|
Re: ايسكريم ياباني يستحق التجربة Mochi ice cream (Re: امتثال عبدالله)
|
يا النصري فتحت البوست بتاعك دا وشفت الايس كريم , التفت علي زوجتي ونطقت الاسم لو بتعرفه, ردوا لي معاها اولادي الاتنين بصوت واحد هههههههه. عرفت منهم الايس كريم دا حايم طوالي في بيتنا وكان هنا من يومين.. قلت ليهم انا شكلي كان فايتني مولد هههههههههه. لومك بي تاني اكوضم لي وليك.
| |
|
|
|
|
|
|
Re: ايسكريم ياباني يستحق التجربة Mochi ice cream (Re: Mutasim Idris)
|
يا امتثال النصيبة دى الزول الاكتشفها تعب تعب شديد و استعان بخبراء فى الطاقة النوووية و علماء الأحياء و البكتريا والثقوب السوداء.. ليه ؟ لانه فى مشكلة كبيرة فى صناعة الايسكريم ده!!
كيف تحتفظ عجينة بتركيبتها (العجينية🙂) دون ان تتفرزن فى الفريزر.. الخبراء بعد مجهود جبار وصلوا لحل للمعضله.. جربى و قول لاخواتك فى البيت ، ادعوا للنصرى امين فى كندا ، لانه محتاج دعوات
| |
|
|
|
|
|
|
Re: ايسكريم ياباني يستحق التجربة Mochi ice cream (Re: عمر نملة)
|
يا معتصم المولد ما فايتك لوحدك ! انا لى شهرين بفتش على الاسكريم الاصلى ما لاقيه. صاحبى فى نيويورك متخصص فى الاكتشافات الجديدة؛ رسل لى فيديو و صور للاسكريم ده يسالنى هل جربته؟
لغاية دلوقت خبرتى فيه لا تزيد عن تلاته أربعة قرمات ؛ اتنين فانيلا و اتنين كارميل هههه وللاسف التجربة فى المضروب وليس الاصل.
للأسف لايباع فى costco بعد فى كندا لكن موجود التقليد و هو النوع الذى جربته. يعنى technically انا لسه ما جربته
| |
|
|
|
|
|
|
Re: ايسكريم ياباني يستحق التجربة Mochi ice cream (Re: النصرى أمين)
|
يا قبانى ياخ حاجة طرفها الايسكريم ، كيف تكون ممله ؟ غايتو بصراحة القرمه الأولى غريبة شوية لان الواحد ماعارف العجينة المدورة زى اللقيمات دى الواحد يقرمها و يلوكها كيف !!
لكن بعد ثوانى من القرمة الاولى و بعد لحظات من دخول اللسان فى عملية فك مكونات العجينة تبدا تدريجيا عملية المتعة الحقيقية التى تستمر لثوانى قليلة لان الاسكريم يذوب و يختفى بعد لحظات ، مما يضطر الواحد يكابس ياخد (لقيمة) او عجينة ثانية..
اما احتمالية رميها او تجاهلها فى الفريزر فهى غير واردة
| |
|
|
|
|
|
|
Re: ايسكريم ياباني يستحق التجربة Mochi ice cream (Re: النصرى أمين)
|
اهلا صلاح الكاكا فاكهة شتوية تبدا تظهر فى الاسواق (هنا) فى نوفمبر و تختفى فى مارس .
اظن تحتاج ظروف مناخية معينة ما عارف ممكن تنجح فى السودان ام لا.
طبعا هى انواع مثل معظم الفواكه ، جزء منها لا توجد فيه بذور ، نوع تانى فيه بذور سوداء كبيرة الحجم سوداء اللون ، النوع الاخير ده مر على مرة واحدة فقط ، احتفظت بكل البذور بنية اشيلها لناس الزراعة فى السودان لمحاولة تجربتها فى التربة السودانية لكن للأسف ضاع منى الكيس الذى كنت احتفظ بالبذور فيه .
تانى صعب تمر على كاكا ذات بذور لان كل المعروض فى السوق بدون.
| |
|
|
|
|
|
|
|