة و الجلد في الحرب ... صدرت تعليمات انهم يمشوا يكاتلوا في سيناء مع الجيش المصري والسوري ضد اليهود...
في عدد كبير خالف التعليمات و جابوهم للتحقيق...
__ الضابط سألهم اذا كانوا خايفين
__ قالوا يا سعادتك نحن ما خايفين لكن مافي دواس بدون غبينة ونحن اسرائيل دي ما عندنا غبينة معاها عشان نكاتلها...
هسا يا اخوانا اي زول عنده غبينة مع اسرائيل يستلم جوازه و يسافر الحدود...
وان شاء الله ربنا يرزقه احدي الحسنيين اما النصر أو الشهادة...
__ في طلاب وطالبات بنات طلعوا من الجامعة و انضمن للقتال ورغم اختلافنا مع الفكر الداعشي لكن بنحترم في الجماعة ديل تمسكهم بمبداهم الي ان استشهدوا في ميدان المعركة وما دايرين زول يبكي ويتمخط لينا هنا في الساحة الخضراء وبكرة نلقاهو في مول عفراء ...
ودمتم سالمين
4/2/2020
د احمد الطيب ابراهيم استشاري جراحة الكلي والمسالك البولية |
| |
  
|
|
|
|
|
|
|
|
Re: بشاشة يابشاشة هل تسمعنى ياخى نحن طبعنا ون� (Re: بدر الدين الأمير)
|
| Quote: ما تطلعوا ميتينا ذي ما قال حسين خوجلي .... |
أميرنا الحبيب .. تحياتي يا جميل
العبارة حق حصري لأهلنا في ضواحي الدنيا وحسين خوجلي ناقل فقط
أرجو الدكتور الجميل بذلك .. يتأكد من المصدر ( ميتنك .. ملة أهلك .. يلعــ ... ) حصرية
حبيبنا الامير مبروك يا جميل .. الشمالية عموماً لها علاقة الدم مع اليهود جدنا وهو جد السواراب الكبير
اسمه ( شاووس ) وكمان اهلنا ناس ( شادول) ..
قناة الجزيرة تغطية واسعة للتطبيع ( ضد) ولكن قريبي ونائب دائرتنا السابق ( برطم ) طلع ضعيف في المناظرة
ومعلوماته ( زيرو ) ظهر مرتين في الجزيرة مباشر .. وفي الجزيرة الاخبارية ( ما وراء الاخبار) يا ريت
ما يظهر تاني .. خليهو في عالم المال .. حتى المذيع لم يفهم كلامه : ( يعني .. امبارح وأول امبارح ) ده كلام .
كنت أتوقع يرد على الفلسطيني بعبارة ( كل هذا التخطيط من محمد دحلان في ابوظبي ) يعني المخطط فلسطيني
بس ضعيف ..
تحياتي الامير .. الحبيب ..
| |
|
|
|
|
|
|
|
|
|
Re: بشاشة يابشاشة هل تسمعنى ياخى نحن طبعنا ون� (Re: Bashasha)
|
ياخي ما عشان كده ظللنا نكرر قولنا، كيف هذا السودان لازال سودان احتلال ثنائي، مصري، بي معني عربي، وانجليزي ولم يتحرر قط، وان بدا مشوار التحرر الطويل في 19 ديسمبر 2018م!
الادهي والامر، كيف موضوع علاقات دبلوماسية، بين دولتين، تحول الي ركن سادس ل"الاسلام"!!
انا افهم العرب يسوقو قضيتم دي، مع اولاد عمهم اسحاق، فيما بينم كعرب، بالصيغة دي، وهذا متسق تماما مع الطبيعة المادية التصنيمية، لمرجعية الثقافة العربية، واي ثقافة بدوية دائما كقاعدة قنا مادية بطبعها!
ولكن البفقع مرارتي كسوداني، اننا حتي هنا، نتبني ترهات العرب، فيما اتصل بي صراعم الاسري، كدين واسلام!!
اي دين هذا، اللي بعادي او يصادق علي اساس العرق او لون الاضان؟
حتي هنا، مافاهم، الفرق شنو من اساسو مابين ابناء اسحاق وابناء اسماعيل، اللي جدهم "سيدهم" ابراهيم؟
مافاهم كيف فجاءة، ابناء اسحق، اضحو من سلالة القردة والخنازير، وليس ابناء اسماعيل، رغم انف انو والد الاتنين هو ابراهيم؟
لاحظ من الجانب الاخر اليهود بدورم، بسخرو من ابناء عمهم اسماعيل، باعتبارم "عبيد" نعمSand Niga's!
