|
|
|
 Re: بالمناسبة.. الصفوف شغالة تش.. (Re: اخلاص عبدالرحمن المشرف)
|
حبابك اخلاص ، كيفنك!
صابرين يا دكتورة ..
الا الصبر هو الماصابر معانا ..
أمس الصباح كلفت أخوي بمشوار الى امدرمان
قال لي ماعندي بنزين ..
قلت ليه اركب الصف واحتسب يومك علي
سمع كلامي ووقف الساعة ٩ص .. اتصلت عليه ٩ مساء وسألته عملت شنو؟
قال لي حضرت لقاء حمدوك قبل شوية..
- لا لا .. بقصد المشوار ..
- ناس الطلمبة كلهم كانوا بيحضروا ووقفوا شغل..
- مشوار امدرمان يا اخي عملت فيهو شنو؟
- منتظرين حمدوك يعبر عشان الطلمبة تشتغل ونعبي بنزين ونمشي المشوار ..
الا للأسف ماقال سنعبر ..
- يعني شنو؟
- يعني تقنع من المشوار وترسل لي خمسة مليون حق يوميتي الضيعتها معاك دي..
| |
 
|
|
|
|
|
|
|
|
Re: بالمناسبة.. الصفوف شغالة تش.. (Re: عمر التاج)
|
تحياتي الأخ عمر التاج
أنا الحقيقة ما عارفك شايت وين...
لكن فشل الحكومة الحالية دي ما عاوز ليهو اتنين تلاتة يعني وعلى كافة الأصعدة وليس الصعيد الاقتصادي فقط
أضعف حكومة في التاريخ الوطني السوداني بلا جدال
الناس دي قاعدة تئن من الألم لكن بتكابر ساكت
وما في حل وما حا يكون في حل في ظل الوضع السياسي القائم الآن ـ من الآخر كده
موش لو رفعوا الدعم ـ لو رفعوا الدعم مرتين تلاتة ـ الوضع القائم ده ما عندو حل
| |
|
|
|
|
|
|
|
|
|
Re: بالمناسبة.. الصفوف شغالة تش.. (Re: Elhadi)
|
وحمدوك راجل فاشل وكضاب..
حمدوك ده عبارة عن وهمة ساكت..
وفوق ده وده حتى ما عندو ذرة دم ليشعر بمعاناة الناس
الناس اتمقلبت بس يا صاحبي وركبت أكبر ماسورة في التاريخ
لكن ما في زول حا يعترف ليك
| |
|
|
|
|
|
|
|
|
|
Re: بالمناسبة.. الصفوف شغالة تش.. (Re: Elhadi)
|
حبابك الهادي أخوي..
وفي الحقيقة انا برضي ما عارفك شايت وين ..
بس أنا بشوت في المرمى الخالي أو الضعيف الما منجض شغله ..
وللأسف دائما بكون في اتجاه الحكومة ، وعكس رياح الشعب..
يسعدني أن نشوت في نفس المرمى حتى ينعدل ، وشعبنا قال "مرمي الله مابترفع"
المشكلة انه الشعب عايش المشكلة بكل تفاصيلها ..
والحادبين من اهل الحكومة عارفنها ..
بس المؤدلجين وأصحاب العاهات في المنبر ماشايفين أي مشكلة في السودان اليوم..
وكل ما تقولهم الحتة مايلة يقولوا ليك .. لقد ورثنا نظاما منهارا ..
طيب يا اخي خليها الورثة .. انت حقك وينو؟
| |
|
|
|
|
|
|
|
|
|
Re: بالمناسبة.. الصفوف شغالة تش.. (Re: عمر التاج)
|
| Quote: بس المؤدلجين وأصحاب العاهات في المنبر ماشايفين أي مشكلة في السودان اليوم. |
اكيد اكيد
بس انت بديلك المحترم والعلمي والواعي شنو
اوعك تقول لي عمر البشير والانقاذ ملعونة والديها من 1989=2018؟
القصة واضحة
امشي اقرا بس رسالة ابراهيم منعم منصور تاني
بتعرف المستعمر الجديد الناهب للسودان \وديل معر.صين بس جو لحراسة مصالح هذه الدول وبي صورة فاقعة
ولا تستثني احدا
لازلنا نرزح تحت احذية المخابرات المصرية وادواتها الرخيصة في السودان وكامن جابت زلة من براعم الخليج الامارات والسعودية
بي قرود السيرك الخمسة
جماعة قطر وتركيا ناس جبريل وجماعة مصر السعودية الامارات حمدوك وحميدتي والبرهان
وارمي قدام
مواطنوان.. دونما وطن
مطاردون كالعصافير على خرائط الزمن..
مسافرون دون أوراقٍ
وموتي دونما كفن.
نحن بغايا العصر.. كل حاكمٍ
يبيعنا، ويقبض الثمن!!
نحن جواري القصر، يرسلوننا
من حجرةٍ لحجرةٍ
من قبضةٍ لقبضةٍ
من هالكٍ لمالكٍ
من وثنٍ إلى وثن
| |
|
|
|
|
|
|
|
|
Re: بالمناسبة.. الصفوف شغالة تش.. (Re: adil amin)
|
حبابك كبيرنا عادل
| Quote: بس انت بديلك المحترم والعلمي والواعي شنو |
أنا بديلي الديمقراطية العاجلة
والانتخابات المبكرة
والبجيبوا الشعب كله سمح..
صحيح ما حانعبر من أول فترة
ولكن بكون في سبب لصبرنا على نظام ديمقراطي منتخب ..
وبنتعشم يبدأ من الصفر ويبني ولو خطوة للمستقبل ..
أما أي نظام غير ديمقراطي .. حزبي ، شمولي، انقلابي، انتقالي ..
فده مجرد ضياع للزمن وحرث في البحر ..
وفي نهايته حانجد أنفسنا تاني بدينا من الصفر
| |
|
|
|
|
|
|
| |
عمر التاج
Elhadi
adil amin
فيس بوك
تويتر
انستقرام
يوتيوب
بنتيريست