|
Re: بالفيديو خبراء FBI في مسرح محاولة اغتيال حم (Re: Yasir Elsharif)
|
عفوا يا دكتور .. المشهد ذكرتي زماان وانا طالب في الجامعة عندي عم كان في المانيا .. عندو صاحب الماني جا يزور السودان فاستضافة عمي في بيته .. مشيت كيوريظتي كدا اشوف الخواجة .. شبك فيني عمي و قال لي انا مشغول تعال لف مع الخواجه دا يشوف البلد .. طلعت معاه بعد الضهر قال عايز يشوف النيل عن قرب .. مشيت بيهو على كبري شمبات اصر ينزل تحت .. نزلت معاه وماشين شاف ليهو خور جانبي ملان عشر.. دخل فيه الظاهر عجبتو زهور العشر البنفسجية.. أنا بحاول انبهه للاوساخ والمخلفات البشرية في الخور.. عادي ماشي والنواشف تحت كرعيهو تسوى كش كشش .. لما جاء عمي حكيت ليهو ضحك وقال لي الخواجة ما بكون ناقش الموضوع .. هسه الحايم تحت الشدر دا الخبير ؟؟ طيب إذا واحد في العربات المتحركة حولو دي.. فكت فيه طلقة ولّ قنبلة يدوية كان موقفنا بكون شنو في الأمم المتحدة على قول عادل امام ؟ مش على الأقل كانوا يمنعوا مرور العربات لحد ما يخلص من المعاينة؟ الظاهر عفويتنا دي ما بنتخلص منها قريب.
| |
|
|
|
|