ليه؟
لانو والدتم اي هاجر، سودانية!!
من هنا جاي التنميط لامثالنا، شغل اسقاط من الاعراب!!
عايز اقول هذا لايخصنا في شئ، كسودانيين، علي الاطلاق!!
ولكن وعي الاسترقاق امر، زي ما كلنا شايفين في نموذج بريمة ادم، "هاوس نقا" الاعراب!!
بريمة هذا ليس بفرد!
بريمة هو التجسيد الحي، لوعي الاسترقاق العروبي هذا في اعماقنا كسودانيين!!!
لهذا وكنتيجة، ماصدفة، كيف واحد زي حرامي الحمير، حمرتي، الان يتطلع الي تتويج، روحو، عائلتو او قبيلتو، كملك وملوك للمملكة العربية، الدقلاوية، علي وزن المملكة العربية السعودية!!!
او عشان كده بريمة حايم بالعقال!
هذه مصيبة "الهاوس نقا" من امثال بريمة، في تاريخنا كقوم سود، مقارنة ب"الفييلد نقاز" من امثال بشاشا!!
بريمة، بحكم عملو داخل "العذبة" كسفرجي، هو يتوهم انو قريب جدا، الي درجة التحلل الكامل، في شخصية مستعبدو سيد "العذبة"، مقارنة ب"الفييلد نقا" بشاشا،
اللي بحكم عملو في الخلا، بكون ماعندو زي وله والتصاق اخوهو بريمة المتوهم لشخصية "سيد العذبة" اي سيدنا الاتنين انا او بريمة!!!
| |
|
|
|
|
|
|
|
|
|
Re: بشاشة يابشاشة هل تسمعنى ياخى نحن طبعنا ون� (Re: Bashasha)
|
وقسما بامون رع، مافي شئ بيفضح، او يعري حقيقة وعي الاستعباد العروبي، كما الموقف من العلاقة بدولة اسرائيل!!!
ياخي اسرائيل ولا اليهود عملو لينا شنو، مقارنة بما فعله العرب بنا عبر القرون، ولازالو يفعلون الان واللحظة، لنعادي اليهود بالوكالة، ونركع عابدين لسيدنا العربي يا دكتـــــــــور صـــــديق تاور؟
نعم، ويالسخرية الاقدار بحق، واحد زي تاور، يمثل ذبدة وعصارة ارثنا الحضاري هو البتزعم حراك وعي الاسترقاق العروبي، اللي دفعو ثمنو امثال تاور، وباكثر من اي مجموعة بشرية اخري في تاريخ العبودية كلها، بحكم الدور الريادي لنموذج شخصية امثال تارور في تاريخنا،
اي الAnu اي قوم اوسار، ابو البشرية، ووالد الحضارة بالنسبة لاجدادنا والعالم القديم كلو من اقصاه والي اقصاه!!
كان العشم يا دكتور انك تتصدر حراك الوعي الكوشي، مش حراك وعي الاسترقاق لامثالك وباكثر من اي مجموعة اخري في المليون ميل مربع!
كجلابي، حفيد كركساوي، والزبير، انا واعي ومتفهم مصيبة امثالي من باشبوذغة الغزاة العرب، بوابين، سفرجية، وكلاء، وشيوخ غفر مستعبدينا، مستعمرينا، الاعراب، لما اكلنا عيشنا كسماسرة ببيع امثالك!!
ولكن اللذي لا افقهه، كيف يادكتور وبمثل هكذا اريحية تتبني طرج، وخطاب مشروع هو المسؤول من البصق في وجه ادمية امثالك، الكان نموذج انسانو اله معبود في كل قارات العالم، بناءا علي نموذج سلوكو او شخصيتو الاسطورية يا دكتور او مش العرق او اللون!!
هذا مؤلم، مؤلم، مؤلم، لامثالي من القدرو بعد عمر يعرفو قدر امثالك في تاريخنا، بل وتاريخ البشرية كلها علي سطح هذا الكوكب!!!
اخير اقيف هنا، وحتي نعود سلامي!
| |
|
|
|
|
|
|
| |
بدر الدين الأمير
نعمات عماد
علي عبدالوهاب عثمان
Bashasha
فيس بوك
تويتر
انستقرام
يوتيوب
بنتيريست