|
Re: باريس.. العرضة شمال.. العرضة جنوب وبالعكس (Re: طلحة عبدالله)
|
الاخطبوط يآخ ..
طمنتنا Quote: الوضع في السودان ح يتصلح وح تكون أية حاجة كويسة عكس ما يردده المورجغين في المنابر والاسافير ودي برضو أراهن عليها بالتلاتة و من يأنس في نفسه حاجة فليلقنى هنا . |
الواحد يخت في بطنه بطيخة باردة طالما قلت كدة ..
طيب ادينا خبر التطبيع كيف حا يتم ونتواصل مع أبناء الخالة والا في جرجرة :)
| |
|
|
|
|
|
|
Re: باريس.. العرضة شمال.. العرضة جنوب وبالعكس (Re: Ahmed Yassin)
|
Quote: دا بالنسبة لفريقي "الغمة" ولا شىء تاني
|
لا بالنسبة لشىء تاني لأن (الغمة) دي ما ح ينزاح منها الكابوس دا إلا بثورة رياضية شبيهة بالثورة على الكيزان .. غير كدا كل حاجة مجوبكة ح تتعدل وكلام المنظرين المالي الأسافير والقنوات والاذاعات دا ورجغة ساي ما تخسر فيهو أضان .خخخخخخخ
| |
|
|
|
|
|
|
Re: باريس.. العرضة شمال.. العرضة جنوب وبالعكس (Re: HAIDER ALZAIN)
|
حيدروف يا صلد لا إطمئن وبعدين تعال قول أنا قلتا Quote: طيب ادينا خبر التطبيع كيف حا يتم ونتواصل مع أبناء الخالة والا في جرجرة :)
|
ح يتم سكيتي بدون فرقعات وجوطات وشخصيا ح أمشي أصيف في إسرائيل قالوا فيها خدرة وماء ووجه حسن خخخخ يا زول نحن نقعد طول عمرنا ماسكين في شطر ميت أهلو ذاتو فكوه وضبحوا بقرتو كمان؟ لازم نشوف حياتنا في الجانب الآخر من النهر .. بى هنا جربناها منذ عشرات العقود ولقيناها ما لافقة لا بل ومقشطة شديد خخخخخخ
| |
|
|
|
|
|
|
Re: باريس.. العرضة شمال.. العرضة جنوب وبالعكس (Re: طلحة عبدالله)
|
يا عمر سعيد ومال أغلى صفقة في التاريخ ونيمار دخل ونيمار مرق ونيمار أكل ترمس في شنو ؟؟ بعدين المركز التاني زي الطيش دي قاعدة معروفة في كرة القدم الحديثة .. وأهم من دا كلو أنا ما غلطت لما ربطت باريس بالعرضتين لأنو الطموح واحد رغم الجوطة والزيطة والزمبريطة والعوك عاك وزحمة جرايد المشجعين .. الانجاز الكبير هو الوصول للنهائي والبطولة دونها خرط القتاد أو هي زي الغول والعنقاء والخل الوفي.
| |
|
|
|
|
|
|
Re: باريس.. العرضة شمال.. العرضة جنوب وبالعكس (Re: طلحة عبدالله)
|
كيفنك يا طلحة واريت حالك زين
انا من الناس البصدقو كلامك والله لا قاعد تنطق عن الهوى ولا عن الهواء
ومن شدة قناعتي بي نضميك بقرب اقول عن طلحة بن عبد الله هههههه
لا بالجد والله
قناعتي الراسخة كمان هي أنه حال السودان ما بنعدل ويتصلح إلا ب حاجتين اتنين
نهاية الكيزان ورضاء اليهود والامريكان
صدقني أي دولة أو شعب ما ترضي عنهم اليهود والنصاري على الأقل في زمنا ده ف يتعبو حاصل فارغ ساي حتي لو بقت الصين بجلالة قدرها واقتصادها وناسها الكتار إلى أن يقض الله أمرا كان مفعولا
| |
|
|
|
|
|
|
Re: باريس.. العرضة شمال.. العرضة جنوب وبالعكس (Re: أبوذر بابكر)
|
أبوذر يا أديب يا شاعر ياخ نحن نتحاشاك في روضتك حذر شوت الضفاري تقوم تجينا هنا في الملجة دي ؟ ع العموم الله يكرمك ويزيدك تواضعا وأدبا على أدبك عايز أقول ليك صدقني الغاغا والورجغة والتنظير المالين بيها الأسافير دي لا تعدو كونها بندق في بحر سيأتي الحين الذي ستنصلح فيهو الأحوال قريبا جدا دا احساسي الذي أثق فيه زي ثقتي في انو الزول القاعد جمبي دا عبارة عن عمة كبيرة في قرعة فاضية ساي ما عندو موضوع . ............. المهم أنا متابعك بصمت أنت ونفر أعرفهم وتعرفهم.
| |
|
|
|
|
|
|
|